⁣Rama: Vaksina kineze super e suksesshme! Mos bini pre e hienave dhe kukuvajkave

Kryeministri Edi Rama u bëri thirrje qytetarëve që të mos bien pre e panikut të përhapur për efikasitetin e vaksinës kineze, Sinovac.

Ai deklaroi se ajo ka rezultuar e sukesshme dhe po e nxjerr Turqinë nga tuneli i pandemisë.

“Askush të mos bjerë viktimë e hienave dhe kukuvajkave. Vaksina Sinovac është e supersuksesshme, e cila faktikisht po e nxjerr Turqinë përditë e më shpejt nga tuneli i pandemisë, është vaksina që kanë preferuar vendet e pasura të Lindjes së Mesme”, tha ai.

Rama tha se arsyet se përse kjo vaksinë nuk është certifikuar nga Bashkimi Europian nuk lidhen me efikasitetin e kësaj vaksine, por me arsye të tjera që Shqipërisë dhe shqiptarëve nuk u interesojnë.

“Shqiptarët nuk lodhen nga përpjekjet dhe lufta për t’u bërë pjesë e Bashkimit Europian. Sigurisht, zhgënjime ka pasur se Europa nuk ka mbajtur premtimet e saj”. Me këto fjalë, Kryeministri Edi Rama ripërsëriti besnikërinë e Shqipërisë dhe shqiptarëve në anëtarësimin e plotë në BE.

“Ne i kemi bërë detyrat tona dhe do të vazhdojmë t’i bëjmë sepse për ne është hera e parë në histori kur mund të zgjedhim. Nuk kemi pasur asnjëherë mundësi zgjedhjeve, por të tjerët vendosnin për ne”, deklaroi Rama në një intervistë për Euronews.

Rama thotë se rreziku i aktorëve të tretë në Shqipëri është më i vogël dhe e shpjeson se pse.

“Nëse nuk integrohet plotësisht në BE, Ballkani Perëndimor do të mbetet një zonë gri dhe tërheqëse për aktorë të tjerë, aktorë të tretë që nuk ndajnë të njëjtat vlera dhe parime që ofron BE. Për Shqipërinë, nuk shoh ndonjë rrezik të tanishëm, sepse shqiptarët janë shumë fanatikë për perëndimin dhe Bashkimin Europian. Vendet e tjera, kush më shumë e kush përballen me ndikimet e këtyre aktorëve të tretë”, vijoi Kryeministri.

Por, a u votua për mandatin e tretë për shkak të progresit të arritur nga reformat dhe rruga drejt integrimit në BE?

“Mendoj se populli shqiptar ka një ndjesi të qartë se puna nuk është përmbyllur ende. Mandati i tretë është një mandat i qartë për ta përmbyllur këtë punë. Nuk është një shpërblim për punën që është përmbyllur”, përgjigjet Rama.

⁣Parada e krenarisë, bulevardi vishet me ngjyrat e Ylberit në Tiranë

⁣Seanca për Fredi Belerin, në Gjykatën e Posaçme shkon edhe Vangjel Dule

⁣Helikopterët "Black Hawk" në pistën e bazës së Kuçovës

⁣Sali Berisha mbërrin në SPAK, deputetët e PD çajnë rrethimin policor

Kryeministri Edi Rama e ka pritur kryeministren e italisë Giorgia Meloni duke iu ulur në gjunjë. Menjëherë Meloni reagon duke thënë se e bën që të duket i gjatë sa ajo.

Kreu i PBDNJ dhe ai i PDIU u perballen ne Komisionin e Jashtem gjate nje seance ne vitin 2013

Kryetari i Partisë Demokratike akuzon Qeverinë se nuk ka as plan dhe as strategji për të përballuar krizën shëndetësore, sociale dhe ekonomike të shkaktuar nga pandemia e koronavirusit, por ecën me vendime të improvizuara dhe premtime të pambajtura.

“Por sot, 5 javë prej fillimit të karantinës, është e qartë se qeveria s’ka as plan, as strategji dhe se ajo ka dështuar në përballimin e situatës. Qytetarët u urdhëruan të rrinë në shtëpi dhe bizneset të mbyllen, por nuk u mor asnjë masë që ata të mbështeteshin financiarisht për këtë sakrificë. Disa hapa gjysmakë dhe me shumë vonesë që u shpallën, ende sot e kësaj dite nuk janë zbatuar dhe njerëzit nuk i kanë marrë akoma lekët e tyre”, deklaroi ai.

Basha akuzon Qeverinë se nuk ka mbajtur as premtimet gjysmake që ka bërë.

“Sot duhej të shpërndahej paketa e dytë e ndihmës, por edhe ky ishte vetëm një premtim tjetër bosh. Qytetarët që tani ju duhet të paguajnë faturat e rritura të dritave e ujit, janë ende sot pa asnjë të ardhur. Bizneset po mbyllin mijëra vende pune sepse nuk kanë asnjë mbështetje”, u shpreh kreu i PD.

Kreu i opozitës thotë gjithashtu se këto pesë javë gjendja është rënduar edhe me shkeljet ligjore e kushtetuese me urdhra, që vijnë nga Facebook-u, ku sipas Bashës, Kryeministri ka marrë përsipër të gjitha funksionet e shtetit, nga polici tek doktori.

Këto 5 javë janë rënduar shkeljet ligjore dhe kushtetuese me urdhra që vijnë nga facebook-u, ku kryeministri ka marrë përsipër të gjitha funksionet në shtet, nga polici tek doktori. Basha këbëngul se paratë për të ndihmuar qytetarët dhe bizneset në këtë periudhë të vështirë janë, por akuzon Ramën se zgjedh që ato të shkojnë për tendera korruptivë dhe koncesione dhe jo për qytetarët.

Panorama që Basha i bëri gjendjes së përgjithshme të vendit ishte më shumë se e zymtë. Ai thotë se ekonomia po shkatërrohet, fasoneritë kanë nisur të preken masivisht nga Covid-19, mijëra qytetarë kanë humbur vendet e punës dhe bukën e tyre të përditshme dhe dhjetëra mijëra biznese rrezikojnë falimentimin. Si zgjidhje propozon nisjen me urgjencë testimet masive të popullatës, për të kuptuar, siç thotë se në çfarë niveli është përhapur virusi në vend.

Tempulli budist në këmbët e një vullkani

Ambasada Amerikane në Tiranë thotë se Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën.

“Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, mësoni se si Struktura e Posaçme Anti-Korrupsion dhe Krim i Organizuar, ose SPAK, do të funksionojë. Me t’u ngritur, do të shënjestrojë korrupsionin e nivelit të lartë. Kjo video tregon se si mbështetja prej 2 milionë dollarësh nga Shtetet e Bashkuara po përdoret për të siguruar që SPAK do të ngrihet dhe do të funksionojë në mënyrë të pavarur”, thotë përfaqësia diplomatike e Uashingtonit në Tiranë përmes një videomesazhi të shpërndarë në rrjetet sociale.

Shumë kanë dëgjuar për prezantuesin dhe gazetarin e famshëm Bruno Vespa, por edhe për këngëtarin që jemi rritur me këngët e tij, si “Margherita”, e Ricardo Cocciante-s. Kanë qenë figura të shquara si Kukan apo Lunacek, në aspektin politik e diplomacisë, por sipas Tashos, kryesorët në objektivin e tij kanë qenë Vespa apo Cocciante. Ky projekt, ka qenë mbase një ndër projektet më të bukura e ambicioze të tij, ku në fokus të fotografive ka qenë veshja e tyre me kostume popullore shqiptare nga zona të ndryshme të vendit. Tasho, e ka shpjeguar në detaje këtë gjë për “Gazetën Si”.

Ambasada Ruse në Tiranë akuzon Ambasadoren e Shteteve të Bashkuara të Amerikës, Yuri Kim se ka deformuar fjalët e thëna nga ministri i Jashtëm rus, Sergey Lavrov në konferencën e përbashkët për shtyp me Kryeministrin Edi Rama gjatë vizitës së këtij të fundit në Moskë në cilësinë e Presidentit të OSBE-së.

“Kemi vënë re se Ambasadorja e SHBA-ve në faqen e saj në Tëitter dhe më pas edhe një serë mediash lokale kanë shtrembëruar fjalët e Ministrit të Jashtëm Rus Sergej Lavrov në konferencën për shtyp me Kryeministrin dhe Ministrin e Jashtëm të Shqipërisë Edi Rama. Pse? Shkaku mund të jetë përkthim i gabuar, ose mungesë dëshire për të verifikuar fjalët origjinale. Shpresojmë që kolegët tanë e kanë bërë pa qellim të keq”, thotë Ambasada ruse.

Përfaqësia diplomatike e Federatës Ruse në Tiranë poston një faksimile të postimit në rrjetet sociale të ambasadores amerikane në Tiranë, e cila citon fjalët e thëna nga Sergey Lavrov në konferencën e përbashkët me Ramën.

“Ne e dimë që Shqipëria synon anëtarësimin në BE. Unë besoj që Shqipëria mund të jetë një nga ato shembuj kur detyrimet e pengojnë që të zhvillojë marrëdhënie miqësore me përfitime të përbashkëta në tregti, investime dhe ekonomi”, citon Yuri Kim kryediplomatin rus.

Sipas këtij citimi, me fjalën “detyrime” Lavrov nënkuptonte angazhimin e Shqipërisë në kuadër të NATO-s dhe të procesit të integrimit europian, që në fjalët e mësipërme kuptohen si pengesë për të zhvilluar marrëdhëniet mes Rusisë dhe Shqipërisë.

Por, Ambasada Ruse në Tiranë thotë se kjo nuk është e vërtetë dhe fjalët e Lavrov janë deformuar, duke postuar edhe përkthimin zyrtar në anglisht të fjalës së thënë prej tij.

“Ne jemi të hapur për të zhvilluar marrëdhënie aq intensive sa janë të lumtur kolegët shqiptarë. Kryeministri theksoi detyrimet që Shqipëria ka si anëtare e NATO-s dhe sidomos ndaj aleatëve të tyre, SHBA. Jemi në dijeni që Shqipëria kërkon që të fillojë procesin e anëtarësimit për të hyrë ne Bashkimin Europian dhe po e shohim se kjo aktualisht po ndodh. Por, ka shembuj të shumtë, dhe jam i sigurtë që Shqipëria mund të bëhet njëri prej tyre, ku asnjë detyrim i mësipërm nuk ndalon zhvillimin normal, të shëndetshëm të marrëdhënieve me përfitim të përbashkët në sfera si tregtia, investimet, ekonomia dhe promovimi i kontaktit të njerëzve në fushat humanitare, kulturore dhe arsimore. Nuk shoh asnjë arsye që mund të na ndalojë ne të zhvillojmë të tilla marrëdhënie”, thuhet në përkthimin e ofruar nga përfaqësia diplomatike ruse në Tiranë.

Në konferencën e përbashkët Rama-Lavrov në Moskë pati një moment kur kryediplomati rus citoi “detyrimet” që Shqipëria ka si anëtare e NATO-s dhe si kandidate për anëtarësim në BE, që u përkthyen si detyrime që pengojnë zhvillimin e marrëdhënieve mes dy vendeve.

Rama i ktheu përgjigje Lavrovit duke deklaruar se Shqipëria nuk ishte e detyruar, por kishte zgjedhur aleancën me NATO-n, SHBA-në dhe rrugën drejt anëtarësimit me BE. Kryeministri deklaroi se do ta shënonte në CV se kishte korrigjuar ministrin e Jashtëm rus, Sergey Lavrov, ndërsa ky i fundit iu përgjigj me shaka se duhej të korrigjonte përkthyesin.

Qeveria nuk ka një plan ekonomik mbështetës për turizmin dhe fasonerinë, dy prej sektorëve më të goditur nga pandemia e Covid.

“I kemi mbështetur me të gjitha ato që kemi mundur”, tha Kryeministri Edi Rama këtë të martë, në përgjigje të pyetjes së ngritur nga Gazeta “Si”.

Rama shtjelloi më tej duke kujtuar se Qeveria nuk ka vetëm pandeminë me të cilën po përballet, por edhe procesin e rindërtimit nga tërmeti i vitit të kaluar.

“Mos e harroni asnjëherë që ne nuk jemi si të tjerët në këtë luftë. Kemi edhe një luftë tjetër që është shumë e madhe edhe ajo, që mijëra e mijëra familje të rikthehen në shtëpi dhe ato familje rikthehen në shtëpi duke ndërtuar shtëpitë e reja, duke ndërtuar apartamentet e reja dhe apartamentet dhe shtëpitë nuk ndërtohen me frymën e shenjtë, ndërtohen me fonde dhe fondet kjo Qeveri i ka vënë të gjitha në dispozicion, pa lënë mangut as njërën, as tjetrën”, u shpreh ai.

Në mes të muajit tetor, një anketim i kryer nga Shoqata Shqiptare e Tur Operatorëve dhe Agjencive Turistike tregoi se në sektorin e turizmit pritet të falimentojnë 41 për qind e bizneseve të pyetura. Sondazhi tregoi gjithashtu se rreth 60 për qind e bizneseve kanë bërë deri në shtator të 2020-ës vetëm 0-10 për qind të xhiros së 2019 dhe mbi gjysma e punonjësve janë larguar nga puna në 2020, kryesisht nga bizneset e mëdha.

Përveç kësaj, operatorët turistikë kanë kërkuar një paketë ndihme financiare për grupet që s’mundën të punonin gjatë sezonit, ndërsa Bashkisë së Tiranës që të heqë përkohësisht taksën e infrastrukturës për strukturat akomoduese.

Kryeministri Edi Rama akuzon se gjykatës dhe prokurorë të sistemit të drejtësisë po angazhohen që Qeveria e drejtuar prej tij të rrëzohet në zgjedhjet e 25 prillit.

Akuza u bë gjatë fjalimit të mbajtur në ceremoninë e përkujtimore të 10-vjetorit të vrasjes së katër protestuesve të 21 janarit 2011, ku Rama përsëriti zotimin se drejtësia për këtë ngjarje do të vihet në vend. Në lidhje me këtë ngjarje ka dy vendime të drejtësisë. Vendimi i Gjykatës së Shkallës së Parë të marrë në 2013-ën, që i shpallte të pafajshme ish-kreun e Gardës, Ndrea Prendi dhe gardistin Agim Llupo dhe vendimi i Gjykatës së Apelit që rrëzoi këtë vendim të shkallës së parë, por tha s vrasjet ishin nga pakujdesia.

“Drejtësia do të bëjë të sajën dhe ata të cilët i vranë për herë të dytë dhe i vranë në bashkëpunim me njëri-tjetrin dhe me palë të treta të veshur në togën e zezë të gjykatësve, do të përgjigjen. do të përgjigjen siç do të përgjigjen të gjithë gjykatësit dhe prokurorët që sot janë angazhuar fort për ta bërë 25 prillin një referendum kundër kësaj qeverie, bashkë me udhëheqësin e referendumit”, deklaroi Rama.

Kreu i Qeverisë nuk përmend emra sa gjyqtarësh e prokurorësh që akuzohet se shkalin statusin duke u përfshirë në fushata elektorale dhe as kush është udhëheqësi i referendumit. Por, thirrje drejtuar qytetarëve që 25 prillin ta shndërrojnë në një referendum ka bërë shpesh Presidenti Ilir Meta.

“Më 25 prill 2021 do të ketë një referendum mbarëkombëtar për të rrëzuar këtë sistem oligarkik, që kërkon t’i kthejë qytetarët shqiptarë në qenie pa vlerë, të pafuqishëm dhe të pambrojtur. Rivendosja e rendit kushtetues është e padiskutueshme”, thotë Presidenti.

Mbledhja e Komisionit të Ankesave dhe Sanksioneve për të shqyrtuar kërkesat e Partisë Demokratike dhe Lëvizjes Socialiste për Integrim për pavlefshmëri të zgjedhjeve në Qarkun e Beratit nuk kaloi pa debate.

Kërkesat për pavlefshmëri, PD e LSI i kanë shoqëruar me kërkesën për tërheqjen e provave Agjencia Shtetërore e Kadastrës, Policia e Shtetit, policia kufitare dhe institucione të tjera shtetërore.

Mbledhja është shoqëruar me debat mes përfaqësuesit ligjor të PD, Marash Logu dhe anëtarit të KAS, Ilir Rusmajli.

Rusmajli kërkoi nga përfaqësuesi demokrat nëse opozita dispononte raste konkrete të shit-blerjes së votave dhe nëse po, sa raste? Raste të votimit të më shumë se një herë të një personi, numrin e personave në Qarkun e Beratit që u cenohej e drejta e votës nga vendimi për karantinim dhe ai që u ndalonte votimin personave të infektuar e të tjera.

PD u mbrojt duke deklaruar se për sigurimin e këtyre provave më konkrete i kishte kërkuar KAS marrjen e informacioneve nga institucionet shtetërore përgjegjëse. Gjatë shqyrtimit të kërkesave të ngjashme për Qarkun e Gjirokastrës, KAS rrëzoi PD e LSI për mbledhje prova shtesë nga institucionet shtetërore.

Partia Socialiste, si palë e interesuar në këto ankimime të PD e LSI dorëzoi në KAS një dosje, në të cilën, sië tha përfaqësuesi ligjor i saj, Eridjan Salianji provojnë se pretendimet e opozitës rrëzohen.

Kryeministri Edi Rama nuk paragjykon tre propozimet e PD për amendimin e Kushtetutës, që lidhen me vettingun e politikanëve, rikthimin e koalicioneve parazgjedhore siç ishin para ndryshimeve të njëanshme të korrikut të vitit të kaluar dhe rikthimin e komunave.

Megjithatë ai u tregua i gatshëm që të ulet në bisedime me opozitën.

“Nuk dua të jap opinione para se t’i jap këtij dialogu një mundësi reale dhe të kemi fuqi që t’i ballafaqojmë . Cilësia e një bashkëjetese, në çdo instancë nuk përcaktohet nga sa shpesh biem dakord por nga mënyra se si nuk biem dakord. Opozita ka bërë 3 propozime, ne kemi detyrën që t’u japim mundësinë këtyre diskutimeve pa dëmtuar këtë proces diskutimi duke dhënë paraprakisht opinione përfundimtare”, tha Rama.

Kryeministri u pyet gjatë konferencës së përbashkët për shtyp me ambasadorin e BE në Tiranë, Luigi Soreca. Ky i fundit i dorëzoi raportin e progresit të vendit për 2021. Rama e shfrytëzoi kohën e marrë për përgjigje duke caktuar një kusht për dialogun, që nuk lidhet me përmbajtjen e propozimeve të opozitës, por me formatin e procesit.

“Një gjë do ta përsëris edhe në sy të ambasadorit, nuk ka më dialog në anglisht me opozitën. Nuk kemi pse fusim në siklet dhe miqtë tanë. Dialogje më anglisht mes shqiptarësh…mund të ketë, por jo përsa kohë drejtoj unë Kryeministrinë”, u shpreh ai.

Sa për përmbajtjen e propozimeve, nuk përjashtoi asgjë nga ndryshimet e mundshme të Kushtetutës.

“Vetëm Biblën dhe Kur’anin nuk mund të ndryshojmë, çdo gjë tjetër po nëse biem dakort. Mund të ketë vend për diskutim, por asgjë që nuk është e pandryshueshme”, u shpreh ai.

Rëndësisë së dialogut politik, sidomos në Kuvend i mëshoi edhe ambasadori i BE, Luigi Soreca, por duke shtuar se BE mbetet e gatshme që të ofrojë ndihmën e saj në lehtësimin e këtij dialogu, pavarësisht se Rama përjashtoi “dialogun në anglisht me opozitën”.

“Kuvendi është foltorja ku bëhen diskutimet, ku dialogu dhe negociatat duhet të ndodhin. Ne inkurajomë të dyja palët të ulen në tryezë e të diskutojnë temat që janë për diskutimi. Nëse do të na kërkohet për asistencë do të shohim nëse kjo gjë është e mundshme dhe do ndihmojmë në spekterin politik siç kemi bërë gjithmonë”, deklaroi Ambasadori.

Sa i takon gjetjeve të raportit, Kryeministri tha se ai është udhërrëfyesi më i mirë për qeverinë dhe vlerësuesi më objektiv i përparimit të vendit. Rama mbrojti patronazhistët, tha se ishte krenar për ta, ndërsa u shpreh i hapur që të gjitha akuzat në lidhje me të dhënat personale të qytetarëve të hetohen.

Sa i takon luftës kundër korrupsionit dhe krimit të organizuar, raporti njeh një progres të lehtë, por vë theksin te nevoja për ta luftuar sidomos korrupsionin në nivele të larta.

⁣Edhe pse jemi zyrtarisht në stinën e pranverës, reshjet e dëborën
janë rikthyer këtë të mërkurë.

Në qarkun e Korçës janë regjistruar reshje të pakta bore,
kryesisht në aksin Boboshticë –Dardhë.

Në pjesë të tjera të qarkut nuk raportohen reshje bore.

Reshjet e borës janë parashikuar që të zgjasin deri në darkën
e të enjtes ndërkohë që e premtja do sjellë reshje shiu.

Liverpuli rikthehet në fronin e Europës pa shumë spektakël (VIDEO)

Kryeministri pakistanez, Imran Khan akuzoi Indinë se për të hequr vëmendjen nga kritikat e komunitetit ndërkombëtar për heqjen e autonomisë dhe shtypjen e qytetarëve në zonën e Kashmirit po përgatitet që të ndërmarrë një sulm ballor ndaj Pakistanit.

Deklarata është tregues për tensionet e rindezura mes dy vendeve. Por, tensionet nuk e kanë ndaluar as këtë herë ceremoninë e famshme të mbylljes së kufirit mes dy vendeve në zonën Ëagah-Attari.

Ceremonia daton që prej vitit 1959 dhe karakterizohet nga lëvizje të shpejta dhe thuajse vallëzuese të Forcës Indiane të Sigurisë përballë Rejnxhërsave pakistenezë. Simbolika interpretohet si tregues i rivalitetit dhe armiqësisë së hershme mes dy vendeve, por edhe i respektit, vëllazërisë dhe lidhjeve të shumëfishta që karakterizojnë marrëdhënien e tyre.

Mbyllja e kufirit në Ëagah (Pakistan) dhe Attari (Indi) kryhet çdo ditë sipas këtij rituali. Ushtarët protagonistë në të janë të trajnuar mirë dhe e kanë të detyruar mbajtjen e mustaqeve (India) dhe mjekrës (Pakistani). Ata nuk janë të trajnuar për luftë, por paguhen vetëm si “aktorë” në cermoninë në fjalë.

Ceremonia tërheq çdo vit mijëra turistë vendas dhe të huaj. Që prej vitit 1959, pak pas përfundimit të luftës mes dy vendeve për sovranitetin mbi Kashmirit, ajo nuk është ndërprerë për asnjë rast. Ajo nuk u ndërpre as në 2014, kur një sulm me kamikaz në pjesën pakistaneze la dhjetra të vrarë dhe as në 2016, kur në pjesët e tjera të kufirit, ushtritë e dy vendeve ishin përfshirë në një konflikt që për pak desh gjeneroi në një luftë frontale.