⁣Përmbytjet në Durrës i kanë shtyrë qytetarët që të lëvizin
me mjete alternative duke qenë se me makina është bërë e pamundur.

Një nga qytetarët e ka gjetur zgjidhjen tek dërrasa e sërfit.

Ai është parë në rrugët e Durrësit duke lundruar mbi një dërrasë
sërfi dhe duke kaluar ujin me një lopatë.

⁣Momenti i arratisjes nga Altin Ndoci sapo del nga Spitali i Durrësit

Fushë Krujë, 52-vjeçari kapet me 60 kg kanabis në makinë

Përfaqësues të Partisë Demokratike vizituan dy shkollat e fshatrave Borizanë dhe Thumanë për t’i sjellë ato si shembuj të korrupsionit dhe vjedhjes me tenderat, duke akuzuar për këtë si pushtetin qendror, ashtu edhe atë vendor.

“Tërmeti i 26 nëntorit ka nxjerrë në pah tërmetin e vjedhjes dhe korrupsionit me fondet publike nga qeveria dhe Bashkia e Krujës. Dy shkolla janë shkatërruar plotësisht në Thumanë dhe Borizanë, por dokumentet për tenderat përkatës janë zhdukur nga sistemi”, thotë PD.

Albana Vokshi, Çlirim Gjata dhe Dashamir Hidraliu, sekretari i degës së PD në Krujë, i cili humbi motrën dhe nipin në një nga pallatet e shembur në Thumanë deklaruan se pasojat e tërmetit të vjedhjes me shkollat e fëmijëve janë mbi 1 milionë euro të zhdukura.

PD akuzon se Qeveria nxitoi që të zhdukte gjurmët e vjedhjes, duke prishur me shpejtësi dy shkollat dhe bashkë me inertet e tyre ka zhdukur edhe dokumentet e tenderave. PD i kërkon prokurorisë të mos vonojë hetimin për 1 milion eurot e zhdukura, për këdo që, sipas saj ka vjedhur dhe ka vënë në rrezik jetët e mbi 700 nxënësve dhe mësuesve.

Rrugë e sheshe të boshatisura, qepena dyqanesh të mbyllur, farmacistë e ata pak njerëz që marrin guximin të dalin jashtë shtëpive me maska në fytyrë.

Qyteza e Kodonjos në Italinë Veriore u gdhi një qytezë fantazmë këtë të shtunë, pas urdhrit të autoriteteve vendore për të anuluar të gjitha aktivitetet publike, por edhe këshillës për banorët që të mos dalin nga shtëpitë e tyre.

Vendimi i autoriteteve vendase është marrë pas disa rasteve të raportuara me koronovirus në këtë zonë me rreth 15 mijë banorë të Italisë, ku njëri prej të prekurve humbi jetën.

Ministria e Shëndetësisë thotë se pret që brenda kësaj jave të mbërrijë stoku i radhës i mjeteve mbrojtëse për mjekët, infermierët dhe të gjithë personelin spitalor që po përballet me koronavirusin e ri në Shqipëri.

“Po bëhet gjithçka që është e mundur për të siguruar mjetet mbrojtëse për stafin mjekësor dhe brenda javës presim stokun e radhës, ndërkohë që theksoj se personeli është i pajisur me materialet mbrojtëse personale”, deklaroi ministrja Ogerta Manastirliu.

Manastirliu tha gjithashtu se do të shtohet edhe kapaciteti i respiratorëve.

“Po punojmë për shtimin e numrit të respiratorëve në strukturën e reanimacionit. Është dyfishuar kapaciteti i respiratorëve në Spitalin Infektiv”, shtoi ministrja.

Manastirliu tha se numri i testeve të kryera është sipas propozimit të ekspertëve, ndërsa shtoi se Shqipëria pret një dërgesë tjetër me kite për testet, por pa dhënë shifra. Ajo tha se po përgatitet laboratori i mikrobiologjisë në QSUT, që testet për koronavirus të mos mundësohen vetëm nga Instituti i Shëndetit Publik.

“Presim gjithashtu një sasi tjetër të konsiderueshme të kiteve shtesë. Po punojmë që të ketë teste së shpejti edhe në QSUT, duke punuar për krijimin e kushteve në Laboratorin e Mikrobiologjisë në QSUT”, tha ajo.

Ndërkohë, për të gjithë pacientët e tjerë me nevoja urgjente që nuk lidhen me koronavirusin, shërbimet e QSUT-së do të zhvendosen tek Spitali i Traumës, ose ish-Spitali Ushtarak.

“Në zbatim të planit të veprimit të miratuar nga Task Forca dhe për të lehtësuar kapacitetet e QSUT dhe zona sanitare të sigurta, kirurgjia e urgjencës, përkatësisht Klinika 1,2 dhe urologjia transferohen në Spitalin e Traumës duke filluar nga dita e premte e kësaj jave, më 20 mars. Shërbimi do të mbështetet nga kirurgët dhe radiologët e QSUT në Spitalin e Traumës”, sqaroi ministrja.

Sa u takon spitaleve rajonale, këto shërbime do të vijojnë të ofrohen si në situatë normale.

Në këtë video mund të shihni se si ka qënë ritmi i përhapjes së Koronavirusit në botë.

Dalja javore e Presidentit Ilir Meta këtë të premte ishte më e shkurtër se herët e tjera. Kreu i shtetit bëri bilancin e aktivitetit të tij për javën që lamë, ndërsa foli edhe për pritshmëritë që ka nga Komisioni i Venecias sa i takon përplasjes për plotësimin e Gjykatës Kushtetuese, procesin e integrimit dhe ngërçin e ri në Këshillin Politik.

Në lidhje me Venecian, Meta u shpreh i bindur në drejtësinë e vendimeve dhe veprimeve të tij.

“Asnjëherë nuk kam pritur Venecian për aktet e mia, sepse ato kanë qenë në përputhje me Kushtetutën dhe ne Kushtetutën e kemi bërë sipas rekomandimeve të Venecias. Nuk kam asnjë pritshmëri, por shpresoj që Venecia të ruaj integritetin e saj”, deklaroi ai.

Presidenti u pyet edhe për zhvillimet e fundit në Parlamentin Europian, ku u votua rezoluta që i kërkon Shqipërisë plotësimin e 15 kushteve para se të ndërmerret takimi i parë ndërqeveritar në kuadër të procesit të negociatave. Sipas Metës, këto zhvillime nuk janë të papritura dhe as të reja.

“Është një çështje e vjetër në kuptimin që kushtet janë aty prej vitesh, duke filluar me kryekushtin e parë dhe të pakalueshëm që është ai i zgjedhjeve të lira dhe të ndershme. Ka 4 vite përsëritet në mënyrë të vazhdueshme çështja e zgjedhjeve të lira dhe të ndershme, hetimi për dosjet e zgjedhjeve parlamentare në Shijak dhe parlamentare në Dibër dhe duke vazhduar me elementë të tjerë, përfshirë edhe miratimin e reformës zgjedhore”, deklaroi Presidenti.

Meta tha se të hënën do të zhvillojë një takim me Zef Mazin, i emëruar si kryenegociator nga Shqipëria për bisedimet e anëtarësimit me Bashkimin Europian. Presidenti komentoi deklaratat e Kryeministrit Edi Rama, që ka shprehur hapur pakënaqësinë për marrëveshjen zgjedhore të nënshkruar në Këshillin Politik, duke u kthyer thuajse 3 dekada pas në kohë, tek Presidenti i fundit komunist.

“Kur dëgjoj këto deklarata nuk më mbetet gjë tjetër veçse të kem pak nostalgji për ish-Presidentin komunist, Ramiz Alia që shtyu zgjedhjet në vitin 1991 për t’i dhënë mundësi opozitës që të merrte pjesë në zgjedhje”, u shpreh ai.

2 atentate në 1 javë, qëllohen me breshëri disa mjete në parkingun e një hoteli

Myslimanë dhe të krishterë janë bërë bashkë në pjesën e vjetër të Mosulit në procesin e vështirë të rindërtimit dhe gjetjes së paqes së humbur nga dallga e pashoqe e dhunës së ISIS-it, që nuk kurseu as kishat dhe as xhamitë.

Kisha Al-Tahara dhe xhamia Al-Nuri janë përzgjedhur ndër objektet e para për t’u rindërtuar dhe rikthyer në gjendjen origjinale, edhe për të përçuar mesazhin se kundër terrorit, myslimanët, të krishterët dhe të gjitha sektet e tjera fetare në Mosul janë të bashkuar.

Projektiv financohet nga UNESCO dhe Emiratet e Bashkuara Arabe. Si kisha Al-Tahara, ashtu edhe xhamia Al-Nuri janë objekte shekullore dhe dëshmi e bashkëjetesës fetare ndër shekuj në Irak, deri kur ISIS i shkatërroi në vitin 2017.

“Shqiptarët nuk lodhen nga përpjekjet dhe lufta për t’u bërë pjesë e Bashkimit Europian. Sigurisht, zhgënjime ka pasur se Europa nuk ka mbajtur premtimet e saj”. Me këto fjalë, Kryeministri Edi Rama ripërsëriti besnikërinë e Shqipërisë dhe shqiptarëve në anëtarësimin e plotë në BE.

“Ne i kemi bërë detyrat tona dhe do të vazhdojmë t’i bëjmë sepse për ne është hera e parë në histori kur mund të zgjedhim. Nuk kemi pasur asnjëherë mundësi zgjedhjeve, por të tjerët vendosnin për ne”, deklaroi Rama në një intervistë për Euronews.

Rama thotë se rreziku i aktorëve të tretë në Shqipëri është më i vogël dhe e shpjeson se pse.

“Nëse nuk integrohet plotësisht në BE, Ballkani Perëndimor do të mbetet një zonë gri dhe tërheqëse për aktorë të tjerë, aktorë të tretë që nuk ndajnë të njëjtat vlera dhe parime që ofron BE. Për Shqipërinë, nuk shoh ndonjë rrezik të tanishëm, sepse shqiptarët janë shumë fanatikë për perëndimin dhe Bashkimin Europian. Vendet e tjera, kush më shumë e kush përballen me ndikimet e këtyre aktorëve të tretë”, vijoi Kryeministri.

Por, a u votua për mandatin e tretë për shkak të progresit të arritur nga reformat dhe rruga drejt integrimit në BE?

“Mendoj se populli shqiptar ka një ndjesi të qartë se puna nuk është përmbyllur ende. Mandati i tretë është një mandat i qartë për ta përmbyllur këtë punë. Nuk është një shpërblim për punën që është përmbyllur”, përgjigjet Rama.

⁣Opozita godet tavolinat gjatë fjalimit të kryeparlamentares Nikolla

⁣ Protestuesit e PD para selisë në pritje të Sali Berishës

⁣Anëtarësia e Partisë Demokratike në gjashtë bashkitë ku do të mbahen zgjedhjet e pjesshme vendore është ftuar këtë të diel për të votuar kandidatin që preferojnë për të garuar më 6 mars.

Procesi ka nisur në Lushnje, Shkodër, Rrogozhinë, Vorë, Dibër dhe Durrës. Në Shkodër, pas tërheqjes nga gara të Voltana Ademit në garë janë gjashtë kandidatë: Alfred Koçobashi, jurist; Arben Maliqi, jurist; Astrit Bushati, jurist; Bardh Spahia, mjek; Irena Shestani Shala, ekonomiste dhe Irma Kopliku, pedagoge matematike.

Pasi Ademi u tërhoq nga gara në momentin e fundit, duke deklaruar se fakti që drejtonte këtë bashki prej 7 vitesh i jepte një avantazh në zgjedhjet e primareve, favorit konsiderohet Bardh Spahia.

Në Durrës gara është më e thjeshtë dhe me vetëm dy emra. Këtu Ardian Muka, inxhinier urbanist dhe Silvja Gjepali. Muka shihet si favorit në këtë garë dhe si një emër që mund të tërheqë drejt Berishës partitë aleate të vogla të Partisë Demokratike.

Në Lushnjë garojnë Arben Zaimi jurist-avokat, Elton Bano jurist-avokat, Eurion Iljazi arsimtar dhe Indrit Qerimi, arsimtar. Këtu shihet si favorit Elton Bano. Në Rrogozhinë: Eqerem Deliu, ekonomist; Hajrulla Tafa, arsimtar; Hekuran Xhani, mjek veteriner; Sokol Gosa, arsimtar dhe Vladimir Manushi, mjek dentist.

Ndërkohë, për këto primare ka reaguar pjesa zyrtare e Partisë Demokratike, që përmes një deklarate thotë se as procesi dhe as kandidatët që marrin pjesë në të nuk përfaqësojnë këtë parti.

“Partia Demokratike njofton gjithë simpatizantët dhe votuesit e saj se emrat e shpallur sot nga grupimi i Sali Non-Grates, nuk janë kandidatë të PD. Me farsën e rradhës, Berisha po përpiqet të dëmtojë PD për interesat e tij personale. Berisha mund të përdorë çdo njeri për hallin e non gratës së tij, por as ai, dhe as ata nuk kanë më asnjë lidhje me Partinë Demokratike”, thuhet në deklaratë.

⁣Rusia nisi një fushatë të koordinuar ushtarake ndaj Ukrainës. Burimi kryesor i zjarrit ishte në lindje të vendit, por predhat goditën edhe zona në Kiev, Odesa dhe më në Perëndim në Ivano-Frankivsk.

Zjarri i raketave ruse u përqëndrua në shtatë zona, ndërsa raportime për përplasje ka pasur edhe në pikat kufitare në veri me Bjellorusinë, vijën ndarëse administrative me Krimenë dhe me dy rajonet e Donetskut dhe Luhanskut në Lindje.

⁣I morën para pronarit të një tabakinoje nën kërcënimin e thikës, pranga dy të rinjve në Vlorë

⁣Kërcënoi se do vriste babain me sëpatë, pranga 35-vjeçarit në Maminas

Me Altin Kodrën nga RTSH24 diskutuam për startin e eleminatoreve për Kupën e Botës 2026.

⁣Kapen 'furnitorët' e kokainës në Tiranë

⁣Kryeministri Rama bën homazhe në nder të gjyqtarit të vrarë, Astrit Kalaja