Kryeministri Edi Rama e ka shfrytëzuar një ndalesë, në dukje rastësore tek një biznes shërbimi në fshatin Derven të Fushë-Krujës për t’u informuar personalisht vetë në terren mbi shpërndarjen e pagës së luftës.

Në videon në fjalë, Rama nuk i adresohet drejtpërdrejtë, por ky video-mesazh i shkurtër i tij është një përgjigje e tërthortë dhe ironizuese ndaj akuzave të opozitës për paketat financiare të shpërndara nga Qeveria për zbutjen e krizës ekonomiko-sociale të shkaktuar nga pandemia.

Pas një ndërprerjeje 3-mujore, Komisioni Hetimor Parlamentar i ngritur nga socialistët për të hetuar veprimtarinë e Presidentit Ilir Meta u mlbodh këtë të hënë, ku në rend të ditës është marrja në dorëzim dhe shqyrtimi i opinionit të Venecias në lidhje me emërimet në Gjykatën Kushtetuese.

Që në fillim të kësaj mbledhjeje, deputetit Halit Valteri tha se Komisioni është bërë “shto ujë e shto miell” dhe akuzoi mazhorancën se e ka zgjatur qëllimisht mandatin e tij për ta aktivizuar e mbledhur sa herë që ka përplasje me Presidentin Ilir Meta.

Kreu i këtij Komisioni, Ulsi Manja tha se puna e Komisionit është drejt përfundimit. “Ne do të shqyrtojmë opinionin e Venecias, do të hartojmë një raport dhe më pas në mbledhjet e radhës do të miratojmë këtë raport dhe t’ja paraqesim Parlamentit në seancë plenare”, tha Manja.

Manja tha se raporti do të jetë gati brenda datës 18 korrik, që do të thotë se në datën 23, ose 30 korrik, kur janë dy seancat e fundit plenare të Kuvendit do të shqyrtohet edhe raporti i Komisionit Hetimor Parlamentar të ngritur për të hetuar veprimtarinë e Ilir Metës.

Në fund të seancës, Ulsi Manja dha se me marrjen e opinionit të Venecias të datës 19 qershor është shteruar procesi i marrjes së provave të hetimit ndaj veprimtarisë së Presidentit, ndërsa relatorë për hartimin e raportit paraprak u caktuan Klotilda Bushka nga socialistët dhe Halit Valteri nga opozita.

Administrimi, shqyrtimi dhe interpretimi i këtij opinioni pritet që të jetë edhe faza përfundimtare e këtij Komisioni, të ngritur një vit më parë në kulmin e përplasjes Presidencë-Kuvend, që nisi me dekretin e anulimit të zgjedhjeve të 30 qershorit dhe u bë “tërkuzë” me përplasjet për radhën e emërimeve në Gjykatën Kushtetuese.

Për çështjen e 30 qershorit Venecia ka gjetur tejkalim kompetencash nga ana e Presidentit të Republikës, por në opinionin e saj thotë se shkeljet nuk justifikojnë një vendim kaq ekstrem sa shkarkimin e Ilir Metës. Ndërkohë, për emërimet në Gjykatën Kushtetuese, Venecia i dha së fundmi të drejtë Presidentit në përplasjen për radhën e tyre.

Këto zhvillime, por edhe mungesa e Gjykatës Kushtetuese, që ka fjalën e fundit të shkarkimit ose jo të Presidentit duket se kanë tërhequr socialistët nga ideja për të propozuar shkarkimin e Metës. Sinjali është dhënë pak kohë më parë nga kreu i grupit parlamentar të PS-së, Taulant Balla.

“Shkarkimi i Presidentit të Republikës nuk ka qenë qëllim në vetvete. Komisioni Hetimor parlamentar i iniciuar nga 55 deputetë është një komision që po vijon punën. Ka pasur në objekt të punës hetimore disa çështje të rëndësishme. Opinioni lidhur me çështjen e emërimeve ne Kushtetuese e thotë qartë se ka një vakuum në lidhje me aktin e presidenti duke mos i ofruar mundësi betimi një anëtari për t’u votuar në Kushtetuese. Komisioni i Venecias është i qartë në këtë pikë”, deklaroi Balla në konferencën për shtyp të thirrur pas publikimit të opinionit përfundimtar të Venecias.

Tërheqjen e përforcon së fundmi edhe Ulsi Manja, kryetar i Komisionit Hetimor Parlamentar. Ai flet për një reflektim të të gjitha institucioneve që kanë në dorë procesin e plotësimit të Gjykatës Kushtetuese, pa qenë në gjendje që të japë një përgjigje nëse në fund do të kërkohet shkarkimi, apo jo i Metës.

“Nëse i referoheni opinionit final të Komisionit të Venecias lidhur me Gjykatën Kushtetuese ka një reflektim institucional të palëve për të zhbllokuar Gjykatën Kushtetuese si një nga kriteret e vendosura për hapjen e neogciatave me Bashkimin Europian dhe kur them ka reflektim do të thotë KED, Kuvendi dhe Presidenti, nën frymën e atij opinion dhe atyre rekomandimeve do të duhet të bëjnë funksionale Gjykatën Kushtetuese”, deklaroi Manja në një intervistë për Report TV.

Komisioni Hetimor Parlamentar për të hetuar veprimtarinë e Ilir Metës u ngrit më 11 korrik të 2019, ku objekti i tij ishte vetëm shqyrtimi i dekretit për anulimin e zgjedhjeve vendore të 30 qershorit. Presidenti Meta ka dalë vetëm në një rast para këtij Komisioni, duke e mbrojtur vendimin se përmes këtij akti kishte shmangur një konflikt social në vend dhe se zgjedhjet monopartiake cenonin parimin e të drejtës për të zgjedhur nga qytetarët.

Pas përplasjes për radhën e emërimeve në Gjykatën Kushtetuese, socialistët zgjeruan objektin e këtij Komisioni edhe me këtë çështje. Afati i Komisionit Hetimor përfundon më 30 korrik dhe deri më tani socialistët nuk kanë nënkuptuar në asnjë moment se mund të vendosin zgjatjen e veprimtarisë së tij edhe me 3 muaj të tjerë.

Turqia thotë se organizata FETO, të cilën e fajëson për grushtin e shtetit të vitit 2016 është ende e pranishme në Shqipëri dhe paralajmëron për rrezikshmërinë, që sipas Ankarasë, paraqet.

Paralajmërimi u bë nga Presidenti i Asamblesë Kombëtare turke, Mustafa Sentop, që vizitoi Shqipërinë këtë të enjte me ftesë të kreut të Kuvendit, Gramoz Ruçi. Në deklaratat para mediave, vetë Gramoz Ruçi nuk e ceku këtë çështje, por ishte homologu i tij turk ai që foli për FETO-n.

“Fola edhe për aktivitetin e organizatës terroriste FETO, që ndërmori grushtin e shtetit në vendin tonë. Ashtu si në vende të ndryshme të Ballkanit, kjo organizatë terroriste është prezente edhe në Shqipëri”, tha Sentop.

Kryeparlamentari turk paralajmëroi rrezikshmërinë, që sipas tij, paraqet kjo organizatë, ndërsa tha se Turqia vetë ja ka dalë mbanë që të eleminojë.

“Është një organizatë që nuk kurseu dhe bombardoi Parlamentin e Turqisë gjatë seancës plenare. Në turqi, kjo organizatë është eleminuar në masë të madhe të konsiderueshme”, u shpreh ai.

Sentop thotë se objektiv i aktivitetit të kësaj organizate nuk është vetëm Turqia, ndërsa renditi edhe aktivitetet pas të cilave maskohet, sipas tij.

“Nuk është vetëm Turqia objektiv i kësaj organizate terroriste tinëzare. Kjo organizatë, ky grup terrorist për të realizuar qëllimet e veta e maskon aktivitetin me institucionet arsimore, shëndetësi, media dhe shoqata dhe fondacione të ndryshme. Është një rrezik për vendet ku është aktive”, tha ai.

Megjithatë, në fund kreu i Parlamentit turk u shpreh se Turqia nuk do të lejojë që FETO “të helmojë marrëdhëniet mes dy vendeve”.

Loja “macja me miun” në korridoret dhe sallat e Kryesisë së Kuvendit mes mazhorancës dhe opozitës vijoi edhe këtë të mërkurë.

Deputetët e opozitës vijuan të zbatojnë vendimin politik të grupit të tyre parlamentar për pjesëmarrje fizike në punën e këtyre komisioneve, ndërsa ata të mazhorancës të respektojnë vendimin e Konferencës së Kryetarëve për mbajtjen online të tyre.

Në kalendarin e punimeve, këtë të mërkurë ishte mbledhja dhe konstituimi i tre komisioneve, atij të arsimit, të veprimtarive prodhuese dhe atij të ekonomisë. Dy të parët duhej të mblidheshin në orën 10:00, i treti në orën 11:00.

Pamjet e publikuara nga PD nga brenda sallës tregojnë momentin kur nënkryetari demokrat i këtij Komisioni, Helidon Bushati i kërkon kryetarit socialist, Arben Pëllumbi që të organizojë mbledhjen e komisionit fizikisht.

“(deputetët e PS) Të ndërpresin udhëtimet jashtë vendit dhe shopingun dhe të vijnë në sallë për të kryer detyrën”, tha Helidon Bushati.

“Mazhoranca e sotme po kërkon ta kthejë parlamentin në tallava. Po kërkon që të kalojë ligje me deputetë që janë në bare, në avion apo në shopping center nëpër Europë. Kjo është e patolerueshme, ky është një turp për parlamentarizmin shqiptar”, deklaroi më pas para mediave, deputeti Bushati.

Deputetët e PD u paraqitën fizikisht edhe në Komisionin e Arsimit, i cili drejtohet nga deputeti Agron Gjekmarkaj. Këtu situata ishte më e qetë, por përbërja e komisionit nuk u konstituua.

“Gjendemi përballë një situate absurde, por jo rastësore, të vetëdijshme. Mazhoranca nuk u paraqit, nuk u paraqit sepse nuk do ballafaqimin me opozitën. Kukullat e Edi Ramës nuk kanë fuqi të përballën me opozitën. Nuk duan të diskutojnë për çëhtjet e arsimit në Shqipëri, për fëmijët që braktisin Shqipëri, për shkollat që mbyllen”, tha Gjekmarkaj.

“Ne do të jemi këtu për betejë të përditshme me Qeverinë, me regjimin që ka dalë nga shitblerja e votave. Nuk do ta ketë të lehtë Edi Rama përballjen me opozitën e Shqipërisë. I bëj thirrje kryetares së Parlamentit, zonjës Lindita Nikolla mos të bëhet certifikuese e dëshirave të Edi Ramës, por të ndjekë shembujt më të mirë të parlamentarizimit shqiptar, Pjetër Arbnori e Servet Pëllumbi, jo ata shembuj që kanë denigruar dhe dhunuar opozitën, sepse edhe nëse ata duan nuk do t’ia dalin dot. Opozita i ka të gjitha instrumentet që të reagojë dhe të vetëmbrohet. Por, mbi të gjitha të vetëmbrohet në emër të shoqërisë shqiptare që kërkon ndryshim dhe kërkon respektimin e ligjeve të vendit.tha para mediave deputeti Gjekmarkaj.

⁣ Banorët e ‘5 Majit’ bllokojnë rrugën, kundërshtojnë shembjen e banesave

⁣ Pamje dramatike në SHBA, kamioni tërheq zvarrë makinën në autostradë

Departamenti i Shtetit dënon dhunën e përdorur më 8 janar në selinë e Partisë Demokratike dhe thotë se ajo nuk mund të jetë kurrë mjet për të marrë nën kontroll një parti politike.

“Është për të ardhur keq që dikush dëshiron që të përdorë dhunën dhe jo kutinë e votimit në një përpjekje për të marrë nën kontroll një parti politike. Ne e dënojmë këtë!”, tha në një intervistë për Zërin e Amerikës, zv.ndihmës Sekretari i Shtetit, Gabriel Escobar.

Zyrtari i DASh e bëri të qartë se jo kushdo brenda Partisë Demokratike mund të pretendojë se është një partner i rëndësishëm për SHBA.

“Jo gjithkush që pretendon se është anëtar i Partisë Demokratike është një partner i rëndësishëm i yni tani”, vijoi ai.

Sipas Escobar, SHBA do të vazhdojë të mbështesë dhe të jetë e angazhuar në rajon dhe jo vetëm për çështjet politike, por edhe për çështje ekonomike. Intervista e plotë do të transmetohet në emisionin “Ditari” të Zërit të Amerikës pasditen e sotme.

⁣Katër persona të arrestuar në Cërrik me municione dhe drogë

“Shtëpi bari” edhe në Kukës, por në banesë nuk kishte njeri!

Trafik në autostradën Tiranë-Durrës, radhë kilometrike në Vorë

⁣Ekipet e kërkim-shpëtimit në Turqi nxjerrin nga rrënojat një fëmijë pas 30 orësh

⁣Banorët e Himarës festojnë fitoren e kandidatit të arrestuar të "BF", Fredi Beleri

⁣Në mbështetje të Kombëtares Kuqezi kanë mbërritur tifozë
nga mbarë trojet shqiptare. Por “Plisat” e Prishtinës kanë qenë ata që më së
shumti kanë ndezur rrugët e kryeqytetit.

⁣Zjarri në Pishporo të Fierit djeg masivin pyjor prej një jave

Votimi i ndryshimeve te rregullores nga PS

⁣Hetimet për çështjen ‘McGonigal’, Agron Neza paraqitet në SPAK

⁣Rama inpekton punimet në qendrën e pritjes së emigrantëve në Shëngjin

⁣Avioni "Canadair" ndërhyn në Shëngjin për shuarjen e zjarreve

⁣Në tetor të 2023, Shkurte Fejza çoi peshë zemrat
e tifozëve në stadium para ndeshjes Shqipëri-Çeki me këngën “Mora Fjalë”, këngë
që i kushtohet komandantit legjendar të UÇK-së Adem Jashari.

Kjo këngë prej kohësh është kthyer në një himn
sa herë luan Shqipëria, duke u kënduar në kor. Por kjo nuk ka ndodhur ndeshjet
e fundit pasi “Mora Fjalë” është ndaluar të këndohet.

⁣Drejtori i Policisë së Tiranës, Elton Alushi paraqitet në SPAK