⁣Deputeti socialist Erion Braçe paraqitet në GJKKO

Aventura në shpellat nënujore të Meksikës

Në krahasim me fjalimet e zakonshme në seancat plenare të Kuvendit, fjalimi i kësaj të enjteje i Kryeministrit Edi Rama ishte më i shkurtër, por po aq thumbues në drejtim të Lulzim Bashës.

Pasi akuzoi Partinë Demokratike se po përsëriste të njëjtat gabime që e kanë çuar nga humbja në humbje në zgjedhje, nga foltorja e parlamentit, Edi Rama i solli Lulzim Bashës reminishenca të një tjetër “Foltoreje”, asaj të Sali Berishës.

Kryeministri përdori fjalët e Berishës, që në turin e takimeve me mbështetësit e vet e ka akuzuar Lulzim Bashën si kryetar “kukull” të PD-së dhe “peng” të Edi Ramës.

“Të përsërisësh të njëjtën gjë dhe të presësh një rezultat tjetër është tipari i mendjelehtësisë. Natyrisht, duke përsëritur të njëjtën gjë, të njëjtin rezultat do të merrni sërish. Kjo është zgjedhja juaj dhe nuk jam unë që duhet t’ju inkurajoj, aq më tepër tani që jeni në garë se kush është kukulla, se kush është pengu dhe kush shpif e shan më shumë për të treguar që nuk është as kukull dhe as peng”, tha Rama.

Thumbimet shoqëruan thuajse të gjithë fjalimin, ku Kryeministri e këshilloi opozitën që të heqë dorë nga akuzat, sipas tij, boshe ndaj ministrave sepse nuk i sjellin mbështetje.

“Se ça mbillni këtu në katër vite, shkoni e korrni atje”, tha ai.

Sali Berisha, që turin e foltoreve të mërkurën e ndali në Gjirokastër, nuk ishte i pranishëm në sallë.

FOTO BERISHA

Ndërkohë, Basha iu kundërpërgjigj Ramës duke akuzuar se po përpiqet që të zhvendosë debatet që bëhen për interesat e qytetarëve në kacafytje personale.

“Shikoni pak të dashur qytetar se ku e zhvendos një debat që është për ju, për xhepat tuaj, për situatën ku ndodheni ju. Shikoni si do që ta zhvendosë në një kacafytje dhe protagonizëm personal, njësoj si në ditët e para të pandemisë, ku na dilte dhe kur hapnim frigoriferin. Frigoriferi bosh nga ushqimet, po dilte koka e tij. Shikoni si e koncepton politikën ky. Shikoni si i drejtohet opozitës, moratorium heshtjeje, mbyllni gojën, pse? Sepse ka frikë nga e vërteta!”, tha Basha.

Qeveria do t’i propozojë Kuvendit ndryshime në ligjin për noterinë, duke përfshirë kontrollin e pastërtisë së figurës dhe integritetin mes kushteve për të ruajtur dhe marrë licencën për këtë profesion.

Ndryshimet e propozuara janë një formë vettingut që do t’i nënshtrohen të gjithë noterët në vend, edhe ata që gëzojnë aktualisht këtë licencë. Kriteret, ndryshe nga vettingut i prokurorëve dhe gjyqtarëve do të jenë vetëm dy.

“Ndryshimet që propozohen sot jo vetëm vendosin kritere të reja në profesionin e noterit dhe zv.noterit, por është as më shumë dhe as më pak një proces vettingu për noterët që janë në këtë shërbim dhe që kanë të bëjnë me verifikimin e kontakteve të papërshtatshme, apo lidhje me krimin e organizuar, apo persona të dënuar për kryerjen e veprave të rënda penale, apo që janë pjesë e listës së personave të shpallur sipas legjislacionit në fuqi në kuadër të luftës kundër terrorizmit dhe pastrimit të parave”, deklaroi ministri i Drejtësisë, Ulsi Manja.

Por, nëse për vettingun e prokurorëve dhe të gjyqtarëve u ngritën dy institucione të pavarura, vettingun e noterëve do ta realizojë vetë Qeveria.

“Ligji ka përcaktuar edhe mekanizmat e filtrimit të këtij shërbimi. Është edhe Ministria e Drejtësisë që përmes inspektimeve të planifikuara, apo hetimeve proaktive që do ta bëjë filtrimin e këtij sistemi”, sqaroi ministri Manja.

Projektligji i vettingut për noterët është një ide e hershme e Qeverisë. Ndryshimet janë propozuar që para zgjedhjeve të 25 prillit, duke shkaktuar reagimin kundër të komunitetit të noterëve. Por, në propozimin fillestar mes kritereve të rivlerësimit të noterëve ishte edhe ai i justifikimit të pasurisë, që në projektligjin e miratuar këtë të mërkurë nga Qeveria mungon, të paktën sipas deklaratave të ministrit Ulsi Manja.

⁣Përmbytjet në Durrës i kanë shtyrë qytetarët që të lëvizin
me mjete alternative duke qenë se me makina është bërë e pamundur.

Një nga qytetarët e ka gjetur zgjidhjen tek dërrasa e sërfit.

Ai është parë në rrugët e Durrësit duke lundruar mbi një dërrasë
sërfi dhe duke kaluar ujin me një lopatë.

Në plazhin e Dhermi-ut, gurët e vegjël po zëvendësohen më rërë, duke u tjetërsuar kështu pamja dhe ekomorfologjia e këtij plazhi. Denoncimi vjen nga Forumi për Mbrojtjen e Trashëgimisë Kulturore ku nëpërmjet një video në rrjetin social “Facebook”, duket qartë kur ekskavatorët po marrin gurët.

Futbollisti kuqezi q⁣ë u shpall p⁣ër t⁣ë 3 muaj rradhazi, Lojtari m⁣ë i Mir⁣ë, sh⁣ënoi golin e barazimit (i 7 sezonal) n⁣ë koh⁣ën shtes⁣ë ndaj rival⁣ëve nga Spliti. Barazim q⁣ëe l⁣ë Dinamo Zagren n⁣ë krye me 32 pik⁣ë, 1 m⁣ë shum⁣ëse Hajduk Split.

Kërcënimet ndaj SHBA-së të lëshuara nga udhëheqësit e Iranit kanë prekur edhe Shqipërinë. Media iraniane në gjuhen shqipe “Pars Today”, në një artikull të publikuar këtë të mërkurë për fjalimin e liderit të Iranit Ajetollah Khamenei, citon një deklaratë të tij që i referohet Shqipërisë dhe strehimit të muxhahedinëve në vendin tonë.

Në fjalën e tij duke u fokusuar për teoritë e komplotit, në mënyrë indirekte Khamenei ka përmendur edhe Shqipërinë.

“Në çështjen e sigurisë, përpara ngjarjeve të muajit të kaluar në një vend të vogël dhe djallëzor europian, një element i Amerikës me disa iranianë mercenarë dhe tradhtarë që kanë shitur atdheun e tyre, ka bërë programe kundër Iranit. Plani ishte ajo që ne vumë re disa ditë më vonë në çështjen e naftës. Domethënë populli ishte i hidhëruar për çështjen e naftës dhe këtë e keqshfrytëzuan dashakeqët dhe armiqtë që u futën në veprim, prishën, dogjën dhe nisën luftë. Ky ishte plani i tyre i mëparshëm”, citon agjencia iraniane.

Megjithatë, Kryeministri i Shqipërisë, Edi Rama nuk sheh ndonjë të re në deklaratën e ajatollahut iranian. I pyetur nga gazetarët në Vjenë, ku ndodhej në një vizitë në zyrat qendrore të OSBE-së, ku Shqipëria merr detyrën, Rama mbrojti qëndrimin e palëkundur në mbështetje të aksionit të SHBA.

"Kjo është një temë dhe çështje që nuk është e re për ne në raport me Iranin. Ne kemi ndërmarrë një verim që i bën nder Shqipërisë,ë në vazhdën e traditës shqiptare, në vazhdën e një aleance strategjike të panegciueshme dhe të padiskutueshme me SHBA për të mikpritur një grup njerëzish që janë në rrezik për jetën. Siç shkruhet në marrëveshjen e bërë, ata në Shqipëri janë si rezultat i një operacioni humanitar jo politik”, tha ai.

Rama e lë të hapur mundësinë që Irani të ketë një aktivitet spinazhi të lartë në Shqipëri për shkak të muxhahedinëve të strehuar në Manzë.

“Kemi jetuar në diktaturë dhe ne e dimë shumë mirë si veprojnë diktaturat, regjimet totalitare dhe janë të fiksuar për të kontrolluar gjithçka dhe për të asgjësuar çdo kundërshtar. Shqipëria e diktaturës ishte vend i vogël me resurse shumë minimale në raport me Iranin dhe kishte një kundërspiunazh të jashtëzakonshëm që vepronte në gjitha pikat ku kishte armiqtë e brendshëm të regjimit", deklaroi ai.

Por, në këtë rast, Rama mendon se jemi në duar të sigurta të inteligjencës së aleatëve, duke nënkuptuar këtu amerikanët.

“Unë nuk besoj që kjo e ekspozon në mënyrë të posaçme Shqipërinë dhe nuk kemi arsye ta besojmë këtë, se ne jemi në kontakt permanent me aleatët tanë dhe kur është puna tek inteligjenca ata janë të pakonkurrueshëm botërisht. Në këtë rast ne jemi në duar të sigurta. Nuk kemi arsye objektive të besojmë që ka një ekspozim të veçantë. Jemi të angazhuar në përditshmëri për këtë proces", vijoi ai.

Në Shqipëri janë strehuar rreth 3 mijë iranianë, muxhahedinë të MEK. Tirana zyrtare i ka strehuar në një kamp të veçantë në zonën e Gjirit të Lalëzit dhe se prej vitesh ato jetojnë e punojnë. Iranianët u zhvendosën nga kampi Ashraf në Irak, në kufi me Iranin dhe se për t’i ikur kërcënimeve u zhvendosën në Ballkan. Shqipëria pranoi këtë numër të lartë pas kërkesës së bërë nga ana e qeverisë amerikane. Irani ka kërcënuar se do t’i kundërpërgjigjet SHBA, por edhe aletatëve të tyre, e kjo deklaratë e lëshuar së fundmi mund të shihet edhe si një kërcënim për Shqipërinë, e cila ka mbështetur sulmin e trupave amerikane që eliminuan komandantin e Gardës së Iranit, Kasem Sulejmani.

Në fjalimin e tij, lideri suprem i Iranit duke folur mbi sulmin raketor të Iranit mbi bazën amerikane Ajnul Asad deklaroi se kjo ishte vetëm një shuplakë, por prania keqbërëse e SHBA-ve në rajon duhet ndaluar. Sipas një raporti të agjencisë së lajmeve ISNA, Ajetollah Khamenei lideri suprem i Revolucionit Islamik, pati një takim me mijëra banorë të qytetit Kum. Ai sulmin me raketa ndaj dy bazave amerikane në Irak, e quajti vetëm një shuplakë dhe theksoi se përballja kryesore duhet të jetë në anën e dhënies fund të së keqes shkatërruese dhe destruktive të Amerikës në rajon.

Kryeministri Edi Rama ka deklaruar se shumë shpejt do të zhvillojë vizita në Ukrainë, Rusi dhe SHBA si pjesë e detyrimeve të drejtuesit të OSBE-së.

"Vizita jonë në Rusi është pjesë e axhendës të drejtuesit të OSBE dhe pjesë e angazhimeve që unë kam marrë. Janë disa vizita që do bëhen shumë shpejt. Më të shpejtat janë në Ukrainë, SHBA dhe Rusi. Për datat presim konfirmime nga palët", tha Rama.

Prezantimi i raportit në Kuvend nga Genci Mamani, kreu i Agjencisë së Sigurimit të Depozitave u ndërpre nga një sherr i pazakontë brenda sallës së seancave plenare mes deputetëve të opozitës.

Protagonistë të sherrit u bënë deputetët Edmond Spaho, Tritan Shehu dhe Gazment Bardhi. Spaho dhe Shehu akuzuan për shpifje Gazment Bardhin, që në një seri postimesh në Tëitter ka folur për një vilë luksoze që është në shitje në Gjirin e Lalzit duke nënkuptuar se ajo është në pronësi të një deputetit të opozitës.

“Pyetje për “opozitën e vërtetë”; vilën 760 mijë euro, e shitën apo s’po ja ble askush? Nuk mund të mbash peng opozitën për një vilë të pajustifikuar që të ka zbuluar dhe me të cilën të mban peng Edi Rama!”, shkruan Bardhi në një postim të 9 majit.

Deputeti i rikthehet të njëjtës vilë me një postim të dytë këtë të enjte. “E rëndësishme është që për shkak të publicitetit çmimi i vilës është ulur”, shkruan ai.

Postimi i Bardhit është bërë në orën 11 e 19 minuta. Pak pas këtij momenti ndodhi përplasja mes tij dhe Edmond Spahos dhe Tritan Shehut në prani të Jorida Tabakut. Nga mazhoranca ndërhyri Erion Braçe që e cilësoi të turpshme shfaqjen në fjalë.

Debati ishte i ashpër mes Spahos dhe Bardhit, që për pak u përplasën fizikisht. Gjatë përplasjes verbale, ata përdorën fjalët “zhduku”, “s’të vjen turp”, “palaço”. Edmond Spaho i është drejtuar Gazment Bardhit me fjalët: Je shpifës, gënjeshtar dhe legen që thua që vila 760 mije euro është e njërit nga katër deputetët Noka, Shehu, Spaho, Leskaj.

Spaho reagoi më pas në rrjetet sociale. Ai e quan mashtrues, gënjeshtar, të pafytyrë, intrigant, burrë legen e deri te “pa të poshtme”. Spaho thotë se e ka të deklaruar të gjithë pasurinë e vet në ILDKP dhe i kujton Bardhit vrasjen e Elbasanit para zgjedhjeve të vitit të kaluar.

“Vetëm sharlatanë si Gazi mund të thonë shpifje të tilla për qëllime politike. Askush nga rrethi im familjar nuk merret me biznes dhe nuk ka pasuri të tilla. Gazi bën mirë të kujdeset për pronat e tij. Shiko hallet që të kanë zënë more derëzi, mos hap fronte të tjera se mjaft e ke ngjarjen në Elbasan”, thotë Spaho.

“Burrec” e quan Tritan Shehu në reagimin e tij, duke e ftuar që të bëjë denoncimin te strukturat përkatëse.

“Është vepër antiligjore, përveçse ndesh dhe me çdo normë morali, transparence, “burrërie”, të përhapesh aludime e meskinitete për kolegët në publik e media. Këtë po bën dhe Gazi prej disa ditësh, duke arritur kulmin mbrëmë, kur ngushton rrethin e të “akuzuarve” prej tij në 3-5 deputetë, përfshi dhe mua”, shkruan Shehu.

⁣Makina e djegur e autorëve pas atentatit në Lushnjë ndaj Julian Sulës

Futbollisti kuqezi ishte sërish përcaktues për Esteghlal, këtë herë në Champions League 2 në Azi ku shënoi golin e dytë në fitoren 0-3 ndaj Al Muharraq.

⁣Permbytjet

⁣Protesta vijoi përgjithësisht e qetë, por përplasjet sporadike me policinë nuk munguan, si në rastin kur u njoftua shpërndarja e tubimit, kur një grup protestuesish u përplasën me uniformat blu në kryqëzimin e Unazës me bulevardin “Dëshmorët e Kombit”.

Protestuesit u përpoqën që të bllokojnë qarkullimin në këtë kryqëzim, por nuk janë lejuar nga ana e punonjësve të Policisë së Shtetit.

Përmbytjet në Shkodër, qindra banesa nën ujë pas reshjeve të dendura të shiut

Futbollisti kuqezi shënoi golin e parë në 1.Lig në Turqi ku luan për Keciorengucu. Pas golit që zhbllokoi sfidën, ai shërbeu edhe për të dytin në fitoren 2-7 ndaj Adana Demirspor në transfertë.

Dy gola në transfertë ndaj Goztepe dhe vendi i dytë për Trabzonspor që falë Ernest Muçit, lë pas Fenerbahce. Muçi është në kuotën e 5 golave deri tani këtë sezon.

Presidenti Ilir Meta e cilësoi si tërësisht artificiale krizën politike dhe institucionale që ka përfshirë Shqipërinë prej muajsh tashmë. Në një intervistë dhënë për RTV21, kreu i shtetit e lidhi krizën e Tiranës me zhvillimet në dialogun Serbi-Kosovë.

“Kjo krizë artificiale në të cilën ndodhet Shqipëria dhe që nuk e meriton populli shqiptar, padyshim që për mendimin tim ka një lidhje edhe me zhvillimet në Kosovë, me dialogun Kosovë-Serbi. Për mua ka qenë dhe mbetet shqetësuese: përse kërkohet patjetër ky konflikt në Shqipëri?! Nuk mund ta teproj ndoshta edhe po të them: përse po kërkohet edhe një gjakderdhje në Shqipëri?!”, deklaroi ai për emisionin satirik “Kojshia Show”.

Dhjetra qytetarë janë mbledhur në Bulevardin kryesor të Tiranës në shenjë proteste kundër shembjes së Teatrit Kombëtar.

Qytetarët janë vendosur përballë forcave të shumta policore që kanë bllokuar hyrjen në pedonalen, që të çon në sheshin e Teatrit, ndërkohë që nuk kanë munguar edhe përplasjet fizike mes dy palëve.

Mes protestuesve janë edhe ish-deputetët të opozitës dhe përfaqësues të shoqërisë civile.

Udhëtimin e Edi Ramës me një avion charter të Air Albanias në drejtim të Parisit për fundjavë, Lulzim Basha e mori si shembullin e radhës për të ilustruar idenë e tij se kjo Qeveri ka braktisur qytetarët dhe bizneset.

“Janë lënë të braktisur nga Qeveria e Edi Ramës, që edhe në këtë kohë paratë e taksapaguesve i ka çuar në duart e 4-5 oligarkëve. Kjo është situata. Biznese që mbyllen, varfëri që shtohet, ndërkohë që Edi Rama bredh me charter luksoz nëpër Europë me lekët e taksapaguesve shqiptarë. Qindra-mijëra euro për fundjava në Paris, që do të mjaftonin për të mbajtur hapur mijëra biznese, apo për të dhënë një ndihmë jetike për mijëra familje, që sot kanë vështirësi për të blerë edhe mallrat bazë për fëmijët dhe familjet e tyre”, tha kreu i Partisë Demokratike.

Basha u ndal në zonën e Kombinatit në Tiranë, në kuadër të takimeve me tregtarë dhe biznese të vogla. Edhe këtu tha se kishte konstatuar të njëjtën gjë si në çdo cep të Shqipërisë.

“Ka rënie të xhiros dhe konsumit si kurrë më parë, varfëria është ulur këmbëkryq në çdo cep si kurrë më parë. Është e njëjta gjë si kudo, ku bizneset po mbyllen dhe falimentojnë dhe njerëzit nuk plotësojnë dot nevojat minimale të tyre”, u shpreh ai.

Basha kujtoi raportin e fundit të Bankës Botërore. “Që thotë se 50 për qind e shqiptarëve, pra një në dy shqiptarë tashmë ka prekur fundin, jeton në varfëri”, vijon kreu i PD.

Shefi i opozitës rendit vetëm një arsye që qëndron pas të gjithë panoramës së zymtë që ai i bën gjendjes ekonomike e sociale të vendit.

“Arsyeja e vetme është se edhe në kohë krize, paratë e taksave tuaja, shkuan aty ku kanë shkuar këto 7 vite, tek oligarkët, te vjedhja dhe shkatërrimi i pronës publike, te tenderat luksozë”, thotë Basha.

⁣Gjatë korrikut në Rinas hynë 100 mijë persona më shumë se dy vjet më parë