Seanca e sotme u nda në dy grupe, ku titullarë u stërvitën në palestër dhe rikuperim, ndërsa lojtarët e stolit dhe të aktivizuarit në pjesën e dytë realizuan një seancë të plotë me stafin teknik në stadiumin ku u luajt ndeshja e mbrëmshme.

⁣Një i ri shqiptar në Itali ka bërë një akt të jashtëzakonshëm trimërie dhe humanizmi. Elton Zefi, 32 vjeç, nuk hezitoi as për një sekondë kur pa një makinë të zhytet në ujërat e kanalit Battaglia në Padova. Ai u hodh menjëherë në ujë dhe arriti t’i shpëtojë jetën një biznesmeni 85-vjeçar, i cili rrezikonte të mbytej brenda automjetit të tij.
Ngjarja ndodhi të enjten, më 20 nëntor, pak pas orës 11:00. Giuseppe Salvalajo, një sipërmarrës i njohur padovan dhe themelues i një kompanie të specializuar në restaurime arkitektonike, humbi kontrollin e makinës dhe përfundoi në kanal për arsye ende të paqarta. Automjeti nisi të fundosej me shpejtësi, ndërsa Salvalajo mbeti i bllokuar brenda, në gjendje shoku.
Në atë çast, Elton Zefi, i cili atë ditë festonte ditëlindjen, pa skenën dramatike dhe u hodh menjëherë në ujë, bashkë me një tjetër burrë që ndodhej aty pranë dhe e shpëtuan 85-vjeçarin nga vdekja e sigurt.

Futbollisti kuqezi i Bristol City-t ndihmoi skuadr⁣ën n⁣ë fitoren 3-0 n⁣ë sht⁣ëpi ndaj Swansea-t.

Ja se si Dinamo City, përmbysi Egnatian në Superkupë duke fituar trofeun e dytë të binomit Bardhi-Daja!

Red Bull do të provojë përballojë denjësisht një sezon që nuk pritet të jetë kaq i thjeshtë.

⁣Deputeti socialist Erion Braçe paraqitet në GJKKO

Zjarri tek Farmacia 10, pallati qe digjet

⁣Trafikuan 82 kg kokainë, kapet në Vlorë anëtari i grupit kriminal

Kundërshtarët e heqjes së taksës 100 për qind ndaj mallrave serbe kanë protestuar këtë të shtunë në Prishtinë duke sulmuar me vezë zëvendëskryeministrin e Kosovës Avdullah Hoti.

Autorët kanë hedhur në drejtim të zyrtarit të dalë nga Lidhja Demokratike e Kosovës disa kokrra vezë.

“Taksën nuk bën me e heq”, dëgjohet njëri prej personave që dyshohet se ka marrë pjesë në sulmin ndaj zv.Kryeministrit të Kosovës.

Sulmi ka ndodhur para godinës së Qeverisë. LDK e dënoi atë.

“Sulmi i sotëm ndaj zëvendëskryeministrit të Republikës së Kosovës, Avdullah Hoti është një akt i ulët, i papranueshëm dhe i dëmshëm për proceset vendimtare politike nëpër të cilat po kalon vendi ynë. Është i papranueshëm kthimi i shoqërisë sonë në sulme të këtilla, njësoj si në vitet 2015-2016, me qëllim stagnimin dhe bllokimin e proceseve shtetformuese që i kemi ndërtuar në partneritet me miqtë tanë ndërkombëtar. Kosova ka nevojë për qetësi, maturi dhe unitet në politikbërje dhe udhëheqje të vendit”, thuhet në reagimin e LDK-së.

Helmimi i nxënësve në Fier 1, 30 nxënës në spital

Partia Demokratike dhe Lëvizja Socialiste për Integrim kanë lënë mënjanë agjendën politike dhe në mesazhet e përcjella pas konfirmimit zyrtar të dy personave me koronavirusin e ri mbështesin masat e ndërmarra nga Qeveria, duke kërkuar transparencë, fonde dhe mobilizim.

Në një komunikim me mediat, Lulzim Basha përsëriti thirrjen për të shmangur panikun.

“Nuk është koha për panik, por për kujdes. Kemi mjekët më të mirë, por ata duhen mbështetur me mjete dhe fonde”, deklaroi Basha.

Kreu i PD-së pati një thirrje për mjekët dhe infermierët.

“Shëndeti i shqiptarëve është në duart tuaja. Sytë, veshët dhe mendjet e njerëzve, si asnjëherë, janë të fokusuara te ju. Prandaj, sot të gjithë jemi në mbeshtetjen tuaj për të zbatuar masat dhe vendimet që ju sugjeroni dhe vendosni. Nuk duhet të ngurroni për asnjë çast të kërkoni çfarë ju nevojitet për të përmbushur misionin tuaj. Qeveritë ikin e vijnë, ata që do të mbeten jeni ju, ata që keni në dorë jeten e gjithësecilit prej nesh, jeni ju”, shtoi ai.

Basha thotë se është koha që të flasin mjekët dhe specialistët dhe porositi qytetarët që kthehen nga zonat e Italisë së Veriut që të tregohen veçanërisht të kujdesshëm.

“Të gjithë duhet të dëgjojmë zërin tuaj. Sa më shumë të flisni ju, aq më të qetë do të jenë qytetarët. Të dashur bashkëqytetarë! Sot duhet të jemi të ndërgjegjeshëm dhe të përgjegjshëm për çdo veprim që ndermarrim. Të degjojmë me vemendje këshillat e mjekëve dhe t’i zbatojmë ato. Të gjithë ju që vini nga Italia e Veriut, por edhe zona të tjera të prekura nga coronavirusi, drejtohuni për ekzaminime, nëse keni simptoma gripi dhe shmangni kontaktet me qytetarët dhe të afermit për një periudhë 2 javore. Kujdes të veçantë duhet të kemi për të moshuarit”, u shpreh ai.

Kryedemokrati premtoi se opozita do të ndjekë me kujdes situatën e krijuar dhe se do të jetë në shërbim të qytetarëve me ekspertët e saj, ndërsa Qeverisë i kujtoi thirrjen e bërë dy javë më parë.

“Fonde të mjaftueshme, mobilizim maksimal dhe transparencë. Këta janë tre komponentë të rëndësishëm politikë, për të cilët nuk duhet humbur kohë”, tha Basha.

Nga LSI foli nënkryetari Petrit Vasili. Edhe ai përcolli mesazhe mbështetjeje për masat e ndërmarra nga autoritetet.

“Është një moment delikat që kërkon profesionalizmin dhe gjakftohtësinë e duhur për të përballur një situatë, që e menaxhuar me një nivel të lartë dhe kujdes mund të tejkalohet me pasoja minimale. Xcdo maasë që merret nga autoritetet shëndetësore është e mbështetur nga ne, sepse janë masa standarde që aplikohen sipas një mënyrë dhe rregulli që po zbatohen në vendet e tjera”, tha ai.

Megjithatë, nënkryetari i LSI-së vuri theksin tek kujdesi veçanërisht për personelin shëndetësor dhe kërkoi nga Qeveria që ajo të mos kursehet në mbështetjen e tyre me të gjitha bazat materiale të domosdoshme për përballimin e situatës.

“Frontin themelor të kësaj lufte e mban personeli mjekësor, që për hir të detyrës është në vijën e parë me këtë problematikë. Tërheq vëmendjen që nuk duhet të kursehet asgjë nga pikëpamja financiare për të siguruar të gjithë mjetet e nevojshme që i duhen personeli, pasi duhet të jetë në vijën e parë të parrezikuar”, u shpreh ai.

Vasili thotë se vendi duhet ta konsiderojë veten në emergjencë shëndetësore, ndërsa nga autoritetet vigjilencë maksimale dhe të mos vetëkënaqen me rastet e pakta të të infektuarve deri më tani.

Karantinimi ka prekur edhe sportin e tenisit, por ndryshe nga shumë sporte të tjera, që nuk mund të luhen në kushtet e shtëpisë në rastin e tenisit mjaftojnë dy raketa, një top tarracat e ndërtesave.

Shembulli vjen nga Liguria e Italisë, ky dy teniste i japin jetë një ndeshjeje sureale në kushtet e izolimit.

Videoja është publikuar në faqen zyrtare të “ATP” në rrjetet sociale si një mesazh ndërgjegjësuar për rëndësinë e qëndrimit në shtëpi në këtë periudhë pandemie.

Partia Demokratike do të mbështesë protestën e orës 16:30 të thirrur nga ana e Aleancës për Mbrojtjen e Teatrit. Lulzim Basha deklaroi në fund të mbledhjes së Kryesisë së partisë dhe të ish-grupit parlamentar demokrat se nuk bëhet fjalë për një protestë thjesht kundër shembjes së teatrit.

“Jo thjesht dhe vetëm në mbrojtje të teatrit, kulturës, artit dhe trashëgimisë kulturore, kundër tiranisë, kundër shkeljes flagrante të të drejtave dhe lirive themelore të qytetarëve, kundër mjerimit ekonomik që janë veprat e keqbërësit dhe të keqes më të madhe të vendit që është Edi Rama. Ndaj në mbledhjen e sotme janë marrë të gjitha masat dhe për t’i bërë thirrje çdo qytetari që të angazhohet nesër në 16:30 në protestë që ka për detyrë dhe synim një vlerë shumë më të madhe që është rikthimi tek vlerat e demokracisë të shtetit të së drejtës, të garancive për jetën e qytetarëve. të gjitha këto janë të mundura duke nisur nga kthimi i demokracisë dhe sigurimit të të drejtave themelore të çdo njeriu”, deklaroi Basha.

Kreu i PD ritheksoi premtimin e opozitës, që nesër në pushtet të rindërtojë godinën e Teatrit Kombëtar siç ishte.

“Jo thjesht restaurim, por rindërtim i plotë i Teatrit Kombëtar, siç ishte me parametrat e konceptuar në kuadër të historisë dhe trashëgimisë kulturore të Tiranës. Ky është një zotim që unë personalisht dhe koalicioni opozitar nesër në qeverisje do ta bëjë realitet, sikundër përsërit vendosmërinë për të çuar para drejtësisë dhe prapa hekurave të gjithë përgjegjësve”, u shpreh Basha.

Kreu i PD tha se në këtë situatë nuk do të ketë reformë zgjedhore me pjesëmarrjen e opozitës.

Ndërkohë, mbështetje për protestën e thirrur nga Aleanca për Mbrojtjen e Teatrit ka garantuar edhe Lëvizja Socialiste për Integrim.

“Kryesia e Lëvizjes Socialiste për Integrim vendosi që të mbështesë plotësisht tubimin e thirrur nesër nga Aleanca për Mbrojtjen e Teatrit në oren 16:30 në Bulevardin Dëshmorët e Kombit përballë Ministrisë së Brendshme. Kryesia vendosi të mbështesë në mënyrë të vazhdueshme të gjitha aktivitetet publike të Aleancës për Mbrojtjen e Teatrit. Ndaj, ju bëjmë thirrje të gjithë strukturave të LSI, të gjithe simpatizantëve, mbështetësve dhe miqve të saj për të marrë pjesë masivisht në këtë tubim”, deklaroi Sekretari i Përgjithshëm i LSI-së, Endri Braimllari.

LSI i bëri thirrje policisë që të mos ndalojë qytetarët që të marrin pjesë në protestë dhe të krijojë incidente.

Sekuestrohet heroine ne Portin e Durresit, kishte destinacion Italine

Në daljen më të parë publike sapo mësoi lajmin se Hashim Thaçi mund të akuzohej për krime lufte, Kryeministri Rama ishte në Parlament. Në kostumin tij rrinte mbëthyer medalja e “Komandantit të Legjionit të Nderit”, të urdhëruar nga Presidenca franceze. Nuk ishte Macron, por paraardhësi i tij. Atë ditë ky detaj dukej i rastësishëm, me tej kur Rama foli nga Aeroporti i Prishtinës “Adem Jashari” firgura legjendare dhe baca i luftës së UÇK-së, ai medaljon ndoshta nuk ishtë vënë fare rasësisht.

Kur në Prishtinë Edi Rama kërkoi bashkimin e të gjithë shqiptarëve për të kundërshtuar ndërkombëtarisht akt-akuzën, e ngritur ndaj Presidentit të Kosovës e kërkoi këtë me këmbëngulje si një domosdoshmëri, që nuk lidhet vetëm me fatin e një, dy apo disa personave, por me fatet e kombit shqiptar.

Ai tha se sot shqiptarët janë përballë brezit të ri të ndërkombëtarëve. “Gjenerata që ka bërë luftën nuk janë më aty. Pjesa dërrmuese e tyre janë në pension, flas në botën ndërkombëtare. Të tjerët ca i dinë, por të gjithë po ju them nuk e dinë fare, flas në nivelet më të larta, se çfarë historie ka drejtësia ndërkombëtare në Kosovë dhe çfarë historie ka drejtësia ndërkombëtare mbi luftën e Kosovës me Serbinë”, deklaroi Rama.

Kryeministri refuzoi që të përgjigjet se kush qëndron pas akt-akuzës së Hashim Thaçit, por tërthorazi mund të ketë zbuluar se cili është burimi “anti-shqiptar” në Bashkimin Europian.

“Nuk më rezulton që kishte ndonjë rrugë në atë zonën e kufirit që lidhte Prishtinën me Parisin, ose me Londrën. Nëse ju dini ndonjë shteg atje që mund të shkoje nga Prishtina për në Londër dhe Paris ma thoni”, tha Rama duke argumentuar se vendosja e kushtit të demarkacionin me Malin e Zi për liberalizimin e vizave për Kosovën ishte një vendim plotësisht politik.

Londra është shfaqur në mos plotësisht mbështetëse, më neutrale në qëndrimet e saj karshi Shqipërisë dhe shqiptarëve. Po Parisi? Prej 2017-ës, me zgjedhjen në Elize të Emmanuel Macron, perceptimi i krijuar është ai i një France që për hir të luftës së brendshme në BE me Gjermaninë ka bllokuar proceset integruese të vendeve të Ballkanit.

Por, jo të gjitha vendet e Ballkanit janë “ndëshkuar” njësoj nga qëndrimet e Macron. Serbia dhe Mali i Zi nuk kanë qenë pjesë e “Jo”-ve të shpeshta të tij, përkundrazi, Beogradi mbetet sot i vetmi kryeqytet ballkanik i vizituar nga Presidenti francez.

Rastësi apo jo, sot është fakt se viktima të Macron janë dy shtetet shqiptare, pra Shqipëria dhe Kosova dhe Maqedonia e Veriut, ku përsëri jeton një pjesë e konsiderueshme shqiptarësh. Shqipërisë Macron i refuzoi hapjen e negociatave me arsyetimin se disa mijë shqiptarë aplikonin për azil në një vend 70 milionë banorësh. Ishte po i njëjti Macron që i mohoi Kosovës liberalizimin e vizave, këtë herë duke përmendur kërkesat e larta për azil të shqiptarëve të Shqipërisë.

Këtë qëndrim bllokues e konfirmoi së fundmi edhe raportuesja për Kosovën në PE, Viola von Cramon, vetëm pak ditë më parë, kur tha se duhet pyetur Emmanuel Macron se përse nuk po liberalizohen vizat për shqiptarët.

“Është në dorën e Këshillit Europian që ta trajtojë këtë çështje. Por, nëse dëshironi që të keni një rol konstruktiv për të, merrni në telefon Presidentin e Francës, Emmanuel Macron dhe pyeteni. Do të befasoheni nga përgjigja e tij”, ka shkruar Cramnon-Taubadel.

Kur kryeministri Rama u takua gjatë samitit të Triestes me presidentin francez macron sihte me atle dhe kostum. Shumë e kritikuan këtë sfaqje për mungesë serioziteti ndaj francës. Sicd duket se rodhën ngjarjet pas , ndoshta Rama ka patur të drejtë për të mos e “respektuar” shqiptarisht zotin Macron më shumë sesa e meriton.

Dy vjet më vonë, në vjeshtën e vitit 2019 , Rama pranoi se nuk mundi ta bindë Macron për të dhënë dritën jeshile për hapjen e negociatave për Shqipërinë dhe se Shqipëria nuk ishte në “sferën e tij të interesit.

“Presidentin e Francës s’e ndikon as Gjykata Kushtetuese në Shqipëri, e as reforma jonë zgjedhore, nuk kanë lidhje. S’janë në sferën e interesave e të vëmendjes së tij. Nuk jam në gjendje të them cili do të jetë qëndrimi i Francës. Po mirëkuptoj plotësisht, që Franca është një vend i madh, ka të drejtë të shohë ndryshe raportin me BE dhe ka të drejtën të mos e ketë mendjen te ne, pavarësisht sa e padrejtë na duket ne kjo”, deklaronte Kryeministri.

Nga kjo deklarata kanë kaluar vetëm pak muaj dhe vështirë se Shqipëria dhe shqiptarët janë në përfshirë në “sferën e interesit” të Emmanuel Macron, por ama as jashtë sferës së inateve që këtej nga Shqipëria i thonë se “për inat të sime vjehrre, shkoj të fle me mullxhinë”.
Rama na dha ca detaje për këtë në Prishtinë kur na tregoi se dhe për COVID-in ka vende që i mbyllnë kufijtë e lëvizjes së shqiptarëve në BE, sikundër i lejon marrëveshje për liberalzimin e vizave, pa u bazuar tek shifrat, por vetëm e vetëm që qytetarë të Shqipërisë, apo Turqisë të mos jenë aty mes tyre...

Zyrtarisht Partia Socialiste thotë se do t’i kthejë përgjigje ditën e martë propozimit të Partisë Demokratike për hapje të plotë të listave, me kushtin e mosndryshimit të formulës së koalicioneve dhe të formulës aktuale të përllogaritjes së mandateve.

Por, jozyrtarisht një ide se cili do të jetë qëndrimi i socialistëve në mbledhjen e radhës të Këshillit Politik e dha Kryeministri Edi Rama, që mes rreshtave iu drejtua si PD-së, ashtu edhe Presidentit, por edhe duke garantuar për opozitën parlamentare se nuk do ta prekë paktin e nënshkruar me ta.

“Përsëris apelin për PD-në që të mos lodhet duke kundërshtuar 30 korrikun. 30 korriku është kry! Është marrëveshje e nënshkruar, është e mbyllur! Për 30 korrikun, Presidenti nuk ka asnjë të drejtë për ndryshimet kushtetuese, as nuk i kërkohet që të ketë një opinion. Thjeshtë duhet ta pranojë, sikur do ta pranojnë të gjithë. Ashtu si në ’98, Kushtetutën do ta njohin dhe do t’i nënshtrohen ndryshimeve kushtetuese të 30 korrikut të gjithë. 30 korriku nuk lëviz!”, tha ai.

Kryeministri u tregua elastik sa i takon sasisë së hapjes së listave, por jo tek formula e koalicioneve.

“Hapja e listave patjetër mund të jetë edhe 100%. Koalicionet? Jo, të drejtën për t'u bashkuar në çadër nuk do ta heqim, por do ta sanksionojmë. Listat do të hapen dhe koalicionet do të ndërtohen si kudo në Europë", u shpreh ai.

Votimi i raportit të Komisionit Hetimor Parlamentar, të ngritur një vit më parë për hetimin e veprimtarisë së Presidentit Ilir Meta, tkurri votat e mazhorancës si rrallë herë që prej largimit të PD-së dhe LSI-së nga Kuvendit, në shkurt të 2019.

Raporti, ku theksohen një sërë shkeljesh të Presidentit Ilir Meta me vendimet dhe veprimet për zgjedhjet e 30 qershorit dhe emërimet në Gjykatën Kushtetuese u miratua me 78 vota pro dhe 17 kundër.

“Komisioni arriti në përfundimin se dekreti i Presidentit për shfuqizimin e dekretit për zgjedhjet e 30 qershorit 2019, por edhe dekreti për emërimin e Marsida Xhaferllarit gjyqtare Kushtetuese janë akte antikushtetuese”, deklaroi Ulsi Manja, që drejtoi Komisionin Hetimor.

Megjithatë, duke iu referuar dy opinioneve të Komisionit të Venecias, dhënë fillimisht për përplasjen për 30 qershorin dhe më pas për përplasjen për emërimet në Gjykatën Kushtetuese, Manja tha se shkeljet jo domosdoshmërisht çojnë tek kërkesa për shkarkim. “Por janë të një natyre që diktojnë marrjen e masave për plotësimin e kuadrit ligjor me mekanizma të qartë për të shmangu situata bllokuese në të ardhmen”, vijoi ai.

Për shkelje të shumëfishta të Kushtetutës nga ana e Presidentit Ilir Meta foli edhe Kryeministri Edi Rama.

“Uji i venecias nuk e ka nxjerrë të larë Presidentin, por ka nxjerrë në pah një nga një të gjitha shkeljet, shkelje që janë të një natyre që lidhet me një vullnet politik për ta ushtruar detyrën në mënyrë të njëanshme dhe për t’u sjellë në zyrën e Presidentit të Republikës si tutor i opozitës, sepse kjo është e vërteta”, deklaroi Kryeministri.

Por, pengesë për të kërkuar shkarkimin, sipas kreut të mazhorancës, ishte mungesa e një përkufizimi dhe përcaktimi në kuadrin ligjor vendas se çfarë cilësohet “shkelje e rëndë” dhe “çfarë cilësohet shkelje e lehtë”. Ai nënkuptoi se vullneti i shumicës nuk përputhej me votimin në këtë rast.

“Ne nuk kemi një përkufizim të shkeljes së rëndë, por mesazhi që japim ne duke iu referuar të ardhmes dhe jo të shkuarës në këtë rast dhe duke e parë këtë rast si një mundësi për të adresuar për të ardhmen ato që rezultojnë të jenë hapësira për abuzim, është që ne nuk jemi këtu për të ushtruar vullnetin e shumicës pa marrë në konsideratë asgjë përtej këtij vullneti, që do të thotë se në respekt të Venecias, ne do të qëndrojmë tek ajo se çfarë do të bëjmë më tutje”, u shpreh ai.

Ajo që do të bëhet më tutje është nisma për rregullimin me një ligj organit të institucionit të Presidentit dhe ndryshime në ligjet e tjera, që sipas Ramës, do të qartësojnë kompetencat formale dhe thelbësore të Presidentit.

Gjatë diskutimeve të raportit në këtë Komision, nuk munguan debatet mes vetë socialistëve. Bashkim Fino kërkoi që në raportin përfundimtar, Komisioni ose të kërkonte shkarkimin, ose t’i kërkonte falje Presidentit.

Ndërkohë, ajo që këmbënguli në shkarkimin e Metës ishte opozita parlamentare. Mendimi i opozitës u paraqit nga deputeti Halit Valteri, si relator i pakicës dhe Kuvendit nuk i’u paraqit si raport më vete, por si mendim pakice brenda raportit të shumicës.

⁣Rama-Bashës: Dil tako partinë! E takon dot!

Permbytje ne Vlore e Fier

⁣Siç shihet edhe nga këto foto e video, e gjithë rruga Krujë-Qafë Shtamë është e ngrirë nga akulli dhe në të duken qartë edhe shenjat e gomave që kanë lënë automjetet që kanë rr