⁣Arrestohet hajduti serial i dyqanit të syzeve në Tiranë

⁣Arrestohet në Tiranë kreu i një organizate kriminale i dënuar në Itali

⁣Numri 1 në Botë pati një dëmtim në kavilje që nuk e lejoi të shprehte potencialin e plotë në Finalen për medalje të artë dhe titull botëror në peshë 74 kg (mundje e lirë).

⁣Lajm i mirë për futbollin shqiptar, Armando Broja shënoi golin e parë me fanellën e Burnley-t në Premier League.

⁣“Sirena e Sarandës dhe Misteret e Detit Jon” është një
projekt turistik inovativ që ndërthur historinë, natyrën, artin dhe
teknologjinë për t’u ofruar vizitorëve një eksperiencë unike nën ujë.

Momenti i transportimit te viktimave

Momenti kur Alvin Berisha merret ne dorezim nga perfaqesuesit e Kryqit te Kuq italian dhe te Gjysme Henes se Kuqe te Sirise duke e derguar me avion drejt Italise.

Juventusi fitoi 1-2 ndaj Sampdorias dhe tani është shkëputur 3 pikë nga Interi, por me një ndeshje më shumë se zikaltrit. Ishte një fitore e vështirë për kampionët në fuqi të Italisë, e vulosur nga golat e Paulo Dibalës dhe Kristiano Ronaldos.

Ishte pikërisht goli i portugezit që mori gjithë vëmendjen për mënyrën e ekzekutimit. Një kërcim prej 71 centimetrash nga toka dhe një goditje me kokë në lartësinë 2.56 metra për të çuar në rrjetë topin e krosuar nga Aleks Sandro. Edhe më surprizuese ishte koha e qëndrimit në ajër e portugezit, 1.5 sekonda. Një veprim ateltik i jashtëzakonshëm nga kampioni i Juventusit, një ekzekutim që ka bërë xhiron e botës në pak minuta. Komentet dhe reagimet kanë qenë të shumta dhe nga më të ndryshmet.

Nuk mund të qëndronte pa thënë fjalën e saj motra e CR7, Katia Aveiro, mjaft entuziaste për atë gol të vallait të saj. Në rrjetet sociale ajo ka bërë një batutë, duke cituar Supermenin. “Është një zog? Është një avion? Jo, është Kristiano që kërcen mbi gjithë mbrojtësit për të mposhtur Sampdorian! Impresionuese!” – shkruan Katia në Instagram. Ajo është gjithmonë aktive në rrjetet sociale dhe gjithmonë është e para që mbron vallanë sa herë që ka kritika për të.

Shkenca ka arritur të krijojë robotë të vegjël të quajtur Kseno-bots nga embrione të bretkosave dhe ato mund të përdoren për të shkatërruar qelizat kancerogjene ose për të hequr mikroplastikën nga oqeanet.
Ato u zhvilluan nga studiues të Universiteteve Vermont dhe Tufts të cilët adaptuan qelizat burimore të marra nga embrioni i bretkosës afrikane “Ksenopus Laevis”. Nano-robotët janë vetëm 1 milimetër dhe mund të programohen për të kryer një sërë detyrash, përfshi dërgimin e ilaçeve direkt në një pikë specifike të trupit. Studiuesit thonë se këto "qeliza të reja artificiale" mund të formësohen për çfarëdolloj detyre që mund t’u ngarkohet, ndërsa janë praktikisht të pashkatërrueshëm dhe të vetë-riparueshëm.

Pamje tronditëse dhe momente të pabesueshme kur një pilot zbret aeroplanin e tij anash në Aeroportin e Heathrow, Londër, pasi luftoi me erërat e ashpra që shkuan deri në 146 kilometra në orë të shkaktuara nga Stuhia Dennis. Video tregon aeroplanin e Etihad Airways që lufton me stuhinë dhe më në fund bën uljen në Heathrow.
Nuk ishte i vetmi avion që luftuan me kushtet e tmerrshme të motit, ndërsa edhe të tjerë u përpoqën të ulen në mes të stuhisë shkatërruese.
Qindra fluturime janë anuluar, ndërsa video të tjera tregojnë përpjekjet e pilotëve në Aeroportin e Birminghamit dhe aeroporte të tjera të Britanisë së Madhe, për të ulur shëndoshë e mirë pasagjerët e tyre.

Mjeku Ilir Allkja me ane te nje postimi ne Facebok ben te ditur se eshte vetekarantinuar per faktin se ka pasur kontakt me te prekur nga Koronavirusi dhe se ka kryer vizitat pa pasur mjetet e duhura mbrojtese.

Tirana e boshatisur

Ministri i Jashtëm italian, Luigi Di Maio priti vetë personalisht në aeroportin e Romës 30 mjekë dhe infermierët shqiptarë që u nisën këtë të shtunë për të ndihmuar Italianë e gjunjëzuar nga pandemia e koronavirusit.

Kryediplomati italian shfrytëzoi këtë rast për të treguar mbështetjen italiane se përse Shqipëria duhet të hyjë sa më parë në Bashkimin Europian dhe për të thumbuar vende të BE-së, ndihma e të cilave ka qenë e vakët, e vonuar, madje edhe ka munguar fare në drejtim të Italisë.

“Është një tjetër arsye se përse Shqipëria duhet të hyjë sa më parë në Bashkimin Europian. Shpirti i tyre i solidaritetit dhe i ndihmës që po tregojnë me këta persona janë pikërisht ato vlera të përbashkëta që bënë lindjen e Bashkimit Europian. Ndoshta, populli shqiptar po u kujton shumë popujve të BE-së këto vlera në këtë këtë moment vështirësie”, deklaroi ministri i Jashtëm italian.

30 mjekët dhe infermierët shqiptarë u nisën drejt Italisë sipas një marrëveshjeje të nënshkruar mes Di Maios dhe Edi Ramës. Stafi mjekësor do të zhvendoset në Lompardi për të ndihmuar kolegët italianë në përballimin e fluksit të pacientëve të infektuar me koronavirus, ndërsa pagesa e tyre do të kryhet nga shtetit shqiptar, ku 3 mijë euro është paga për mjekët dhe 2500 euro për infermierët.

Kryeministri Edi Rama e përcolli personalisht këtë grup mjekësor në aeroportin e Rinasit. Në fjalën e rastit ai tha se Shqipëria nuk mund të qëndrojë duarkryq dhe të mbajë forca rezervë, ndërkohë që Italia ka nevojë për ndihmë.

Partia Demokratike akuzon Qeverinë se nga babazia për të vjedhur ka klasifikuar sekret shtetëror, duke mos bërë transparencë për publikun edhe vlerën e tenderave edhe për letrat higjienike që duhet të përdorin pacientët e infektuar me Covid-19.

“Nuk u ngopën duke vjedhur me maskat për mjekët, me testimet për qytetarët, me respiratorët për më të goditurit nga virusi, pajsije që i kanë blerë deri në 4 fishin e çmimit të tregut, por janë vërsulur deri aty ku nuk ia pret mendja askujt- tek letrat higjenike. Më dëgjuat shumë mirë. Kanë klasifikuar sekret blerjen e letrave higjenike për të sëmurët me COVID dhe stafin mjekësor. Janë plot 10 tendera të rinj të zhvilluar në datë 18 Prill, që Qeveria i ka klasifikuar përsëri sekret. Është e paimagjinueshme që mes ketyre kontrateve sekrete janë dhe tenderat për blerjen e letrave higjenike me procedurë sekrete, letrat e duarve dhe kartopeceta”, deklaroi Sekretari i Përgjithshëm i PD, Gazment Bardhi.

Bardhi akuzoi se Qeveria po përdor interesin thelbësor të shtetit, atë të sigurisë kombëtare për të mbuluar vjedhjen e radhës me tenderin sekret të letrave higjenike.

“Jam i sigurt që çdokush që po e dëgjon këtë tani nuk u beson veshëve. Por vendimi i qeverisë së Edi Ramës, i publikuar mbrëmë në fletoren zyrtare, nuk lë vend për asnjë hamendje. Ky është treguesi më domethënës se deri ku shkon babëzia për të vjedhur paratë e shqiptarët, të cilët për shkak të pandemisë dhe mungesës së ndihmës nga qeveria e letrave higjienike sekret, janë edhe më të dobët ekonomikisht”, vijoi Bardhi.

PD thotë se bëhet fjalë për një skemë të mirëfillte vjedhjeje të parave të shqiptarëve.

“Forma e re për të abuzuar me paratë e shqiptarëve në këtë kohë pandemie është klasifikimi sekret me firmën e tij të tenderave antiCOVID. Kjo është një shkelje flagrante e ligjit. Le të dalë Edi Rama dhe të thotë ku është sekreti shtetëror tek tek fakti sa letra higjienike blen? Cili interesi thelbësor i shtetit cënohet, nëse bëhet publike kontrata për të blerë letrat higjienike për shembull?”, deklaroi ai.

Sipas PD-së, arsyet se përse tendera të tillë klasifikohen si sekret shtetëror nuk lidhet me sigurinë kombëtare.

“Janë çmimet stratosferike, abuzimi dhe korrupsioni arsyeja pse Edi Rama i ka shpallur këto tendera sekret, duke paguar qindra milionë lekë më shumë klientëve e tij në kohën më të vështirë për qytetarët”, vijoi Bardhi.

Më shqetësuese se këto vendime të Qeverisë, PD sheh apatinë e prokurorisë.

“Akoma më shqetësuese është heshtja e prokurorisë, karantinimi i saj, futja në xhepin e Edi Ramës, që ka bërë që hajdutët e qeverisë të marrin zemër. Në emër të Partisë Demokratike, i bëj edhe njëherë thirrje prokurorisë që të dalë nga karantina, ku e mban prej vitesh kjo Qeveri. SPAK ka mjaftueshëm fakte të çojë para drejtësisë hajdutët e qeverisë që pasurohen si të babëzitur, kur shëndeti, jeta dhe mirëqënia e qytetarëve janë në rrezik”, deklaroi Bardhi.

Më herët PD ka akuzuar Qeverinë se ka shpallur në kundërshtim me ligjin si sekret shtetëror tenderat ku ka blerë respiratorë me dyfishin e çmimit, testimet 4 herë më shtrenjë dhe maskat 2-3 herë më shumë se çmimet e tregut.

Qeveria ka një parashikim dy herë më të zymtë se Fondi Monetar Ndërkombëtar dhe Banka Botërore mbi rënien e ekonomisë për 2020. Dy institucionet financiare ndërkombëtare parashikojnë që ekonomia shqiptare të tkurret me 5 deri në 5.5 për qind për këtë vit.

Por, Kryeministri Edi Rama zbuloi këtë të mërkurë se parashikimet e Qeverisë shkojnë në një tkurrje deri në 10 për qind. Megjithatë, ai refuzoi që ta cilësojë këtë recesion.

“Ne besojmë që goditja do të jetë më e thellë dhe këto do ta shikojmë. Kemi vënë disa instrumenta për përballimin e kësaj faze të parë. Nuk flitet më për jetesë normale, por për mbijetesë sa më normale. Ne parashikojmë mes 8 dhe 10 përqindëshit për këtë vit do të kalojmë në negativ. Nuk ka asnjë që do të qëndrojë në pozitiv. Nuk quhet recesion, por është goditje momentale e ekonomisë”, tha Rama në një intervistë dhë për “ABC e Mëngjesit”.

Kryeministri u shpreh optimist se ekonomia do të ringrihet. Lidhur me turizmin, Rama paralajmëroi se në javët e ardhshme do të ketë një vendim për masën e hapjes që do të vendoset duke marrë parasysh edhe vendimet e vendeve të tjera, përfshirë këtu vendet fqinje. Lidhur me likuiditetin në këtë sektor, kreu i Qeverisë tha se është vënë në dispozicion një instrument garancie, ndërsa nuk përmendi stimuj të tjerë financiarë, duke argumentuar se aktualisht industria e turizmit ka taksat më të ulta në rajon.

“Po përpiqemi që të gjejmë një zgjidhje për turizmin. Dilema është që a duhet apo jo të hapemi gjerësisht për të përfituar nga mbyllja e të tjerëve, apo do të jemi të kujdesshëm. Sa i takon likuiditetit kemi vënë në dispozion një instrument të fuqishëm garancie që u mundëson operatorëve që të fuqizojnë kapitalin qarkullues përmes këtij instrumenti, ndërsa për taksat ka taksa më të ulta sot që flasim”, u shpreh ai.

Presidenti Ilir Meta doli para gazetarëve jo vetëm për të mbajtur fjalën se dhënë javën e kaluar se do të vendoste një komunikim periodik javor me publikun, por edhe për të prodhuar lajmin se do të firmosë në rastin e parë që do të shohë se i jepet mundësia nga Kodi i ri Zgjedhor dhe Kushtetuta për të caktuar datën e re të zgjedhjeve të përgjithshme, pa u konsultuar me partitë politike.

“Në çdo rast si me konsensus, apo edhe në mënyrë të njëanshme (miratimi i Kodit Zgjedhor), që nuk do të ishte habi, si President do të bëj të qartë që në hapësirën kohore që Kodi do të më lejojë do të shpall ditën e ardhshme të zgjedhjeve të përgjithshme në Shqipëri dhe nuk do të bëj konsultime me asnjë forcë politike, sepse jam i sigurt që të gjithë në Shqipëri mezi presin një Parlament legjitim, ose sadopak më legjitim se Parlamenti aktual. Nëse Kodi nuk miratohet me konsensus, e them që janë zero shanse çeljesh negociatash të Shqipërisë me BE, jo deri në zgjedhjet që vijnë, por edhe pas zgjedhjeve që vijnë”, deklaroi Meta.

Partia Demokratike e interpreton raportin e Bankës Botërore, që në skenarin më të keq parashikon që niveli i varfërisë si pasojë e krizës së pandemisë të thellohet deri në 48 për qind të popullsisë, si këmbanë alarmi dhe kthim me 15 vite pas në kohë i vendit.

Opozita e ka të qartë se fajtori për këtë është një dhe vetëm një.

“Për shkak të paaftësisë dhe korrupsionit gjigant të qeverisë së Edi Ramës, parashikimet e Bankës Botërore për ekonominë tregojnë për përkeqësimin të situatës. Shqipëria do të kthehet 15 vjet mbrapa, duke përhapur varfërinë tek gati gjysma e popullsisë. Banka Botërore thotë se goditjen më të madhe në vend do ta marrin qytetet dhe shtresa e mesme, pasi varfëria pritet të shkojë rreth 48 për qind duke arritur në nivelet e vitit 2005”, deklaroi ish-deputetja demokrate, Jorida Tabaku.

Raporti i Bankës Botërore vëren gjithashtu se kriza e pandemisë ka rritur më shumë se kudo në rajon papunësinë në Shqipëri. Edhe në këtë rast, PD shkaktarin e gjen tek Qeveria.

“Nuk mori masat e duhura dhe lejoi që kriza ekonomike të shndërrohej në epidemi të papunësisë, Banka Botërore paralajmëron edhe rënien e të ardhurave për familjet shqiptare me rreth 12%. Kategoria më e prekur nga braktisja e qeverisë janë të rinjtë, të cilët shikohen si potencial për emigrim të paligjshëm në vendet e zhvilluara europiane”, vijoi Tabaku.

Ish-deputetja demokrate akuzon Kryeministrin Rama se paratë që duhet të përdoret për të mbrojtur vendet e punës i çoi tek oligarkët dhe tenderat e luksit, ndërsa shton se thotë është vetëm një.

“Ka vetëm një rrugë për të rikthyer shpresën – të largohet Rama përmes zgjedhjes dhe votës së lirë. Ka vetëm një rrugë për t’i ikur duarve të hajdutit, për t’i ikur taksave të larta dhe kriminale, vjedhjes së pronës dhe sundimit të oligarkëve. Për çdo qytetar që liritë e tij ngushtohen dita ditës, që biznesi i tij ul qepenin, që punën e tij e humbet pasi kriza ka goditur vendin e tij të punës, zgjidhja është e thjeshtë – largimi i Ramavirusit dhe oligarkisë nga qeveria si dhe mbajtja e përgjegjësisë për çdo vendim të tyre”, deklaroi Tabaku.

Po transportonte 6 emigrantë të paligjshëm, arrestohen kuksiani në Pogradec

Partia Demokratike vijon me denoncimin e rasteve të banorëve të prekur nga tërmeti, që sipas saj, për shkak të keqmenaxhimit dhe keqqeverisjes prej muajsh jetojnë nëpër çadra.

Rasti i fundit i sjellë nga opozita është ai një qytetari nga Kurbini, që denoncon se fëmija i vogël i ka lindur në çadër.

“Unë jam Eduart Hysa, banor i Shpërdhetit. Deri para një jave kam ndenjur në çadër dhe tani po jetoj në shtëpi të shembur. Jam vetë i gjashti, nëntë muaj në çadër”, thotë kryefamiljari i familjes në denoncimin e publikuar nga PD.

Eduarti thotë më tej se mori përsipër rrezikun dhe u rikthye në banesën e krisur keqazi dhe të vlerësuar si në rrezik shembjeje nga grupet e inspektimit për shkak se nuk mund të rrinte më me fëmijët në çadër, më i vogli prej të cilëve vetëm 6 muajsh.

Ai thotë se nuk ka marrë asnjë ndihmë financiare apo formë tjetër mbështetjeje nga shtetit dhe se është invalid me të ardhura prej 10 mijë lekësh në muaj që nuk i mjaftojnë.

Kryeministri Edi Rama do t’u kërkojë shqiptarëve më 25 prill mandatin e tretë duke u mbështetur tek platforma për nxitjen e punësimit dhe tek projektet infrastrukturore, që mund të ndërtohen falë paketës prej 20 miliard euro për rajonin të Bashkimit Europian.

Për të parën, Rama tha se sot vendi ka mundësi për të ndezur motorë të rinj të ekonomisë falë rritjes së fuqisë së brendshme të tij.

“Pse dhe si do ta bëjmë Shqipërinë të vrapojë në mandatin e tretë pasi ka ecur dhe ka ecur jo pak në këtë mandat, duke rimarrë veten nga lëngimi dhe paraliza ku ne e gjetëm në mandatin e parë? Faktet thonë që ne kemi dy krahë, kemi krahun e fuqisë sonë të brendshme që sot është shumë më e madhe seç ishte dhe përmes këtij krahu kemi sot para syve tanë një sërë motorësh të rinj për t’i ndezur ekonomisë dhe për të nxitur jo thjesht punësimin në numra, por një punësim ku vlera e pagës edhe në sektorin privat do të rritet”, u shpreh ai.

Krahu tjetër është paketa financiare prej 20 ml eurosh e premtuar nga Bashkimi Europian për rajonin në infrastrukturë, energji dhe digjitalizim.

“Kemi krahun tjetër të ri që është shumë i fuqishëm që është plani i ri europian, që bazohet tek ai që ka qenë vizioni që për fatin tim të madh dhe nderin tim të madh ju e keni përqafuar të gjithë, vizioni i shengenit rajonal. Ka qenë ai vizion që ka avancuar me vështirësi vit pas viti dhe që është bërë baza sot e planit masiv europian pas ndryshimit të Komisionit Europian dhe ka qenë edhe këmbëngulja jonë për të këmbëngulur që integrimi europian individualisht mund të marrë kohë dhe rajoni duhet mbështetur. Komisioneri për Zgjerimin erdhi këtu dhe tha për një plan prej 9 mld euro grante për vendet e rajonit dhe 20 mld të tjera kredi të garantuara nga 1 mld në 9 mld”, u shpreh Rama.

Por a është në gjendje Shqipëria që të përthithë fondet e BE-së? Rama foli i bindur që po.

“Na takon ne që të bëjmë projektet dhe t’i kthejmë këto para në investime. Ne e kemi treguar që dimë ta bëjmë këtë. Paratë për bujqësinë ishin aty prej vitesh. U desh vota e 2017 që ne të merrnim kreditimin për agjencinë dhe sot ne jemi vendi i parë në rajon për thithjen e fondeve të BE-së për bujqësinë”, deklaroi Kryeministri.

Në lidhje me projektet infrastrukturore, Rama premtoi ndërtimin e hekurudhës Tiranë-Durrës, ndërtimin e aeroporteve në Vlorë e Sarandë dhe përfundimin e aeroportit të Kukësit. Sa u takon porteve, Kryeministri premtoi ndërtimin e portit të jahteve në Vlorë, portin e ri në Sarandë dhe portin e mallrave në Porto Romano, duke e shndërruar në port vetëm për pasagjerë portin e Durrësit. Po ashtu, ai tha se do të shqyrtohet mundësia bashkë me Qeverinë e Kosovës për portin e Shëngjinit.

Sa u takon projekteve në rrugë, Rama deklaroi se shpejt do të nisë puna për autostradën Milot-Fier dhe do të vazhdohet me Milot-Muriqan, si pjesë e “Korridorit Blu” dhe premtoi mbylljen e punimeve në Rrugën e Kombit.