Opozita parlamentare reagoi ndaj sulmeve të kryeministrit Edi Rama, i cili e akuzoi opozitën se po bëhet palë me ata që kundështojnë aktin kundër KÇK-së. Deputeti Myslim Murrizi iu drejtua kryeministrit Edi Rama duke i thënë se “dy nga ministrat e tij të brendshëm janë ortakë me ato që janë subjekte të OFL-së.

“Dy ministrat e tu të Brendshëm, kampioni yt dhe ai tjetri, janë ortakë të subjekteve të OFL-së, janë kapur në përgjime me ta. Pse nuk i shkon ajo biondja me syze në shtëpinë e tyre t’u trokasë. Pate dhe hallin e ministres së Drejtësisë se ta paska sharë krushku yt. Lëri krushqit se merren vesh vetë”, tha Murrizi.

Deputeti i opozitës, Andi Përmeti i ka lëshuar batuata thumbuese Edi Ramës, duke i thënë se “sot në seancë foli si kryeministër, pasi është xhelozuar ngaqë Basha u bashkua me Metën, duke i ikur marrëveshjes që kishte”. Nga ana tjetër, demokratja Rudina Hajdari u shpreh se krimi i organizuar ka rritje dhe se është shtuar numri i vrasjeve. “Rama është mjeshtri i bërjes së reklamave, pasi nxjerr çdo ditë zëdhënësen e OFL-së, për të mbuluar ngjarjet e rënda që ndodhin në Shqipëri”, tha Hajdari.

Ndaj këtyre qëndrimeve ka replikuar kryeministri Edi Rama. “Dëgjova një gjë këtu “që është shumë e rëndësishme se si e marrin nga njëri-tjetri”; “je i shqetësuar në fytyrë” tha ky parafolësi, “je mërzitur” tha ai tjetri “të ka marrë dashurinë tënde”... Por ti do ta kuptosh që je njësoj me të, ndaj Luli shkon lule më lule se të gjitha lulet janë njësoj. Pse të rrijë me një lule?! E kupton çfarë i bëre Lulit duke u përpjekur ta mbrosh? Por ai nuk shkon lule më lule, ai është thjesht ku rafsha mos u vrafsha e varet se ku bie. Kur bie në duar të mira siç ra tek unë, i bien të mira që nuk i kupton se i vijnë ata e i thonë të ka marrë në qafë”, theksoi Rama. Ndërsa u shpreh se opozita po luan rolin e figurantit, duke u vënë nën shërbim të Metës.

“Si mundet që një opozitë dhe të bëhet servis i Kinostudios Shqipëria e re për të mbështetur Vojo Amerikanin?! E keni parë filmin Debatiku. Ishin dy që mblidhnin figurantë që të bëhej vrasja e Colit në një skenë me pleq me plaka dhe në fund vihet ajo muzika që fitoi Coli, pavarësisht se vdiq. E keni parë filmin Debatiku, ku eshte ajo shprehja “na e vranë colin o none”. Kanë qenë dy personazhe që e braktisën nga të parët rrugën e revolucionit demokratik kur panë që revolucionin e mori në dorë kush vinte nga ana tjetër. Mblidhnin figurantë këta, e kishin mbushur rrugën që të bëhej vrasja e Colit mes pleqve e plakave. Po si mund të katandiset PD në këtë farë feje? Damiani do ulet, madje ai ka qenë ulur, ata erdhën u ulën, ne themi pse rrinë në këmbë për të bërë figurantin? Nejse...”, tha Rama. Sakaq kryeministri përjashtoi mundësinë e mbajtjes së zgjedhje të parakohshme, ndërsa sulmoi deputeten Hajdari se nuk kishte ide dhe se nuk e di se në “cilat lëndina e vila shëtit dhe e sheh dhe flet këtu për krimin e organizuar që ka lulëzuar”.

Kryeministri më pas është larguar nga seanca, por fjalimi i tij e detyroi opozitën të reagonte sërish. “Ai ikën gjithmonë. Zoti Rama, mesa duket, do t’ia falë tradhtinë dashurore Bashës, por është xheloz nga përdorimi i Bashës nga Ilir Meta. Atij i vjen keq se vetë e ka përdorur Bashën në mënyrën më të keqe të mundshme në vitin 2017, por ai harron se për këtë populli nuk do t’ia falë kurrë atyre, sepse ata janë njësoj Rama-Meta, Basha-Meta. Këta janë treshe dhe duhen larguar”, theksoi Përmeti.

PD: 10 gënjeshtrat e Ramës. Erdhe nga Aleanca e Qelbësirave

Partia Demokratike reagoi ndaj sulmeve të kryeministrit Edi Rama ndaj opozitës, duke theksuar se është bërë palë për të mbrojtur kriminelët nga anti-KÇK-ja. “Gjoja u revoltua me ata nuk mbrojnë të ashtuquajturin ligj anti-KÇK, por vetë erdhi në pushtet me Aleancën e Qelbësirave dhe të Kriminelëve. Thotë se opinioni mbështet 72% të ashtuquajturin ligj anti-KÇK, por nuk tregon se 87% nuk beson se qeveria do ta zbatojë ligjin kundër krimit. Gjoja vajtoi për vajzat e trafikuara, por bëri deputetë 2 trafikantë vajzash, Arben Ndokën, Mark Frrokun dhe kryebashkiak një përdhunues, Elvis Roshin. Bën sikur po lufton krimin e organizuar, por banda e Avdylajve është e regjistruar me Vangjush Dakon, që blejnë vota për Edi Ramën për t’i bërë surprizë 10 deputetë në Durrës”, tha PD në një reagim zyrtar.

“(Rama) Flet për të burgosur që do të vuajnë me 41 bis, por Agim Kajmaku shëtit i lirë në mes të Tiranës dhe Edi Rama vazhdon ta majmë me tendera publikë. “Vajton” për 28 kriminelë të liruar nga gjykatat, por nuk thotë se ata u liruan me firmën e drejtorëve të tij të burgut dhe kryebashkiakëve të tij garantë. Deklaroi se për herë të parë po preken të paprekshmit, por deri tani nuk është konfiskuar asnjë pasuri domethënëse e krimit të organizuar. Tha se pasuritë e politikanëve janë të kontrolluara, por nuk tha se ku i gjeti ai 2 milionë euro për të ndërtuar vilën luksoze në Surrel. Shpalli dashurinë për shqiptarët, por në 7 vjet vetëm i ka vjedhur, u ka rritur taksat dhe i ka burgosur”, thuhet në reagimin e PD-së. Më pas kryedemokrati Lulzim Basha, postoi në rrjetet sociale një video me të ish-kryebashkiakë dhe ish-deputetë socialistë (si Arben Ndoka, Mark Frroku, Elvis Roshi etj), të cilët u bënë subjekte të ligjit të Dekriminalizimit.

Partia Demokratike dhe Lëvizja Socialiste për Integrim kanë lënë mënjanë agjendën politike dhe në mesazhet e përcjella pas konfirmimit zyrtar të dy personave me koronavirusin e ri mbështesin masat e ndërmarra nga Qeveria, duke kërkuar transparencë, fonde dhe mobilizim.

Në një komunikim me mediat, Lulzim Basha përsëriti thirrjen për të shmangur panikun.

“Nuk është koha për panik, por për kujdes. Kemi mjekët më të mirë, por ata duhen mbështetur me mjete dhe fonde”, deklaroi Basha.

Kreu i PD-së pati një thirrje për mjekët dhe infermierët.

“Shëndeti i shqiptarëve është në duart tuaja. Sytë, veshët dhe mendjet e njerëzve, si asnjëherë, janë të fokusuara te ju. Prandaj, sot të gjithë jemi në mbeshtetjen tuaj për të zbatuar masat dhe vendimet që ju sugjeroni dhe vendosni. Nuk duhet të ngurroni për asnjë çast të kërkoni çfarë ju nevojitet për të përmbushur misionin tuaj. Qeveritë ikin e vijnë, ata që do të mbeten jeni ju, ata që keni në dorë jeten e gjithësecilit prej nesh, jeni ju”, shtoi ai.

Basha thotë se është koha që të flasin mjekët dhe specialistët dhe porositi qytetarët që kthehen nga zonat e Italisë së Veriut që të tregohen veçanërisht të kujdesshëm.

“Të gjithë duhet të dëgjojmë zërin tuaj. Sa më shumë të flisni ju, aq më të qetë do të jenë qytetarët. Të dashur bashkëqytetarë! Sot duhet të jemi të ndërgjegjeshëm dhe të përgjegjshëm për çdo veprim që ndermarrim. Të degjojmë me vemendje këshillat e mjekëve dhe t’i zbatojmë ato. Të gjithë ju që vini nga Italia e Veriut, por edhe zona të tjera të prekura nga coronavirusi, drejtohuni për ekzaminime, nëse keni simptoma gripi dhe shmangni kontaktet me qytetarët dhe të afermit për një periudhë 2 javore. Kujdes të veçantë duhet të kemi për të moshuarit”, u shpreh ai.

Kryedemokrati premtoi se opozita do të ndjekë me kujdes situatën e krijuar dhe se do të jetë në shërbim të qytetarëve me ekspertët e saj, ndërsa Qeverisë i kujtoi thirrjen e bërë dy javë më parë.

“Fonde të mjaftueshme, mobilizim maksimal dhe transparencë. Këta janë tre komponentë të rëndësishëm politikë, për të cilët nuk duhet humbur kohë”, tha Basha.

Nga LSI foli nënkryetari Petrit Vasili. Edhe ai përcolli mesazhe mbështetjeje për masat e ndërmarra nga autoritetet.

“Është një moment delikat që kërkon profesionalizmin dhe gjakftohtësinë e duhur për të përballur një situatë, që e menaxhuar me një nivel të lartë dhe kujdes mund të tejkalohet me pasoja minimale. Xcdo maasë që merret nga autoritetet shëndetësore është e mbështetur nga ne, sepse janë masa standarde që aplikohen sipas një mënyrë dhe rregulli që po zbatohen në vendet e tjera”, tha ai.

Megjithatë, nënkryetari i LSI-së vuri theksin tek kujdesi veçanërisht për personelin shëndetësor dhe kërkoi nga Qeveria që ajo të mos kursehet në mbështetjen e tyre me të gjitha bazat materiale të domosdoshme për përballimin e situatës.

“Frontin themelor të kësaj lufte e mban personeli mjekësor, që për hir të detyrës është në vijën e parë me këtë problematikë. Tërheq vëmendjen që nuk duhet të kursehet asgjë nga pikëpamja financiare për të siguruar të gjithë mjetet e nevojshme që i duhen personeli, pasi duhet të jetë në vijën e parë të parrezikuar”, u shpreh ai.

Vasili thotë se vendi duhet ta konsiderojë veten në emergjencë shëndetësore, ndërsa nga autoritetet vigjilencë maksimale dhe të mos vetëkënaqen me rastet e pakta të të infektuarve deri më tani.

Në komunikimin e përditshëm me mediat Ministrja Besa Shahini ka bërë me dije se për momentin nuk mendohet të shtyhen testet e maturës shtetërore.

Qytetaret kane dale ne dritare dhe ballkone duke duatrokitur ne mbeshtetje te mjekeve dhe infermiereve per punen e palodhshme qe po bejne kunder koronavirusit. Nje gjest ne shenje solidarizimi ndaj punes se bluzave te bardha.

Adolfo dhe i biri Alessio Letteri e kane kthyer tapicerine e tyre ne prodhim maskash per tua falur atyre qe kane nevoje. Kjo eshte nje video tutorial qe Adolfo u vjen ne ndihme njerezve per ta bere vete ne shtepi

pamjet e megaoperacionit policor të koduar "Të fundit", për kapjen e dy personave me rrezikshmëri të lartë shoqërore në fushën e vjedhjeve me armë, pjesëtarët e fundit të një grupi të rrezikshëm kriminal.
Klement Çala, 32 vjeç dhe Eldi Çala, 35 vjeç, lindur dhe banues në Elbasan, të cilët ishin shpallur në kërkim ndërkombëtar si autorë të dyshuar të ngjarjes së ndodhur më datë 09.04.2019, në aeroportin e Rinasit, ku janë grabitur vlerat monetare të disa bankave të nivelit të dytë dhe për këtë Gjykata e Shkallës së Parë për Krime të Rënda kishte vendosur masën e sigurisë “Arrest në burg” pa afat.

Që pas orës 13:00 të ditës së sotme nuk do të lejohet asnjë qytetar në rrugë, për këtë arsye edhe mjetet e Ushtrisë kanë dalë në rrugë në mbështetje të Policisë së Shtetit.

Presidenti Ilir Meta kërkoi mbylljen e fasonerive dhe mbështetjen e punonjësve të tyre me pagesa nga Qeveria, nëse këto të fundit nuk përmbushin dhe garantojnë standardet e parandalimit të përhapjes së koronavirusit.

“Është me mjaft rëndësi që të respektohen kudo distancat fizike dhe standarde të detyrueshme nga institucionet e shëndetit publik për çdolloj aktiviteti. Çdo nënvlerësim do të ishte me pasoja edhe njerëzore, financiare dhe ekonomike. Duhet përqëndrim më i madh në këtë drejtim për të parandaluar krijimin e vatrave të reja në mënyrë të paparashikuar. Nëse nuk garantohen standardet aktivitete të tilla nuk duhet të lejohen dhe punonjësit duhet të mbështeten nga ana e Qeverisë”, deklaroi në një konferencë për shtyp Presidenti Meta.

Meta komentoi këtë tematikë pas shpërthimit të dy vatrave me koronavirus në Krujë dhe Laç. Në të dyja këto vatra, pjesa dërrmuese e rasteve të reja me Covid-19 janë punonjëse të fasonerive dhe familjarë të tyre.

Mbylljen e fasonerive dhe mbështetjen financiare nga ana e Qeverisë të 70 mijë punonjësve të këtij sektori e ka kërkuar edhe Partia Demokratike. Ish-deputetja Orjola Pampuri tha se shifrat zyrtare konfirmojnë shqetësimin e ngritur që në fillim nga ana e opozitës, që fasoneritë janë “mina me sahat” e pandemisë.

“Të dhënat zyrtare konfirmojnë shqetësimin e Partisë Demokratike se mbajtja hapur me kokëfortësi e fasonerive i ka kthyer ato në vatra të rrezikshme të përhapjes së infeksionit. Në Krujë, sot ka më shumë të infektuar se dje. Janë 18 persona të tjerë që kanë rezultuar pozitiv. Të gjithë punonjës fasonerie, kryesisht gra dhe vajza. Urojmë që të dhënat të pasqyrojnë realitetin dhe virusi të mos jetë përhapur akoma më shumë, por edhe kaq sa është, kemi një situatë shumë problematike”, deklaroi ajo.

Por, ndryshe nga Presidenti, opozita thotë se nga këqyrja që ka bërë në terren është e pamundur që të respektohet distanca fizike mes punonjësve dhe protokollet e tjera të sigurisë anti Covid.

“Ne ishim atje, kemi parë kushtet, kemi biseduar me sipërmarrësit dhe me punonjësit. Është e pamundur që në një mjedis të tillë aq të vogël të ruhet distanca sociale dhe të respektohen standardet e kërkuara. Duhet mbyllja e tyre, e shoqëruar me një mbështetje financiare. Sa më shpejt, aq më mirë!”, vijon ajo më tej.

PD është e bindur se pas qëndrimit të Qeverisë për të mos mbyllur fasoneritë është këmbëngulja e Edi Ramës për të mos anuluar tendera dhe koncesione, që opozita i cilëson si korruptive.

“Ka vetëm një arsye pse Edi Rama është i gatshëm të luajë bixhoz me jetën dhe shëndetin e 70 mijë nënave dhe motrave. Ai nuk do që të sakrifikojë nga paratë që ndan me një grusht oligarkësh për disa koncesione korruptive. Anulimi i pagesave për inceneratorët e Tiranës, Fierit dhe Elbasanit mbulon koston e pagesës minimale për 70 mijë gra e vajza të fasonerive”, tha Pampuri.

Se çfarë është diskutuar në bisedën me dyer të mbyllura mes Lulzim Bashës dhe Yuri Kim në selinë e Partisë Demokratike pak persona mund të jenë në dijeni, por në publik kreu i opozitës dhe kryediplomatja amerikane në Tiranë lanë të kuptohej se biseda është përqëndruar vetëm tek reforma zgjedhohre.

Ambasadorja Kim kërkoi që politika t’i përmbahet zotimit që u ka bërë shqiptarëve për përmbylljen e kësaj reforme brenda 31 majit.

“Diskutimi ynë ishte përqëndruar për të vendosur për të ardhmen dhe jo për të shkuarën. Në veçanti folëm për rëndësinë e rolit të udhëheqësve politikë për të përmbushur pritshmëritë e qytetarëve shqiptarë, ashtu siç kanë premtuar për të përmbyllur reformën zgjedhore brenda 31 majit. Ky nuk është afat i vendosur nga SHBA, apo nga ndonjë faktor tjetër ndërkombëtar. Ky është afati i vendosur prej atyre vetë”, deklaroi Ambasarorja.

Nga 31 maji na ndajnë pak ditë dhe për gjetjen e një marrëveshjeje mes palëve në Këshillin Politik janë disa çështje të nxehta, për të cilat të paktën publikisht, socialistët dhe demokratët kanë shfaqur diferenca të mëdha. Pikërisht për këtë, Kim thotë se opozita ka një detyrë shumë të vështirë përpara, por u shpreh e inkurajuar nga mesazhi që kishte marrë nga Lulzim Basha për të përmbyllur këtë reformë.

Vetë Lulzim Basha falenderoi ambasadoren amerikane për mbështetjen që i ka dhënë reformës zgjedhore dhe u zotua se vullneti i opozitës për të përmbyllur brenda afateve këtë reformë dhe çuar vendin në zgjedhje të reja të lira dhe të ndershme sa më parë nuk ndryshon.

“Është përparësi e opozitës dhe shqiptarëve që t’u drejtohen kutive të votimit dhe të zgjedhin me vullnetin e lirë të pandikuar nga krimi dhe shit-blerja e votës. Ne do të bëjmë gjithçka që brenda 31 majit reforma të ketë përfunduar dhe gjithçka që të garantojmë vullnetin politik për të zbatuar ligjin, që është problemi numër një i zgjedhjeve në Shqipëri”, tha Basha.

Si Ambasadorja, ashtu edhe kryetari i PD-së shmangën komentet e mëtejshme dhe mbetet e paqartë nëse mes tyre janë diskutuar tema të tjera, siç është ajo e reformës në drejtësi, reformë e cila duket se ka rindezur përplasjet mes selisë së Rrugës së Elbasanit dhe Presidentit Ilir Meta.

Presidenti Ilir Meta doli para gazetarëve jo vetëm për të mbajtur fjalën se dhënë javën e kaluar se do të vendoste një komunikim periodik javor me publikun, por edhe për të prodhuar lajmin se do të firmosë në rastin e parë që do të shohë se i jepet mundësia nga Kodi i ri Zgjedhor dhe Kushtetuta për të caktuar datën e re të zgjedhjeve të përgjithshme, pa u konsultuar me partitë politike.

“Në çdo rast si me konsensus, apo edhe në mënyrë të njëanshme (miratimi i Kodit Zgjedhor), që nuk do të ishte habi, si President do të bëj të qartë që në hapësirën kohore që Kodi do të më lejojë do të shpall ditën e ardhshme të zgjedhjeve të përgjithshme në Shqipëri dhe nuk do të bëj konsultime me asnjë forcë politike, sepse jam i sigurt që të gjithë në Shqipëri mezi presin një Parlament legjitim, ose sadopak më legjitim se Parlamenti aktual. Nëse Kodi nuk miratohet me konsensus, e them që janë zero shanse çeljesh negociatash të Shqipërisë me BE, jo deri në zgjedhjet që vijnë, por edhe pas zgjedhjeve që vijnë”, deklaroi Meta.

Në përpjekje për të mbrojtur veprimet e Policisë së Shtetit, që ushtroi dhunë ndaj një 15-vjeçari që kishte shkelur rregullat e ndalim-qarkullimit dy javë më parë, Drejtori i Policisë së Shtetit, Ardi Veliu duket se i ka shtuar më shumë telashe vetes.

Veliu paraqiti para Komisionit të Sigurisë një video të dy grave, njëra prej të cilave është me pistoletë në dorë. Ai tha se “nuk po e tregonte këtë video për të marrë në mbrojtje policinë, por për të treguar se nga ç’familje mbërrinte adoleshenti 15-vjeçar”.

“Do iu shfaq një video të mamasë së tij, që të shikoni se nga çfarë familje vjen. Kjo është mamaja e djalit me pistoletë në dorë. Për të thënë se nga çfarë familje vjen. Jo se dua të mbroj policinë, por duhet të jemi realistë dhe të ftohtë në gjykim Duhet të kemi parasysh se çfarë përfaqëson ai djali”, deklaroi Veliu para deputetëve të Komisionit.

Ajo që Drejtori i Përgjithshëm i Policisë së Shtetit nuk sqaroi ishte se videoja që ai tregoi ishte shkëputur nga prapaskenat e xhirimit të një filmi, ku mamaja e 15-vjeçarit, Zaida Çobo ka marrë pjesë si aktore.

Vetë Zaida Çobo e sqaroi më vonë këtë pjesë, madje në rrjetet sociale qarkulluan edhe vide-fragmente nga roli i saj në filmin në fjalë.

Deklarata e Veliut shkaktoi furtunë në internet, ku kreu i Policisë së Shtetit u akuzua se “i bëri gjyqin publik një familjeje” dhe për “rrëmim në jetën personale të një nëne”, që nuk ishte as e kërkuar dhe as e dyshuar për ndonjë krim.

Nga aktivistë e deri tek studiues të shkencave politike në vendin tonë dënuan deklaratën dhe kërkuan dorëheqjen e Veliut.

“Drejtori i Policisë fyeu, denigroi dhe cenoi jetën private të një 15 vjecari. Ai mori në mbrojtje dhunuesit e tij. Shfaqja e drejtorit Veliu ishte jo etike, jo ligjore, jo demokratike. Ai duhet të kërkojë ndjesë familjes dhe publikut. Nëse jo ai meriton reagim & largim sa më parë”, shkruan drejtori i Institutit për Studime Politike, Afrim Krasniqi.

Dorëheqjen e kërkoi edhe Partia Demokratike.

“Sipas këtij qëndrimi kriminal, nëse Ardi Veliut nuk i pëlqej çfarë bëj unë apo ti, atij i lind e drejta të na rrahë fëmijët, pastaj të gërmojë në jetën tonë private, të vjedhë fotot dhe videot tona në rrjetet sociale, siç ka bërë me ato të nënës së djalit, të sajojë me to një histori dhe, në fund, ta bëjë atë publike për të na dhunuar e për të na poshtëruar përsëri”, deklaroi ish-deputetja e PD-së, Orjola Pampuri.

Goditet banda e trafikantëve shqiptarë, sekuestrohen shuma parash, armë zjarri dhe automjete

Komisioni për Ankesat dhe Sanksionet rrëzoi kërkesat e PD, LSI dhe të kandidatit të pavarur të Lëvizjes Vetëvendosje, Kreshnik Merxhani për pavlefshmëri të zgjedhjeve në Qarkun e Gjirokastrës.

Vendimi është marrë me shumicë votash, 3 me 2, ku dy anëtarëve të propozuar nga Partia Socialiste i është bashkuar edhe Ilirjan Rusjmali, ndërsa pro kërkesave për pavlefshmëri kanë votuar anëtarët e propozuar nga PD, Ledio Braho dhe Elvis Çefa.

Ky është vendimi i parë i KAS në lidhje me kërkesat për pavlefshmëri të zgjedhjeve, ndërkohë që të tjera kërkesa e pretendime janë ngritur nga PD e LSI, që kërkojnë pavlefshmëri të zgjedhjeve deri edhe në 8 qarqe të tjera të vendit.

Kundër këtij vendimi të KAS, PD, LSI dhe kandidati i pavarur i Vetëvendosjes kanë afat 5-ditor për ta ankimuar në Kolegjin Zgjedhor. Ky i fundit është organi që jep vendimin përfundimtar të formës së prerë për ankimimet e këtij lloji.

⁣Bota e krimit nw Fier, Petro Koçi përforcon akuzat pas
daljes nga SPAK

⁣Zjarret në Dukat të Vlorës vijojnë

⁣ Sali Berisha në konferencë shtypi në seli pas Kuvendit për Rithemelimin e PD

Gazment Goduzi video nga PD pas protestes se 8 janarit

⁣Katër persona të arrestuar në Cërrik me municione dhe drogë

⁣Në Prishtinë mbahet këtë të hënë mbledhja e radhës mes dy qeverive, ku në agjendë janë diskutimet për ndërlidhjen infrastrukturore, portin e ri të Durrësit, qasjen e Kosovës në këtë port, portin e thatë në Kosovë dhe projektin ambicioz të lidhjes hekurudhore.

Kryeministri Edi Rama udhëtoi të dielën në drejtim të Prishtinës, ku e nisi vizitën me një takim në familjen e ish-Presidentit Hashim Thaçi. Vizitën në familjen e Presidentit, Rama e shoqëroi me një set fotografik gjatë takimeve me familjarët e Thaçit.

Gjithashtu, Rama vizitoi edhe një sipërmarrje në Gjakovë, ku premtoi se synimi i qeverisë shqiptare është që të shkrijë të gjitha pengesat në kufi për të lehtësuar shkëmbimet tregtare mes dy vendeve.

Ai tha se dëshira e Shqipërisë është që heqja e këtyre barrierave doganore të jetë e ndërsjellë, por tha se Qeveria e Kosovës ka kërkuar më shumë kohë për të analizuar efektet financiare në buxhet. Pavarësisht kësaj, Rama premtoi se Shqipëria do të ndërmarrë, pavarësisht vendimit të Kosovës.

“Ne kemi bërë edhe një plan dhe do ta vëmë tani në lëvizje që do t’i heqim tarifat doganore me Kosovën. Do t'i heqim plotësisht. Dëshirën e kemi që të bëhet bilaterale dhe me qeverinë e Kosovës, por ne do ta bëjmë. Ata kanë kërkuar më shumë kohë për ta analizuar, por ne do ta bejmë do t’i heqim, se nuk ka kuptim ne t’i heqim me Ballkanin e hapur, mos t’i heqim me Kosovën. Kështu që do t’i heqim tarifat për gjithë çfarë vjen nga Kosova përjashto atë të skanimit se asaj s’kemi çfarë i bëjmë se ajo është e trashëguar edhe s'lëviz, por gjithë pjesën tjetër nuk do ketë më tarifa për të gjithë ata që do eksportojnë nga Kosova në Shqipëri. Anasjelltas do ta bëjë qeveria e Kosovës dhe ne duam ta bëjmë bilaterale, por në qoftë se qeveria e Kosovës do më shumë kohë për ta studiuar, ne do ta bëjmë gjithsesi, sepse nuk duam që ta kemi të hapur pa tarifa me të tjerët në Ballkanin e hapur dhe të mos e kemi me Kosovën”, u shpreh Rama.

Ndërkohë, ministrat e kabinetit të Ramës janë nisur me furgon në drejtim të Kosovës paraditen e së hënës. Takimi i përbashkët i Qeverive nis në orën 11:15 me fjalët hapëse të Kryeministrave Kurti e Rama, fjalime të shkurtra nga ministrat dhe me prezantimin e marrëveshjeve që do të nënshkruhen.

Rreth mesditës është planifikuar prezantimi i projekteve infrastruktura portuale dhe hekurudhore kombëtare në funksion të tregut të përbashkët kombëtar dhe katër lirive ekonomike: Projekti i Portit të ri tregtar në Porto Romano, integrimi me hekurudhën Durrës – Prishtinë dhe Porti i thatë në Kosovë. Këtë prezantim do të bajë Eric Smit, drejtor i kompanisë projektuese, “Royal Haskoning DHV”.

Socialistët rrëzuan përfundimisht në seancë plenare si antikushtetuese kërkesën e përsëritur të Partisë Demokratike për ngritjen e një komisioni hetimor parlamentar me objekt hetimin e procedurave të dhënies së statusit të investitorit strategjik nga Qeveria.

“Kërkesa është antikushtetuese dhe rrezikon zhvillimin ekonomik të vendit. Të kërkosh të hetosh në një kohë që asnjë kontratë nuk është nënshkruar, kur të gjithë janë kandidatë për të investuar do të thotë të kesh krijuar një makth të pandreqshëm në perceptimin e një investitori të huaj”, deklaroi kreu i grupit parlamentar të PS-së, Taulant Balla.

Duke cituar parime kushtetuese vendase dhe të së drejtës ndërkombëtare, kreu i grupit parlamentar socialist tha se kërkesa e demokratëve cenonte parimin e ndarjes së pushteteve, pra cenonte punën e Qeverisë. Këtu përmendi edhe një vendim të Gjykatës Kushtetuese.

“Objekti i kërkesës nuk mund të jetë i pakufizuar”, tha Balla.

Por, për Partinë Demokratike arsyeja e vërtetë e refuzimit të kërkesës për hetim është fshehja e aferave korruptive.


“Janë 36 projekte që kanë statusin e investitorit strategjik, 4.6 mld euro, 80 për qind në turizëm ku Edi Rama pa garë u ka vënë në dispozicion pasuri publike, brigje deti dhe plazhet më të bukura të vendit. Nuk ka asnjë investitor të huaj. Janë 10 individë, ku secili ka 3 apo 4 projekte të përfituara. Pjesa dërrmuese janë abuzive, klienteliste dhe korruptive. Janë po ata që kanë përfituar në 9 vite çdo koncesion, PPP dhe tender të madh të marrë shto këtu edhe ministrja Olta Xhaçka dhe aktori Gaz Paja”, deklaroi deputeti Gazment Bardhi.

Sipas Bardhit, ajo që po shkel Kushtetutën është mazhoranca me vendimin për ta refuzuar këtë komision.

“Ligji për investimet strategjike është shndërruar nga Edi Rama në një plaçkë për të shpërblyer me pasuri publike miqtë, familjarët dhe bashkëpunëtorët e tij. Fakti që dhunon Kushtetutën duke rrëzuar komisionin hetimor, tregon se ai është arkitekti i shndërrimit të këtij ligji në një ligj abuziv”, vijoi Bardhi.

Kjo ishte hera e parë që socialistët rrëzuan komisionin hetimor për investimet strategjike duke kundërshtuar objektin e tij. Në dy rastet e mëparshme në konferencën e kryetarëve, rrëzimi është bërë mbi bazën proceduriale dhe formale të kërkesave, pavarësisht se objekti ishte i njëjtë.