Presidenti Ilir Meta thotë se është informuar nga mediat dhe njoftimet zyrtare publike greke në lidhje me dakordësinë e gjetur mes qeverive të dy vendeve për të dërguar në Gjykatën e Hagës çështjen e detit.

Ai deklaroi se Kryeministri Edi Rama nuk është konsultuar me të para se të ndërmerrte një vendim të tillë.

“Nuk është konsultuar me mua, po duhet të jetë konsultuar me ndonjë President tjetër vërdallë. Falenderoj mediat greke dhe autoritetet greke për informacionin që e kanë bërë publik”, u shpreh ai.

Në lidhje me dërgimin e kësaj çështjeje në Hagë ka folur më herët edhe kreu i PD-së, Lulzim Basha. Ai e mirëpret si një rrugë zgjidhjeje, por tha se Edi Rama nuk ka legjitimitetin që ta dërgojë këtë çështje, duke kërkuar që procesi të vijojë pas zgjedhjeve të 25 prillit.

Ndërkohë, Ksenofon Krisafi, profesor i së drejtës ndërkombëtare dhe ish-anëtar i grupit negociator shqiptar në bisedimet me Greqinë për çështjen e detit ka deklaruar se edhe për Hagën kërkohet plotfuqishmëria e Metës, pasi sipas tij, nuk bëhet fjalë për një marrëveshje mes dy qeverive, por për një marrëveshje shtetërore.

Jakup Krasniqi hodhi poshtë akuzat e ngritura nga Gjykata Speciale e Hagës duke i cilësuar ato si të rreme dhe fyese, jo vetëm për të, por për të gjithë popullin shqiptar dhe shqiptarët e Kosovës në përpjekjet e tyre për liri.

Ish-zëdhënësi i Ushtrisë Çlirimtare të Kosovës dhe ish-kreu i Kuvendit për dy mandate doli para gjykatës në seancën paraprake për t’u njohur me akuzat dhe për t’u vetëdeklaruar jo fajtor. Krimet e përmendura në akuzë janë në periudhën mars 1998-shtator 1999 dhe gjykata thotë se ato janë kryer ndaj personave që perceptoheshin se kishin bashkëpunuar me ushtrinë serbe, ose që konsideroheshin si kundërshtarë, ose që nuk mbështesnin linjën e UÇK-së.

“Në aktakuzë na quani ndërmarrje kriminale: deklaroj sot se kurrë në jetën time në asnjë rast të vetëm nuk i kam trajtuar njerëzit, as kaq sa e si më trajtuat mua nga ndërtesa e burgut deri në këtë ndërtesë. Kurrë në jetën time nuk kam trajtuar njerëz në këtë mënyrë. Qëllimi im ka qenë lufta për liri. E ndjej veten më shumë se mirë dhe kurrë nuk do të dëshiroja të jem nën petkun e njerëzve me shpirt krimineli. Jam intelektual. Kam luftuar Serbinë politikisht, asnjëherë në deklarata nuk kam drejtuar gishtin ndaj popullsisë civile”, tha ai.

Krasniqi e cilësoi aktakuzën fyese dhe se ajo përçan shqiptarët mbi bazën e përkatësisë fetare të tyre.

“Në aktakuzë përpiqeni të ndani shqiptarët në katolikë dhe myslimanë. Unë jam shqiptar, as katolik dhe as mysliman! Kjo është fyese për mua!”, vijoi ai.

Ish-kreu i Kuvendit hodhi poshtë edhe cilësimin e UÇK-së si “ndërmarrje kriminale” dhe e vlerësoi procesin edhe më të padrejtë se sa proceset gjyqësore të organizuara nga serbët ndaj shqiptarëve në vitet para luftës, ku edhe vetë e ka vuajtur një të tillë.

“Cilësimi i prokurorit se ne qënkemi ndërmarrje kriminale për mua dhe shokët e mi, familjen time që luftuam gjatë...nuk ka diçka më fyese. Mua më ka dënuar regjimi jugosllav pse kam lexuar libra dhe pse kam folur dhe më besoni se ata më kanë akuzuar dhe dënuar me shumë më të drejtë se këtu”, u shpreh ai.

Krasniqi tha se e ndjente veten krejtësisht të pastër dhe se nuk kishte nevojë për avokat, por se e kishte marrë atë për shkak të presionit familjar dhe të miqëve të tij. Hodhi poshtë përgjegjësinë për krimet e pretenduara në akuzë, duke deklaruar se detyra e tij si zëdhënës i UÇK-së ka qenë publike.

“Nuk mbaj asnjë përgjegjësi të vetme me këtë që akuzohem, as të veprimit dhe as të mosveprimit. Detyra ime ka qenë publike, kryesorja ka qenë zëdhënës i UÇK-së. Gjithçka që kam bërë ka qenë publike dhe jo vetëm shqip, por edhe gjermanisht, anglisht, italisht e frëngjisht. I kam dhënë zë luftës së UÇK-së. Kishim të drejtë të luftonim për liri dhe në sajë të asaj të drejte morëm edhe mbështetjen ndërkombëtare, pa të cilën nuk do ta çlironim dot Kosovën”, vijoi Krasniqi.

Ish-zëdhënësi i UÇK-së tha se po mbahej me pa të drejtë dhe se në javët dhe muajt në vazhdim do ta provojë pafajësinë e tij.

Kryeministri Edi Rama akuzon se gjykatës dhe prokurorë të sistemit të drejtësisë po angazhohen që Qeveria e drejtuar prej tij të rrëzohet në zgjedhjet e 25 prillit.

Akuza u bë gjatë fjalimit të mbajtur në ceremoninë e përkujtimore të 10-vjetorit të vrasjes së katër protestuesve të 21 janarit 2011, ku Rama përsëriti zotimin se drejtësia për këtë ngjarje do të vihet në vend. Në lidhje me këtë ngjarje ka dy vendime të drejtësisë. Vendimi i Gjykatës së Shkallës së Parë të marrë në 2013-ën, që i shpallte të pafajshme ish-kreun e Gardës, Ndrea Prendi dhe gardistin Agim Llupo dhe vendimi i Gjykatës së Apelit që rrëzoi këtë vendim të shkallës së parë, por tha s vrasjet ishin nga pakujdesia.

“Drejtësia do të bëjë të sajën dhe ata të cilët i vranë për herë të dytë dhe i vranë në bashkëpunim me njëri-tjetrin dhe me palë të treta të veshur në togën e zezë të gjykatësve, do të përgjigjen. do të përgjigjen siç do të përgjigjen të gjithë gjykatësit dhe prokurorët që sot janë angazhuar fort për ta bërë 25 prillin një referendum kundër kësaj qeverie, bashkë me udhëheqësin e referendumit”, deklaroi Rama.

Kreu i Qeverisë nuk përmend emra sa gjyqtarësh e prokurorësh që akuzohet se shkalin statusin duke u përfshirë në fushata elektorale dhe as kush është udhëheqësi i referendumit. Por, thirrje drejtuar qytetarëve që 25 prillin ta shndërrojnë në një referendum ka bërë shpesh Presidenti Ilir Meta.

“Më 25 prill 2021 do të ketë një referendum mbarëkombëtar për të rrëzuar këtë sistem oligarkik, që kërkon t’i kthejë qytetarët shqiptarë në qenie pa vlerë, të pafuqishëm dhe të pambrojtur. Rivendosja e rendit kushtetues është e padiskutueshme”, thotë Presidenti.

Hetimi parlamentar nëse Presidenti Ilir Meta ka shkelur rëndë Kushtetutën dhe do të propozohet shkarkimi i tij, apo jo do të mbyllet në datën 24 maj, kur do të dalë edhe raporti përfundimtar.

Anëtarët e Komisionit Hetimor miratuan në unanimitet kalendarin e ngjeshur të mbledhjeve të këtij Komisioni. Sipas këtij kalendari, më 14 maj Komisioni do të miratojë planin përfundimtar të punës, më 17 maj administrimin e raporteve të marra zyrtarisht nga institucionet e tjera shtetërore dhe më 18 maj thirrja për dëgjesë para këtij Komisionit të Presidentit Ilir Meta.

Dy ditë më vonë, planifikohet nxjerra e përfundimeve të hetimit dhe më pas vënia në dispozicion e një periudhe 4-ditore për shkrimin e raportit përfundimtar dhe dërgimin e tij në seancë plenare për miratim ose jo.

⁣17
maji është përcaktuar si Dita Ndërkombëtare kundër Homofobisë, Transfobisë dhe
Bifobisë. Të hënën Ambasada PINK ka
njoftuar se në Sheshin “Skenderbej” komuniteti LGBTI, do të shpalosë falmurin shumëngjyrësh
në kryeqytet. Kjo ditë u vendos si e tillë në vitin 2004 për të tërhequr
vëmendjen ndaj dhunës dhe diskriminimit të përjetuar nga personat lezbike,
homoseksualë, biseksualë, transgjinorë dhe interseksualë.

Djegia e shezlonëve në Drimadhes

⁣KoOrrupsion dhe pastrim parash, operacioni antidrogë "Shpirti"

⁣ Ambulancat në lokalin ku ndodhi atentati me armë te “Don Bosko”

⁣Dialog mes ushtarëve rusë dhe ukrainas mes fyerjeve dhe kërcënimeve

⁣Qytetarët hodhën gjithashtu parrullën “po nuk ranë çmimet, do të bjerë qeveria” dhe pas më rreth dy orësh tubim u shpërndanë, duke paralajmëruar se protesta do të vazhdojë çdo ditë në orën 17:00.

Megjithatë, një grup prej protestuesve u shkëput duke iu drejtuar Gjykatës së Tiranës në drejtim të Unazës së Tiranës. Aty bllokuan kryqëzimin dhe urën që lidh rrugën Myslym Shyri me zonën e bllokut.

Një grup tjetër bllokoi kryqëzimin pranë Gjykatës së Lartë.

⁣Kreu i SPAK, Arben Kraja iu përgjigj deklaratave të fundjavës të Kryeministrit Edi Rama që kërkoi hetimin e Sali Berishë dhe të Ilir Metës duke thënë se struktura që ai drejton nuk funksionon me deklarata politike, por me kallëzime.

Rama iu kundërpërgjigj duke shpjeguar se përse nuk bën kallëzime në SPAK.

“Partitë politike që bëjnë kallëzime janë një devijacion i madh. Nuk ndodh në asnjë vend të botës demokratike që partitë të bëjnë kallëzime. Por, edhe ne kemi bërë kallëzime. Ne nuk e ndërtuam prokurorinë speciale që të dëgjojmë të njëjtën histori që kemi dëgjuar gjithë jetën, që ne nuk kemi kallëzim”, deklaroi Rama në një konferencë për shtyp bashkë me ministrin e Drejtësisë, Ulsi Manja.

“I them Arben Krajës çfarë kërkon nga unë? Çfarë kallëzimi kërkon nga unë?! Pse duhet të vijnë kallëzimet nga partia politike në pushtet?! Kallëzimet do të çohen në SPAK nga njësia antikorrupsion dhe shumë shpejt do të kemi kallëzime dhe për figura për kryetarë bashkie të Partisë Socialiste. Nuk na shkon ne që të bëjmë kallëzim për non gratën. Ajo është gjëja e parë, ka dalë”, vijoi ai.

“Një gjykatëse një javë para se ta shporrte vettingu bën sigurim padie për pronën shtetërore dhe mban peng ndërtimin e një teatri për fëmijët. Ne e kemi denoncuar me njësinë antikorrupsion dhe sot nuk e dimë se çfarë po ndodh me të. Ça do Arben Kraja nga unë në këtë rast?! Çfarë kallëzimi kërkon nga unë! Unë kam shumë respekt për drejtuesin e SPAK, për goditjet që ka bërë në oborrin e PS, kam respekt dhe për goditjet ndaj krimit të organizuar”, shtoi ai.

⁣Momenti i shpëtimit të tre turistëve çekë që u bllokuan mes zonës së Thethit dhe Valbonës

⁣Pamjet brenda shkollës në Teksas, gabimet fatale të policëve gjatë masakrës ndaj fëmijëve

Kreu i Dhomës Kombëtare të Avokatëve, Maks Haxhia kundërshton hartën e re gjyqësore

Anija e parë me grurë niset nga porti i Odesës drejt Turqisë pas 5 muajsh bllokadë

Shi dhe bresher ne Tirane

⁣ Momenti kur i riu godet me grusht Sali Berishën dhe ndërhyrja e truprojave të tij

⁣Ekipet e kërkim-shpëtimit në Turqi nxjerrin nga rrënojat një fëmijë pas 30 orësh

⁣Vodhën 2 herë të njëjtën banesë, autorët marrin 10 mln lekë dhe bizhuteri floriri

⁣Nata e dyte e Festivalit ne Gjirokaster