Përmbyllja e reformës zgjedhore brenda 15 marsit, afati që i kanë vendosur vetes mazhoranca dhe opozita në Këshillin Politik vihet në pikëpyetje. Shkak është bërë një propozim i Partisë Demokratike për përjashtimin përkohësisht nga procesi i vettingut i gjyqtarëve që do të zgjidhen pjesë e trupës së Kolegjit Zgjedhor, që do të shqyrtojë ankesat për procesin e zgjedhjeve.

Demokratët thonë se me këtë propozim përmbushin një prej rekomandimeve kryesore të ekspertëve të ODIHR.

“Aktualisht është e pamundur që trupa gjyqësore për zgjedhjet të jetë e pandikuar dhe jashtë presionit të vettingut, siç kërkon ODIHR, pasi procesi nuk ka një radhë të fiksuar se kush gjyqtar kalon më vetting, duke bërë që të gjithë të jenë të ekspozuar ndaj vendimit të papritur të Komisionit të Vettingut, ndërkohë që gjyqtari mund të jetë duke marrë një vendim të rëndësishëm për zgjedhjet”, thotë PD.

Por, përse PD nuk propozon që Kolegji Zgjedhor të përbëhet vetëm nga gjyqtarë të Apelit që kanë kaluar vettingun? Së pari, Oerd Bylykbashi tha se numri i këtyre gjyqtarëve është i pakët dhe së dyti shqetësimi i hershëm i opozitës se procesi i vettingut po shfrytëzohet nga Edi Rama si mekanizëm për të kërcënuar gjyqtarë e prokurorë dhe për të kapur drejtësinë.

“Së pari, numri i gjyqtarëve që kanë kaluar vettingun është shumë i vogël dhe së dyti është një proces thelbësisht problematik. Kemi rastin e gjyqtarit Dvorani, që megjithëse nuk justifikon 100 mln lekë e kaloi vettingun dhe askush nuk e ankimoi atë vendim të turpshëm, që bëri më pas të mundur të gjithë këtë që kemi sot”, deklaroi Bylykbashi.

Megjithatë, Partia Demokratike nuk e përjashton vettingun për këta gjyqtarë, por me propozimin e vet u jep një imunitet të përkohshëm 4-vjeçar, aq sa është edhe mandati i Kolegjit Zgjedhor, me qëllim që vettingu të mos mund të përdoret si mjet presioni i mazhorancës ndaj këtyre gjyqtarëve në momentin që janë duke shqyrtuar një ankesë të mundshme zgjedhore.

PD thotë se kjo nuk është pengesë për procesin e vettingut në tërësi, pasi numri i gjyqtarëve që do të përjashtoheshin përkohësisht nga ky proces është mjaft i vogël. Në varësi të ndryshimeve që do të ndodhin në Kodin Zgjedhor, opozita e përllogarit këtë numër nga 8 deri në 15 gjyqtarë, sipas formulës që do të bien dakord palët për përbërjen e këtij institucioni. Këto shifra, PD thonë se përbëjnë nga 2 deri në 4 për qind të gjyqtarëve në rang vendi.

PD dhe opozita propozojnë që vetingu për këta gjyqtarë të nisë me mbarimin e mandatit 4 vjeçar në gjykatën e zgjedhjeve. Sipas llogarive të opozitës, moratoriumi prek një numër të papërfillshëm të gjyqtarëve 2-4% të tyre, në varësi të numrit të anëtarëve të kësaj trupe 8 ose 15.

Kodi Zgjedhor aktual përcakton se anëtarët e Kolegjit Zgjedhor zgjidhen me short nga radhët e gjyqtarëve të apelit në të gjithë vendin. Këta gjyqtarë janë në listën parësore të organeve të vettingut, që për opozitën do të thotë se janë edhe nën presionin e vazhdueshëm. Për këtë, PD propozon edhe zgjerimin e bazës së gjyqtarëve që mund të bëhen pjesë e Kolegjit edhe me gjyqtarët e gjykatave të Shkallëve të Para në të gjithë vendin, me kusht që të kenë të paktën 7 vite përvojë në punë.

Propozimi i dytë ka marrë pëlqimin e socialistëve, por jo propozimi i parë, pra ai i përjashtimit përkohësisht nga procesi i vettingut i gjyqtarëve që zgjidhen anëtarë të Kolegjit Zgjedhor. Damian Gjiknuri konfirmoi deklaratën e Oerd Bylykbashit në lidhje me reagimin e socialistëve për këtë propozim. Para mediave ai tha se do të ishte antikushtetuese që të ndalohej procesi i vettingut.

“Nuk mund të vendosim në pikëpyetje të gjithë reformën në drejtësi. Ne jemi gati të gjejmë kompromis, por duke respektuar parimet kushtetuese dhe jo hallet që kemi me reformën në drejtësi t’i kthejmë në tryezë. Nuk duket normale që procesi i vettingut të bllokohet për shkak të formimit të Kolegjit Zgjedhor. Mund të ishte më e arsyeshme që gjyqtarët që kanë kaluar vettingun të jenë pjesë e procesit për Kolegjin Zgjedhor. Pse mos të jenë ata shporta nga e cila të përzgjidhet?! Kushtetuta ka përcaktuar detyrimin që çdo gjyqtar të kalojë në vetting dhe kjo nuk mund të pezullohet”, deklaroi përfaqësuesi socialist në Këshillin Politik, Damian Gjiknuri.

Me gjithë këto ndasi në mes, 15 marsi si afat për përfundimin e reformës zgjedhore, i vënë si qëllim në vetvete nga të dyja palët, duket shumë i afërt. Përveç ndasisë për përbërjen e Kolegjit Zgjedhor, palët publikisht janë shfaqur larg dakordësisë edhe në lidhje me disa propozime të tjera të PD-së, mes të cilave edhe ai për qeverinë tranzitore dhe për drejtor të ri të Policisë së Shtetit 100 ditë para zgjedhjeve.

Kolegji aktual zgjedhor përbëhet nga 8 gjyqtarë të Gjykatave të Apelit, por vendimmarrjet për 30 qershorin janë kryer vetëm nga gjashtë prej tyre. Tomor Skreli u dorëhoq para vettingut, ndërkohë që Gjin Gjoni ishte me leje lindjeje 1-vjeçare. Mandati i këtij kolegji përfundon këtë vit dhe po këtë vit duhet të hidhet shorti për përbërjen e kolegjit të ri, që mbetet për t’u parë nëse do të jetë me 8, apo 15 anëtarë, apo me një shifër ndërmjet këtyre dyjave.

Nga propozimi i Partisë Demokratike për moratorium 4-vjeçar për anëtarët e këtij Kolegji mund të përfitojnë “imunitet” të përkohshëm ndaj vettingut emra gjyqtarësh si Gjin Gjoni, Fatmira Hajdari, apo Alaudin Malaj, gjithmonë nëse shorti do t’u buzëqeshë dhe të zgjidhen anëtarë të këtij kolegji.

Prindërit e nxënësve të gjimnazit “Janaq Kilica” në qytetin e Fierit, ku një ditë më parë u helmuan 60 gjimnazistë kanë hyrë me forcë në ambientet e shkollës këtë të enjte duke penguar mësimin.

Ata kërkojnë garanci për jetën dhe shëndetin e fëmijëve të tyre, pasi edhe mëngjesin e sotëm dy gjimnazistë shfaqen probleme me frymëmarrjen si pasojë e helmimit, pasi një nxënëse u dërgua në urgjencë për shkak të vështirësive me frymëmarrjen.

Mbetet e paqartë nëse problemet e dy të rinjëve janë pasojë e helmimit me spraj ditën e mërkurë, apo ambientet e shkollës janë të paajrosura ende dhe me gjurmë të gazit që dyshohet se është përdorur nga dy adoleshentë me inicialet A.M. dhe A.H., që të dy 15-vjeç.

Ndërkohë, ndaj dy të adoleshentëve që dyshohet se përdorën gazin helmues policia ka nisur procedimet penale. Burime të gazetës “Si” pohojnë paraprakisht se nga dëshmitë e para të dhëna prej tyre edhe në prani të psikologut 15-vjeçarët fillimisht e kanë mohuar autorësinë, ndërsa më pas e kanë pranuar duke deklaruar se gjithçka e kanë bërë me shaka dhe të pavetëdijshëm për pasojat që mund të shkaktonte spraji helmues që kanë hedhur në drejtim të bashkëmoshatarëve të tyre.

Prindërit e nxënësve të gjimnazit “Janaq Kilica” në qytetin e Fierit, ku një ditë më parë u helmuan 60 gjimnazistë kanë hyrë me forcë në ambientet e shkollës këtë të enjte duke penguar mësimin.

Ata kërkojnë garanci për jetën dhe shëndetin e fëmijëve të tyre, pasi edhe mëngjesin e sotëm dy gjimnazistë shfaqen probleme me frymëmarrjen si pasojë e helmimit, pasi një nxënëse u dërgua në urgjencë në gjendje të fikti.

Mbetet e paqartë nëse problemet e dy të rinjëve janë pasojë e helmimit me spraj ditën e mërkurë, apo ambientet e shkollës janë të paajrosura ende dhe me gjurmë të gazit që dyshohet se është përdorur nga dy adoleshentë me inicialet A.M. dhe A.H., që të dy 15-vjeç.

Por, drejtorja e Zyrës Arsimore të Fierit, Yllka Beci thotë se vajza në fjalë nuk kishte humbur ndjenjat për shkak të helmimit, por për një tjetër arsye. “A mund të them një gjë si nënë, si prind, si motër jashtë kamerave?! Vajza është shtatzënë”, deklaroi ajo.
Ndërkohë, ndaj dy të adoleshentëve që dyshohet se përdorën gazin helmues policia ka nisur procedimet penale. Burime të gazetës “Si” pohojnë paraprakisht se nga dëshmitë e para të dhëna prej tyre edhe në prani të psikologut 15-vjeçarët fillimisht e kanë mohuar autorësinë, ndërsa më pas e kanë pranuar duke deklaruar se gjithçka e kanë bërë me shaka dhe të pavetëdijshëm për pasojat që mund të shkaktonte spraji helmues që kanë hedhur në drejtim të bashkëmoshatarëve të tyre.

Në mungesë të një shpjegimi shkencor bindës mbi prejardhjen e koronavirusit të ri teoritë që gëlojnë se nga mbiu virusi që ka shkaktuar pandemi në të gjithë botën dalin edhe përtej Tokës.

Një astrobiolog britanik ka hedhur së fundmi idenë se koronavirusi i ri është alien. Ai thotë se virusi është impotuar në tokë nga një meteor që goditi Kinën në provincën Hubei në muajin tetor të vitit të kaluar.

Profesori Chandra Wickramasinghe nga Qendra e Astrobiologjisë në Buckingham thotë se shpërthimi i meteorit shpërndau në hapësirë “copëza virale”.

“Shpërthimi i beftë i koronavirusit të ri me gjasa ka një lidhje me hapësirë. Dy janë hipotezat e guximshme që hedh Ëickramasinghe. E para, thotë ai, është që virusi të jetë bartur për vite me radhë nga meteori në hapësirë dhe e dyta që meteori ta ketë marrë atë nga rrymat ajrore në pjesën e sipërme të atmosferës së Tokës, për ta përplasur në Kinë.

Meteori në fjalë goditi Kinën veri-lindore në datën 11 tetor të 2019-ës.

“Ne e vlerësojmë shumë seriozisht mundësinë që shpërthimi në sipërfaqen e tokës të ketë hedhur në atmosferë triliarda copëza virale, që më pas u përhapën në formën e pluhurit karbinik.

Teorinë e tij, profesor Ëickramasinghe e përforcon me rastësinë se shpërthimi i parë i epidemisë u vu re pikërisht në rajonin më të afërt të populluar pranë vendit ku ra meteori.

Por, si i mbijetoi koronavirusi i ri nxehtësisë prej mijëra gradë celcius që është shpërthyer si pasojë e fërkimit të meteorit me atmosferën e Tokës? Astrobiologu Wickramasinghe e shpjegon edhe këtë.

“Forma bazë e virusit ka mbijetuar në bërthamen e meteorit, që është shkatërruar gjatë përplasjes. Përplasja e ka ndihmuar virusin që të çlirohet në hapësirë. Ne besojmë se agjentë të panumërt infektues janë në gjendje që t’u mbijetojnë kushteve ekstreme të hapësirës dhe që hyjnë në Tokë përmes troposferës. Këta agjentë, besojmë ne, kanë shkaktuar në të shkuarën epidemi të shumta mes njerëzve”, thotë ai.

Megjithatë, pjesa më e madhe e ekspertëve e hedhin poshtë këtë teori. Ata thonë se nëse koronavirusi i ri do të ishte një agjent alien për Tokën, atëherë ai nuk do të kishte ngjashmërinë e madhe që ka me viruset e tjera të së njëjtës familje, si SARS-i, apo MERS-i.

Nis izolimi, ushtria del ne rruge

Për të dytën ditë me radhë numri i rasteve të reja me të infektuar me Covid-19 nuk kalon 10 persona. Ministria e Shëndetësisë njoftoi se në 24 orët e fundit janë regjistruar 9 raste të reja dhe po 9 persona konsiderohen të shëruar.

Rastet e reja janë identifikuar në dy vatra që konsiderohen të nxehta sa i përket infeksionit. Pesë janë në Tiranë dhe katër të tjerat janë në rrethin e Krujës. Instituti i Shëndetit Publik tha se këto raste ishin të vetmet që rezultuan pozitivë nga 245 testime që ishin kryer në 24 orët e fundit.

Në total, numri i të infektuarve aktivë, ISHP tha se janë 263, ku vetëm 33 prej tyre janë të shtruar në spital. Nga pjesa që është shtruar në Spitalin Infektiv dhe në Spitalin Shefqet Ndroqi shtatë pacientë janë në terapi intensive.

Numri i rasteve të përgjithshme me Covid-19 në Shqipëri shkoi në 782, ndërsa persona që konsiderohen si të shëruar janë 488 të shëruar.

Dhjetra qytetarë janë mbledhur në Bulevardin kryesor të Tiranës në shenjë proteste kundër shembjes së Teatrit Kombëtar.

Qytetarët janë vendosur përballë forcave të shumta policore që kanë bllokuar hyrjen në pedonalen, që të çon në sheshin e Teatrit, ndërkohë që nuk kanë munguar edhe përplasjet fizike mes dy palëve.

Mes protestuesve janë edhe ish-deputetët të opozitës dhe përfaqësues të shoqërisë civile.

I ri, agresiv, ambicioz dhe me shpesh me vetëbesim në kufijtë e arrogancës, aq sa para zgjedhjeve të 30 gushtit ishte gati të vinte dorën në zjarr se ai dhe lëvizja “URA” që drejton do të përcaktonte Qeverinë e re. Dritan Abazoviç ka profilin e një politikani të pashoq në Ballkan.

I lindur në Ulqin, 35-vjeçari ja doli mbanë që pasi e gërreu për vite me radhë pushtetin e Milo Gjukanoviçit, pushtet i akuzuar se është ngritur mbi korrupsionin, lidhjet me krimin e organizuar dhe nepotizmin për vite me radhë ta rrëzonte atë, duke realizuar atë që s’e ka bërë njeri në Mal të Zi në tre dekada.

Se deri ku shtrihen kufijtë e ambicies së Dritan Abazoviçit e tregon koha e shkurtër me të cilën ngriti karrierën e tij politike nga aktivist i përfshirë në lëvizjet qytetarë serbo-malazeze në “kingmaker”. Ai refuzon edhe sot që të cilësohet politikan, pasi me këto fjalë identifikon klasën e vjetër të udhëheqësve malazezë, që i akuzon si të korruptuar dhe të lidhur me krimin e organizuar.

Por, me “piruetat” e bëra në harkun kohor të pesë viteve e kanë bërë më shumë se politikan. 35-vjeçari duket se ka gjetur formulën e një ekuilibri që deri para tij konsiderohej i paarritshëm; të bëjë bashkë malazez, serbë dhe shqiptarë.

Malazezët e lodhur nga sundimi 30-vjeçar i Milo Gjukanoviçit i joshi me guximin e treguar me akuzat që bënte publike, si në rastin kur e akuzonte, në atë kohë Kryeministër, se kishte futur në xhepat e kompanive të zotëruara prej tij miliona dollarë para të taksapaguesve malazezë.

Në atë kohë nuk i kishte mbushur ende 30 vjeç dhe deputet i partisë “Mali i Zi Pozitiv”. Pati guximin që t’i drejtohej Gjukanoviçit në sallën e Parlamentit për një skandal për të cilin të gjithë kolegët ishin në dijeni, por askush nuk e përmendte publikisht. Nga akuzat e tij, Milo Gjukanoviç e humbi durimin dhe në debat e sipër i kthehet duke i thënë “Turp të kesh! Faqezi!”, duke nënkuptuar se 35-vjeçari kishte tradhtuar elektoratin shqiptar.

Pikërisht përplasja e fortë me Gjukanoviç u hamendësua më vonë edhe si shkak i përçarjes së partisë “Mali i Zi Pozitiv”. Abazoviç, së bashku me disa drejtues serbë të kësaj partie kërkonin një ballafaqim të drejtpërdrejtë dhe agresiv me Gjukanoviçin, deri në rrëzimin e tij. Kjo binte ndesh me “pragmatizmin” e shumicës në këtë fraksion politik, që çoi në largimin e Abazoviçit dhe themelimin prej tij dhe një grupi bashkëpunëtorësh serbë dhe malazezë të lëvizjes qytetare “URA”.

Programi i “URA”-s përafron më shumë me programin e social-demokratëve të Gjukanoviçit. Megjithatë, Abazoviç orientoi katër mandatet e fituara drejt nacionalistëve malazezë dhe partive serbe, në një lëvizje që më shumë se parimore duket se është kushtëzuar nga basti që i riu i kishte vënë vetes për të rrëzuar Gjukanoviçin. Qeveria e re do të ngrihet me ekspertë, sipas kushtit të vendosur prej tij, duke e lënë politikën në Parlament.

Jo aq e papritur

Zgjedhja e bërë prej Dritan Abazoviçit ka lënë jo pak të habitur. Edhe vetë koalicioni nacionalist e proserb, të paktën publikisht, nuk e ka pritur këtë. Por, kjo lëvizje nuk duket edhe aq e papritur për profilin e 35-vjeçarit, që noton prej më shumë se një dekade në ujërat shpesh të trazuara të politikës malazeze.

Me deklaratat dhe qëndrimet e mbajtura në të shkuarën ai ka synuar gjithmonë që të dalë mbi të gjitha etnitë në Mal të Zi. Nuk e kërkoi asnjëherë votën e shqiptarëve si shqiptar, ndoshta duke llogaritur peshën e vogël elektorale dhe përçarjen e madhe të tyre. Por, fitoi besimin e malazezëve të lodhur nga regjimi i Gjukanoviçit dhe simpatinë e serbëve me disa deklarata kontraverse.

Mes tyre është edhe deklarata e bërë për Skënderbeun, me rastin e vendosjes së monumentit të tij në qytetin e Ulqinit, vendlindja e Dritan Abazoviçit. Deklaronte me bindje se Ulqini nuk kishte nevojë për një monument të tillë, por zhurmën e shkaktoi kur nënkuptoi se Skënderbeu ishte serb.

“Edhe fëmijët në çerdhe e dinë që ata që kanë baba dhe mama serbe, nuk mund të jenë shqiptarë”, u përgjigjej ai akuzave që i vinin nga shqiptarët e Malit të Zi dhe jo vetëm mbi një deklaratë të bërë në televizionit malazeze se Skënderbeu ishte serb.

Deklarata e tij nuk ishte e pallogaritur. Ajo mbërrinte pak kohë pasi opozita proserbe e akuzonte se kishte për qëllim përçarjen e elektoratit serb dhe për sulme ndaj Kishës Serbe të Malit të Zi. Me këtë deklaratë ja doli mbanë që të qetësojë serbët, por ndoshta edhe t’i përçajë ata, duke siguruar një grusht të mirë votash në zgjedhjet e fundit.

Qëndrimet dashamirëse ndaj serbëve i përforcoi me bërjen publike të idesë së tij për marrëdhëniet me Serbinë dhe për ligjin e miratuar nga Gjukanoviç që sekuestron pronat që kleri fetar në Mal të Zi nuk është në gjendje që të provojë me dokumentacion zotërimin e tyre historik. Abazoviç premton shfuqizimin e këtij ligji dhe kalimin e një ligji tjetër për lirinë e besimit fetar, që premton se do të jetë “i standardeve europiane”.

Po ashtu, në një deklaratë të bërë jo shumë kohë më parë shprehej se Mali i Zi duhet të përpiqej që të ndërtonte politika të fqinjësisë së mirë me të gjithë fqinjët e vet, por sidomos me Serbinë që e shihte si “më të afërt”.

⁣Ish-prima balerina në New York Marta Gonzales me alzhaimer teksa dëgjon në kufje "Liqenin e mjelmave", nis e kërcen. Videoja është bërë virale teksa ish-balerina përkujtohet në njëvjetorin e largimit të saj nga jeta.

⁣
108 vite pas shpalljes së pavarësisë, Flamuri i Shqipërisë valëvitet në çdo cep të botës përmes misioneve të Forcave të Armatosura në kuadërt të NATO-s.

⁣Slogani i Ramës: Nuk ka kohë për pushim

Kryeministri Edi Rama hoqi një paralele mes firmave piramidale të mesviteve ’90 dhe programit qeverisës të Partisë Demokratike.

Krahasimi u hoq gjatë një takimi elektoral që kryesocialisti zhvilloi në qytetin e Peshkopisë.

“Një farë Rrapush Xhaferri bridhte rrugëve të Shqipërisë me autokolona me makina, bori, me britma dhe ndalonte nëpër rrugë ku e prisnin me këngë e valle. U thoshte unë erdha ta bëj jetën fushë me lule...më jep një e të jap dy”, tha Rama.

Kryeministri njohu vështirësitë me të cilën përballet qytetarët shqiptarë, por tha se rruga e nisur nga qeveria e tij është e vetmja mundësi. Ai kërkoi mandatin e tretë duke renditur mes investimeve Rrugën e Arbrit, ndërsa premtoi se do të vazhdojë të nxisë agro-turizmin dhe biznesin e vogël.

Lulzim Basha është i bindur se opozita do ta përmbysë rezultatin, thotë se deri më tani janë hapur kutitë në zonat bastion të Partisë Socialiste dhe akuzon PS se po bllokon procesin e numërimit në bastionet e Partisë Demokratike.

“Derisa janë ndëshkuar në ato që i konsideronin si bastione, ne presim që fitorja e Aleancës për Ndryshim të konfirmohet në të gjithë vendit. U bëj thirrje t’i lënë lojërat, të vazhdohet numërimi, sepse vullneti i popullit është në ato kuti. Numërimi do të bëhet në mënyrë strikte. Unë jam i bindur se në fund të këtij numërimi fitorja do të jetë e prekshme”, tha Basha.

⁣Momenti kur policia spanjolle arreston trafikantët shqiptarë të drogës

Me dakordësinë e gjetur për përbërjen e komisioneve të përhershme parlamentare dhe zgjidhjen e ngërçit mes PD e LSI-së për ndarjen e vendeve në këto komisione, seanca e kësaj të enjte në Kuvend parashikohej pa debate.

Por, ndodhi sërish e kundërta! PS e PD u përplasën për formatin e zgjedhur të mbledhjeve të këtyre komisioneve. PS kishte vendosur që në bazë të një rekomandimi të Komitetit të Ekspertëve, seancat e komisioneve të zhvillohen online. PD e kundërshtoi si antikushtetues këtë vendim dhe përpjekje për t’iu shmangur transparencës.

Debati kishte nisur që në mbledhjen e konferencës së kryetarëve. Ai u zhvendos edhe në seancë plenare.

“Rregullorja përcakton rastet kur komisionet mund të nblidhen në distancë, çka e përjashton situatën aktuale”, tha kreu i grupit parlamentar demokrat, Alfred Rushaj.

Nënkryetarët e PD, Enkelejd Alibeaj dhe Jorida Tabaku thanë se vendimi nuk i shërben interesit publik. “Diskutimet dhe vendimet që merren në të shumtën e rasteve nuk dëgjohen, pasi deputetët janë në makina, lokale, por jo në krye të detyrës”, thanë ata.

PD propozoi që deputetët të vaksinohen dhe gjendja t’i kthehet normalitetit, si dhe komisionet të zhvillohen në orare të ndryshme për të pasur më shumë hapësirë.

Për vaksinimin me detyrim të deputetëve foli edhe kreu i grupit socialist, Taulant Balla. Ai tha se kishte një dakordësi për këtë çështje dhe brenda afateve që do të përcaktohen asnjë deputet të mos lejohet të hyjë në Kuvend pa certifikatën e vaksinimit.

“Kemi rënë dakord me PD që brenda një afati të caktuar asnjë deputet të mos hyjë i pavaksinuar”, tha Balla.

⁣Lefter Koka duke hyrë në Drejtorinë e Policisë së Tiranës

⁣Gati për “Open Balkan”: bulevardi vishet me flamuj shqiptarë, serb dhe maqedonas

⁣Berisha marshon i rrethuar nga mbështetësit e tij

⁣Mobiliet e mbetura mes rrënojave pas shembjes së banesave te “5 Maji”

Fushe kruje tritol