⁣Divorci me Kryemadhin. Ilir Meta shoqërohet nga Policia e Burgjeve në Gjykatën e Tiranës

Xhamajkani Bolt e fitoi me një lehtësi të çuditshme titullin olimpik në vitin 2008.

⁣Magazina me rroba 'firmato' false te Rruga e Arbrit, në pranga 4 persona

Rama i jep kurajo Kombëtares: Tani keni radhën të tregoni sa vleni

Florian Kamberi kishte tre mundësi zgjedhjeje: Shqipërinë, Kosovën dhe Zvicrën. Vendosi të bëhet kuqezi dhe meriton respekt. Ai i tha “Po” trajnerit Edi Reja, duke u bërë pjesë e Shqipërisë. Sulmuesi 24-vjeçar u bind nga interesimi konkret i përfaqësuesve të Kombëtares shqiptare dhe nuk deshi të piste më as për Zvicrën dhe as për Kosovën.

Ndihmësi i trajnerit Edi Reja në Kombëtare, Serxhio Porrini, shkoi në Skoci për t’u takuar nga afër me futbollistin e Hibernian. E ndoqi atë gjatë ndeshjes me Selltikun, ku Kamberi shënoi një gol me kokë, por e nisi nga stoli. Pjesëtari i stafit kuqezi foli në mënyrë direkte me lojtarin, duke i bërë të qartë projektin për të ardhmen dhe kjo lëvizje mjaftoi që Kamberi të bindej për të veshur fanellën kuqezi dhe tashmë ai është pjesë e listës zyrtare të trajnerit Reja për ndeshjet me Andorrën dhe Francën.

Kush është Florian Kamberi? Ai ka lindur në Zvicër, në Zyrih, më 8 mars 1995 (24 vjeç). Është një sulmues shtatlartë, 1.89 metra i gjatë. Një lojtar i tipit të Balajt dhe Cikalleshi, luan me këmbën e majtë dhe pikën e fortë ka luftën në ajër. Është formuar si futbollistë në Zvicër, aty ku ka lindur. Hapat e parë të futbollit profesionist i ka hedhur me skuadrën e Grasshopersit. Pas dy sezonesh me këtë ekip, kaloi te Kalsruhe në Gjermani, në Bundesligën 2. Prej vitit 2018 është pjesë e ekipit Hibernian në Skoci. Ka shënuar 18 gola me fanellën e ekipit skocez. Ka luajtur 11 ndeshje këtë sezon në kampionat, 7 nga të cilat si titullar dhe ka shënuar 1 gol.

Florian Kamberi ka qenë më parë pjesë e Kombëtares U-21 të Zvicrës. Ai është aktivizuar në katër ndeshje me këtë ekip dhe ka shënuar një gol. Këtë herë drejtuesit kuqezinj janë treguar të shkathët dhe ia kanë rrëmbyer Zvicrës, duke përfituar ndoshta nga pritja e zgjatur e sulmuesit për t’u thirrur nga zviceranët. Zgjedhja e Kamberit me siguri ka bërë xheloze edhe Kosovën, pasi sulmuesi mund të shkonte edhe me këtë kombëtare, nëse dëshironte. Zemra e tij, ndoshta edhe rrethanat, i thanë “Po” fanellës kuqezi dhe tani mbetet që lojtari të prezantohet në mëyrën më të mirë në fushën e blertë.

Ambasada Amerikane në Tiranë thotë se Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën.

“Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, mësoni se si Struktura e Posaçme Anti-Korrupsion dhe Krim i Organizuar, ose SPAK, do të funksionojë. Me t’u ngritur, do të shënjestrojë korrupsionin e nivelit të lartë. Kjo video tregon se si mbështetja prej 2 milionë dollarësh nga Shtetet e Bashkuara po përdoret për të siguruar që SPAK do të ngrihet dhe do të funksionojë në mënyrë të pavarur”, thotë përfaqësia diplomatike e Uashingtonit në Tiranë përmes një videomesazhi të shpërndarë në rrjetet sociale.

Shqipëria dhe Turqia nënshkruan këtë të shtunë marrëveshjen për rindërtimin, që i hap rrugë agjencisë turke të strehimit social që të investohet në ndërtimin e 500 banesave në qytetin e Laçit, sipas ndihmës së ofruar nga Presidenti turk, Recep Taip Erdogan pas tërmetit të 26 nëntorit.

Marrëveshja u nënshkruar nga ministri turk i Mjedisit dhe Urbanizimit, Murat Kurum dhe ministri shqiptar i Rindërtimit, Arben Ahmetaj në prani të Kryeministrit Edi Rama.

“Tani jemi në fazën e dytë të këtij projekti dhe kemi ardhur në këtë moment të nënshkrimit për të vazhduar me zbatimin e këtij programi bashkëpunimi. Janë 500 njësi të reja banimi që do të ndërtohen nga miqtë e ardhur nga Turqia me porosi të Presidentit Erdogan dhe ne kemi zgjedhur zonën e Laçit ku besojmë se me këtë projekt do t’i hapim rrugë një transformimi rrënjësor me qëllim që njerëzit që humbën shtëpitë të kthehen në shtëpi më të mira sesa ato që humbën”, deklaroi në fjalën e rastit, Kryeministri Edi Rama.

Në fjalën e tij, ministri turk ripërcolli edhe njëherë mesazhin e Presidentit turk në mbështetje të popullit shqiptar dhe tha se realizimi i 500 banesave është shenjë konkrete e kësaj mbështetjeje.

Duke sjellë në vëmendje një deklaratë 2016-ës të kryetarit të Bashkisë së Tiranës, Erion Veliaj për mensat sociale të hapura nga bashkia dhe dokumentacionin që kërkohet aktualisht për të ngrënë në këto mensa, Partia Demokratike thotë se ranë maskat e kryebashkiakut të kryeqytetit, që përdor këto mensa për propagandë.

“Erion Veliaj është kryebashkiaku mashtrues dhe me dy fytyra i Tiranës. Njërën fytyrë e ka për propagandën e shtrenjtë në ekrane, fytyra tjetër është ajo më pranë të vërtetës, shpërfillja e më të pamundurve deri në refuzimin e një pjate supë”, deklaroi nga Selia Blu, Orjola Pampuri.

PD iu referua një investigimit të emisionit “Boom”.

“Faktet e ofruara nga emisioni investigativ “Boom” janë të pakundërshtueshme. Të sigurosh një pjatë në mensat sociale të Erion Veliajt është më e vështirë dhe ka më shumë burokraci sesa të gjesh një punë. Në rrugët e Tiranës në këto ditë të ftohta dimri gjen plot njerëz që enden rrugëve, të pamundur për t’u ushqyer, apo për të siguruar një çati ku të shmangin të ftohtin. Ata i duhen kryemashtruesit të Tiranës vetëm për festa, që të verë përparësen, të marrë garuzhden, e të shesë një realitet të rremë, kur, në të vërtetë, pjatën e ngrohtë e pengon një mal me burokraci”, shtoi Pampuri.

Presidenti i Parlamentit Europian, David Sassoli jo vetëm që mbështeti ligjin special për verifikimin dhe sekuestrimin e pasurive të krimit të organizuar dhe paketën e ashtuquajtur “Anti-KÇK”, por i cilësoi të dyja këto nisma që Qeveria i kaloi në fund të javës së kaluar me dy akte normative si reflektim i vërejtjeve të marra vjeshtën e vitit të kaluar kur nuk u hapën negociatat.

“Pse është e rëndësishme reforma e miratuar nga qeveria shqiptare në fund të javës së kaluar? Është e rëndësishme sepse disa vërjejtje kishin të bënin me aspekte të rëndësishme të luftës kundër krimit të organizuar. Jam i kënaqur që mbi këtë reformë ka edhe pak frymë italiane. U bënë disa vërejtje dhe këtyre vërejtjeve Shqipëria po u përgjigjet përmes reformave që po kryen”, deklaroi kreu i Parlamentit Europian në konferencën e përbashkët për shtyp me Kryeministrin Edi Rama këtë të hënë në Tiranë.

Sassoli mendon se parashikimi i sekuestrimit të pasurive të krimit të organizuar është pika e fortë e ligjit të kaluaar dhe u shpreh optimist se falë edhe kësaj pike do të ketë një rezultat të madh, që do të ndikojë fort në ecurinë e integrimit të Shqipërisë në BE.

Sa u takon negociatave, Presidenti i Parlamentit Europian foli me bindje se me miratimin e metodologjisë së re si Shqipërisë, ashtu edhe Maqedonisë së Veriut do t’u hapën negociatat për anëtarësim.

Nga ana e tij, Kryeministri Edi Rama përsëriti qëndrimin e tij se refuzimi për hapjen e negociatave ishte pasojë e përplasjes së brendshme të Bashkimit Europian që nuk lidhej me zhvillimet as në Maqedoninë e Veriut dhe as në Shqipëri. Megjithatë, ai thotë se përgjigja “Jo” e Brukselit nuk ka demoralizuar Qeverinë e tij që të ndërmarra reformat që kërkohen për procesin e integrimit. Në këtë këndvështrim vlerësoi edhe dy nismat e fundit.

“Operacioni Forca e Ligjit dhe paketa anti-KÇK është prova e sigurtë e faktit që pavarësisht se negociatat nuk u hapën në tetorin e vitit të kaluar, puna jonë vazhdon njësoj sikur negociatat të ishin hapur, sepse është domosdoshmëria për ta kthyer Shqipërinë në të gjitha standardet e BE”, tha ai.

Kryeministri kërkoi durim nga njerëzit për rezultatet e dy nismave të fundit, ndërsa argumentoi edhe se përse këto nisma nuk janë ndërmarrë më parë.

“Njerëzit duhet të kuptojnë që ashtu si me reformën në drejtësi që po bëhet spastrimi i pallatit të drejtësisë, ashtu do të ndodhë edhe me këtë nismë. Dardha e ka bishtin mbrapa, sepse nuk mbaron me kaq, nëse vettingu të ka përjashtuar nga drejtësia nuk mbaron me kaq. Përpara nuk mund të bëhej dot, sepse nuk kishim SPAK, sepse nuk mund të krijohej OFL dhe më pas t’ua çonim dosjet atyre të KÇK-së, gjykatësve dhe prokurorëve të korruptuar. Tani jemi në kushtet që kemi mekanizmat e parë të reformës në drejtësi”, deklaroi ai.

Në dytën e dytë të zbritjes në terren, njësia speciale “Operacioni Forca e Ligjit” njoftoi se ka dorëzuar kërkesat për të provuar burimin e ligjshëm të pasurive tek Lulzim Berisha në Durrës dhe tek Ardian Çapja në Elbasan.

I pari u dënua në 2012 me burgim të përjetshëm për një sërë akuzash të rënda, por u lirua me kusht në 2016 pas një vendimi të kundërshtuar të Gjykatës së Apelit të Durrësit. Ndërkohë, për Ardian Çapjan ka dyshime se është i përfshirë në aktivitetin e vrasjeve me pagesë përgjatë periudhës 2009-2016 dhe akuzohet gjithashtu edhe për “vrasje të efektivit të policisë, mbetur në tentativë”, në një ngjarje të ndodhur pak vite më parë në qytetin e Elbasanit, ku dyshohet se Ardian Çapja ka qëlluar ndaj një patrulle policore.

Një grup eurodeputetësh të së djathtës europiane kërkuan prej Komisionerit të Zgjerimit, Oliver Varhelyi detaje se në çfarë faze ishte plotësimi i kushteve të vendosura nga ana e Bashkimit Europian për hapjen e negociatave me Shqipërinë.

Pyetjet u bënë gjatë një seance të Komitetit të Punëve të Jashtme të Parlamentit Europian, ku një pjesë e eurodeputetëve ishin të pranishëm fizikisht në sallë dhe pjesa tjetër përmes lidhjeve online ngritën shqetësimet e tyre.

Komisioneri i Zgjerimit tha se dy ishin çështjet e rëndësishme që po diskutohen aktualisht. Të parën renditi reformën zgjedhore dhe të dytën ligjin antishpifje, që u ngrit si shqetësim nga eurodeputeti suedez, David Lega. Në lidhje me paketën antishpifje, Varhelyi thotë se kishte marrë premtimin e Qeverisë shqiptare për të mos miratuar asnjë rregullore që mund të bjerë ndesh me atë se çfarë do të rekomandojë Komisioni i Venecias.

“Po, ne e kemi një plan për plotësimin e 15 pikave para se mbledhjes ndërqeveritare për negociatat dhe po punojmë me autoritetet shqiptare. Ka një progres në këtë drejtim dhe jam shpresëplotë se do të kemi një progres edhe domethënës në vazhdim. Janë dy çështje, reforma zgjedhore dhe e dyta ligji antishpifje. Kam marrë sinjale pozitive nga Qeveria shqiptar që nuk ka asnjë interes që të vazhdojë me rregulla që mund të cenojnë lirinë e medias dhe të shprehjes dhe që shkojnë përkundër rekomandimeve që do të japë Komisioni i Venecias”, deklaroi ai.

Në lidhje me luftën kundër korrupsionit dhe krimit të organizuar, Komisioneri tha se vijojnë të mbeten një problem shqetësues për të gjitha vendet e Ballkanit Perëndimor, por për Shqipërinë vlerësoi si mjaft pozitiv ligjin për bllokimin e pasurive të krimit të organizuar, miratuar në kuadër të paketës anti-KÇK.

Që ky ligj të jetë i suksesshëm, Varhelyi thotë se nevojitet bashkëpunimi i vendeve anëtare të Bashkimit Europian me Shqipërinë, pasi janë pikërisht këto vende ku krimi i organizuar shqiptar ka aktivitetin e tij më të madh.

“Nëse e shihni Shqipërinë, një ligj bllokimi asetesh kriminale u adoptua, ku çdo kriminel i akuzuar për krim të organizuar duhet të provojë menjëherë burimin e pasurisë. Kjo kërkon edhe bashkëpunimin e vendeve anëtare të BE”, deklaroi ai.

Sa i takon korrupsionit, Varhelyi deklaroi se ai mbetet një problem që kërkon vëmendje të vazhdueshme, për të gjitha vendet e rajonit.

Komisioneri u pyet gjithashtu mbi mundësinë që plani i rimëkëmbjes ekonomike post Covid-19 i Bashkimit Europian të zgjerohet edhe në vendet e Ballkanit Perëndimor. Ai nuk e përjashtoi këtë si mundësi, por e mbetet për t’u vendosur në një periudhë të mëvonshme. “Është mirë që e njëjta krizë të luftohet me të njëjtat masa”, u shpreh Varhelyi.

Një tjetër shqetësim i eurodeputetëve ishte emigracioni. Komisioneri tha se BE po punon me gjashtë vendet e Ballkanit Perëndimor për reformimin e sistemit të arsimor në mënyrë që të përafrohet me standardet e Bashkimit Europian dhe të përgatisë e përshtasë më mirë me nevojat e tregut të rinjtë e rajonit.

Komisioneri foli edhe për dialogun Kosovë-Serbi dhe idenë e shkëmbimit të territoreve. Këtij skenari i la derën hapur pak ditë më parë edhe vetë Përfaqësuesi për Politikën e Jashtme të BE-së, Josep Borrell. Por, disa eurodeputetë anëtarë të Komitetit të Punëve të Jashtme të PE-së e cilësuan si të rrezikshme këtë ide dhe kërkuan nga Brukseli që ta kundërshtojë me forcë.

Me një gjuhë diplomatike, vetë Komisioneri i Zgjerimit, Oliver Varhelyi nuk u rreshtua me asnjërën palë. Ai e cilësoi çështje dytësore shkëmbimin e territoreve mes Kosovës dhe Serbisë. Parësore, sipas tij mbetet rikthimi i palëve në tryezën e bisedimeve.

“Është një çështje dytësore që nuk ka asnjë kuptim që të diskutohet për ndryshim kufijsh, përsa kohë nuk kemi asnjë palë në tryezë, ndaj prioritet duhet të jetë rifillimi i dialogut dhe më pas faza tjetër për gjetjen e një marrëveshjeje. Shkëmbim territoresh, ose jo nuk është një çështje emergjence, por thjesht ndalon çdo dialog me kuptim”, u përgjigj ai.

Pandemia e koronavirusit detyroi Kuvendi që të ndërhyjë në rregulloren e tij për ta përshtatur me kushtet e reja të gjendjes së fatkeqësisë natyrore dhe domosdoshmërisë së respektimit të distancimit fizik.

Ndryshimet parashikuan zhvillimin e mbledhjeve të Komisioneve parlamentare në distancë duke shfrytëzuar platformat teknologjike që mundësojnë komunikimin online. Por, pakkush e mendonte në kohën që u ndryshua kjo rregullore se ajo do të merrej si leje për të marrë pjesë në punimet e komisionit edhe nga makina, madje edhe nga jashtë shtetit fare.

Kështu ka ndodhur në Komisionin për Integrimin Europian, që drejtohet nga Rudina Hajdari, ku deputeti Arlind Çaçani ka votuar nga makina e tij gjatë mbledhjes së fundit të këtij Komisioni. Instituti i Studimeve Politike e vlerëson këtë si “tejkalim edhe të parashikimeve më imagjinare”.

“Një rrugë e tri punë, - udhëton, debaton dhe voton! E para, duket sikur ai është vetë në timon, Kodi Rrugor e ndalon përdorimin e teknologjisë gjatë udhëtimit dhe udhëtimin pa rrip sigurimi; së dyti Rregullorja e Kuvendit nuk ka ndonjë dispozitë që parasheh votimin në këtë formë dhe së treti...është interesante të mësohet sesi deputeti gjatë udhëtimit ka ndjekur debatin, ka lexuar materialin dhe në fund ka krijuar bindjen e votimit! Por imagjinoni nëse ai do të kërkonte fjalën për të bërë ndonjë amendim, për procedurë apo për të bërë pyetje dhe diskutim”, pyet ISP.

Instituti thotë se është në pritje se si do të reagojë Sekretariati për Procedurat, Votimet dhe Etikën, drejtuesi i të cilit, Alketa Hyseni ndodhej vetë i pranishëm gjatë seancës ku deputeti Çaçani votoi nga makina e tij

Teatri Kombëtar nisi të shembet në orët e para të ditës së sotme.

Rreth orës 04:30, fadromat e Inspektoratit të Mbrojtjes së Territorit nisën rrafshimin e të dyja godinave, Tetarit Eksperimental dhe atij Kombëtar. Grupi i artistëve të Teatrit Kombëtar së bashku me disa politikanë janë shoqëruar në komisariat, ndërsa në vendin e ngjarjes ndodhen forca të shumta policie. Mes tyre janë Robert Budina, Neritan Liçaj dhe të tjerë. Prane teatrit janë forca të shumta policie, por edhe qytetarë.

Kryeministri Edi Rama do t’u kërkojë shqiptarëve më 25 prill mandatin e tretë duke u mbështetur tek platforma për nxitjen e punësimit dhe tek projektet infrastrukturore, që mund të ndërtohen falë paketës prej 20 miliard euro për rajonin të Bashkimit Europian.

Për të parën, Rama tha se sot vendi ka mundësi për të ndezur motorë të rinj të ekonomisë falë rritjes së fuqisë së brendshme të tij.

“Pse dhe si do ta bëjmë Shqipërinë të vrapojë në mandatin e tretë pasi ka ecur dhe ka ecur jo pak në këtë mandat, duke rimarrë veten nga lëngimi dhe paraliza ku ne e gjetëm në mandatin e parë? Faktet thonë që ne kemi dy krahë, kemi krahun e fuqisë sonë të brendshme që sot është shumë më e madhe seç ishte dhe përmes këtij krahu kemi sot para syve tanë një sërë motorësh të rinj për t’i ndezur ekonomisë dhe për të nxitur jo thjesht punësimin në numra, por një punësim ku vlera e pagës edhe në sektorin privat do të rritet”, u shpreh ai.

Krahu tjetër është paketa financiare prej 20 ml eurosh e premtuar nga Bashkimi Europian për rajonin në infrastrukturë, energji dhe digjitalizim.

“Kemi krahun tjetër të ri që është shumë i fuqishëm që është plani i ri europian, që bazohet tek ai që ka qenë vizioni që për fatin tim të madh dhe nderin tim të madh ju e keni përqafuar të gjithë, vizioni i shengenit rajonal. Ka qenë ai vizion që ka avancuar me vështirësi vit pas viti dhe që është bërë baza sot e planit masiv europian pas ndryshimit të Komisionit Europian dhe ka qenë edhe këmbëngulja jonë për të këmbëngulur që integrimi europian individualisht mund të marrë kohë dhe rajoni duhet mbështetur. Komisioneri për Zgjerimin erdhi këtu dhe tha për një plan prej 9 mld euro grante për vendet e rajonit dhe 20 mld të tjera kredi të garantuara nga 1 mld në 9 mld”, u shpreh Rama.

Por a është në gjendje Shqipëria që të përthithë fondet e BE-së? Rama foli i bindur që po.

“Na takon ne që të bëjmë projektet dhe t’i kthejmë këto para në investime. Ne e kemi treguar që dimë ta bëjmë këtë. Paratë për bujqësinë ishin aty prej vitesh. U desh vota e 2017 që ne të merrnim kreditimin për agjencinë dhe sot ne jemi vendi i parë në rajon për thithjen e fondeve të BE-së për bujqësinë”, deklaroi Kryeministri.

Në lidhje me projektet infrastrukturore, Rama premtoi ndërtimin e hekurudhës Tiranë-Durrës, ndërtimin e aeroporteve në Vlorë e Sarandë dhe përfundimin e aeroportit të Kukësit. Sa u takon porteve, Kryeministri premtoi ndërtimin e portit të jahteve në Vlorë, portin e ri në Sarandë dhe portin e mallrave në Porto Romano, duke e shndërruar në port vetëm për pasagjerë portin e Durrësit. Po ashtu, ai tha se do të shqyrtohet mundësia bashkë me Qeverinë e Kosovës për portin e Shëngjinit.

Sa u takon projekteve në rrugë, Rama deklaroi se shpejt do të nisë puna për autostradën Milot-Fier dhe do të vazhdohet me Milot-Muriqan, si pjesë e “Korridorit Blu” dhe premtoi mbylljen e punimeve në Rrugën e Kombit.

Ministrja e Shëndetësisë, Ogerta Manastirliu thotë se Shqipëria është e përgatitur për tre skenarë, që shkojnë deri në trajtimin e 1600 pacientëve të shtruar me Covid në të njëjtën kohë, duke përfshirë edhe spitalet rajonale.

Në skenarin e parë, Ministria parashikon përballimin e fluksit të pacientëve nga spitalet Covid 1 dhe Covid 2, pra infektivi dhe “Shefqet Ndroqi”.

Skenari i dytë përfshin hapjen e spitaleve Covid 3 dhe 4 duke e rritur kapacitetin e shtrimeve në 550 pacientë.

“Në strategjinë tonë vjeshtë-dimër ne jemi të përgatitur për 3 skenarë me struktura të dedikuara për trajtimin e pacientëve me Covid. Aktualisht kemi Covid 1 dhe 2 dhe kemi gati Covid 3 dhe 4. Kemi të shtruar 234 pacientë me Covid 3 dhe 4 kapaciteti shkon në 550”, deklaroi Manastirliu.

Skenari i tretë është përfshirja graduale të 11 spitaleve rajonale.

“Të tre skenarët parashikojnë përfshirjen e spitaleve rajonale nëse plotësohen 550 shtretër, në skenarin e parë hapen 5 spitale rajonale, ku shtohemi me 600 shtretër. Në skenarin e dytë hapim 3 spitale të tjerë rajonale, me 240 shtretër dhe në skenarin e tretë përfshirjen e 3 spitaleve rajonale dhe shtohemi me 148 shtretër. Në total do të kemi në dispozicion për pacientët Covid rreth 1600 shtretër, të pajisur me të gjitha elementët e nevojshme për të trajtuar rastet”, tha Manastirliu.

Ministrja garantoi se Shqipëria ofron në masën 100 për qind të gjitha terapitë që ofrohen nga vendet e zhvilluara perëndimore, si terapia me plazmën e gjakut, apo ajo me remdesivir.

Para nisjes në
Shqipëri bashkë me katër fëmijët e shpëtuar nga kampi Al Hol, Kryeministri Edi
Rama postoi një video të takimit me gjeneralin libanez, Abass Ibrahim, që e
vlerëson si një prej aktorëve kryesorë në lirimin e tyre.



Rama shoqërohet
në këtë takim nga Ministri i Brendshëm, Sandër Lleshaj, ndërsa thotë se në këtë
takim me ushtarakun e lartë libanez është konfirmuar vijimi i operacionit për
kthimin e fëmijëve të tjerë.



“Me Gjeneralin
Abass përpara kthimit në atdhe bashkë me fëmijët, për ta falenderuar për
ndihmën e tij të paçmueshme, si edhe për të konfirmuar sy më sy vijimin e
operacionit për kthimin e fëmijëve të tjerë”, shkruan Rama.

⁣Manastirliu në kuvend flet per keshillimet psikologjike.

Parashikohej një fjalim i gjatë i Kryeministrit Edi Rama, ku të shpjegonte shkeljet e Presidentit Ilir Meta dhe kërkonte shkarkimin e tij nga Kuvendit.

Por, kreu i Qeverisë foli si rrallëherë shkurt, me mendjen e ndarë dhe kërkesën e qartë për deputetët: votimin pa ngurrim të shkarkimit të Metës.

“Ilir Meta ka tradhtuar misionin e Presidentit! Ka poshtëruar Kushtetutën! Ka shembur institucionin e garantit të unitetit kombëtar! Ka dhunuar kufirin jetik të ndarjes së pushteteve në demokracinë tonë paarlamentare! Ka turpëruar Shqipërinë dhe popullin shqiptar në marrëdhënien krejt speciale me SHBA! Ka zhgarravitur fytyrën e shtetit shqiptar në marrëdhënie me përfaqësitë e bashkësisë demokratike ndërkombëtare në Shqipëri! I ka humbur plotësisht dhe përfundimisht të gjitha mundësitë që i janë dhënë bujarisht dhe në mënyrë të përsëritur për t’u kthyer në binarët e arsye morale dhe ligjore”, tha Rama.

Kryeministri tha se Meta është një barrë që vendi s’mund ta mbajë më në kurriz dhe shkarkimin e tij, u shpreh se e kërkonte shumica e shqiptarëve.

“Shqipëria nuk mund ta mbajë më në kurriz Ilir Metën, duke u bërë gazi i botë në sytë e miqëve të saj, prandaj ky parlament sot duhet të ushtrojë pa ngurrrim vullnetin e më shumë se 90 për qind të popullit shqiptar për ta shkarkuar Ilir Metën nga detyra. Keqardhje për mikun tonë të dikurshëm Ilir, por Meta i sotëm nuk mund të ketë kurrsesi më statusin e lartë që i ka dhënë Parlamenti. Ilir Meta ka mbaruar punë me rolin që mori nga Parlamenti dhe fjalët për të si President ka mbaruar dhe tani të flasë Parlamenti me votë”, tha Rama.

⁣Spanjë, Ardi Veliu paralajmëron goditjen e pasurive të trafikantëve të drogës

⁣Momenti kur policia spanjolle arreston trafikantët shqiptarë të drogës