⁣Rama: Nuk kemi ndërtuar inceneratorë! Kemi ndërtuar impiante prodhimi energjie

⁣Tronditet Miloti. Dy persona janë qëlluar me armë zjarri mbrëmjen e sotme në qendër të këtij qyteti. Njëri prej tyre, Klisman Preçi, 28 vjeç, ka ndërruar jetë, teksa po transportohej për në spital.
I plagosur rëndë ka mbetur shtetasi Ylli Brahimi, i cili është transportuar për në spitalin e Traumës në Tiranë. Preçi dhe Brahimi janë qëlluar nga persona ende të paidentifikuar nga një automjet ⁣Janë të dy persona me precedentë të mëparshëm penalë. Ndaj të dyve janë bërë atentate edhe më parë. Policia ndodhet në vendgjarje dhe ka nisur hetimin për shkaqet dhe rrethanat e ngjarjes. Makina tip "Landrover", me të cilën udhëtonin Preçi dhe Brahimi, ndodhet ende aty, pasi po bëhet ekspertiza.
Në fshatin Gramze të Krujës ndërkohë është gjetur një automjet tip "Audi" duke u djegur, që dyshet se mund të jetë i atentatorëve. Brenda saj është gjetur një armë automatike e llojit kallashnikov..
⁣Burime të policisë dhe prokuroria bëjnë me dije se viktima ka udhëtuar me automjetin e tij. Ka mbërritur në oborrin e banesës së Ylli Brahimit, dhe në momentin kur janë takuar tek automjeti janë gjendur në breshëri kallashnikovi nga një tjetër automjet që është larguar me shpejtësi. Policia dhe prokuroria ka dyshime se viktima është ndjekur nga atentatorët që nga momentin kur ka dalë nga banesa e tij edhe ka rënë pre e këtij atentati. Brahimi i cili i ka mbijetuar një tjetër atentati në vitin 2021 ku u qëllua me breshëri rreth 15 plumba nga një motor nga dy persona të maskuar, Brahimi rezulton të ketë dhe njohje shumë të afërta me Bujar Likën, i ekzekutuar në autostradë në afërsi të Laçit ku mbeti i vrarë edhe biznesmeni Paulin Gjergji Marku. Kjo njohje me Bujar Likën një tjetër pistë e re ku po heton policia dhe prokuroria. Besohet se kohët e fundit përpara se ti mbijetonte atentatit në maj të këtij viti ka pasur një konflikt me një biznesmen të njohur nga zona e Burrelit, pra është edhe kjo duke u hetuar. Duke zhdukur provat dhe përmes korrupsionit ia kanë arritur t’ja hedhin drejtësisë. Ylli Brahimi dhe Klisman Preçi janë personazhe të njohur botës së krimit

⁣Armë, tritol dhe mina me telekomandë në Elbasan, për llogari të grupeve kriminale

⁣Kryeministri Edi Rama ka ndarë pamje nga pritja që i është bërë në Bruskel në kuadër të samitit BE-Ballkani Perëndimor. Ai është pritur nga Pedro Sanchez, kryeministri i Spanjës që aktualisht mban presidencën e Bashkimit Europian, presidentja e KE, Ursula Von der Leyen dhe presidentin e Këshillit Europian, Charles Michel.

Fermerët tregojnë problematikat e tyre

Shembet Teatri Kombëtar

⁣Presidenti Donald Trump votoi të shtunën në shtetin e
Floridas, ndërsa rivali i tij demokrat ishte në Pensilvania në një aktivitet
fushate.

Presidenti Trump ndryshoi vitin e kaluar regjistrimin nga
Nju Jorku në Florida, duke e bërë banesën e tij verore në Florida adresën e tij
kryesore gjë që bën të mundur që ai tani të votojë në Florida.

Kryeministri Edi Rama u qëndroi deklaratave të bërë në Asamblenë e Partisë Socialiste me thirrjet drejtuar SPAK-ut për të hetuar Sali Berishën, thirrje të cilat shkaktuan edhe reagimin e Ambasadores së SHBA, Yuri Kim.

Rama tha se nuk ishte presion ndaj drejtësisë së re, por kërkesë që ajo të bëjë më shumë.

“PS është e vetmja parti që nuk i ka bërë, nuk i bën dhe nuk do t’i bëjë presion drejtësisë. Të kërkosh më shumë nga drejtësia kur SPAK po mbush tre vjet dhe vettingut pesë vjet. Çfarë presioni është të kërkosh hetimin e ish-Kryeministrit që ka një vit i shpallur non grata me akuzat nga më të rënda?!”, tha Rama.

Kryeministri kërkoi që të hetohet Gërdeci, 21 janari dhe dosje të tjera për të cilat socialistët akuzojnë Sali Berishën.

Por kush konsiderohet presion ndaj drejtësisë? Rama solli si shembull deklaratën e Komisionit të Rithemelimit kundër gjyqtares Blerina Muça, që ka në dorë apelin e Enkelejd Alibeajt që kundërshton regjistrimin e statutit të 11 dhjetorit dhe deklaratën e Sali Berishës pas ngjarjeve të 21 janarit në 2011.

“Presion në drejtësi është ajo deklarata e djeshme ndaj gjyqtares. Presion është t’i thuash kryeprokurores lavire dhe këtë e ka thënë Kryeministri”, deklaroi Rama.

Kryesocialisti u shpreh se koston e mosveprimit të SPAK-ut po e mban ai dhe mazhoranca që ai drejton.

“Qytetarët më drejtohen mua si njeriu që shiti shpresat te drejtësia e re. Përgjigjet e mia janë të njëjta, që qeveria nuk bën prokurorin, qeveria bën reformën. Pranda, mua s’me jep dot leksione askush për ndërhyrje te drejtësia, as shqip, as anglisht dhe as frëngjisht”, u shpreh ai.

Por, thirrja drejtuar SPAK nga Rama nuk është vetëm për Berishën. Kryeministri kërkoi hetimin e ish-gjyqtarëve dhe ish-prokurorëve të shkarkuar nga vettingu.

“Këto hetime kanë rëndësi dhe ne nuk do t’i ndahemi pa vënë para drejtësisë gjykatësit dhe prokurorët e korruptuar të shpallur jo nga ne, por nga vettingu”, deklaroi Rama.

Partia Socialiste shprehet e gatshme që të diskutojë me opozitën parlamentare dhe atë jashtëparlamentare metodikën e hapjes së listave, por me bindjen se propozimi i saj është më i miri i mundshëm.

Kreu i grupit parlamentar socialist, Taulant Balla thotë se formula e propozuar nga PS garanton përfaqësimin gjinor në Kuvend dhe njëkohësisht u jep mundësi votuesve që të ndryshojnë renditjen e kandidatëve të ofruara nga partia, pa i mohuar kësaj të fundit peshën elektorale të saj.

“Argumenti që një kandidat që të zgjidhet deputet pa mbështetjen reale të partisë politike, duhet që të përmbushë legjitimitetin demokratik për të pasur votat, sepse kjo nuk mund të jetë që mblidhen 36 vetë në Tiranë, marrin të gjithë nga 300 vota dhe ai që ka 301 është deputeti. Ky nuk është legjitimiteti demokratik. Në këtë kendvështrim fakti që renditja e partisë politike thyhet nga mbështetja që do të marrë secili kandidat, ky është një hap shumë i madh dhe brenda pjesës që do të quhet renditja e propozuar nga partia, numri i votave për secilin kandidat rimodelon listën”, tha Balla.

Balla foli para gazetarëvenë përfundim të mbledhjes së grupit parlamentar socialist, ndërkohë që në orët e pasdites Rama do të mbledhë drejtuesit politikë të partisë në qarqe për raportimin javor. Sekretari i Përgjithshëm i socialistëve dha me shifra se cilat janë pretendimet e PS-së në zgjedhjet e 25 prillit.

“Partia Socialiste, që është forca modernizuese e jetës politike në vend do të ketë në grupin e saj parlamentar të pas 25 prillit, nga 75, apo 74 minimalisht, të paktën një e treta do të jenë gra dhe kjo do të thotë që është një numër i konsiderueshëm”, deklaroi Balla.

Kreu i grupit parlamentar të socialistëve u shpreh i bindur gjithashtu se Partia Demokratike do të dorëzojë në Këshillin Politik një propozim të sajin për formulën e hapjes së listave, propozim që do t’i bashkohej atij të Rudina Hajdarit, që kërkon renditje alfabetike në listat e kandidatëve për deputetë.

Drejt Asamblesë në tetor

Taulant Balla tha se së shpejti do të mblidhet Asambleja Kombëtare e Partia Socialiste, pa dhënë më shumë detaje.

Gazeta “Si” mëson se kjo çështje është diskutuar në mbledhjen e grupit parlamentar dhe pritet që të jetë temë diskutimi edhe në mbledhjen e pasdites së Edi Ramës me drejtuesit politikë të partisë në qarqe.

Një propozim që po qarkullon është ai i mbajtjes së Asamblesë me rreth 350 anëtarë në dy javët e para të muajit tetor në tre qytetet. Sipas këtij propozimi, asambleistët e Jugut të mblidhen në Fier, të Veriut në Shkodër dhe të Shqipërisë së Mesme në Tiranë. Mbledhjet do të lidhen me njëra-tjetrën përmes platformave online dhe më pas të votohet për kryesinë e re të partisë.

Asambleja duhej të ishte thirrur pas zhvillimit të kongresit në fund të muajit shkurt, por u shty për shkak të shpërthimit të pandemisë së koronavirusit në vendin tonë.

Pika tjetër në rend të ditës në këtë mbledhje, siç mëson Gazeta “Si”, do të lidhet me konstatimet e drejtuesve të qarqeve në terren nga takimet me qytetarët. Kryeministri Rama u ka kërkuar 11 drejtuesve të qarqeve (me përjashtim të Durrësit, ku Rama është vetë drejtues politik i qarkut) një raport përmbledhës mbi perceptimin e qytetarëve për qeverisjen.

Rama ka ngarkuar drejtuesit politikë që në takimet me qytetarët të përqëndrohen fort tek punët e kryera nga Qeveria, tek reformat e ndërmarra, sidomos ajo në drejtësi dhe tek investime në sektorët strategjikë, si ujësjellësat.

Bllokohen mbi 350 pasaporta diplomatike, Gent Cakaj jep arsyet

Kthesa fatale qe i mori jeten Ayrton Sennas, pilotit brazilian qe ndryshoi rrjedhjen e Formula 1

Shkodër, kapet me 900 doza shpërndarësi i drogës

Pamjet spektakolare të ujëvarës nënujore

Merr flakë kisha e Shëlbuemi Zhejë Kurbin në natën e ndërrimit të viteve. Çatia e objektit të kultit është ndezur flakë nga kapsollat e fishekzjarret që dhe pse u ndaluan nga qeveria kudo në Shqipëri ka patur, sidomos në zonën e Kurbinit, ku të shtënat me armë e fishekzjarre kanë qenë të shumta.

Tirana e boshatisur

Në Bruksel ka nisur samiti i jashtëzakonshëm i NATO-s për luftën në Ukrainë, ku një prej vendimeve më të rëndësishme që pritet të merren është ai i dyfishimit të pranisë ushtarake të Aleancës në krahun lindor të saj.

I pranishëm në këtë samit është edhe Kryeministri Edi Rama.

Dakordësia për dyfishimin e trupave është gjetur dhe zyrtarizimi i saj, sipas Sekretarit të Përgjithshëm, Jens Stoltenberg. Trupat shtesë do të dërgohen në Sllovaki, Hungari, Rumani dhe Bullgari. Sekretari i Përgjithshëm i NATO-s tha se kjo përbën një rritje të madhe afatgjatë të pranisë së aleancës ushtarake në rajon, duke dyfishuar numrin ekzistues të grupeve luftarake.

Vendimi i pritshëm i NATO-s për të shtuar forcat e saj në Europën Lindore tregon se aleanca ende nuk është e bindur se ka bërë mjaftueshëm për të mbrojtur krahun lindor të saj, nën kërcënimin e vazhdueshëm të Rusisë.

Kjo reflekton shqetësimet në Balltik dhe shtetet e tjera se kërcënimi nga Rusia dhe perspektiva e përhapjes së konfliktit mbeten reale.

Premtimi për më shumë mbështetje për Ukrainën pasqyron gjithashtu shqetësimet brenda aleancës se vendi mund të rrezikohet nga mbarimi i municioneve dhe mund të përballet me kërcënime të reja nëse Rusia do të përdorte armë të reja.

Problemi është se arsenalet e NATO-s nuk janë pa fund dhe disa vende mund rrëmojnë për të gjetur mjaftueshëm armë antitank dhe antiajror për të mbajtur furnizimet të rrjedhin përtej kufirit polak.

Zyrtarët perëndimorë thonë se nuk kishin pritur që Ukraina të kishte nevojë për kaq shumë armë në fushëbetejë në këtë fazë të konfliktit, duke parashikuar përkundrazi se rezistenca do të ishte bërë më shumë në formën e një kryengritjeje.

⁣Me veshje kamuflazhi, momenti i arrestimit të dy çekëve në uzinën ushtarake të Poliçanit në Berat

⁣Sekuestrohet arsenal armësh në një banesë në Durrës, pranga të moshuarit

Debati Bardhi-Acka tek komisioni i Medias

Lulzim Basha flet për një miklim të krimit të organizuar, drejtësisë dhe oligarkisë në projektin që çoi në prishjen e godinës së Teatrit Kombëtar. Kreu i Partisë Demokratike deklaron se Edi Rama dhe Erion Veliaj janë pengje të këtij miklimi dhe i akuzoi ata se kanë marrë “kapar” për hapjen e truallit për kulla.

“Këta që na drejtojnë janë pengje të oligarkëve, janë pengje të krimit, janë pengje të kapareve dhe pazareve të pista. E mbani mend projektin “Fusha”? Ai ndërthur 3 elemente: Një kompani kliente të bashkisë dhe qeverisë, një ish-prokuror të Tiranës që mbylli dosjen e Ardit Gjoklajt, Petrit Fushën, dhe një klan mafioz droge, Sulejman Fushën në Spanjë. Këta janë partnerët e Edi Ramës dhe të Erjon Veliajt. Këta janë partnerë që kur ju merr kaparin dhe s’u bën punën, të fusin plumbin”, deklaroi Basha në një intervistë për emisionin “Tempora”.

Kryetari i Partisë Demokratike thotë se sot më shumë se kurrë është e nevojshme shkëputja e politikës nga krimi, që realizohet vetëm përmes zgjedhjeve të lira dhe të ndersh,e.

“Marrëdhënia me botën e nëndheshme është e tillë, nuk mund të rrinë të dy me një karrige. Ose do të kesh vlera morale dhe do të udhëheqësh me vlera morale dhe padyshim mund të bësh dhe gabime në qeverisje dhe qytetarët do të vlerësojnë për të mirat, do të gjykojnë për gabimet, prandaj duhet të kemi proces normal zgjedhor. Po në qoftë se bën aleancën me krimin, atëherë krimi do të udhëheqë, krimit do ti shërbesh, peng i krimit do të jesh. Dhe kjo është situata ku kemi ardhur, kjo është beteja që kemi nisur”, u shpreh ai.