Prova e Briken Caljas ne kampionatin europian te peshengritjes

Një efektive e Forcave të Armatosura shqiptare ka humbur jetën në Letoni, si pasojë e shpërthimit të një mine. Bëhet fjalë për efektiven Zarife Hasanaj. Nga shpërthimi i minës kanë mbetur të plagosur edhe dy efektivë të tjerë, gjithashtu pjesë të Forcave të Armatosura, Major Klodian Tanushi dhe rreshter Julian Kapaj.

Hamendësimet e vakta që kanë qarkulluar në disa media për një marrëveshje mes Edi Ramës dhe Lulzim Bashës u ngritën si shqetësime konkrete nga ana e deputetëve të rinj të opozitës, përkatësisht nga Ralf Gjoni i dalë nga listat e LSI-së dhe Rudina Hajdari që refuzoi vendimin e PD-së për djegien e mandatit.

Videoja e një qeni besnik që drejton zjarrfikësit në drejtim të shtëpisë në flakë të të zotit është përhapur me shpejtësi në internet.

Bëhet fjalë për pamje të regjistruar në vitin 2010 në një zonë të Alaskës, por akti i qenit besnik ka tërhequr vëmendjen e përdoruesve në rrjetet sociale, sidomos në Tëitter.

Në këto pamje të publikuara, qeni shquhet para makinës së zjarrfikëses duke i orientuar ata nëpër rrugët dredharake të mbuluara nga dëbora në Alaskë, drejt e tek banesa e të zotit. Fatmirësisht, nga flakët pronari i qenit pësoi vetëm djegie të lehta.

Në dëshminë që dha më pas, ai deklaronte atëherë se kjo ishte edhe falë qenit të tij, që doli menjëherë të kërkojë ndihmë.

Gjatë 5 viteve të funksionimit të tij bilanci statistikor i ligjit të dekriminalizimit është pozitiv. Instituti i Studimeve Politike thotë se kurba e përfshirjes në vendimmarrje të individëve me të shkuar kriminale është në rënie, por megjithatë sistemi i parandalimit mbetet ende i brishtë.

Megjithatë, standardi “për politikë dhe zyrtarë të pastër”, sipas ISP mbetet ende një sfidë për demokracinë funksionale, shtetin e së drejtës, përfaqësimin cilësor në vendimmarrje dhe mirëqeverisjen e vendit. Për këtë arsye theksi vendoset tek roli i partive politike.

“Ato mund e duhet të aplikojnë standarde etike dhe integriteti brenda vetë strukturave të tyre, të marrin përgjegjësi dhe të promovojnë kandidatë e zyrtarë të pastër në fushata elektorale dhe në qeverisjen e vendit. Sistemi i meritës dhe promovimit duhet mbështetur nga një database të qëndrueshme shtetërore të burimeve njerëzore të bazuar tek integriteti, aftësia dhe kualifikimi”, vlerëson Instituti.

Sa i takon bilancit, në total, sipas Institutit të Studimeve Politike deri më tani janë 555 persona të zgjedhur apo emëruar që janë dorëhequr, ose shkarkuar pasi ishin subjekt i këtij ligji, ndërkohë që një sërë hetimesh për deputetë, kryetarë bashkish, këshilltarë të Këshillave bashkiake dhe zyrtarë të tjerë të lartë vazhdojnë.

ISP thotë se në pesë vite 9 deputetë dhe 3 kryetarë bashkish dhanë dorëheqjen, ose humbën mandatet e tyre nga dekriminalizimi, 183 persona të tjerë anëtarë të këshillave bashkiakë po ashtu, 195 persona janë dorëhequr, ose larguar nga postet me emërim në administratën publike dhe 165 të tjerë janë dorëhequr, ose larguar nga institucionet qendrore dhe vendore.

Kryeministri Edi Rama paralajmëroi se marrëveshja e arritur në Këshillin Politik për ndërhyrjen në Kodin Zgjedhor është në fije të perit. Kreu i mazhoranca tha se as opozita jashtëparlamentare dhe as ajo brenda sallës së Parlamentit nuk mund ta shantazhojnë dhe kërcënojnë Partinë Socialiste.

“Ajo që i them Lulzim Bashës dhe Peço (Petrit) Vasilit është që mos vazhdoni të dilni dhe të shantazhoni Partinë Socialiste. Mos na tundoni, se për atë Zot, ajo marrëveshje ka krijuar kushtet pozitive në raport me klimën dhe partnerët, por për mua nuk është reformë, por kthim i madh pas në kohë. Por një fije peri e ndan realizimin deri në fund të asaj marrëveshje nga grisja e asaj marrëveshjeje. Ajo fije peri duhet të ruhet nga Lulzim Basha dhe Peço Vasili.

Opozita parlamentare e ka fituar betejën me mazhorancën duke siguruar që Kuvendi të diskutojë në seancë plenare çështjen e ndryshimit të sistemit zgjedhor brenda këtij sesioni. Vendimi për të futur në kalendarin e punimeve këtë temë është marrë në mbledhjen e përbashkët online të kësaj të marte të Komisionit të Ligjeve dhe Këshillit të Legjislacionit.

Sipas këtij vendimi, nisma e firmosur nga 29 deputetë të opozitës do të shqyrtohet në seancën plenare të 30 korrikut. Në emër të deputetëve firmëtarë të kësaj nisme foli deputeti Myslim Murrizi. Ai tha se nisma e deputetëve ishte edhe pasojë e dështimit të referendumit të kërkuar nga 50 mijë zgjedhës, ku kërkohej ndryshimi i sistemit.

Opozita parlamentare kërkon ndryshimin ndryshimin e Kushtetutës për të hequr prej saj parashikimet që përcaktojnë sistemin zgjedhor. Murrizi tha se kjo duhet të përcaktohet vetëm në Kodin Zgjedhor. Ai e cilësoi absurd faktin që shumë parti që mbledhin 3 mijë firma qytetarësh për t’u regjistruar në gjykatë si subjekt politik, në zgjedhje nuk marrin më shumë vota se sa firmat e grumbulluara.

Për këtë arsye, opozita parlamentare kërkon ndryshimin e sistemit në proporcional me lista të hapura dhe ndalimin e koalicioneve. Murrizi tha se proporcionali me lista të hapura këshillohet nga OSBE/ODIHR në rekomandimet e vitit 2008, por që nuk janë marrë parasysh asnjëherë.

Propozimi i opozitës parlamentare përqëndrohet në tre pika. Pika e parë është ajo që të vendoset që në Kushtetutë ndalimi i koalicioneve zgjedhore. Në pikën tjetër kërkohet ndryshimi i sistemit zgjedhor në sistem proporcional rajonal me lista të hapura dhe në pikën e tretë propozohet pragu prej 5 për qind.

Deputetja Rudina Hajdari e vlerësoi këtë si një përpjekje për të rikthyer sovranitetin e popullit në Parlament.

“E rëndësishme është që ja arritëm kësaj ditë dhe rishikimi i Kushtetutës është një moment historik për vendin, pasi këtë herë po bëhet për një gjë thelbësore për reformën zgjedhore dhe për këtë duhet të jemi të gjithë të gëzuar. E kemi futur këtë proces në shinat e duhura", deklaroi ajo në përfundim të mbledhjes së përbashkët të Këshillit të Legjislacionit dhe Komisionit të Ligjeve.

⁣Momenti kur Alma Arrazi del nga lokali pak para se të vetëflijohej me 3 fëmijët e saj

⁣Aksidenti te TEG-u, që shkaktoi sherrin mes disa personave me sende të forta

⁣Pak sekonda nga ngritja në pistë, krahu i avionit përfshihet nga flakët në Itali

⁣Vidhte bizneset dhe largohej me monopatinë, arrestohet hajduti në Tiranë

Yuki Tsunoda dhe Franco Colapinto nuk i përfunduan si të tjerët Provat Zyrtare në Imola.

Sulmuesi shqiptar sh⁣ënoi t⁣ë parin nga 3 golat e Bristol City-t n⁣ë p⁣ërmbysjen e vendasve ndaj miqve t⁣ë Southampton.

Milot Rashica po zhvillon një super sezon me Verder Bremenin, duke marrë rolin e protagonistit në çdo ndeshje që i jepet mundësia. Të njëjtën gjë, futbollisti kosovar ka bërë edhe këtë herë në ndeshjen Verder Bremen – Bajern Mynih, e vlefshme për Kupën e Gjermanisë. Goli i Rashicës në minutën 75’ erdhi vetëm një minutë, pasi ishte shënuar goli i parë dhe ekzaltoi të gjithë të pranishmit në “Weserstadion”, duke filluar nga trajneri e deri tek tifozët. Një gol që nisi dhe përfundoi nga këmbët e Rashicës dhe që nga shumë medie në Gjermani është krahasuar me stilin e golave të Lionel Mesit.

Para se të takohej me Edi Ramën, Merkel ka pritur në zyrë kreun e Komisionit për Çështjet Europiane në Bundestagun gjerman, Gunther Krichbaum. Me Krichbaum, veç takimit në Komitetin për Çështjet Europiane, Rama ka shkëmbyer një bisedë të shkurtër joformale para se të ulej në bisedimet me Kancelaren Merkel. Kreu për Çështjet Europiane në Bundestag është mbështetës i anëtarësimit të Shqipërisë, por nuk bën pjesë në listën e ligjvënësve gjermanë që kërkojnë hapjen e negociatave të anëtarësimit të vendit tonë pa rezerva.

Ilir Meta, Edi Rama dhe Sali Berisha dolën që të tre mbrëmjen e së enjtes në “prime time” në tre intervista të dhëna në tre televizione të ndryshme. Mes morisë së deklaratave të bëra, ra në sy këndvështrimi i secilit prej tyre sa u takon rolit të ndërkombëtarëve.

Meta e trajtoi rolin e përfaqësuesve ndërkombëtarë në Tiranë para, gjatë dhe pas 30 qershorit, Rama iu referua qëndrimit të vendeve të Bashkimit Europian sa i takon hapjes së negociatave, ndërsa Berisha u ndal tek qëndrimi i ndërkombëtarëve sa i takon propozimit të opozitës për reformën zgjedhore.

Ai film theu një tabu! Sipas Nerit, problemi i narkomanisë asokohe, filloi të bëhej një problem i Shqipërisë, e mendësia komuniste ishte, që nuk i themi ato gjëra. “Prandaj ai film tha ca gjëra të vërteta. Ai në fakt ka qenë filmi im i katërt dhe një eksperiencë tejet e bukur, me një specifikë të veçantë, një grup njerëzish, që kanë një jetë ndryshe nga njerëzit e tjerë dhe duhet ta njohësh mirë mendësinë e tyre, duke u përpjekur ta nxirrnim sa më të vërtetë atë...”, thotë ai.

Ndërsa më tej, Neri ka folur për “Gazetën Si” për atë “rebelizmin e tij”, apo prizmin si e shihte jetën ndryshe në ato vitet e rinisë, duke përmendur madje edhe një emër politikani të sotëm.

(Video 4)

“Duke qenë se jam i projektuar drejt arteve, kjo normalisht të bën pakëz rebel. Prizmi me të cilin sheh fenomenet është ndryshe dhe normalisht unë nuk isha i kënaqur, ku adoleshenca dhe rinia ime iku në një regjim, e ku njeriu nuk kishte më dinjitet. Ishte një dele e qëlluar me shpullë brenda një vathe”.

Më tej ai shpjegon edhe se si Fatmir Xhafa, ishte njeriu që në lice u mor me të për “çerek ore, për një palë pantallona tub. “Ndërkohë që unë isha artist, në atë timen, e tashmë e sheh që të bën të ndershmin e moralistin”, thotë ai.

“Nuk kisha liritë”, rrëfehet Neri më tej, ndërsa ishte 19-vjeç, ku e motra e tij, bën një akt disidence të pastër, apo “grusht knokdoën” siç i thotë Neri, duke u arratisur e “duke parë se si ligjet e proletariatit, u shkruan në kurrizin tim me shkop gome, më keq se bluza e Juves.

“M’u larguan njerëzit sikur të isha Djalli, e normalisht kjo më hapi sytë. Për fat të mirë ishte regjimi në ditët e fundit. 21 vite ikën me regjimin diktatorial dhe 29 të tjera, më ikën në tranzicion. Sot unë jam një 50-vjeçar!”, mbyll rrëfimin e tij për Gazetën “Si”, Neritan Liçaj.

“Fletë-rrufe, paçavure dhe brutalitet ndërkombëtar fyes, ndaj të cilit shqiptarët duhet të bashkohen dhe ta kundërshtojnë ndërkombëtarisht”. Ky ishte mesazhi i drejtpërdrejtë që përcolli Edi Rama nga konferenca e shtypit në Prishtinë në përfundim të vizitës dyditore.

Kreu i Qeverisë së Shqipërisë foli për rreth 1 orë e 40 minuta. Në krye të fjalës tha se vizita nuk synonte që të bashkonte klasën politike të Prishtinës, por për të përcjellë mesazhin se nuk bëhet fjalë për një akuzë ndaj dy personave.

“Kush mendon se këtu bëhet fjalë për një akt ndaj disa personave, apo se këtu bëhet fjalë për të shfrytëzuar këtë instrument për pastrimin e skenës politike, apo për çkapjen e shtetit, është ose naiv, ose tejet i verbuar nga mllefi. Nuk ka mundësi tjetër”, tha Rama.

Kryeministri foli për një moment kritik në të cilin ndodhen sot shqiptarët, veçanërisht ata në Kosovë, që mund të ketë pasoja të rënda për Kosovën. Ai tha se qytetarët duhet të kuptojnë se bëhet fjalë për shumë më shumë se një akt-akuzë ndaj dy individëve.

“Nëse në këtë moment nuk ndajmë qartë drejtësinë me padrejtësinë....Qëndrimi im lidhet me padrejtësinë. Për mua ajo komunikatë që lajmëroi botën mbarë se pritet të vijë një akt-akuzë që nuk është formalizuar nga gjykata, përbën jo vetëm një shkelje flagrante të çdo praktike të mirë të drejtësisë ndërkombëtare, por edhe një akt brutal ndaj vetë Kosovës. Sot duhet pak vetëpërmbajtje dhe duhet fokus se ajo fletë-rrufe ka goditur shumë më larg dhe shumë më thellë sesa në ballin e Hashim Thaçit dhe Kadri Veselit. Këtu bëhet fjalë për drejtimin e lartë politik të UÇK-së dhe përpjekje për të vendosur nën akuzë UÇK-në, si të ishte një ushtri e rregullt agresorësh që vinin nga Beogradi”, u shpreh ai.

Rama thotë se ky akt i ndërkombëtarëve nuk duhet nënvlerësuar, edhe për faktin se sipas tij, aleatët që urdhëruan bombardimin e Serbisë gjatë luftës kanë dalë në pension dhe “ndërkombëtarët” e rinj nuk janë familjarë si me krimet e kryera nga Serbia në Kosovë.

“Nëse e nënvlerësojmë sot këtë brutalitet... Nuk e dinë të gjithë se çfarë historie ka drejtësia ndërkombëtare në Kosovë. Ka më pak se 10 vendime nga Haga për Serbinë për deportim të 1 milion njerëzve me dhunë, pa llogaritur 20 mijë raste përdhunimesh dhe pastaj edhe të gjithë të vrarët dhe të zhdukurit dhe sa janë personat e proceduar në të gjitha këto shkallë gjyqesh për UÇK-në. Si ndërtohet ky raport?! Sa janë në Serbi ata që janë gjykuar për krime lufte?! Ka një disproporcion kolosal. Pastaj edhe nivelet e goditjes, ku në Kosovë goditen presidentë e kryeministra”, u shpreh ai.

Padrejtësinë ndërkombëtare ndaj Kosovës Rama e ilustroi edhe përmes procesit të liberalizimit të vizave.

“Për liberalizimin e vizave thanë që duhen plotësuar kushtet. U plotësuan kushtet dhe edhe vetë e pranuan, por më thanë që më parë duhej bërë demarkacioni me Malin e Zi. Se ç’lidhje kishte demarkacioni me liberalizimin e vizave?! Unë nuk di që në atë pjesë të kufirit të Kosovës kishte ndonjë shteg që të çonte në Paris. Pra, ishte një vendim krejtësisht politik. Megjithatë, u zgjidh edhe demarkacioni, por sërish vizat nuk u liberalizuan”, deklaroi Rama.

Për Ramën nuk ka asnjë mëdyshje që Kosova nuk duhet të vetëizolohet dhe dialogun me Serbinë duhet ta vazhdojë me ndërmjetësimin e SHBA, edhe nëse Uashingtoni do ta mbështesë akt-akuzën e ngritur ndaj Hashim Thaçit.

Një panoramë të qëndrimit të Uashingtonit e bëri ministri i Jashtëm në Detyrë, Gent Cakaj, i sapokthyer nga një vizitë atje ku u takua me të dërguarin e posaçëm të Trump, Richard Grenell dhe zyrtarët e tjerë të lartë të DASH, si Palmer e Reeker.

“Vizita ka qenë e planifikuar më herët dhe nuk lidhej drejtpërdrejtë me Kosovën. Por ju siguroj tre gjera nga bisedat e mia atje, së pari që nuk ka marrëveshje sekrete. Së dyti nuk ka ndarje të Kosovës dhe kush i ka sytë në ballë dhe mend në kokë nuk beson që Qeveria e Shqipërisë dhe Kosovës bën plane për ndarjen e Kosovës. E treta nuk ka nxitim në rastin e Kosovës, për çdo interes elektoral në SHBA. Këto janë qëndrimet që edhe vetë Grenell i ka komunikuar në vazhdimësi. Të tjerat prirje për të shkaktuar keqkuptime të brendshme”, sqaroi Cakaj.

Nga ana tjetër, Rama hoqi të gjitha mëdyshjet edhe nëse ishte tërhequr nga nisma e përbashkët me Aleksandër Vuçiç për shengenin ballkanik, që e mbron si një zhvillim strategjik për shqiptarët. Ai hodhi poshtë si konspirative dhe të pabazuara zërat kundër kësaj nisme, sipas të cilëve nga kjo përfiton vetëm Serbia.

Rama tha se në agjendë kishte planifikuar edhe një takim me Ramush Haradinajn, por ky i fundit e kishte refuzuar për shkak të procesit gjyqësor ku është i paditur për shpifje. Megjithatë, Kryeministri njoftoi se tërheqjen nga kjo padi.

“Unë kam 22 padi për shpifje dhe kjo që kam bërë këtu për Ramushin ka bërë më shumë zhurmë, por janë 22 të tilla me figura politike kryesisht që i kam në proces. Nuk janë bërë publike dhe nuk i kam bërë për t’i bërë publike. Ramushit i kam kërkuar takim si të gjithë të tjerëve, për të shkuar ta vizituar në seli, apo shtëpinë e tij dhe si paditës që shkon tek i padituri besoj që nuk ishte ai që ulej duke më hapur derën, për më tepër doja të diskutoja edhe me të për këtë çështje që është shumë më e madhe se Haradinaj, Hashimi dhe Kadriu, sepse ndikimet mund të jenë marramendëse për Kosovën në të ardhmen. E kam njoftuar që nuk do të bëj komunikime do të bëj një konferenc ku do të tërheq padinë, jo se ajo është e vogël për mua, por është shumë më e madhe ajo që sot është më e madhe nga të gjithë. Padia do të tërhiqet edhe zyrtarisht”, u shpreh Rama.

Ministrja e Shëndetësisë, Ogerta Manastirliu thotë se Shqipëria është e përgatitur për tre skenarë, që shkojnë deri në trajtimin e 1600 pacientëve të shtruar me Covid në të njëjtën kohë, duke përfshirë edhe spitalet rajonale.

Në skenarin e parë, Ministria parashikon përballimin e fluksit të pacientëve nga spitalet Covid 1 dhe Covid 2, pra infektivi dhe “Shefqet Ndroqi”.

Skenari i dytë përfshin hapjen e spitaleve Covid 3 dhe 4 duke e rritur kapacitetin e shtrimeve në 550 pacientë.

“Në strategjinë tonë vjeshtë-dimër ne jemi të përgatitur për 3 skenarë me struktura të dedikuara për trajtimin e pacientëve me Covid. Aktualisht kemi Covid 1 dhe 2 dhe kemi gati Covid 3 dhe 4. Kemi të shtruar 234 pacientë me Covid 3 dhe 4 kapaciteti shkon në 550”, deklaroi Manastirliu.

Skenari i tretë është përfshirja graduale të 11 spitaleve rajonale.

“Të tre skenarët parashikojnë përfshirjen e spitaleve rajonale nëse plotësohen 550 shtretër, në skenarin e parë hapen 5 spitale rajonale, ku shtohemi me 600 shtretër. Në skenarin e dytë hapim 3 spitale të tjerë rajonale, me 240 shtretër dhe në skenarin e tretë përfshirjen e 3 spitaleve rajonale dhe shtohemi me 148 shtretër. Në total do të kemi në dispozicion për pacientët Covid rreth 1600 shtretër, të pajisur me të gjitha elementët e nevojshme për të trajtuar rastet”, tha Manastirliu.

Ministrja garantoi se Shqipëria ofron në masën 100 për qind të gjitha terapitë që ofrohen nga vendet e zhvilluara perëndimore, si terapia me plazmën e gjakut, apo ajo me remdesivir.

⁣Rama: Nuk kemi ndërtuar inceneratorë! Kemi ndërtuar impiante prodhimi energjie