Një dyqan i vogël në qytetin e Manzës është shndërruar në varkën e shpëtimit për katër të moshuar, që u jep ushqime falas në këto kohë izolimi, megjithëse vetë lista e borxheve që i kanë i rrezikon falimentin.

Pronari i dyqanit të vogël tregon në këtë video të siguruar nga gazeta “Si” bllokun e borxheve që banorët e qytezës së vogël në rrugën që të çon për tek Gjiri i Lalëzit.

Ai thotë se lista e borxheve është e gjatë dhe se rrezikon që të falimentojë dhe ta mbyllë edhe atë pak aktivitet që ka në këtë periudhë.

“Jemi bërë që të flasim me veten edhe neve si tregtarë. Ça të bëjmë”, thotë ai.

Patrullat e policisë do të vëzhgojnë me rreptësi hapësirat publike dhe ambientet e tjera ku pas ditës së enjte do të vendoset me detyrim mbajtja e maskave për qytetarët.

Paralajmërimi është dhënë nga Drejtori i Përgjithshëm i Policisë së Shtetit, Ardi Veliu.

“Duke filluar nga dita e enjte, çdo qytetar është i detyruar që të mbajë maskë që në momentin që del nga dera e shtëpisë së tij. Patrullat policore do të monitorojnë ambientet dhe hapësirat publike, ku nga e enjtja është e detyruar mbajtja e maskës”, tha Veliu.

Drejtori i Përgjithshëm i Policisë së Shtetit tha se për të gjitha rastet policia do të zbatojë kuadrin ligjor për masat ndëshkimore ndaj qytetarëve. Në fund, Veliu kërkoi nga qytetarët bashkëpunim me policinë dhe të respektojnë masat anti-Covid.

⁣Mjeku i spitalit të Krujës: Të shtruar në urgjencë edhe 7 fëmijë

⁣Protesta e opozitës para kryeministrisë, Edi Rama nuk ndodhet në Tiranë

Fredi Beleri kthehet ne burg

⁣Hotel për prostitucion në Tiranë, goditet grupi që shfrytëzonte 48 vajza të huaja

Dy pretendentët kryesorë në kampionatin amerikan të basketbollit, Golden Stejt Uorriës dhe Miluoki Baks ka fituar edhe në ndeshjet e dyta në finalet e konferencës. Të dyja tashmë udhëheqin 2-0 ndaj Torontos dhe Portland, dhe janë shumë pranë finales së madhe të NBA për këtë sezon.

Monitimi i çadrave në zonën e Thumanës që ka qenë më e prekur nga lëkundjet sizimike.

Krishtlindje, mesazhi i Janullatos për shqiptarët

⁣Vepra "Prefekti", qe u lexua ne Teatrin Kombetar

⁣Pas një seance maratonë, të nisur prej orës 09:00 të mëngjesit, Gjykata ka dënuar
ish-Ministrin e Brendshëm Saimir Tahiri me 5 vite burg për shpërdorim të
detyrës dhe se me veprimet e tij ka dëmtuar shteti. Por me gjykim të shkurtuar
dënimi ulet atij i ulet në 3.4 vite burgim.

“Shtëpi bari” edhe në Kukës, por në banesë nuk kishte njeri!

⁣Protesta e thirrur nga Fronti i Shpëtimit Kombëtar, që PD thotë se e ka ngritur bashkë me shoqërinë civile nisi pak para orës 19:00 para Ministrisë së Brendshme.

Dhjetra protestues, mes të cilëve aktivistë të shoqërisë civile dhe drejtues të Partisë Demokratike u mblodhën para këtij institucionit me parrulla ku veç dorëheqjes së ministrit të Brendshëm, Bledi Çuçi kërkohej edhe dorëheqja e Edi Ramës.

Protesta me moton “Nuk e vrau varka, e vrau shteti” u thirr pas tragjedisë së Himarës, ku një 7-vjeçare humbi jetën pasi u përplas nga skafi i drejtuar nga Arjan Tase, komisar policie me detyrë në Elbasan i shkarkuar tashmë nga drejtori i Përgjithshëm i Policisë së Shtetit, Gledis Nano.

Protesta mbështet edhe nga Partia e Lirisë, ndërsa Ilir Meta dhe Sali Berisha nga PD kanë deklaruar se ajo është vrasje shtetërore, duke e cuar zinxhirin e përgjegjësise deri te Kryeministri Edi Rama.

Ndërkohë, pak para nisjes së protestës ministri i Brendshëm, Bledi Çuçi është larguar nga godina e Ministrisë, duke deklaruar se nuk dëshironte që të keqkuptohej qëndrimi i tij brenda si provokim ndaj protestuesve.

Protestës iu bashkua edhe Sali Berisha e Ilir Meta, që thanë se shkonin aty si qytetarë. Berisha akuzoi Ramën se po shmangte përgjegjësinë dhe e fajësoi atë si njeriu që e politizoi ngjarjen.

Sipas Berishës, 7-vjecarja u vra nga njeriu i shtetit, duke iu referuar faktit që Arjan Tase ishte punonjës i policisë.

Pas Ministrisë së Brendshme, protesta u zhvendos para Kryeministrisë dhe Presidencë. Me thirrjet "Presidenti kukull", ata lanë 72 orë afat për dorëheqjen e 2 ministrave Çuçi dhe Kumbaro.

⁣Pamje nga hoteli i rrafshuar me tritol në Sarandë

⁣Momenti i mbërritjes në Drejtorinë e Policisë në Tiranë të vrasësit Dan Hutra

⁣Goli spektakolar me kombëtaren i Kristjan Asllanit kundër Ishujve Faroe

Punonjësit e tatimeve janë kërcënuar nga administratorët dhe pronarët e bizneseve VIP në Tiranë dhe në bregdet. Zëvendëskryeministri Erjon Braçe përmendi tre raste kur këta punonjës janë kërcënuar për shkak të detyrës.

“I bëj thirrje administratorëve të Tajvanit këtu (Tiranë), apo administratorëve dhe pronarëve të Havanës dhe Azulit në Dhërmi, që të bëjnë kujdes! Çdo kërcënim ndaj punonjësve të shtetit që janë paraqitur aty dhe kanë pritur aq sa është larguar edhe klienti i fundit për të bërë detyrën e tyre, që do të përballen me ligjin”, tha Braçe në një dalje për mediat këtë të shtunë.

Zv.Kryeministri paralajmëroi se çdo kërcënim dhe kanosje ndaj tatimorëve do të trajtohet si krim, ndërsa fajësoi edhe Presidentin Ilir Meta për kthimin për rishqyrtim në Kuvend të ndryshimeve në Kodin Penal.

“Pavarësisht se Presidenti nuk na e dha mundësinë që Kodi i ri Penal të hynte në fuqi tani dhe të mbronte edhe këtë kategori me masa të shtuara dhe kërcënime të shtuar, ne do të zbatojmë maksimumin e mundshëm që na jep ligji për të ndëshkuar secilin prej tyre”, vijoi Braçe.

Në daljen para gazetarëve, zv.Kryeministri nuk e mohoi se edhe ai personalisht është bërë pjesë e kërcënimeve, sidomos në rrjetet sociale për aksionin antiinformalitet, ndërsa sa u takon akuzave të opozitës për tenderin e fiskalizimit, ai i tregoi opozitës derën e prokurorisë.

Një aksident u rëndë rrugor i ndodhur në orët e pasdites së të dielës na aksin rrugor Tiranë-Fushë Krujë ka lënë të plagosur të paktën 7 persona, disa prej të cilëve në gjendje të rëndë shëndetësore.

Në aksident janë përfshirë tre automjete, një tip Volksëaggen Touran me targa AA492PY, një autobus tip Mercedes Benz me targë AA358DG dhe një autoveturë tjetër AA722NT.

Shkak i aksidentit dyshohet se është bërë ndërprerja e beftë e rrugës e njërit prej automjeteve, që ka pasuar përplasjen e të tre makinave.

Dëshmitarë në vendngjarje njoftojnë gazetën “Si” se ambulancat janë vonuar për të mbërritur në vendin e ngjarjes dhe pak kohë trupat e personave të plagosur kanë mbetur të në pritje të ambulancave nga Tirana, pasi ambulancat e Krujës nuk kishin mbërritur ende në vendin e ngjajres.

Të plagosurit janë nisur në drejtim të Spitalit Ushtarak për një mjekim më të specializuar, ndërkohë që aksidenti ka shkaktuar trafik të madh për minuta me radhë në aksin rrugor Tiranë-Fushë Krujë.

⁣Pallati 11-katësh që "fundosi" ish-kreun e Bashkisë Durrës, Vangjush Dako

⁣Goli i Jasir Asanit ndaj Cekise