⁣Kontrolle në vijën bregdetare, bllokohen 8 mjete lundruese nga Saranda në Shëngjin

⁣Izolohet zjarri pranë kishës së Laçit. Ndërhyrja nga ajri shpëtoi objektin

Armando Broja debuton me skuadrën e re dhe shërbeu për golin e parë në fitoren 2-1 që Burnley arriti ndaj Derby-t në Kupën e Ligës.

Lulzim Basha flet për një miklim të krimit të organizuar, drejtësisë dhe oligarkisë në projektin që çoi në prishjen e godinës së Teatrit Kombëtar. Kreu i Partisë Demokratike deklaron se Edi Rama dhe Erion Veliaj janë pengje të këtij miklimi dhe i akuzoi ata se kanë marrë “kapar” për hapjen e truallit për kulla.

“Këta që na drejtojnë janë pengje të oligarkëve, janë pengje të krimit, janë pengje të kapareve dhe pazareve të pista. E mbani mend projektin “Fusha”? Ai ndërthur 3 elemente: Një kompani kliente të bashkisë dhe qeverisë, një ish-prokuror të Tiranës që mbylli dosjen e Ardit Gjoklajt, Petrit Fushën, dhe një klan mafioz droge, Sulejman Fushën në Spanjë. Këta janë partnerët e Edi Ramës dhe të Erjon Veliajt. Këta janë partnerë që kur ju merr kaparin dhe s’u bën punën, të fusin plumbin”, deklaroi Basha në një intervistë për emisionin “Tempora”.

Kryetari i Partisë Demokratike thotë se sot më shumë se kurrë është e nevojshme shkëputja e politikës nga krimi, që realizohet vetëm përmes zgjedhjeve të lira dhe të ndersh,e.

“Marrëdhënia me botën e nëndheshme është e tillë, nuk mund të rrinë të dy me një karrige. Ose do të kesh vlera morale dhe do të udhëheqësh me vlera morale dhe padyshim mund të bësh dhe gabime në qeverisje dhe qytetarët do të vlerësojnë për të mirat, do të gjykojnë për gabimet, prandaj duhet të kemi proces normal zgjedhor. Po në qoftë se bën aleancën me krimin, atëherë krimi do të udhëheqë, krimit do ti shërbesh, peng i krimit do të jesh. Dhe kjo është situata ku kemi ardhur, kjo është beteja që kemi nisur”, u shpreh ai.

Ministrja e Arsimit, Besa Shahini ka reaguar në lidhje me protestat e maturantëve dhe debatin e shkaktuar për testin e provimeve të Gjuhë-Letërsisë. Shahini vlerëson se çështja është politizuar skajshmërisht.

Sipas ministres, në protestën e së premtes poshtë zyrës së saj nuk morën pjesë vetëm maturantë.

“Me sa pashë të premten para Ministrisë kishte studentë të vitit të fundit në universitet, pjesë e strukturave të partive opozitare, të cilët e kanë bërë Maturën Shtetërore para 7-8 viteve, shumë para se të futej në funksion kurrikula e re. Kam parë gjithashtu dje që para Ministrisë kishte dalë një burrë, i cili kishte sharë e ofenduar duke përdorur fjalët më të këqija të mundshme. Unë jam e bindur që maturantët tanë nuk identifikohen me këta persona”, deklaroi Shahini.

Ministrja deklaron se Qendra e Shërbimeve Arsimore dhe Komiteti i Maturës Shtetërore kanë adresuar të gjitha shqetësimet që janë ngritur nga nxënës dhe mësuar për mënyrën se si është zhvilluar matura shtetërore këtë javë dhe për dy provimet që do të zhvillohen javën tjetër.

Shahini ndan bindjen se “provimet kombëtare nuk penalizojnë nxënësit”, por janë projektuar që të matin jo vetëm njohuritë e nxënësve, por dhe aftësitë që ata kanë për të aplikuar këto njohuri në jetë apo në punë.

“Këtë e bën pikërisht testi PISA, që është standardi i vlerësimeve për nxënësit dhe mat aftësitë e nxënësve për të aplikuar njohuritë e tyre”, u shpreh ajo.

Për këtë arsye, Ministrja e Arsimit kërkon hapjen e një debati nga ekspertët dhe jo nga politika për mënyrën se si po zhvillohet gjuha shqipe

“Një debat tjetër, që unë besoj duhet të ndodhë është i domosdoshëm, jo nga politikanët, por ekspertët e fushës, është debati për mënyrën se si po zhvillohet gjuha shqipe, se si po zgjerohet ajo, se si po zhvillohet letërsia shqipe dhe se si po u mësohet gjuha dhe letërsia shqipe nxënësve në shkollat tona. Ky është një debat që duhet të ndodhë nga njerëz që e njohin gjuhën shqipe kanë studiuar letërsinë, por e njohin edhe shkollën, e njohin edhe universitetin. Pra, janë njerëz të fushës që dinë ta adresojnë këtë çështje në një mënyrë produktive, që mund ta përkthejmë pastaj në politika arsimore”, vijoi ministrja në një mesazh përmes rrjeteve sociale.

Kryeministri Edi Rama deklaroi se është e pamundur teorikisht dhe praktikisht që të manipulohen numrat e të vdekurve të shkaktuar nga Covid-19.

Në mesazhin e paralajmëruar për këtë të shtune, kreu i Qeverisë i cilësoi akuzat e Lulzim Bashës si përvijim i qëndrimeve të tij përgjatë pandemisë, por këtë herë thotë se është tejkaluar çdo imagjinatë në luftën e opozitës për pushtet.

Rama i cilësoi inskenim fotografitë e publikuara në disa media një ditë më parë, ku pretendohet se morgu i Tiranës është i tejmbushur dhe personat që kanë humbur jetën lihen në shesh.

“Nuk mund të ndahemi edhe për numrin e të vdekurve, apo të bëjmë politikë edhe me inskenimin e fotografive nga morgu i spitalit. Në mes të një lufte si kjo mund të sfidohet edhe Qeveria, edhe ekspertët e Komitetit Teknik, por nuk mundet që deri tek Presidenti të krijojë komitetin e tij alternativ dhe opozita të krijojë komitetin e saj, ku njëri të thotë që Qeveria të blejë maska, ndërsa tjetri të thotë që virusi nuk ekziston”, u shpreh ai.

Rama thotë se pas akuzave të opozitës qëndron vetëm lufta e tyre për të marrë pushtetin dhe rrëzuar Qeverinë në aleancë me Covid-in. Ai foli për përhapje paniku dhe përpjekje për të përçarë shqiptarët në betejën e tyre kundër pandemisë. “Për këtë arsye, mos e harroni kurrë këtë”, u shpreh Kryeministri.

Kryeministri Edi Rama ka udhëtuar shpesh drejt Turqisë, në takime zyrtare dhe jozyrtare me Presidentin turk, Recep Taip Erdogan.

Por, vizita e fundit dyditore në Ankara duket se do të ketë një tjetër rëndësi në marrëdhëniet mes dy vendeve. Treguesi i parë për këtë është ceremonia e pritjes e organizuar nga Erdogan në kompleksin Presidencial.

Videot e kësaj ceremonie u publikuan fillimisht nga Erdogan në profilet e tij zyrtare në rrjetet sociale. Për thuajse 9 minuta aty tregohen rojet e nderit me kuaj, që shoqërojnë automjetin e Kryeministrit Rama.

Më pas vazhdohet me himnet e të dyja vendet dhe parakalimi para bandës muzikore të gardës turke të republikës dhe ushtarëve të veshur me uniforma ushtarake ndër vite, duke filluar që me Perandorinë Osmane.

Pamje nga fillimi i takimit të dy delegacioneve Ukrainë-Rusi

⁣Pentagoni publikon pamjet e përplasjes së avionit rus dhe dronit amerikan

Prej kësaj të mërkure, ushtria i është bashkuar Policisë së Shtetit si ndihmë në misionin për të ndjekur në terren zbatimin e masave kufizuese të vendosura nga Qeveria për parandalimin e përhapjes së koronavirusit.

“Sot del në rrugë një formacion i përbashkët i Policisë së Shtetit dhe Policisë Ushtarake që do të organizojnë postblloqe për kontrolle të automjeteve dhe do të ndalojnë dhe verifikojnë nëse në automjet ka të ardhur nga Italia dhe Greqia në 14 ditët e fundit, të cilët ndalohen të dalin nga shtëpia për 14 ditë nga ardhja e tyre”, deklaroi Rama,.

Për të gjithë shkelësit e këtij urdhri, Kryeministri njoftoi penalitetin.

“Kush prej tyre do të kapet në rrugë, do të dënohet me 5 mijë euro gjobë dhe do të ndalohet të largohet nesër pa ikjes së epidemisë nëse nuk do të ketë paguar gjobën”, tha ai.

Kryeministri Edi Rama kërkoi nga të gjithë qytetarët disiplinë, përgjegjshmëri dhe vetëngujim për të përballuar përhapjen e koronavirusit në vend.

“Korona sprapset vetëm më disiplinë dhe përgjegjshmëri. Të gjithë ata që nuk duhet të dalin për nevoja të domosdoshme të mos dalin nga shtëpia. Zbatoni këshillat e autoriteteve shëndetësore, sa më të disiplinuar të jemi sot, sa më shumë të shtrëngohemi sot me këto masa, aq më pak telashe do të kemi nesër. Të vetërrethohemi për disa javë me muret e izolimit nga kontaktet e përditshmërisë tonë”, vijoi mesazhin e tij kreu i Qeverisë.

Në ditët e zakonshme përgjatë këtij orari rrugët dhe sheshi “Skënderbej” do të ishte i mbushur nga njerëzit dhe makinat, por përhapja e koronavirusit të ri ka bërë që të jenë të paktë qytetarët të cilët kanë dalë nëpër rrugë dhe prej ditësh tashmë nuk ka trafik nga makinat dhe autobusit. Në video tregohet pamja e rrugëve kryesore të kryeqytetit, të cilat janë pothuajse të boshatisura.

Videomesazhin e radhës për situatën e krijuar nga pandemia e koronavirusit në vend, Kryeministri Edi Rama e përcolli nga zyra e tij në godinën e Kryeministrisë, ku që në fillim thotë se ka përçuar të gjitha mesazhet e javës së kaluar pasi aty ka të instaluara kamerat e lidhjeve direkte.

Videoja ishte konceptuar edhe si një përgjigje për kritikët, që kanë akuzuar Kryeministrin se është ngujuar në banesën e tij në Surrel dhe nuk është shfaqur në zyrë.

“Po e bëj me telefon këtë mesazh që ta shohin dhe ta qepin gojën ata që thonë dil nga shtëpia, mos rri në bunker, se kur i thonë asaj fjalës, mirë gomari që na ngordhi, por duhet të merremi edhe me mizat e mjaltit të tij që gumëzhijnë nga ajo vrima digjitale që e dini mirë se ku është. Unë në shtëpi mbyllem në fundjavë”, tha Kryeministri.

Duke iu rikthyer situatës, Rama paralajmëroi një javë të vështirë dhe kërkoi zbatimin e rregullave të kufizimit të lëvizjes.

“Sepse sipas modeleve të statistikave tani hyjmë në fazën e shpërthimit më intensive të bombave në trupat e atyre të prekurve. Mos luani me zjarrin! Nuk e ndalim dot vdekjen të na marrë njerëz, por duhet me çdo kusht të ndalim kërdinë që mund të bëjë për shkak të papërgjegjshmërisë tonë. Do të humbasim njerëz, nuk e di se sa, por nuk duhet të humbasim një mal me njerëz dhe këtë e kemi në dorë ne vetë, duke bërë durim”, deklaroi Kryeministri.

Komisioni Qendror i Zgjedhjeve auditoi pajisjet elektronike që do të përdoren për të votuar si projekt pilot në njësinë numër 10 në Tiranë.

Pajisja SmartMatic përveç funksionit parësor, që ka, atë të votimit elektronik mundëson edhe një proces shumë më të shpejt numërimi, që mund të kryhet edhe drejtpërdrejtë në Qendrën e Votimit, pa qenë nevoja e grumbullimit nëpër KZAZ.

Vetë KQZ ka vendosur që rezultati për njësinë 10 të dalë para orës 08:00 të datës 26 prill, ndërsa për rezultatin në zonat e tjera të vendit ka vendosur si objektiv përmbylljen e gjithë procesit të numërimit brenda 48 orëve.

Ndërkohë, KQZ njofton se këtë të enjte do të përfundojë dërgimi i materialeve zgjedhore në Qarqet Vlorë, Shkodër, Dibër, Gjirokastër, Korçë, Kukës, Fier dhe Berat, ndërsa brenda të premtes do të përmbyllet procesi i shpërndarjes së tyre në qarqet e mbetura.

Gjithashtu, KQZ njofton se në 5199 qëndrat e votimit që do të ngrihen në të gjithë vendin do të ketë edhe fletë votimi me alfabetin “Braille” për votuesit që nuk shikojnë.

⁣Protestuesit e opozitës mbajnë banderolën “Burg Brother Vip” teksa marshojnë drejt bulevardit “Dëshmoret e Kombit”.

⁣Qëlloi me armë në ajër në Karaburun, arrestohet 42-vjeçari në Vlorë

Kompanite britanike të prodhimit të automjeteve janë shumë prapa në krahasim me koleget e tyre amerikane dhe gjermane sa i takon modeleve elektrike.

Këtë diferencë synon që ta shkurtojë kompania Lotus me modelin e saj “Evija”.

Bëhet fjalë për të parën makinë britanike krejtësisht elektrike me një kosto që pritet të shkojë rreth 2.5 mln euro.

Kompania premton se “Evija” do të jetë makina më e fuqishme elektrike në botë, me kapacitetin për të kapur 300 kilometra në orë për më pak se 9 sekonda dhe një shpejtësi maksimale mbi 340 kilometra për orë.

Komisioni i Ligjeve u mblodh për të diskutuar draftet dhe amendamentet e propozuara nga mazhoranca dhe opozita parlamentare për ndryshimet në Kodin Zgjedhor.

Rudina Hajdari kërkoi që mbledhja të shtyhet.

“Duhet ta shtyjmë këtë, sepse duhet të rakordohemi me opozitën jashtëparlamentare, kemi nesër një takim në këshillin politik dhe do të ishte e udhës të zhvillojmë atë takim dhe pas shqyrtimit të propozimit të opozitës jashtëparlamentare të bëjmë një takim tjetër. propozimi i opozites jashtëparlamentare preg shume nene të propozimeve sot”, u shpreh ajo.

Damian Gjiknuri e hodhi poshtë, duke thënë se Komisioni të vazhdojë punën me shqyrtimin e propozimeve të opozitës parlamentare dhe të mazhorancës, ndërsa për propozimin e PD-së ai të diskutohet në Këshill. Gjiknuri tha se halli i PD-së janë koalicionet.

Por, Myslim Murrizi u shpreh se veç koalicioneve, drafti i PD-së propozon edhe hapjen e plotë të listave.

Kjo është mbledhja e dytë e Komisionit me këtë temë. Kreu i Komisionit të Ligjeve tha se është bërë një draft i integruar mes propozimit të opozitës parlamentare dhe propozimit të Partisë Socialiste.

Manja kërkoi që opozita të tërhiqet nga ato nene që nuk kanë lidhje me ndryshimet kushtetuese të 30 korrikut, mes të cilave është edhe propozimi për të kaluar në një sistem proporcional kombëtar.

Ky propozim është i Nismës Thurje, që në Kuvend është depozituar nga deputeti Ralf Gjoni.

⁣Makina përfshihet nga flakët para Kryeministrisë

⁣Helmimi në Krujë, i riu tregon situatën në urgjencën e spitalit

⁣Kontroll makinave luksoze dhe me xhama të errët në Tiranë