⁣Ekstradohet nga SHBA ish-oficeri i akuzuar për korrupsion dhe nxjerrje të sekretit shtetëror

Ish Drejtori Sportiv i Lazio-s, vazhdon të jetë kandidat për të njëjtin rol te Milan ku ka mbështetjen e Ibrahimovic.

⁣Mëngjërashi që niset nga e djathta, është një lojtar që nuk e bën më diferencën te kuqezinjtë...

Podcast-in e plotë e gjeni në ⤵
https://youtube.com/live/h2Jw9fI0V0Y

#epërsi #podcast #podcastclips #podcasts #podcasting #podcaster #kombetarja #shqiperi #euroqualifiers #worldcup #worldcup2026

⁣Sherr në mitingun e fushatës përmbyllëse të Sali Berishës në Elbasan

⁣Deputeti i PS-së i marrë i pandehur Plarent Ndreca rikthehet në SPAK

⁣Theu xhamin e marketit dhe vodhi paratë, arrestohet 32-vjeçari në Tiranë

⁣Arrestimi i Nevzat Spahos, i dyshuar për vrasjen e Edmond Mëhallas

⁣Operacioni i SPAK me Antimafien e Barit kundër pastrimit të parave

⁣Konflikti mes të pandehurve, momenti kur policia futet në GJKKO

Video tregon se pse sistemi arsimor finlandez eshte i shendetshem per femijet

Mrekullia e të notuarit mes delfinëve

Qytetaret te dale ne lulishten perpara zones se Stadiumit "Selman Stermasi" pas lajmit te perhapur se ne ore 23:30 do te binte nje termet i fuqishem. Dhjetera e qindra qytetare, familjare e femije kishin dale ne sheshe, si dhe qendronin ne makina duke pritur me ankth oren 23:30.

“Ishte një ditë që unë nuk e dija se atë ditë do kthehesha ndryshe, e se jeta ime do ndryshonte njëherë e përgjithmonë”, - thotë Juliani, për “Gazetën Si”, ndërsa vijon bashkëbisedimin se, “disa persona kishin vendosur një eksploziv në zyrën e shefit tim, duke pritur që ai të vinte”.

Lulzim Basha e vlerësoi shumë të frytshëm takimin me ekspertët e Venecias, që kanë mbërritur në Tiranë me mision faktmbledhës për mendimin përfundimtar në lidhje me përplasjen mes Presidentit Ilir Meta dhe mazhorancës socialiste.

Kreu i PD-së doli para mediave në fund të këtij takimi, ku solli një shembull se përse vendi ndodhet në një krizë të thellë kushtetuese dhe politike.

“Shembulli më i mirë janë lëvizjet çoroditëse të një pushteti që nuk pret as opinionin e Venecias, por ka çuar për miratim në një Kuvend ilegjitim masa të tjera që forcojnë kapjen e shtetit, kapjen e drejtësisë, kapjen e Gjykatës Kushtetuese. E gjitha kjo ka çuar vendin në një kolaps total”, deklaroi ai.

Basha akuzoi mazhorancën se me vendimet e saj po kërcënon të drejtat dhe pronën e shqiptarëve.

“Sepse sot, Republika e Shqipërisë nuk është e shqiptarëve, por e një grushti pushtetarësh të lidhur me një grusht kriminelësh dhe oligarkësh, që së bashku kanë kapur gjykatat, drejtësinë, pronat e shqiptarëve”, vijoi kreu i PD-së.

Basha nuk përmendi emra, por foli me numra duke thënë se vendi është në duart e 12 personave.

“Kjo nuk është demokraci! Ky nuk është shteti ligjor, ndaj me Komisionin e Venecias diskutuam problematikën që është rënduar që nga nisja e kapjes së drejtësisë dhe shkatërrimit të reformës në drejtësi. Do të vazhdojmë me Shqipërinë e 12 pushtetarëve dhe kriminelëve dhe oligarkëve, apo do të kthejmë Shqipërinë për të gjithë shqiptarët përmes zgjedhjeve të lira dhe të ndershme dhe përmes sundimit të ligjit dhe barazisë para tij”, u shpreh ai.

Basha nuk mohoi se opozita mund t’u rikthehet protestave nëse kërkesa e saj për qeveri kujdestare dhe zgjedhje të parakohshme do të refuzohet nga mazhoranca në Këshillin Politik.

“Zgjidhja që kërkojmë nuk e kërkojmë për veten tonë. Nëse pala tjetër do të vazhdojë të përdorë në mënyrë të paligjshme pushtetin e paligjshëm, paratë e pista të krimit të organizuar dhe të vendosë interesat e pushtetit të vet kundër interesave të shqiptarëve, atëherë opozita bashkë me qytetarët do të marrin vendimet që i takojnë një demokracie europiane për t’u përballur me një grusht njerëzish që kanë marrë peng vendin”, mbylli fjalën e tij kreu i Partisë Demokratike.

Rebelët libianë që nuk njohin qeverinë tranzitore të Tripolit kanë bombarduar një anije në portin e kryeqytetit libian ditën e martë më 18 shkurt. Lajmi u shpërnda fillimisht nga mediat vendase dhe më vonë nga televizionet arabe.

Këto media thanë fillimisht se anija ishte turke e nisur nga porti i Mersinit në Turqi dhe e ngarkuar me armë e municione për trupat e qeverisë tranzitore, të mbështetura nga Erdogan kundër rebelëve të gjeneralit Khalifa Haftar.

Por, qeveria tranzitore e Tripolit reagoi përmes një komunikate të shkurtër të përcjellë edhe nga mediat turke, duke deklaruar se anija e bombarduar nga rebelët në port as ishte turke dhe as transportonte armë. Mustafa al-Mujie, një zëdhënës i operacionit “Zemërimi i Vullkanit, një fushatë ushtarake e forcave qeveritare kundër trupave të gjeneralit Haftar, tha se nga sulmi me predha janë dëmtuar një sërë anijesh tregtare, duke deklaruar se porti përdoret vetëm për qëllime civile.

Emri i anijes u zbulua më vonë. Bëhej fjalë për transportuesen “Ana”, e regjistruar me flamur shqiptar dhe identifikuar me numër unik “IMO: 7369118” nga organizata ndërkombëtare e transportit detar, si pronë e një kompanie shqiptare. Anija është nisur pasditen e 9 shkurtit nga porti i Mersinit në Turqi. Këtu ekuipazhi shqiptar i anijes ka zbritur në tokë dhe mjeti është marrë në dorëzim nga një ekuipazh turk.

Këtu dyshohet se anija është ngarkuar me armë dhe municione, me destinacion Libinë, e cila është nën një embargo armësh nga ana e Organizatës së Kombeve të Bashkuara. Por, më 18 shkurt anija është bombarduar nga forcat rebele dhe pak pas orës 22:00 ka fikur sinjalin satelitor të lokalizimit.

“Marine Traffic” thotë se për herë të fundit sinjali i anijes “Ana” është marrë nga porti i Tripolit, ndërkohë që mbetet e ende e paqartë se çfarë transportonte dhe nëse nga sulmi ka viktima.

Presidenti Ilir Meta dorëzoi personalisht në Prokurorinë e Posaçme padinë ndaj ministres së Drejtësisë dhe dy zyrtarëve të tjerë të lartë të këtij institucioni, që i cilësoi pjesë të një celule të strukturuar, që përmes shkeljes së Kushtetutës dhe falsifikimeve tentuan grushtin e shtetit për t’i rrëmbyer haptazi kompetencat.

Meta tha se shkalla e shkeljeve të gjetura është aq e rëndë sa ishte e domosdoshme që padinë ta dorëzonte personalisht në SPAK me statusin e Presidentit.

“Këto prova dhe fakte tronditëse ishte e domosdoshme t’i sillte vetë Presidenti i Republikës së Shqipërisë. Padia është dorëzuar për 3 titullarë të lartë të Ministrisë së Drejtësisë, me në krye zonjën ministre ende në detyrë”, vijoi Presidenti.

Kreu i shtetit tha se Presidenca është duke mbledhur prova të reja që i mbërrijnë çdo ditë për të çuar deri në fund shpartallimin e të gjithë asj që e quan përpjekje për grusht shteti përmes kapjes dhe kontrollit të Gjykatës Kushtetuese.

Meta përsëriti thirrjen drejtuar qytetarëve që më 2 mars t’i bashkohen në Bulevardin Dëshmorët e Kombit. “Për të bërë të qartë se shqiptarët janë me Kushtetutën dhe jo me Metën”, deklaroi ai.

Pyetjes së gazetarëve në lidhje me përhapjen e koronavirusit dhe rrezikut që ky virus të mbërrijë në vendin tonë, Presidenti iu përgjigj duke e cilësuar “Rilindjen” murtajë që i ka rënë vendit, ndërsa nismën e pazakontë që një President të thërrasë popullin në shesh kundër Qeverisë e mbron duke thënë se e pazakontë është edhe gjendja në të cilën ndodhet vendi.

“Rreziku më i madh është murtaja që quhet rilindje, jo socialistët. A ka ndonjë republikë në botë dhe Europë, vend anëtar i KiE dhe kandidat për anëtarësim ku në mënyrë mafioze i rrëmbehet kompetenca kushtetuese Presidentit të shtetit? Nuk ka asnjë vend në Europë që të ketë 3 vjet pa Gjykatë Kushtetuese! Nuk ka asnjë vend në Europë që të ketë ngelur një minutë pa Gjykatë të Lartë! Prandaj më 2 mars kundër murtajës që do të zhbëjë të gjithë shtetin në Shqipëri”, mbylli fjalën e tij Presidenti Ilir Meta.

Disa fëmijë që jetojnë në Itali kanë gjetur mënyrën më të mirë për t'i bërë thirrje njerëzve që të qëndrojnë në shtëpi dhe të mos dalin rrugëve. Ata i kanë ndryshuar tekstin të këngës së grupit italian Richi e Poveri, të titulluar " Sarà perché ti amo". Dy djem e dy vajza i kërkojnë që kenë kujdes.

Vlorë- Policia largon qytetarët nga plazhi, disa prej tyre kundërshtojnë

U bënë ca ditë që qytetarëve u serviren dy realitete të kundërta; realiteti i Lulzim Bashës dhe realiteti i Edi Ramës për fermerët.

Basha thotë se se sot fshati është i harruar nga dora e shtetit dhe gjendja e banorëve të tij është në kufijtë e mbijetesës, ndërsa Rama kundërpërgjigjet herë vetë, herë përmes ministrit të Bujqësisë, Blendi Çuci me shembuj, sipas tij, të një blegtori e bujku të fshatit shqiptar që është shndërruar në një sipërmarrës të suksesshëm, ashtu si në modelet perëndimore.

Modeli i fshatarit të Lulzim Bashës dhe modeli i fermerit të Edi Ramës jo vetëm që nuk kryqëzohen askund, por ecin paralel dhe në kahe të kundërta me njëri-tjetrin. Në takimet e kreut të PD-së ka pakënaqësi e revoltë me Qeverinë, shtetin dhe të gjitha institucionet e tij.

Partia Demokratike hedh poshtë pretendimin e mazhorancës se plani ekonomik dhe taksa e sheshtë prej 9 për qind e premtuar nga Lulzim Basha do të rëndojë në xhepat e qytetarëve dhe rrogtarëve të shtetit.

“Rilindja gënjen duke thënë se punonjësit do të paguajnë më shumë gjatë qeverisjes “Basha”, pasi ata thonë se në planin PD nuk do të ketë fashë përjashtuese të tatimit mbi t ardhurat. Fakti është që Plani i PD ruan fashën përjashtuese nga TAP për 30 mijë lekshin e parë të të ardhurave dhe tatohet me 9 për qind vetëm diferenca mbi këtë vlerë”, thotë PD.

PD thotë se me planin e saj një person që sot paguhet 40 mijë lek, do të tatohet vetëm 9 për qind të 10 mijë lekshit mbi 30 mijë lekshin, që do të thotë 900 lek në muaj, ndërsa sot tatohet 13 për qind, ose 13 mijë lek.

Opozita ka shpërndarë një dokument me përllogaritjet se sa përfitojnë kategoritë kryesore të buxhetorëve nga plani i saj i taksimit, duke i cilësuar gënjeshtra pretendimet e mazhorancës se me këtë propozim rriten taksat për qytetarët.

Ndërkohë, Lulzim Basha ka postuar në rrjetet sociale një video-ilustrim të përfitimeve, sipas tij, të qytetarëve nga taksimi i sheshtë 9 për qind.

“Me taksën e sheshtë 9% do të përfitojnë TË GJITHË të punësuarit si në sektorin privat ashtu edhe në atë publik, dhe do të rritet fuqia blerëse e shqiptarëve”, shkruan Basha.