Video të fundit
Pamje tronditëse dhe momente të pabesueshme kur një pilot zbret aeroplanin e tij anash në Aeroportin e Heathrow, Londër, pasi luftoi me erërat e ashpra që shkuan deri në 146 kilometra në orë të shkaktuara nga Stuhia Dennis. Video tregon aeroplanin e Etihad Airways që lufton me stuhinë dhe më në fund bën uljen në Heathrow.
Nuk ishte i vetmi avion që luftuan me kushtet e tmerrshme të motit, ndërsa edhe të tjerë u përpoqën të ulen në mes të stuhisë shkatërruese.
Qindra fluturime janë anuluar, ndërsa video të tjera tregojnë përpjekjet e pilotëve në Aeroportin e Birminghamit dhe aeroporte të tjera të Britanisë së Madhe, për të ulur shëndoshë e mirë pasagjerët e tyre.
Stoku i kredisë për individë në dhjetor arriti 12.5% të PBB-së ose
0.4 pikë përqindje më shumë se në fund të vitit 2018-të.
Rritja ka ardhur nga kredia hipotekare
Shtesa e kredisë për individët ka qenë kryesisht në LEK.
Por kërkesa për kredi nga individët vijon të jetë e luhatshme
Për shkak të tërmetit tre muajt e fundit të vitit, kredia për
individë ishte 4.2 për qind me e ulët se tremujori paraardhës.
Rënia ka befasuar edhe bankat.
Portofoli I kredisë për individë është më I vogli se vendet e tjera të rajonit
Kredia hipotekare është sa 70% e gjithë
kredisë së dhënë për individët.
Kredia hipotekare është 8.7% e PBB-së.
Kredia konsumatore rreth 3.8% e PBB-së.
Lulzim Basha e vlerësoi shumë të frytshëm takimin me ekspertët e Venecias, që kanë mbërritur në Tiranë me mision faktmbledhës për mendimin përfundimtar në lidhje me përplasjen mes Presidentit Ilir Meta dhe mazhorancës socialiste.
Kreu i PD-së doli para mediave në fund të këtij takimi, ku solli një shembull se përse vendi ndodhet në një krizë të thellë kushtetuese dhe politike.
“Shembulli më i mirë janë lëvizjet çoroditëse të një pushteti që nuk pret as opinionin e Venecias, por ka çuar për miratim në një Kuvend ilegjitim masa të tjera që forcojnë kapjen e shtetit, kapjen e drejtësisë, kapjen e Gjykatës Kushtetuese. E gjitha kjo ka çuar vendin në një kolaps total”, deklaroi ai.
Basha akuzoi mazhorancën se me vendimet e saj po kërcënon të drejtat dhe pronën e shqiptarëve.
“Sepse sot, Republika e Shqipërisë nuk është e shqiptarëve, por e një grushti pushtetarësh të lidhur me një grusht kriminelësh dhe oligarkësh, që së bashku kanë kapur gjykatat, drejtësinë, pronat e shqiptarëve”, vijoi kreu i PD-së.
Basha nuk përmendi emra, por foli me numra duke thënë se vendi është në duart e 12 personave.
“Kjo nuk është demokraci! Ky nuk është shteti ligjor, ndaj me Komisionin e Venecias diskutuam problematikën që është rënduar që nga nisja e kapjes së drejtësisë dhe shkatërrimit të reformës në drejtësi. Do të vazhdojmë me Shqipërinë e 12 pushtetarëve dhe kriminelëve dhe oligarkëve, apo do të kthejmë Shqipërinë për të gjithë shqiptarët përmes zgjedhjeve të lira dhe të ndershme dhe përmes sundimit të ligjit dhe barazisë para tij”, u shpreh ai.
Basha nuk mohoi se opozita mund t’u rikthehet protestave nëse kërkesa e saj për qeveri kujdestare dhe zgjedhje të parakohshme do të refuzohet nga mazhoranca në Këshillin Politik.
“Zgjidhja që kërkojmë nuk e kërkojmë për veten tonë. Nëse pala tjetër do të vazhdojë të përdorë në mënyrë të paligjshme pushtetin e paligjshëm, paratë e pista të krimit të organizuar dhe të vendosë interesat e pushtetit të vet kundër interesave të shqiptarëve, atëherë opozita bashkë me qytetarët do të marrin vendimet që i takojnë një demokracie europiane për t’u përballur me një grusht njerëzish që kanë marrë peng vendin”, mbylli fjalën e tij kreu i Partisë Demokratike.
Dokumentari shperfaq rendesine e "Rilidnjes" si organ shtypi dhe shtepi botuese ne ndikimin kulturor dhe politik ne Kosoven e asokohe
Dokuemntari shfaq deshmi te gjalla te shkrimtareve qe kane qene pjese e "Rilindjes" se asokohe se sa i rendesishem ka qene si organ dhe si ka ndikuar ne jeten politike dhe kulturore te popullsise kosovare
Duke iu referuar vazhdimisht Ministrit të Jashtëm në Detyrë si vëllai im Genti, kreu i diplomacisë turke, Mevlut Cavusoglu i kërkoi edhe njëherë Shqipërisë të dorëzonte të gjtihq gylenustët që sipas tij, strehohen në vendin tonë.
Gjuha e kujdesshme dhe e përzgjedhur në konferencën e përbashkët për shtyp nuk arriti që të fshehë ndasinë e thellë mes Edi Ramës dhe Albin Kurtit sa i takon nismës për krijimin e një tregut të përbashkët ekonomik në Ballkanin Perëndimor.
Kryeministri i Kosovës tha se kjo temë ishte trajtuar shkurtimisht në këtë takim të parë me Edi Ramësn si Kryeministër dhe për këtë la të hapur diskutimet në të ardhmen, por pa dhënë afate. Kurti nënkuptoi se i ashtuquajturi “Shengeni Ballkanik” është i një rëndësie të vogël për Qeverinë që ai drejton në Prishtinë, që ka një tjetër prioritet.
“Ky ishte takimi ynë i paarë dhe natyrisht që ka edhe shumë tema të tjera që do të trajtojmë. Mund të them që kjo temë (Shengeni Ballkanik) ishte një temë e trajtuar shkurtimisht, meqënëse takimi sot ishte më shumë për makro-shengenin shqiptar sesa për “Minishengenin ballkanik”, deklaroi Albin Kurti.
Por, Edi Rama nuk e sheh të arritshëm krijimin e “makroshengenin shqiptar” pa “minishengenin ballkanik. Ai përforcoi ndasitë e shfaqura edhe në të shkuarën mes dy kryeministrave sa i takon kësaj teme.
“Në këtë pikë kemi një diskutim për të çuar para. Por, unë besoj që nuk ka makroshengen shqiptar pa minishengenin ballkanik”, u shpreh ai.
Albin Kurti, kritik i bashkëpunimit të deritanishëm mes shqiptarëve këtëj dhe andej kufirit, kërkoi që mes Tiranës dhe Prishtinës të ketë një fillim të ri të fuqishëm bashkëpunimi.
“Çfarë nuk ka pasur asnjëherë mes dy vendeve tona. Kosova dhe Shqipëria janë prioritet. Vendosëm që të formojmë një komision ndërshtetëror i përbërë edhe nga ministra edhe nga deputetë që 77 marrëveshjet që janë nënshkruar të zbatohen dhe të shtohen në marrëveshje të tjera. Të shtojmë bashkëpunimin dhe bashkërendimin”, u shpreh ai.
Rama, që ka firmosur pjesën më të madhe të këtyre marrëveshjeve dhe ka qenë në tryezë në mbledhjet e përbashkëta të dy qeverive me Hashim Thaçin, Isa Mustafën dhe Ramush Haradinajn nuk hodhi poshtë bashkëpunimin e deritanishëm, por foli për nevojën e një ndryshimi marrshi e shpejtësie në këtë drejtim.
Albin Kurti e nisi nga Tirana vizitën e tij të parë zyrtare si Kryeministër i Kosovës. Në ceremoninë e organizuar në “Pallatin e Brigadave”, Kurti u prit nga Kryeministri Edi Rama.
Siç e do protokolli, himni i parë që u luajt ishte ai i vizitorit dhe Albin Kurti dëgjoi notat e Himnit të Kosovës, që deri vonë nuk e pranonte si të tillë.
Pas luajtjes së dy himneve dy kryeministrat kaluan në tapetin e kuq, u përulën para Flamurit Kombëtar dhe përshëndetën rojet e nderit.
Në fund të ceremonisë që i la vendin nisjes së takimeve mes dy delegacioneve, një shtrëngim duarsh me anëtarë të kabinetit të Qeverisë shqiptare. I pari që përshëndeti Albin Kurti ishte ministri i Jashtëm në Detyrë, Gent Cakajn, që dikur ka qenë anëtar i Lëvizjes Vetëvendosje dhe që vetë Kryeministri i Kosovës dhe lideri i VV e ka qortuar fort në të shkuarën.
“Ne kemi shpjeguar qëndrimin tonë përmes një komunikate për ish-anëtarin e Lëvizjes Vetëvendosje. Ai nuk është ministër i Edi Ramës, por është ministër i Baton Haxhiut, nuk është problem Baton Haxhiu, por Stanishiqi”, deklaronte ai.
Sonda Evropiane “Solar Orbiter” drejtuar Diellit u nis nga baza amerikane Cape Canaveral me një raketë të tipit “Atlas 5”. Nis kështu misioni më ambicioz i organizuar ndonjëherë drejt yllit tonë, i krijuar nga Agjencia Evropiane e Hapësirës (ESA) në bashkëpunim me NASA-n.
Tre sfidat e BE që do të përcaktojnë raportin me Ballkanin Perëndimor: 1. Arkitektura e sigurisë europiane në kushtet krizës së besimit tek multilateralizmi; 2. Efektet e ‘divorcit’ Brexit dhe vështirësia për një ‘martesë’ të re; 3. Roli e influenca e BE si fuqi botërore
Ata që kërkojnë një sezon të ri për të festuar, vazhdojnë me Pemën e Shën Valentinit. Tashmë është një trend i ri në SHBA, ndërsa Pinterest ka raportuar një rritje 87 përqind të njerëzve në Evropë që kërkojnë frymëzim për pemë të Shën Valentinit.
Një video me pamje shqetësuese është bërë virale në rrjetet sociale, ku tregohen njerëz të dyshuar si të infektuar me koronavirus, të cilët tërhiqen me forcë nga shtëpitë e tyre. Gjithçka ndodh ndërkohë që regjimi komunist po nis të grumbullojë të infektuarit dhe t'i çojë nëpër kampe.
Në video shihen zyrtarë të shëndetësisë dhe jo vetëm, me kostume mbrojtëse, teksa kapin të paktën dy persona, ndërsa më pas një burrë i tretë tërhiqet nga dyshemeja dhe merret me vete.
Arben Isufaj në Fier, njohur ndryshe si “Ben Qimja” dhe Saimir Taullai në Lushnje janë dy personat e tjerë që “Operacioni Forca e Ligjit” u ka kërkuar që të plotësojnë formularin për burimin e pasurive që zotërojnë.
Isufaj është prej vitesh nën hetim në Itali për akuzën e trafikut të lëndëve narkotike. Pala italiane ka kërkuar disa herë ekstradimin e tij për t’u përballur me këto akuza, por kërkesat janë rrëzuar nga drejtësia shqiptare.
Ndërkohë, Saimir Taullai njihet jo vetëm si biznesmen në qytetin e Lushnjes, por edhe si “rivali” i bandës së Aldo Bares në këtë qytet. Ai u vu në qendër të vëmendjes në nëntor të 2018, ku pas një atentati që iu bë mbeti i plagosur lehtë. Ai rezulton i dënuar me akuzën e trafikut dhe shitjes së lëndëve narkotike të kryer në bashkëpunim.
Lulzim Basha ka vijuar me takimet ndryshe me qytetarët. Përmes një postimi në rrjetet sociale, kreu i demokratëve thotë se këtë herë është ndalur në familjen e Entonit, por jo për fushatë.
“Shqiptarët meritojnë të dëgjohen me vëmendje. Me Entonin dhe familjen e tij të re në Tiranë, duke folur për problemet e përditshme”, shkruan Basha.
Në videon në fjalë, Basha bashkëbisedon me Entonin mbi shpenzimet mujore dhe problemet e tjera që e shqetësojnë këtë familje.
Kina ndërton spitalin kundër koronavirusit
Koronavirusi ne Kine
“Operacioni Forca e Ligjit" është zhvendosur këtë të martë në qytetin e Shkodrës, duke bllokuar jë sërë pasurish që dyshohet se janë produkt i aktivitetit kriminal, kryesisht në fushën e trafikut të lëndëve narkotike.
Policia njoftoi se mes pronave të sekuestruara jaë edhe ato të Gentian Doçit, person i shpallur në kërkim si organizatori i pengmarrjes së Jan Prengës, në ngjarjen e ndodhur më 17 janar në Kamëz. Policia ka konfirmuar se Jan Prenga ka gjetur vdekjen pas pengmarrjes, por ende nuk ka gjetur trupin e tij.
Veç dyshimeve për pjesëmarrjen në pengmarrjen e Jan Prengës, Gentian Doçi rezulton si person i shpallur në kërkim edhe nga drejtësia italiane për trafik kokaine.
Mësohet se Drejtori i Përgjithshëm i Policisë së Shtetit, Ardi Veliu ka firmosur urdhrat e sekuestrimit për pronat e Ardian Doçit, Artan Doçit, Gentian Finiqit, Martin Bletës dhe një personi tjetër me inicialet M.D.
Pasuritë e sekuestruara janë vila, automjete luksoze, resorte turistike dhe sipërfaqe toke në Shkodër dhe rrethinat e saj. Urdhri i sekuestrimit i nxjerrë nga OFL pritet që të dorëzohet në Prokurorinë e Posaçme dhe prej andej SPAK ta paraqesë në Gjykatën e Posaçme Kundër Korrupsionit dhe Krimit të Organizuar.
Sipas ligjit special të kaluar si akt normativ nga ana e Qeverisë në fund të javës së kaluar, të gjitha procedurat duhet të përmbyllen brenda 30 ditëve. Kjo do të thotë se brenda këtij afati, Gjykata duhet të ketë vendosur nëse do të mbajë në fuqi masën e sekuestros duke përligjur dyshimet e OFL-së se pasuritë në fjalë kanë burim paratë e pista, ose duke hequr masën e sekuestros për mungesë provash.
Një ditë më parë, Operacioni Forca e Ligjit sekuestroi pasuri të Altin Hajrit në Shijak, edhe ky i dyshuar si i përfshirë në pengmarrjen dhe më pas vrasjen e Jan Prengës. Dyshimet e para të policisë në lidhje me këtë pengmarrje janë se ajo lidhet me prishjen e pazarave të drogës të të vëllait të tij, Astrit Prenga.
Veç operacioit të ndërmarrë në Shkodër, po këtë të martë OFL njoftoi se ka dorëzuar kërkesën për të plotësuar formularët e pasurisë Lulzim Berishës në Durrës dhe Ardjan Çapjas në Elbasan.
Në dytën e dytë të zbritjes në terren, njësia speciale “Operacioni Forca e Ligjit” njoftoi se ka dorëzuar kërkesat për të provuar burimin e ligjshëm të pasurive tek Lulzim Berisha në Durrës dhe tek Ardian Çapja në Elbasan.
I pari u dënua në 2012 me burgim të përjetshëm për një sërë akuzash të rënda, por u lirua me kusht në 2016 pas një vendimi të kundërshtuar të Gjykatës së Apelit të Durrësit. Ndërkohë, për Ardian Çapjan ka dyshime se është i përfshirë në aktivitetin e vrasjeve me pagesë përgjatë periudhës 2009-2016 dhe akuzohet gjithashtu edhe për “vrasje të efektivit të policisë, mbetur në tentativë”, në një ngjarje të ndodhur pak vite më parë në qytetin e Elbasanit, ku dyshohet se Ardian Çapja ka qëlluar ndaj një patrulle policore.
Një grup arkitektësh rusë ndërtuan një projektin e një shtëpie për të mbijetuar pas “fundit të botës”, duke u frymëzua nga “CyberTruck”, modeli i kompanisë Tesla.
Grupi i arkitektëve me bazë në Shën Pjetërburg thotë se projekti i tyre, i quajtur “CyberHouse” i përshtatet makinës “CyberTruck”, ndërsa pranojnë së frymëzim në hartimin e tij kanë marrë edhe nga teknologjia e ndërtimit të nëndetëseve.
Arkitektët thonë se kjo sthëpi do të ishte në gjendje që të përballonte fatkeqësitë natyrore, si uraganët, tërmetet, e deri tek kontaminimi radioaktiv.
Bashkë me imazhet e publikuara në internet, autorët e këtij projekti publikuan edhe detaje specifike, që nga hapësira, që sipas tyre do të ishte e mjaftueshme që 7 njerëz të jetonin rehatshëm, edhe nëse bllokoheshin pas një fatkeqësie natyrore. Shtëpia është e projektuar me një sistem filtrimi të ujit të pijshëm që sigurohet përmes puseve, madje edhe me filtra për pastrimin e ajrit, në rast se ajri në ambientin e jashtëm është helmues.
Gjithashtu, në këtë shtëpi vështirë se do të ikte ndonjëherë energjia elektrike. Kjo energji sigurohet nga tre burime. Kryesore është energjia e siguruar nga panelet diellore, pastaj nga energjia eolike (nga era) dhe në fund energjia e tepërt që grumbullohet në një sistem baterish rezervë që janë në gjendje të garantojnë energjinë elektrike për javë me radhë.
