⁣Arrestohen dy të rinj me 60 kg kanabis në makinë, njëri "hapte" rrugën dhe njoftonte shokun

Udhëtimi i çmendur me parashutë në luginën e guximit (VIDEO)

Udhëtimi me linjën hekurudhore më të shpejtë dhe më të ngarkuar në botë

Brenda restorantit të parë nënujor

Atë e kanë zili pothuajse të gjithë, por më shumë “të çuditur” mbeten ata që nuk kanë provuar ende të ngjisin qoftë edhe një mal, e të kuptojnë atë lumturinë që do të ndiejnë duke “e pushtuar” atë. Ndonëse është 8 vjeç, e mbase siç thotë edhe gjyshja e tij, – Ladi Sulo, që të gjithë e përngjajnë me mishërimin femëror të Dashnor Dikos (i famshmi i “Bananes”) – “Markus nuk e kupton realisht se çka po bën, por kur të rritet, do falënderojë nënën e veten, duke u ndier krenar”. Maja e Jezercës, Korabi apo maja e Çikës e Shëndëllia janë disa nga arritjet e këtij “fëmije” 8-vjeçar, – atë që shumë alpinistëve, u duhen muaj stërvitjeje (një shoqatë ka disa muaj që stërvit alpinistët dhe dashamirësit e maleve me majat e larta, duke u thënë se po përgatitemi të pushtojmë malin më të lartë në Shqipëri, Korabin).

E teksa Mateo vjen e na bashkohet, pasi e thërret Iliri, ky i fundit tashmë i rritur thotë se, babait ja preu këmbën treni…ndërsa Iliri përpiqet ta fshehë pakëz historinë e tij, para syve të Mateos. “Çfarë e ke lalin?” – e pyet Iliri – “Jetë”, i përgjigjet Mateo. E ndërsa i tërheq vëmendjen Iliri që të shikojë nga kamera e pyet sërish: “Kush është lali për ty?”. “Bota ime”, ja kthen Mateo 7-vjeçar. Më pas Iliri e puth fort në ballë dhe i thotë që “është gjëja më e shtrenjtë”.

Monitimi i çadrave në zonën e Thumanës që ka qenë më e prekur nga lëkundjet sizimike.

Takimet me banorët e Thumanës të dëmtuar nga tërmeti i 26 nëntorit e kanë bindur akoma më fort Lulzim Bashën se vendi ndodhet në një krizë të thellë të gjithanëshme, që si zgjidhje të vetme, sipas tij, ka largimin e Edi Ramës.

Kreu i PD-së përcolli këto fjalë përmes video-mesazhit nga makina e tij, që tha se ishte në kthim nga Thumana.

“Vendi është në një krizë të thellë humanitare, ekonomike, sociale, politike dhe kushtetuese. Rruga për ta zgjidhur këtë krizë duhet të nisë me përpjekjet e të gjithë shqiptarëve pa dallime partiake, për të patur një qeveri të përgjegjshme. Një qeveri e cila ndihmon në kapërcimin e pasojave të tërmetit dhe bën gati të gjitha masat dhe të gjitha instrumentet për t’u ardhur në ndihmë njerëzve të goditur kaq rëndë dhe për të ndalur rrokullisjen e ekonomisë kombëtare, në një greminë edhe më të thellë. Nga zgjidhja e krizës politike, kalon edhe zgjidhja e krizës ekonomike, kalon edhe shpëtimi i dhjetëra mijëra familjeve të cilat ndodhen si asnjëherë në mëshirën e fatit”, deklaroi kreu i PD.

Ai paralajmëron se mbi rrënojat e tërmetit, Qeveria po përgatit të tjera afera korruptive.

“Jemi në një krizë humanitare, me përmasa të plota, e cila vetëm sa do të thellohet, sepse shteti nuk po vepron. Qeveria dhe kryeministri e kanë mendjen tek parada mediatike, propaganda dhe po bëjnë gati të ngrenë mbi rrënojat e tërmetit një tjetër megaaferë korruptive, vjedhje, zhvatje dhe grabitje. Kjo është sot emergjenca e vërtetë kombëtare e vendit”, thotë ai.

Basha thotë se po kthehej nga një takim ku për dy orë ishte takuar me shumë familje, që janë në gjendje të mjerueshme dhe të harruar krejtësisht nga shtetit.

“Pas një zallamahie propagande ata janë krejtësisht të harruar, të braktisur, ndërkohë që ftohja e motit dhe shirat i kanë nxjerrë jashtë përdorimit çadrat prej plastmasi, apo çadrat verore me të cilat janë pajisur një pjesë prej tyre”, vijon ai.

Panorama e paraqitur nga Basha është më shumë se e zymtë.

“Dëshpërimi mbretëron kudo, varfëria është thelluar dhe tashmë ka nisur një pasojë tjetër e tmerrshme e kësaj krize humanitare. Ka shumë fëmijë të sëmurë, ka shumë të moshuar në nevojë për kujdes mjekësor për të cilët kanë nevojë por të cilët e kanë plotësishtë të pamundur të marrin çdo shërbim aty ku janë apo të zhvendosen drejt spitaleve të Krujës, Tiranës apo të Laçit”, thotë ai.

Basha thotë se kjo është gjendja e harresës dhe e braktisjes totale të shtetit prej kartoni, e shtetit të babëzisë dhe korrupsionit që është rrëzuar kohë para se tërmeti të rrëzonte shtëpitë e banorëve të Thumanës, Durrësit, Kurbinit dhe zonave të tjera të goditura rëndë.

“Është një sfidë shumë e bukur profesionale”, thotë Neri, teksa e pyet për rolin e tij të fundmë, xhirimet e filmit të cilat po vijojnë ende, ku vijon se “nëse i madhi Sandër Prosi, bëri Ismail Bej Vlorën, i largët në kohë, ndërsa Enveri, është shumë i afërt. E mbaj mend madje kur ka ndërruar jetë. Unë kam qenë 17 vjeç dhe është një sfidë mjaft e madhe profesionale, në kuptimin aktorial”.

“Gjëja më e mirë në atë rol është se edhe regjisori nuk kishte asnjë motiv a dëshirë për mendim politik apo historik. Ne jemi artistë! Ne nuk dalim në konkluzione, por paraqesim një realitet. Edhe skenat janë tejet intime, si ajo ku në një galeri sheh një bust të vetin, në krevat duke dëgjuar lajme, në makinë kur e kapin krizat...pra janë skenat tejet njerëzore”.

A është ky gjithsesi, një fill tejet i hollë?

“Duam apo nuk duam ne, ai është një figurë historike. Nuk dua të lëndoj askënd...por duhet parë i gjithë filmi, ku asnjëherë nuk është tentuar që të pozicionohemi me atë çka kemi bërë...Mendoj se është bërë një punë shumë e mirë”.

Personalisht, si e përjetoi?

“Duke e ditur që është hera e parë që vjen figura e Hoxhës dhe e di që do ketë reagime, - e kjo është krejt normale, - por për një gjë jam i qetë që kemi dhënë më të mirën tonën, pa asnjë manipulim”.

Po subjekti?

“Është periudha kur Shqipëria prishet me rusët, pra, ndarja e madhe, e në qendër të filmit është një arkeolog shqiptar, që lidhet me një ruse që jetojnë në Gjirokastër, - e madje ku është dhënë edhe titulli i filmit. Atëherë bën Enver Hoxha edhe ndarjen nga kampi (socialist). Është tejet njerëzore, ku vendimet politike shkatërrojnë marrëdhëniet njerëzore. Edhe me regjisorin nga një bisedë me të, ai tha që unë marr shkakun nga Enveri, që bëri ndarjen...”. Pra, historia e politika, ndërhyn dhunshëm në jetën private të njerëzve...Merret me njeriun”.

Kjo ndarje dhunshme, të rikujton befas një dokumentar nga regjisorja bullgare Adela Peeva, për ndarjen e dhunshme nga kampi socialist, i meshkujve shqiptarë, të martuar me shtetase të huaja, “Albanian divorce style”.

Astriti dje paradite kishte nxjerrë qenin shetitje rreth lagjes, Zonës së Ish Bllokut për nevojat personale.

“Më ndaloi policia dhe më tha se do të më vendoste gjobë. Teksa një vajze përpara meje ia preu gjobën për të njëjtën gjë. Pasi debatova që kjo nuk është e drejtë, sepse siç i garantohen nevojat nejrëzve, u duhen garantuar edhe kafshëve siç po bën çdo vend i qytetëruar i botës në këtë emergjencë globale, duke i nënvizuar se nuk ka asnjë urdhër të shkruar se qentë nuk duhen shetitur e pasi polici këmbënguli se do të më vendoste gjobën, u detyrova ti thoja që punoj në prokurori. Atëherë i uli tonet dhe më këshilloi të mos dilja më”- tregon Astriti për ngazetën “Si”.

Në ditët e karantinës është bërë problem i madh të shetisësh qentë në kryeqytet.

Shumë qytetarë që kanë pjesë të familjes së tyre një qen në shtëpi, po ankohen rëndomë se ditët e karantinës u janë kthyer në ferr sepse nuk arrijnë dot të shetisin qentë e tyre qetësisht në orarin e lejuar deri në orën 13:00.

Vlogerja dhe sipërmarrësja e linjës së kozmetikës Scosmetic Sara Karaj, e cila ka një qen Golden Ritriver Lucky në një video që kishte postuar në story Instagram e në facebook konsideron këtë veprim të shtetit shqiptar të padrejtë, diskriminues ndaj kafshëve.

Ajo I drejtohet kryeministrit Edi Rama dhe kryebashkiakut Erion Veliaj që të marrin një vendim të drejtë për kafshët që duhet të dalin patjetër jashtë për të kryer nevojat e tyre.

Po ashtu edhe “Dog Walking And Coaching – Tirana” një biznes I krijuar nga disa veterinerë të rinj që trajnojnë, mësojnë, asistojnë psikologjikisht dhe shetisin qentë, po e gjejnë tejet të vështirë të kryejnë aktivitetin e tyre këto ditë izolimi të vendit.

Prandaj në bashkëpunim me organizatën Animals Need Me kanë krijuar një peticion për të kërkuar lejimin e shetitjes së qenve nga pronaret ose kujdestarët e tyre edhe gjatë orareve të izolimit, “për t’i ofruar miqve tanë me katër putra aktivitetin e duhur fizik dhe psikologjik me shetitje të shkurtra pranë banesave tona.”- thonë përfaqësuesit e “Dog Ëalking And Coaching – Tirana”.

Peticioni i është drejtuar: Presidentit të Republikës Z. Ilir Meta, Kryministrit të Shqipërisë Z. Edi Rama, Ministrit të Shtetit për Rindërtim Z. Arben Ahmetaj, Ministrit të Bujqësisë dhe Zhvillimit Rural Z. Bledi Çuçi, Organizatës Botërore të Shëndetit (Ëorld Health Organisation),Delegacionit të Këshillit Europian në Shqipëri, Ambasadës Amerikane në Shqipëri,Ambasadës Italiane në Shqipëri, Ambasadës Spanjolle në Shqipëri, Ambasadës Angleze në Shqipëri, Ambasadës Gjermane në Shqipëri,Ambasadës Hollandeze në Shqipëri,

Bazuar në situatën e krijuar nga epidemia globale shkaktuar prej COVID-19, citon peticioni I organizatave të kafshëve, të gjithë përshëndesim dhe mbështesim thirrjen e autoriteteve për të qëndruar në shtëpi duke eleminuar çdo kontakt social të panevojshëm, në kuadër të hapave të parandalimit të epidemisë.

Duke marrë parasysh sa serioze është situata ku ndodhemi, shumë prej nesh kanë lënë pa takuar prindër të moshuar, miq dhe të afërm të tjerë, me arsyen e një lufte të përbashket ndaj një armiku të padukshëm që mund ta mposhtim vetëm me uljen e kontaktit social.

Pavarësisht ndryshimit të rutinës sonë, ajo e cila na mban ne si qënie njerëzore të qetë dhe të sigurt që në fund gjithçka do të shkojë mirë, është arsyetimi dhe logjikimi mbi situatën. Këtë gjë nuk mund ta kerkojmë dot tek kafshët tona shtëpiake (qentë), të cilëve u duhen minimalisht 60 minuta në ditë shëtitje, duke qënë se ky është i vetmi aktivitet mendor dhe fizik, i cili i mban të qetë dhe nën kontroll.

Gjithashtu një shqetësim qëndron tek kujdesi i qenve endacak dhe menaxhimi i strehimoreve gjatë orareve të izolimit prej organizatave të mbrojtes së kafshëve në të gjithë Shqipërinë.

Bazuar tek deklaratat e Organizatës Botërore të Shëndetit dhe grupeve ndërkombëtare veterinare, qentë nuk mund të preken nga COVID-19 dhe nuk mund të jenë mbartës së tij.

Ajo që kërkojmë nëpërmjet këtij peticioni është:

– Lejimi i pronarëve/kujdestarëve për të shëtitur qenin për nevojat personale deri në 500 metra larg banesës ku ata jetojnë edhe gjatë orareve të izolimit të vendosur nga autoritet.

– Lejimi i pronarëve/kujdestarëve për të dërguar qenin tek klinikat/spitalet veterinare në urgjenca veterinare si trauma, helmime, etj. edhe gjatë orareve të izolimit të vendosur nga autoritetet.

– Pronarët/kujdestarët duhet të jenë të pajisur me maska dhe dorashka mbrojtëse gjatë shëtitjes me qenin e tyre.

– Të lejohet vetëm 1 person të dalë shetitje me qenin, ose nëse janë 2 të mbajnë një distancë 1,5 metra.

– Të mos lejohet grupimi i qenve me pronarë në parqe apo sheshe për të eleminuar kontaktet sociale që mund të kenë edhe pronarët me njëri-tjetrin.

– Pronarët/kujdestarët duhet të kenë qese me vete për të mbledhur mbetjet e qenit të tyre.

– Vullnetarët e organizatave të mbrojtjes së kafshëve, të pajisen me vertetim me shkrim dhe vulë nga organizata për t’i lejuar që të ushqejnë kafshët endacake deri në 1000 metra larg banesës së tyre gjatë orareve të izolimit, gjithmonë të pajisur me maska dhe dorashka mbrojtëse.

– Vullnetarët e organizatave të mbrojtjes së kafshëve që kanë strehimore, të pajisen me autorizim për kalim në qytet gjatë oreve të izolimit me dhe pa automjet, gjithmonë të pajisur me maska dhe dorashka mbrojtëse.

Në një komunikim që pati gazeta “Si” me Policinë e Shtetit, ajo u përgjigj se “Çdo veprim i Policisë është në zbatim të masave kufizuese për parandalinin e përhapjes së COVID-19. Cilido që është proceduar penalisht, është arrestuar apo ndëshkuar me masë administrative është në zbatim të Aktit Normativ për masat për COVID-19. Pronarët e qenve të dalin rreth lagjes së tyre, jo nëpër qytet. Të gjithë duhet të ndërgjegjësohemi për situatën dhe masat e marra janë në mbrojtje të shëndetit të të gjithëve”.

Shteti fqinj Itali në dekretin më të fundit për masat e marra ndaj parandalimit të përhapjes së mëtejshme të Covid-19, një zë të veçantë e kishte për qentë, pronarët e të cilëve duhet ti shetisin në një rreze prej 2km nga banesa e tyre.

Bizneset që janë përfshirë në listën e publikuar në e-Albania dhe që mund të hapen nga dita e hënë, duhet që brenda 24 orëve të printojnë dhe vendosin në ambientet e ushtrimit të aktivitetit të tyre një vërtetim të miratuar nga Ministria e Shëndetësisë.

Vërtetimi është javor dhe ai shërben nga data 20 deri më 26 prill dhe merret vetëm një herë. Pronarët, apo menaxherët e bizneseve në fjalë duhet ta shkarkojnë dhe më pas printojnë këtë vërtetim.

Gjenerimi i vërtetimit kryhet përmes identifikimit me anë të llogarisë së biznesit në e-Albania me anë të NIPT-it, ku pas hyrjes shfaqet shërbimi “vërtetim për aktivitet ekonomik të hapur”. Bizneset që nuk kanë një llogari në e-Albania duhet ta hapin atë në mënyrë që të tërheqin vërtetimin.

Në momentin që klikohet tek butoni “Përdor” i shërbimit për vërtetimin e aktivitetit ekonomik të hapur shfaqet automatikisht mesazhi nëse subjekti lejohet, ose jo të hapë qepenat në këtë periudhë. Më pas, përmes butonit “Dërgo” vërtetimi shkon po automatikisht në adresën e postës elektronike të biznesit që është regjistruar në e-Albania.

Ndërkohë, bashkë me vërtetimin u vihet në kujtesë të gjitha bizneseve që të respektojnë protokollet e sigurisë, si distanca, maskat, dorezat dhe dezinfektantët.

Presidenti Ilir Meta u uroi fundjavë të mbarë të gjithë ndjekësve të tij në rrjetet sociale përmes një videoje të shkurtër.

Në video, kreu i shtetit shfaqet duke drejtuar një makinë korrëse bari, duke qenë se ashtu si pjesa tjetër e shqiptarëve këtë fundjavë duhet ta kalojë mbyllur në shtëpi.

Abuzimi i 17-vjeçares në Fushë-Krujë, Policia arreston të kërkuarin e fundit

Turqia thotë se organizata FETO, të cilën e fajëson për grushtin e shtetit të vitit 2016 është ende e pranishme në Shqipëri dhe paralajmëron për rrezikshmërinë, që sipas Ankarasë, paraqet.

Paralajmërimi u bë nga Presidenti i Asamblesë Kombëtare turke, Mustafa Sentop, që vizitoi Shqipërinë këtë të enjte me ftesë të kreut të Kuvendit, Gramoz Ruçi. Në deklaratat para mediave, vetë Gramoz Ruçi nuk e ceku këtë çështje, por ishte homologu i tij turk ai që foli për FETO-n.

“Fola edhe për aktivitetin e organizatës terroriste FETO, që ndërmori grushtin e shtetit në vendin tonë. Ashtu si në vende të ndryshme të Ballkanit, kjo organizatë terroriste është prezente edhe në Shqipëri”, tha Sentop.

Kryeparlamentari turk paralajmëroi rrezikshmërinë, që sipas tij, paraqet kjo organizatë, ndërsa tha se Turqia vetë ja ka dalë mbanë që të eleminojë.

“Është një organizatë që nuk kurseu dhe bombardoi Parlamentin e Turqisë gjatë seancës plenare. Në turqi, kjo organizatë është eleminuar në masë të madhe të konsiderueshme”, u shpreh ai.

Sentop thotë se objektiv i aktivitetit të kësaj organizate nuk është vetëm Turqia, ndërsa renditi edhe aktivitetet pas të cilave maskohet, sipas tij.

“Nuk është vetëm Turqia objektiv i kësaj organizate terroriste tinëzare. Kjo organizatë, ky grup terrorist për të realizuar qëllimet e veta e maskon aktivitetin me institucionet arsimore, shëndetësi, media dhe shoqata dhe fondacione të ndryshme. Është një rrezik për vendet ku është aktive”, tha ai.

Megjithatë, në fund kreu i Parlamentit turk u shpreh se Turqia nuk do të lejojë që FETO “të helmojë marrëdhëniet mes dy vendeve”.

⁣Procesi i numërimit të votave në Kosovë po shkon drejt fundit. Sipas tabelave të publikuara nga Komisioni Qendror i Zgjedhjeve, kur janë numëruar mbi 98 për qind e tyre, Vetëvendosje kryeson me 48.17 për qind e tyre, ndjekur më pas me radhë nga PDK, LDK dhe AAK.

Aktualisht janë duke u numëruar votat me postë dhe votat me kusht. Pas Vetëvendosjes PDK ka marrë 17.3 për qind dhe LDK 13.1 për qind. E treta renditet AAK me 7.4 për qind.

Nisma e Fatmir Limajt nuk e ka kapur pragun prej 3 për qind për të hyrë në Kuvend. Të gjitha partitë politike e uruan Vetëvendosjen për fitoren, ndërsa procesi është vlerësuar si shembullor nga Ambasada Amerikane në Prishtinë.

“Ky referendum për drejtësi, punë dhe kundër kapjes së shtetit dhe korrupsionit, u fitua. Është diçka e pashembullt në Kosovën e pasluftës”, tha Kurti në një konferencë për media të dielën mbrëma.

Ai u zotua se qeveria e tij nuk do të hakmerret me askënd, por do të kërkojë llogaridhënie. Lideri i LVV-së tha se fitorja “është vetëm mundësia për të filluar ndryshimin që e duam. Na presin shumë punë dhe shumë angazhim sepse vendi është në kriza të shumëfishta”.

Kurti falënderoi kundërshtarët për garën e drejtë dhe i ftoi që të reformohen. I pyetur për mundësinë e koalicioneve, sipas tij, rezultati zgjedhor sugjeron se ata mund të krijojnë vetë qeverinë.

“Ky rezultat tani ne na e konfirmon se nuk kemi nevojë, e nuk kemi interes për ata që duhet të reformohen në opozitë”, theksoi Kurti.

Ndërkaq, Vjosa Osmani, që garon për postin e Presidentes tha se fitorja në zgjedhje nënkupton punën në përmirësimin e mirëqenies së qytetarëve dhe në punën për luftimin e korrupsionit.

“Misioni ynë mbetet fuqizimi i shtetësisë sonë dhe rrugëtimi drejt anëtarësimit në strukturat atlantike si dhe miqësia jonë e përhershme me Shtetet e Bashkuara të Amerikës”, tha Osmani.

Partia Demokratike e Kosovës, që ka dalë e dyta dhe Lidhja Demokratike e Kosovës, që është e treta, kanë deklaruar se do të qëndrojnë në opozitë. Por, Aleanca për Ardhmërinë e Kosovës, që sipas rezultateve preliminare radhitet e treta, ka thënë se nuk ka vija të kuqe për asnjë parti, sa i përket koalicioneve të mundshme qeverisëse.

Kandidati për kryeministër i Lidhjes Demokratike të Kosovës Avdullah Hoti, tha nga ana tjeter se Kosova ka përmbyllur një proces të rregullt zgjedhor. Sipas tij, kjo tregon për kulturën demokratike që është vendosur në procese zgjedhore, që siç thotë Hoti, është përmbushje e standardeve evropiane.

Ai thotë se pret që Komisioni Qendror i Zgjedhjeve të përmbyllë sa më parë procesin e numërimit të votave dhe certifikimit të rezultateve, që t'i hapet rrugë themelimit të institucioneve të reja të vendit. Qeveria në detyrë, shtoi Hoti, do të kujdeset për mbarëvajtjen e punëve deri në zgjedhjen e qeverisë së re nga Kuvendi i Republikës së Kosovës.

“Rezultatet preliminare janë krejt tjera prej atyre që kemi pritur. Prandaj, unë e marrë përgjegjësinë e plotë për këtë rezultat zgjedhor të LDK-së. Në ditët në vijim do të diskutojmë gjerësisht me organet e LDK-së për këtë. Në emër të LDK-së ne do të jemi mbrojtës të pa kompromis të demokracisë dhe të orientimit properëndimor, duke qenë opozitë konstruktive në interes të shtetit të Kosovës”, tha Hoti.

Ndërkohë, kryetari i LDK-së, Isa Mustafa në një postim në Facebook, ka shkruar se në ditët në vijim, do të bëjnë një analizë të thellë të zgjedhjeve.

“Z. Hoti ka bërë një punë të shkëlqyeshme si kryeministër, por edhe gjatë fushatës. Çfarëdo të jetë, LDK e respekton rezultatin e zgjedhjeve”, ka shkruar Mustafa.

Partia Demokratike e Kosovës ka uruar nga ana tjetër Kurtin për fitoren, por paralajmëroi se nuk do të formonte një qeveri me Vetëvendosjen. Ushtruesi i detyrës së kryetarit të Partisë Demokratike të Kosovës, Enver Hoxhaj dhe kandidati i kësaj partie për kryeministër ka bërë të ditur se partia e tij, nuk do të jetë pjesë e qeverisë.

“PDK-ja nuk do të jetë pjesë e qeverisë me Lëvizjen Vetëvendosje, pasi që kemi dallime të mëdha në orientimet tona politike dhe nuk bëjmë kompromis me vlerat mbi të cilat është ndërtuar dhe në të cilat qëndron PDK-ja. Kosova ka nevojë për stabilitet dhe ne zotohemi që do të jemi faktor i stabilitetit si parti në opozitë ”, tha Hoxhaj në një konferencë për media.

⁣Meta kujton 2 marsin: Kur Qeveria ka frikë nga populli...

Kreu i shtetit kthehet një vit pas në kohë, duke risjellë pamjet nga mitingu i 2 marsit të vitit të kaluar për të përcjellë me zë dhe figurë dhe ndoshta për t’i rikujtuar popullit dhe Qeverisë një mesazh të përcjellë në atë kohë.

“Kur populli ka frikë nga qeveria aty ka tirani. Kur qeveria ka frikë nga populli, aty ka liri! Aty ka drejtësi!”, thotë Meta.

⁣Në Qerret, pushuesit braktisin plazhin nga shiu dhe moti i keq

⁣Basha: Ja kompanitë me të cilat Rama ndan paratë

Diskutimet në komisionet parlamentare të projektbuxhetit për vitin 2022 u shoqëruan me jo pak tension e përplasje mes mazhorancës dhe opozitës. Përlasjet nisën që në Komisionin e Ekonomisë.

Shqetësimi i ngritur nga deputetët e Partisë Demokratike lidheshin me pagesat e parashikuara për koncesionet në tërësi dhe sidomos për koncesionin e incineratorëve në veçanti. Në lidhje me pagesat totale të parashikuara për koncesionet, deputetja e PD, Jorida Tabaku tha se ato ishin më të lartat ndër vite.

“Shpenzimet e vitit 2022 do të jenë më shumë se sa 27% e PBB që është vlera më e lartë në mbi 20 vite. Por kjo rritje do të shkojë për PPP-të të cilat do t’i kushtojnë buxhetit thuajse 2 mld euro. Shpenzimet kapitale janë 58 mln euro dhe këtu nuk është përfshirë rindërtimi dhe kanë një rënie me 10% në raport me vitin 2021”, tha Tabaku.

Ajo akuzoi se janë parashikuar të kryhen pagesa për privatët për shërbime që ata nuk i kanë ofruar dhe nuk i ofrojnë. Deputetja e PD renditi shtatë koncesione dhe mes tyre foli edhe për shërbimin e infrastrukturës së çelësave publikë që, sipas saj, japin me koncesion fiskalizimin me vlerë 208 mln lekë

Akuza u hodh poshtë nga ministrja e Financave, Delina Ibrahimaj, ndërsa paraardhësja e saj, Anila Denaj i ndau pagesat sipas zërave. Mes tyre ajo përmendi edhe koncesionin e skanimit në dogana, i dhënë që në kohën e qeverisë së Partisë Demokratike.

Në këtë moment ndërhyrja pa mikrofon e Jorida Tabakut ka shkaktuar tension në sallë, ku në debat është përfshirë edhe deputeti Erion Braçe. Përplasja detyroi kryetarin e Komisionit, Eduard Shalsi që ta ndërpresë mbledhjen.

Ish-ministrja Denaj hodhi poshtë akuzat se pagesat nuk po kryhen për marrjen e shërbimeve. Ajo përmendi koncesionin e Rrugës së Arbrit dhe atë të Check Up në shëndetësi, ku tha se do të marrin shërbim 800 mijë qytetarë.

Pas Komisionit të Ekonomisë, përplasja u zhvendos në Komisionin e Ligjeve. Këtu, opozita ngriti shqetësimin për paratë që do të paguhen për incineratorët.

“Keni parashikuar në buxhet se nga 2 PPP-të, bëhet fjalë për dy inceneratorët Elbasani dhe Fieri keni parashikuar se në vitin 2022 do të jepni, 18 milionë euro. Për Fierin kujtoj që në vitin 2020, në shtator, Rama për Fierin tha opublikisht, në shjetor 2020 përfundon inceneratori i Fierit dhe dhe do të fillojë nga puna. Një nga plagët më të mëdha që ka ai qytet. Muajin e kaluar Fieri u helmua, si edhe Lushnja. Në buxhetin që keni prezantuar keni parashikuar 18 milionë euro të tjera. Sa janë këto para të tjera që gllabëron inceneratori i Fierit, djeg para, jo plehra dhe cila është arsyeja për sa kohë kryeministri ka thënë se ka përfunduar investimi. Për çfarë jepen?”, ishte njëra prej pyetjeve të ngritura nga nënkryetari i PD, Enkelejd Alibeaj.

Ministria e Financave u përgjigj duke deklaruar se ajo nuk përfshihet te detajet teknike dhe deklaratat publike, por përqëndrohet te shkresat zyrtare dhe zbatimi i kontratave koncesionare të nënshkruara me palën private.

Sa u takon akuzave se për 2022, qeveria parashikon shifrën më të lartë ndër vite për pagesat e koncesioneve, ministrja Delina Ibrahimaj i hodhi poshtë. Ajo tha se pagesat janë parashikuar në nivelin 13.8 miliardë lekëve, ndërsa 2021 pritet që të mbyllet me 14.5 miliardë lek.

Vizita e Papa Françeskut në Greqi nuk shkoi e gjitha e qetë. Kreu i kishës katolike u prit me protestën individuale të një prifti ortodoks grek.

“Papa, je heretik! Ti je një heretik”, iu drejtua prifti ortodoks grek, që më pas u largua nga policia dhe forcat e sigurisë që ndodheshin aty.

Me protesta Papa u prit edhe gjatë ndalimit në Qipro. Që prej ndarjes së madhe, të vitit 1054 dy kishat kanë qenë në përplasje me njëra-tjetrën se cila është në rrugën e drejtë dhe cila jo. Këto përplasja kanë çuar deri edhe në konflikte të armatosura përgjatë historisë 1-mijëvjeçare të ekzistencës së dy kishave.

Ndërkohë, Papa Françesku përcolli edhe në Athinë mesazhin e rrezikut që po i kanoset njerëzimit për shkak të populizmit dhe nacionalizmit.