Tensione pranë shkollës 'Petro Nini' në Tiranë, PD 'zbulon' një zyrë patronazhistësh

Molotovi në KZAZ e Vaut të Dejës, 14 persona në pranga, mes tyre nënkryetari i Bashkisë

Postimi i Lulzim Bashes kunder kryebashkiakut te Vores, Agim Kajmaku

Presidenti Ilir Meta e nisi ditën si “kryetar” i LSI-së në rrjetet sociale, ku u kthye 11 vite pas në kohë për të risjellë e rikujtuar me anë të një videoje kundërshtimin që i ka bërë në atë kohë marrëveshjes e 21 prillit 2008 Berisha-Rama, që ndryshoi Kushtetutën dhe bashkë me të edhe sistemin zgjedhor, duke kaluar nga ai mazhoritar në atë proporcional rajonal.

Përsëritja e mesazhit si kryetar i LSI-së nga karrigia e Presidentit të Republikës merr një rëndësi të veçantë, sidomos këto ditë të para të shtatorit, kur po përflitet gjithnjë e më shumë për mundësinë e një dialogu dhe pakti mes Edi Ramës dhe Lulzim Bashës, që mund të nisë nga reforma zgjedhore.

Reforma zgjedhore ka qenë kryefjala e të gjitha vizitave të ndërkombëtarëve deri më tani, i fundit prej të cilëve, David Kostelancik, drejtor i Zyrës për Europën Qendrore dhe Jugore në Departamentin e Shtetit e shmangu takimin me Ilir Metën.

Nëse në 2008, Meta si kryetar i një partie të vogël ishte i pafuqishëm përballë vullnetit dhe fuqisë së kartonave të bashkuar mes PD-së dhe PS-së në Kuvend, një marrëveshje Rama-Basha mund të hasë pak më shumë rezistencë prej tij, këtë herë si President i vendit.

Reforma zgjedhore kërkon ndryshime në Kodin Zgjedhor. Nëse, ky kod ndryshohet si pjesë e një marrëveshjeje Rama-Basha, por që mund të vlerësohet si “Pazar” nga Ilir Meta, atëherë me vulën e Presidentit ai do ta kthente pas, gjithsesi duke e vonuar, por pa arritur që ta bllokojë përfundimisht.

Ky ishte mesazhi i drejtpërdrejtë që Presidenti dërgoi si kryetar i LSI në drejtim si të Ramës, ashtu edhe të Bashës. Mesazhi i dytë ishte një video ku Meta shfaqet në shoqërinë e një tufe me mace të shoqëruar me një shënim që lë plot hapësira për interpretime.

“Një mëngjes me një "buqetë" macesh, gjithmonë relaksues! Ato janë të dashura dhe ledhatare. Por ka edhe ndonjë guximtare që ngjitet lart, pa llogaritur rrezikun në kthim. Unë qëllova aty, për t'ia bërë të lehtë zbritjen”, shkruan ai.

Macet njihen si kafshë lozonjare, që kërkojnë vëmendjen vetëm atëherë kur duan ato. Por, në “buqetën” e Presidentit njëra prej tyre mori vëmendjen si guximtare, duke u ngjitur lart në një shtyllë. Ilir Meta e ndihmoi që të zbresë pa u rrezikuar. Nëse videoja do të merrej si një mesazh politik, kush është macja guximtare që Presidenti kërkon ta ndihmojë që të zbresë pa u dëmtuar?

Drama "5 stinet e armikut te popullit" ne Teatrin Kombetar Tirane

⁣ Reshjet e shiut përmbytin Shkodrën, rrugët kthehen në “lumenj”

⁣
Vjosa ka dalë nga shtrati duke përmbytur qindra hektarë tokë në zonën e Fierit dhe të Vlorës dhe duke shkaktuar probleme në qarkullim. Situata është kritike në mjaft zona, ndërsa pjesë të aksit të vjetër që lidh Fierin me Vlorën janë plotësisht nën ujë.

Në Vlorë situata është edhe më dramatike. Vjosa ka përmbytur disa shtëpi në fshatin Fitore të njësisë së Novoselës, ndërsa mbi 300 banorë janë izoluar për shkak të dëmtimit të Urës së Mesaplikut.

Prefekti i Vlorës, Flamur Mamaj thotë se situata në Fitore është kritike pasi argjinatura në urën e Mifolit është çarë, duke kërcënuar të tjera banesa nga përmbytjet në orët në vazhdim.

Situatë problematike është paraqitur edhe në Fier ku në disa zona niveli i ujit ka shkuar në 50 cm deri në 1 m. Në Ferras dhe Çerven janë përmbytur serat dhe fermat duke dëmtuar tokat bujqësore, teksa uji ka hyrë deri në katin e parë të banesave. Kreu i emergjencave Civile, Haki Çako bëri me dije se janë evakuuar 13 familje, ndërsa tha s eniveli i ujit po bie dhe gjendja nuk paraqitet kritike.

Ndërkohë nënstacioni elektrik i Poçemit është ndalur që në orën 1:30 të natës dhe janë pa energji elektrike rreth 3700 familje. Pa energji janë fshatrat Hekal, Fratar, Selitë, Kutë. Reshjet e dëborës kanë sjellë probleme me energjinë elektrike në Bashkinë Maliq në Korçë. Sakaq, Në Pogradec prej 48 orësh dy Njësi Administrative, Dardhas dhe Trebinjë dhe 6 fshatra në njësinë Proptisht janë pa drita

⁣Zjarr masiv në periferi të Fushë Krujës në lagjen e "Dervinëve"

Senca parlamentare 9 nentor

⁣Plagosja e dy personave, makina e autorëve digjet pas atentatit në Vlorë

⁣Arrestohet hajduti serial i dyqanit të syzeve në Tiranë

⁣Makina e 58-vjeçarit Isuf Jaçaj pas atentatit me tritol në Sarandë

Banorët e zonës së quajtur Bregu i Lumit, prej ditësh protestojnë për të ndaluar prishjen e shtëpive të tyre. Edhe ditën e sotme, ata janë konfrontuar me forcat e policisë por në mbështetje të tyre kanë qenë edhe ish deputetët e Partisë Demokratike.

Takimet mes Kryeministrit të Shqipërisë, Edi Rama dhe Presidentit serb, Aleksandër Vuçiç, kur ato realizohen si pjesë e nismave të tyre personale prodhojnë gjithmonë lajme “pikante” për mediat dhe as samiti trepalësh në Novi Sad nuk i shpëtoi kësaj.

Rama mbërriti pasditen e së mërkurës në qytetin jugor të Serbisë dhe së bashku me Zoran Zaev ishte pjesë e darkës së shtruar nga Aleksandër Vuçiç.

Presidenti serb dhe dy kryeministrat kanë ecur në rrugët e qytetit. Presidenti serb transmetoi në profilin e tij në Instagram momente nga kjo shëtitje. Pyetja e parë që u drejtohet është se çfarë mendonin se do të thotë ky takim për Ballkanin?

Duke qenë se bëhet fjalë për një çështje rajonale, Aleksandër Vuçiç, që në të shkuarën e ka thumbur Edi Ramën duke e cilësuar atë “lider global”, ndërsa veten e ka përshkruar si “udhëheqës lokal i serbëve” ja pasoi përgjigjen Kryeministrit shqiptar. Jo vetëm kaq, por Presidenti serb duket se e ka njohur pasionin e Kryeministrit shqiptar për të folur, që sipas këndvështrimit është edhe pika më e fortë, edhe pika më e dobët e tij.

“Edi is the guy!” (e thënë shqip: Edi mund të flasë për këtë), tha Vuçiç, duke drejtuar dorën nga Kryeministri shqiptar. Rama pranoi të përgjigjej për 59 sekonda, aq sa është gjatësia kohore e një video-mesazhi në Instagram. Në fjalën e tij, Rama e cilësoi mahnitës faktin që tre udhëheqësit ishin mbledhur për të çuar përpara një zotim të hershëm të secilit prej tyre.

“Thumbimet” vazhduan edhe në konferencën trepalëshe paraditen e së enjtes. Me në njërin krah Ramën dhe në krahun tjetër Zaev, Vuçiç mori i pari fjalën. Pasi tha thelbin e asaj që ishte arritur, fjalën ja kaloi Ramës, ku me batutë i tha se “rezervonte të drejtën për të ndërprerë”.

Rama ja ktheu “kusurin” pak momente më vonë, kur iu përgjigj pyetjes së një gazetari se çfarë të mirash sjell shengeni ballkanik për vendet e rajonit. Mes rreshtave dhe dukshëm pa dashje, Kryeministri shqiptar vuri gishtin në plagën historike të serbëve; daljen në det. “Ju keni një vend të bukur, por s’keni një vend me det”, tha ai, duke iu referuar Serbisë.

Për të njëjtën pyetje, Zoran Zaev i Maqedonisë së Veriut mori më pak kohë për t’iu përgjigjur dhe Aleskandër Vuçiç akoma më pak. Kohën ja mori Rama.

“...po i marr Presidentit kohën që ai kurseu”, tha Rama.

Pamjet ne video nga ndihmat. Banoret ankohen

U bënë ca ditë që qytetarëve u serviren dy realitete të kundërta; realiteti i Lulzim Bashës dhe realiteti i Edi Ramës për fermerët.

Basha thotë se se sot fshati është i harruar nga dora e shtetit dhe gjendja e banorëve të tij është në kufijtë e mbijetesës, ndërsa Rama kundërpërgjigjet herë vetë, herë përmes ministrit të Bujqësisë, Blendi Çuci me shembuj, sipas tij, të një blegtori e bujku të fshatit shqiptar që është shndërruar në një sipërmarrës të suksesshëm, ashtu si në modelet perëndimore.

Modeli i fshatarit të Lulzim Bashës dhe modeli i fermerit të Edi Ramës jo vetëm që nuk kryqëzohen askund, por ecin paralel dhe në kahe të kundërta me njëri-tjetrin. Në takimet e kreut të PD-së ka pakënaqësi e revoltë me Qeverinë, shtetin dhe të gjitha institucionet e tij.

⁣ Policia, aksion për parandalimin e krimeve mjedisore

⁣Shisnin kanabis dhe kokainë pranë një shkolle, 2 të arrestuar në Tiranë

Holandezi u kthye në vendin e parë për të parën herë pas Dhjetorit të kaluar me suksesin e 4 rradhazi në Suzuka. I 8 për Red Bull dhe i fundit në Japoni me motorrin Honda.

Mundësi shqiptar fitoi medaljen e artë në evropianin e Bratislavës