Pasi Erion Veliaj “gjeti” kushëririn e parë të Lulzim Bashës, që u anëtarësua në Partinë Socialiste, pak më shumë se një muaj më vonë, Lulzim Basha “zbuloi” kushëririn e dytë të Edi Ramës që nuk do të votojë Partinë Socialiste.

Në të dyja rastet, kushërinjtë shfaqen të zhgënjyer dhe besimhumbur tek të afërmit e tyre politikanë. Qëllimi duket i qartë; për të treguar se kundërshtari ka humbur besimin tek njerëzit e tij dhe kur themi njerëzit e tij, jo tek militantët besnikë të partisë, por tek njerëzit me lidhje gjaku.

“S'të voton as gruaja, as lagjja, as rrugica madje! Kur ju them unë që këta s'bëjnë dot as votat e shtëpisë, jo më të qytetit ku s'ngulën një gozhdë. Basha nuk gëzon as besimin e familjarëve. Djali i xhaxhait të tij i bashkohet PS-së Nj. 8”, deklaronte kryebashkiaku i Tiranës, Erion Veliaj pas lajmit se kushëriri i parë i Lulzim Bashës kishte marrë teserën e anëtarësimit në PS.

“Familja e tij janë oligarkët! Familja ime jeni ju!”, i drejtohej Lulzim Basha një qytetari në Vlorë, që iu prezantua si kushëriri i dytë i Edi Ramës e të cilin e akuzonte se i kishte marrë pronat për t’ja dhënë oligarkëve.

Kjo është merkato e deritanishme e “kushërinjve”, një garë se kush i merr kujt më shumë kushërinj që mund të rezultojë si flakë kashte që nuk shkon dot përtej prodhimit të lajmit të ditës. Fenomeni i kësaj parafushate elektorale, ku politika po “zbulon” kushërinjtë që mendojnë ndryshe më shumë mund të sjell humor, sidomos në rrjetet sociale, sesa vota më 25 prill.

Mund të ndodhë që “kështu t’i dojë mushka drutë” dhe kështu po i ofron politika, që në të gjitha sondazhet është në nivelin më të ulët të besimit që gëzon tek qytetarët. Madje, ajo nuk besohet më për premtimet që jep as nga biznesi, të paktën sipas një sondazhi të realizuar nga Konfindustria.

E me besimin e humbur te qytetarët dhe humbjen e besimit në vetvete se mund të bëhet e besueshme në sy të qytetarëve, ajo po luan me karta që për shqiptarët nuk duhet të përbënin lajm, se fundja të gjithë e kemi nga një kushëri/të afërm që mendon politikisht ndryshe nga ne e ndaj s’duhet tw habitemi pse tw tillw kanw edhe Rama, edhe Basha!

Ndërhyrja e Policisë Bashkiake të Fierit në heqjen e një banderole gjigante të LSI-së të vendosur në një ndërtesë në qendër të qytetit ka nxitur reagimin e kandidatëve për deputetë dhe mbështetësve të kësaj partie.

Ish-deputetja e LSI-së, Kejdi Mehmetaj, që më 25 prill kandidon si e dytë në listën e kësaj partie në Qarkun e Fierit, fill pas Monika Kryemadhit, akuzoi Bashkinë e Fierit se po shkelte ligjin.

Debati degjeneroi në një moment edhe në përlashje fizike mes mbështetësve të LSI-së dhe punonjësve të Policisë Bashkiake të Fierit në ambientet e brendshme të policisë.

Mehmetaj akuzon se policia bashkiake ka hequr banderolat e LSI-së dhe vendosur të Partisë Socialiste duke shkelur ligjin.

Në lidhje me këtë përplasje ka reaguar edhe Presidenti Ilir Meta.

“U bëj thirrje kandidatëve të LSI në Fier të mos bien pre e provokimeve të Policisë Bashkiake për çështjen e banderolave dhe ta tejkalojnë me urtësi këtë moment. Ndërsa po u prek një votë ditën e votimeve t'i mprehin sfurqet, se si gratë trime të Libofshës do t'i ndjekim këmba-këmbës horrat, nëse nuk kanë kuptuar gjë akoma”, shkruan Presidenti.

Banderola e LSI-së ishte e vendosur pranë skenës që po ngrihej nga Partia Socialiste në qytetin e Fierit, ku pasditen e së mërkurës, Kryeministri Edi Rama do të mbyllë fushatën në këtë Qark.

⁣Himarë, vatër aktive zjarri në përroin e Vishës

⁣Këtë të shtunë ka nisur zhbllokimi i dy pikave kufitare,
Jarinjë dhe Bërnjak, të cilat lidhin Kosovën dhe Serbinë. Në orët e hershme të
mëngjesit, në afërsi të këtyre dy pikave kufitare janë parë pjesëtarë të
misionit të NATO-s në Kosovë, KFOR.

Në krahasim me fjalimet e zakonshme në seancat plenare të Kuvendit, fjalimi i kësaj të enjteje i Kryeministrit Edi Rama ishte më i shkurtër, por po aq thumbues në drejtim të Lulzim Bashës.

Pasi akuzoi Partinë Demokratike se po përsëriste të njëjtat gabime që e kanë çuar nga humbja në humbje në zgjedhje, nga foltorja e parlamentit, Edi Rama i solli Lulzim Bashës reminishenca të një tjetër “Foltoreje”, asaj të Sali Berishës.

Kryeministri përdori fjalët e Berishës, që në turin e takimeve me mbështetësit e vet e ka akuzuar Lulzim Bashën si kryetar “kukull” të PD-së dhe “peng” të Edi Ramës.

“Të përsërisësh të njëjtën gjë dhe të presësh një rezultat tjetër është tipari i mendjelehtësisë. Natyrisht, duke përsëritur të njëjtën gjë, të njëjtin rezultat do të merrni sërish. Kjo është zgjedhja juaj dhe nuk jam unë që duhet t’ju inkurajoj, aq më tepër tani që jeni në garë se kush është kukulla, se kush është pengu dhe kush shpif e shan më shumë për të treguar që nuk është as kukull dhe as peng”, tha Rama.

Thumbimet shoqëruan thuajse të gjithë fjalimin, ku Kryeministri e këshilloi opozitën që të heqë dorë nga akuzat, sipas tij, boshe ndaj ministrave sepse nuk i sjellin mbështetje.

“Se ça mbillni këtu në katër vite, shkoni e korrni atje”, tha ai.

Sali Berisha, që turin e foltoreve të mërkurën e ndali në Gjirokastër, nuk ishte i pranishëm në sallë.

FOTO BERISHA

Ndërkohë, Basha iu kundërpërgjigj Ramës duke akuzuar se po përpiqet që të zhvendosë debatet që bëhen për interesat e qytetarëve në kacafytje personale.

“Shikoni pak të dashur qytetar se ku e zhvendos një debat që është për ju, për xhepat tuaj, për situatën ku ndodheni ju. Shikoni si do që ta zhvendosë në një kacafytje dhe protagonizëm personal, njësoj si në ditët e para të pandemisë, ku na dilte dhe kur hapnim frigoriferin. Frigoriferi bosh nga ushqimet, po dilte koka e tij. Shikoni si e koncepton politikën ky. Shikoni si i drejtohet opozitës, moratorium heshtjeje, mbyllni gojën, pse? Sepse ka frikë nga e vërteta!”, tha Basha.

⁣41-vjeçari Gentian Bejtja, të cilit iu bë atentat sonte në Fushë Krujë, ka rënë pre e një atentati edhe në vitin 2016, kur në automjetin e tij shpërtheu një sasi tritoli. Ai mbeti i plagosur nga atentati me tritol në atë kohë. Bejtja rezulton person me precedentë të mëparshëm penalë dhe një emër i njohur për policinë. Emri i tij lidhet me vrasjen e kryekomisarit Dritan Lamaj.

Duke filluar nga java e ardhshme, Komisioni Hetimor parlamentar i ngritur për incineratorët do të nisë seancat dëgjimore me personat që ka thirrur për të dëshmuar, mes të cilëve edhe Kryeministri Edi Rama, që sipas kryetares së këtij komisioni, Jorida Tabaku ka konfirmuar pjesëmarrjen.

Dëgjesat janë ndarë në dy javë.

“Nga e hëna do të thërrasim dëshmitarët nga fillimi i javës, me mediat, specialistët dhe personat përgjegjës të prokurorimit publik”, deklaroi Tabaku.

Javën e dytë do të dëgjohen personat politikë, mes të cilëve edhe Kryeministri Edi Rama, që Tabaku tha se ka konfirmuar pjesëmarrjen.

“Kryeministri Edi Rama ka konfirmuar pjesëmarrjen e tij, ministrat Ahmetaj, Gjiknuri dhe njëkohësisht tre kryetarët e bashkive. Në Elbasan kemi një rast specifik. Kemi ish-kryetarin (Qazim Sejdini) dhe kryetarin aktual të Bashkisë


Tabaku tha se nga java tjetër do të dorëzojë padi penale për titullarët e institucioneve shtetërore dhe bankave të nivelit të dytë, që nuk kanë dorëzuar në këtë komision dokumentacionet dhe informacionet e kërkuara.

“Unë i kam administruar këto dokumenta, sepse i kam kërkuar qeverisë gjatë denoncimeve si deputete. Atëherë m’i dhanë se siç duket nuk mendonin se ne do t’i shkonim deri në fund kësaj çështjeje. Sot po kërkoj që t’i administroj si provë në Komision. Kemi hasur në rezistencë nga ana e Drejtorisë së Tatimeve që të sjellë të gjithë informacionin e kërkuar. Komisioni hetimor e ka në tagër që të administrojë çdo informacion, ashtu si çdo institucion tjetër hetues dhe i bëj thirrje edhe sistemit bankar që të kthejnë përgjigje, sepse përndryshe filloj paditë penale javën tjetër”, deklaroi Tabaku.

Kryetarja e komisionit hetimor u shpreh se deputetët do të vizitojnë tre incineratorët për ta parë nga afër investimet.

“Ramë dakord që të bëjmë vizita te të tre incineratorët. Ai i Elbasanit është skenë krimi tashmë, ndërkohë që te Fieri dhe Tirana kemi shumë për të gjetur, shumë për të parë. Aty nuk ka incinerator, nuk ka impiant incenerimi, megjithëse pagesat janë bërë.

⁣Kolona e tankeve ruse goditet nga ushtria ukrainase dhe tërhiqet

Marshim në mbështetje të Ukrainës në Tiranë.

⁣Dëme në infrastrukturë në Pukë për shkak të motit të keq

⁣Arrestohen dy persona me kallashnikov në makinë, dyshohet se do vidhnin një banesë

⁣Monika Kryemadhi pas daljes nga SPAK, ku dorëzoi prova të reja për inceneratorin e Tiranës

⁣Rikthimi i Lulzim Bashës, pas zgjedhjeve lokale takon të rinjtë

⁣Momenti i arrestimit të Artan Tafanit, njeriu që zbuloi 6 vrasjet e grupit të Laert Haxhiut

⁣Në Tiranë kanë nisur përgatitjet edhe për
mikpritjen e sekretarin Amerikan të Shtetit, Antony Blinken.

Në rrugët ku do të kalojë Blinken janë
vendosur flamuj shqiptarë dhe amerikanë. Ndërsa në Fakultetin Politeknik është vendosur
një banderolë e zyrtarit të lartë amerikan, me mbishkrimin “Mirë se vjen zoti
Blinken”.

⁣Aleksandar Vuçiç flet për mediat në Tiranë për samitin për Ukrainën

⁣Baza ajrore e NATO-s pret zyrtarë dhe delegacione të huaja në Kuçovë

⁣Situata paraqitet e qetë në askin Bogë-Theth, ku dy mjete borëpastruese janë në terren për të mbajtur rrugën e hapur. Në këtë aks lëvizet me goma dimërore

⁣Një apartament në një pallat në zonën e Astirit është
përfshirë nga flakët.

Ende nuk dihen detaje në lidhje me shkaqet e zjarrit.

⁣Dhunonte gruan dhe kërcënonte se do ta vriste, arrestohet 50-vjeçari