Presidenti Ilir Meta u uroi fundjavë të mbarë të gjithë ndjekësve të tij në rrjetet sociale përmes një videoje të shkurtër.

Në video, kreu i shtetit shfaqet duke drejtuar një makinë korrëse bari, duke qenë se ashtu si pjesa tjetër e shqiptarëve këtë fundjavë duhet ta kalojë mbyllur në shtëpi.

Masat kufizuese për mos përhapjen e koronavirusit kanë prekur edhe gazetarinë dhe në përpjekje për t’iu gjendur shikuesve afër, një gazetare amerikane improvizoi nga banjoja e shtëpisë së saj si të presësh balluket vetë në një kohë që sallonet e bukurisë janë të mbyllura.

Gazetarja Melinda Meza e televizionit KCRA në Kaliforni po shpjegonte e qetë dhe me plot pasion sesi duheshin prerë flokët në shtëpi. Por, gjatë transmetimit të drejtpërdrejtë ajo tregoi shumë më shumë.

E përqëndruar tek detajet e raportimit, gazetarja nuk e vuri re se në pasqyrën pas saj bashkëshorti ishte lakuriq brenda në kabinën e dushit, ndërsa regjia e kuptoi me vonesë dhe riktheu lidhjen në studion e mbetur pa fjalë.

Videoja është bërë virale dhe ka marrë mijëra shpërndarje nëpër rrjetet sociale. Vetë gazetarja nuk e ka komentuar deri më tani.

Ministrja e Arsimit, Besa Shahini ka bërë me dije se në fund të prillit do të merret një vendim lidhur me vitin shkollor. Me anë të një prononcimi, Shahini u shpreh se qeveria ka gati dy skenarë, por e gjitha varet nga vendimi që do të marrë Task Forca.

Edhe njëherë ministrja përsëriti se në Maturën Shtetërore nuk do të ketë pyetje nga mësimet e marra gjatë periudhës së koronavirusit, ndërsa lidhur me studentët Shahini tha se gjithçka do të vendosej nga vetë Univeritetet.

“Ju falenderoj që keni qëndruar në shtëpi. Nuk ka ende një vendim final për mbylljen e vitit shkollor. Do ta kemi në fund të prillit pra punë ditësh. Thjesht po shohim situatën e koronavirusit dhe po presim një vendim nga Task Forca. Sidoqoftë i kemi të gjithë skenarët gati, për të dyja rastet. Maturantët na pyesin se kur do t’i pyblikojmë programet orientuese për ta. Gjithashtuy në fund të prillit. Nuk do përmbajnë temat që nuk janë zhvilluar në kushte shkolle. Studentët pyesin gjithashtu për mënyrën sesi do të mbyllet viti akademik. Ata kanë një fleksibilitet të shtuar duke qënë se provimet i kanë në korrik por po punojmë shumë ngushtë me dekanët dhe rektorët. Në fund të ditës vendimin e marrin Universitetet. Disa maturantë na kanë shkruar edhe se kur do të mbyllet viti dhe nëse do tëkenë mundësi për të aplikaur jashtë vendit. Plani ynë është që gjithçka të përfundojë në kohë dhe të mos ketë pengesa për aplikimin jashtë vendit, shumë shpejt merret vendimi. I kemi gati skenarët dhe mësuesit. Maturantët kanë një pako të veçantë dhe përfshihet edhe një udhëzues sesi të punohet me ta. Pjesa e punës tek ta do të jetë e përqëndruar tek përsëritja. Na shkruani nëse kemi pyetje,”-tha Shahini.

Ndërkohë mësimi për të gjithë nxënësit vijon online, pasi ministrja e Shëndetësisë ka lëshuar urdhërin që të gjitha institucionet arsimore publike dhe private të mbyllen për një kohë të pacaktuar deri në normalizimin e gjendjes së koronavirusit.

Presidenti Ilir Meta kërkoi mbylljen e fasonerive dhe mbështetjen e punonjësve të tyre me pagesa nga Qeveria, nëse këto të fundit nuk përmbushin dhe garantojnë standardet e parandalimit të përhapjes së koronavirusit.

“Është me mjaft rëndësi që të respektohen kudo distancat fizike dhe standarde të detyrueshme nga institucionet e shëndetit publik për çdolloj aktiviteti. Çdo nënvlerësim do të ishte me pasoja edhe njerëzore, financiare dhe ekonomike. Duhet përqëndrim më i madh në këtë drejtim për të parandaluar krijimin e vatrave të reja në mënyrë të paparashikuar. Nëse nuk garantohen standardet aktivitete të tilla nuk duhet të lejohen dhe punonjësit duhet të mbështeten nga ana e Qeverisë”, deklaroi në një konferencë për shtyp Presidenti Meta.

Meta komentoi këtë tematikë pas shpërthimit të dy vatrave me koronavirus në Krujë dhe Laç. Në të dyja këto vatra, pjesa dërrmuese e rasteve të reja me Covid-19 janë punonjëse të fasonerive dhe familjarë të tyre.

Mbylljen e fasonerive dhe mbështetjen financiare nga ana e Qeverisë të 70 mijë punonjësve të këtij sektori e ka kërkuar edhe Partia Demokratike. Ish-deputetja Orjola Pampuri tha se shifrat zyrtare konfirmojnë shqetësimin e ngritur që në fillim nga ana e opozitës, që fasoneritë janë “mina me sahat” e pandemisë.

“Të dhënat zyrtare konfirmojnë shqetësimin e Partisë Demokratike se mbajtja hapur me kokëfortësi e fasonerive i ka kthyer ato në vatra të rrezikshme të përhapjes së infeksionit. Në Krujë, sot ka më shumë të infektuar se dje. Janë 18 persona të tjerë që kanë rezultuar pozitiv. Të gjithë punonjës fasonerie, kryesisht gra dhe vajza. Urojmë që të dhënat të pasqyrojnë realitetin dhe virusi të mos jetë përhapur akoma më shumë, por edhe kaq sa është, kemi një situatë shumë problematike”, deklaroi ajo.

Por, ndryshe nga Presidenti, opozita thotë se nga këqyrja që ka bërë në terren është e pamundur që të respektohet distanca fizike mes punonjësve dhe protokollet e tjera të sigurisë anti Covid.

“Ne ishim atje, kemi parë kushtet, kemi biseduar me sipërmarrësit dhe me punonjësit. Është e pamundur që në një mjedis të tillë aq të vogël të ruhet distanca sociale dhe të respektohen standardet e kërkuara. Duhet mbyllja e tyre, e shoqëruar me një mbështetje financiare. Sa më shpejt, aq më mirë!”, vijon ajo më tej.

PD është e bindur se pas qëndrimit të Qeverisë për të mos mbyllur fasoneritë është këmbëngulja e Edi Ramës për të mos anuluar tendera dhe koncesione, që opozita i cilëson si korruptive.

“Ka vetëm një arsye pse Edi Rama është i gatshëm të luajë bixhoz me jetën dhe shëndetin e 70 mijë nënave dhe motrave. Ai nuk do që të sakrifikojë nga paratë që ndan me një grusht oligarkësh për disa koncesione korruptive. Anulimi i pagesave për inceneratorët e Tiranës, Fierit dhe Elbasanit mbulon koston e pagesës minimale për 70 mijë gra e vajza të fasonerive”, tha Pampuri.

Presidenti Ilir Meta kërkoi mbylljen e fasonerive dhe mbështetjen e punonjësve të tyre me pagesa nga Qeveria, nëse këto të fundit nuk përmbushin dhe garantojnë standardet e parandalimit të përhapjes së koronavirusit.

“Është me mjaft rëndësi që të respektohen kudo distancat fizike dhe standarde të detyrueshme nga institucionet e shëndetit publik për çdolloj aktiviteti. Çdo nënvlerësim do të ishte me pasoja edhe njerëzore, financiare dhe ekonomike. Duhet përqëndrim më i madh në këtë drejtim për të parandaluar krijimin e vatrave të reja në mënyrë të paparashikuar. Nëse nuk garantohen standardet aktivitete të tilla nuk duhet të lejohen dhe punonjësit duhet të mbështeten nga ana e Qeverisë”, deklaroi në një konferencë për shtyp Presidenti Meta.

Meta komentoi këtë tematikë pas shpërthimit të dy vatrave me koronavirus në Krujë dhe Laç. Në të dyja këto vatra, pjesa dërrmuese e rasteve të reja me Covid-19 janë punonjëse të fasonerive dhe familjarë të tyre.

Mbylljen e fasonerive dhe mbështetjen financiare nga ana e Qeverisë të 70 mijë punonjësve të këtij sektori e ka kërkuar edhe Partia Demokratike. Ish-deputetja Orjola Pampuri tha se shifrat zyrtare konfirmojnë shqetësimin e ngritur që në fillim nga ana e opozitës, që fasoneritë janë “mina me sahat” e pandemisë.

“Të dhënat zyrtare konfirmojnë shqetësimin e Partisë Demokratike se mbajtja hapur me kokëfortësi e fasonerive i ka kthyer ato në vatra të rrezikshme të përhapjes së infeksionit. Në Krujë, sot ka më shumë të infektuar se dje. Janë 18 persona të tjerë që kanë rezultuar pozitiv. Të gjithë punonjës fasonerie, kryesisht gra dhe vajza. Urojmë që të dhënat të pasqyrojnë realitetin dhe virusi të mos jetë përhapur akoma më shumë, por edhe kaq sa është, kemi një situatë shumë problematike”, deklaroi ajo.

Por, ndryshe nga Presidenti, opozita thotë se nga këqyrja që ka bërë në terren është e pamundur që të respektohet distanca fizike mes punonjësve dhe protokollet e tjera të sigurisë anti Covid.

“Ne ishim atje, kemi parë kushtet, kemi biseduar me sipërmarrësit dhe me punonjësit. Është e pamundur që në një mjedis të tillë aq të vogël të ruhet distanca sociale dhe të respektohen standardet e kërkuara. Duhet mbyllja e tyre, e shoqëruar me një mbështetje financiare. Sa më shpejt, aq më mirë!”, vijon ajo më tej.

PD është e bindur se pas qëndrimit të Qeverisë për të mos mbyllur fasoneritë është këmbëngulja e Edi Ramës për të mos anuluar tendera dhe koncesione, që opozita i cilëson si korruptive.

“Ka vetëm një arsye pse Edi Rama është i gatshëm të luajë bixhoz me jetën dhe shëndetin e 70 mijë nënave dhe motrave. Ai nuk do që të sakrifikojë nga paratë që ndan me një grusht oligarkësh për disa koncesione korruptive. Anulimi i pagesave për inceneratorët e Tiranës, Fierit dhe Elbasanit mbulon koston e pagesës minimale për 70 mijë gra e vajza të fasonerive”, tha Pampuri.

Kryetari i Partisë Demokratike akuzon Qeverinë se nuk ka as plan dhe as strategji për të përballuar krizën shëndetësore, sociale dhe ekonomike të shkaktuar nga pandemia e koronavirusit, por ecën me vendime të improvizuara dhe premtime të pambajtura.

“Por sot, 5 javë prej fillimit të karantinës, është e qartë se qeveria s’ka as plan, as strategji dhe se ajo ka dështuar në përballimin e situatës. Qytetarët u urdhëruan të rrinë në shtëpi dhe bizneset të mbyllen, por nuk u mor asnjë masë që ata të mbështeteshin financiarisht për këtë sakrificë. Disa hapa gjysmakë dhe me shumë vonesë që u shpallën, ende sot e kësaj dite nuk janë zbatuar dhe njerëzit nuk i kanë marrë akoma lekët e tyre”, deklaroi ai.

Basha akuzon Qeverinë se nuk ka mbajtur as premtimet gjysmake që ka bërë.

“Sot duhej të shpërndahej paketa e dytë e ndihmës, por edhe ky ishte vetëm një premtim tjetër bosh. Qytetarët që tani ju duhet të paguajnë faturat e rritura të dritave e ujit, janë ende sot pa asnjë të ardhur. Bizneset po mbyllin mijëra vende pune sepse nuk kanë asnjë mbështetje”, u shpreh kreu i PD.

Kreu i opozitës thotë gjithashtu se këto pesë javë gjendja është rënduar edhe me shkeljet ligjore e kushtetuese me urdhra, që vijnë nga Facebook-u, ku sipas Bashës, Kryeministri ka marrë përsipër të gjitha funksionet e shtetit, nga polici tek doktori.

Këto 5 javë janë rënduar shkeljet ligjore dhe kushtetuese me urdhra që vijnë nga facebook-u, ku kryeministri ka marrë përsipër të gjitha funksionet në shtet, nga polici tek doktori. Basha këbëngul se paratë për të ndihmuar qytetarët dhe bizneset në këtë periudhë të vështirë janë, por akuzon Ramën se zgjedh që ato të shkojnë për tendera korruptivë dhe koncesione dhe jo për qytetarët.

Panorama që Basha i bëri gjendjes së përgjithshme të vendit ishte më shumë se e zymtë. Ai thotë se ekonomia po shkatërrohet, fasoneritë kanë nisur të preken masivisht nga Covid-19, mijëra qytetarë kanë humbur vendet e punës dhe bukën e tyre të përditshme dhe dhjetëra mijëra biznese rrezikojnë falimentimin. Si zgjidhje propozon nisjen me urgjencë testimet masive të popullatës, për të kuptuar, siç thotë se në çfarë niveli është përhapur virusi në vend.

Sabina Veizaj- Donika Mici është e para sipërmarrëse e sektorit fason që ka instaluar tunelin e dezinefektimit.

“Ditët e fundit ka pasur të infektuar në fabrikat fason dhe ne vendosëm të shtojmë masat e parandalimit. Blemë tunelin e dezinfektimit. Është i njëjtë me atë që ka vendosur qeveria tek tregu i Kombinatit. E kemi blerë tek e njëjta shoqëri.” – Shprehet Donika Mici për gazetën “Si”.

Tuneli i dezinfektimit kushton 1300 euro dhe sot e kanë instaluar pas znj. Mici edhe dy sipërmarrje të tjera fason.

“Pasi unë e bëra prezent tek shoqata, ishin interesuar dhe 30 fabrika të tjera. Ky tunel dezinfektimi nuk largon virusin, sigurisht, nuk është për ata që janë të infektuar, por luan rolin e larjes së duarve dhe rrobave. Dezinfekton nga këmbët deri tek koka.” Shpjegon znj Mici.

Edhe Florian Zekja thotë se po interesohet për fabrikën e tij për të shtuar masat dhe po mendon për tunelin e dezinfektimit.

Ata kundërshtojnë mendimin e opozitës për mbyllje të mundshme të fabrikave fason.

“Në këto fabrika sot ushqehen 70 mijë familje, Imagjinoni ti kishte edhe këto në kurriz shteti. Edhe në Itali e cila u godit më fort se cilido shtet tjetër europian, nuk u mbyllën fasonët. Ne nuk jemi mbyllur as në 1997-ën. Është ndër të vetmit biznes që nuk mund të mbyllet për shkak të peshës socio-ekonomike që ka. Siç ka të infektuar në fabrikat fason, ka kudo. U infektua edhe drejtori i Urgjencës, duhej mbyllur urgjenca? U infektua kryeministri i Anglisë, çfarë duhet të bënin anglezët?”- pyet Zekja.

Kurse znj. Mici sugjeron si e vetmja zgjidhje për të parandaluar përhapjen në masë në bizneset fason dhe biznese të ngajshëm ku ka shumë punëtorë është bërja e testeve.

“Qeveria nuk i mbylli bë pikun e sëmundjes, do ti mbyllë tani. Ajo që duhet të bëjë qeveria është të bëjë teste masive në këto biznese”- shprehet znj. Mici.

Zekja gjykon se duhen shtuar masat mbrojtëse, por jo mbyllja, pasi është një moment që duhet menduar rimëkëmbja.

“Tani e për shumë gjatë maskat do të jenë një aksesor i rëndësishëm në të gjithë botën dhe ne do të kemi punë, si brenda vendit dhe jashtë vendit sepse kostoja e maskave që bëhen në Shqipëri është shumë më e ulët se në Gjermani përshembull.”- thotë Zekja.

Shërbimet e marrjes së vërtetimeve për lëvizje, apo ushtrim aktiviteti për qytetarët, apo bizneset po transferohen gradualisht nga faqja zyrtare e Policisë së Shtetit tek faqja e shërbimeve qeveritare, e-Albania.

Pas kalimit të lejeve për ushtrimin e biznesit në këtë platformë, edhe qytetarët që duan të lëvizin për arsye shëndetësore mund të marrin autorizimin përmes e-Albanias. Autorizimi është i vlefshëm vetëm për rrugën nga shtëpia për në qendrën shëndetësore dhe kthim.

Aplikimi do të kryhet përmes shërbimit ONLINE “Leje per dalje“ për arsye shëndetësore, në e-Albania, që gjendet pas identifikimit në portalin e-Albania përmes llogarisë tuaj në sektorin “Leje për dalje”, ku zgjidhet i opsionin "Leje për arsye shëndetësore";
Kërkuesit duhet të shkruajnë saktë datën, orën e lëvizjes dhe itinerarin me destinacionin përkatës. Në rastet kur lëvizja për arsye shëndetësore do të bëhet me automjet në pronësinë aplikuesit, do të shfaqet direkt në listë, nëse jo, qytetarët mund të shtojnë manualisht të dhënat e mjetit me të cilin do të udhëtojnë, si targën dhe numrin e shasisë.

Miratimi do të dërgohet në adresën e-mail dhe në numrin e telefonit të regjistruar në portal. Kërkesa për leje për arsye shëndetësore bëhet vetëm në e-Albania dhe kushdo që lëviz përmes kësaj lejeje duhet të ketë me vetë një dokument mjekësor për vizitën. Në të gjitha rastet, nuk mund të lëvizet me më shumë se dy persona.

“Amnistia” e gjobave, ashpërsim i ndëshkimeve

Të gjitha gjobat e vendosura nga ana e Policisë së Shtetit deri të premten e 17 prillit për këmbësorë dhe drejtues automjetesh për shkelje të rregullave të karantinës zerohet/ Bëhet fjalë për rreth 9 mijë persona në total, ndërkohë që për ata që e kanë paguar gjobën dhe u është sekuestruar licenca e qarkullimit të mjetit së bashku me lejen e drejtimit premtohet t’u rikthehen paratë së bashku me dokumentacionin brenda datës 15 maj.

Por, së bashku me “amnistinë” për këto gjoba, për të cilët opozita dhe juristët ngritën dyshimet mbi kushtetueshmërinë e tyre mbërrijnë edhe përforcimi i ndëshkimeve për shkelësit e urdhrave dhe vendimeve të autoriteteve për masat parandaluese ndaj përhapjes së Covid-19.

Tashmë, shkelja e këtyre masave është përfshirë në Kodin Penal, pas votimit në Parlament të enjten e javës së kaluaar. Sipas parashikimeve të vendosura në Kod, për moszbatim urdhri ndëshkimi shkon nga gjobë deri në 6 muaj burg për individë dhe gjobë deri në dy vite burg për bizneset.

Dy deri në tre vite burg ndëshkohen personat që pavarësisht janë, apo jo mbartës së virusit shkelin urdhrin e izolimit, gjobë ose dy vite burg për ata që përhapin sëmundjen nga pakujdesia dhe burg nga dy deri në pesë vite për ata që përhapin me dashje infeksionin. Kur përhapja e virusit, me ose pa dashje ka shkaktuar pasoja të rënda për shëndetin e personave të tjerë, deri në vdekjen e tyre ndëshkohet me burg nga tre deri në 8 vite.

Duke filluar prej kësaj të hene lejohet lëvizja për këmbësorët me leje nga ora 05:00 deri në orën 17:30. Në të njëjtën fashë orare mund të qëndrojnë hapur dhe ushtrojnë aktivitetin e tyre të gjitha bizneset që janë përfshirë në listën e publikuar në e-Albania, duke respektuar protokollet e sigurisë.

Lëvizja me makinë për në punë lejohet në dy fasha orare, nga ora 05:00-08:00 dhe nga ora 16:00 deri në orën 17:30. Autorizimi për të shkuar në punë me makinë jepet për një javë përmes e-Albanias.

Në fillim ishin delfinët në brigjet italiane, tashmë janë balenat në brigjet kroate. Me ndalimin thuajse total të aktivitetit njerëzor ujërat e Mesdheut po tërheqin të tjerë turistë.

Videoja e mësipërme është filmuar mes ujërave të ishujve kroatë Vish dhe Sola nga një grup guide turistike krejt rastësisht.

Në të tregohet një balenë që kridhet në ujërat e Adriatikut, një fenomen i rrallë, për të mos thënë unik, jo vetëm për këtë det, por për të gjithë Detin Mesdhe.

Partia Demokratike akuzon Kryeministrin Edi Rama se në vend që të shqetësohet për mijëra qytetarë, që sipas saj, sot janë pa punë e bukë, merret me video-montazhe për të sulmuar opozitën.

“Në vend që të shqetësohet për mijëra shqiptarë që sot janë pa punë, pa bukë, mijëra prindër që janë në ankthin e përditshëm të infektimit apo të humbjes së vendit të punës, Edi Rama merret me videomontazhe të turpshme për të sulmuar opozitën”, deklaroi Sekretari i Përgjithshëm i Partisë Demokratike, Gazmend Bardhi.

Bardhi tha se qeveria nuk ka paratë, as ato që u ka premtuar qytetarëve.

“Nuk ka gati asnjë qindarkë t’u japë nesër shqiptarëve, siç ua premtoi. Nuk do tja dijë se as gjysma e atyre që duhet të merrnin paratë e paketës së parë nuk i kanë marrë akoma. Çfarë turpi që në këto ditë krize të thellë për çdo shqiptar ai ka vetëm një obsesion, të sulmojë opozitën!”, shkruan Bardhi.

Këtë reagim të PD-së e ka nxitur një video-montazh i krijuar nga një faqe satirike në rrjetet sociale dhe më pas i postuar në Instagram nga Kryeministri Edi Rama, ku shfaqet Lulzim Basha në një konferencë për shtyp me fjalët “Unë dhe Partia Demokratike morëm fund!”.

Bizneset që janë përfshirë në listën e publikuar në e-Albania dhe që mund të hapen nga dita e hënë, duhet që brenda 24 orëve të printojnë dhe vendosin në ambientet e ushtrimit të aktivitetit të tyre një vërtetim të miratuar nga Ministria e Shëndetësisë.

Vërtetimi është javor dhe ai shërben nga data 20 deri më 26 prill dhe merret vetëm një herë. Pronarët, apo menaxherët e bizneseve në fjalë duhet ta shkarkojnë dhe më pas printojnë këtë vërtetim.

Gjenerimi i vërtetimit kryhet përmes identifikimit me anë të llogarisë së biznesit në e-Albania me anë të NIPT-it, ku pas hyrjes shfaqet shërbimi “vërtetim për aktivitet ekonomik të hapur”. Bizneset që nuk kanë një llogari në e-Albania duhet ta hapin atë në mënyrë që të tërheqin vërtetimin.

Në momentin që klikohet tek butoni “Përdor” i shërbimit për vërtetimin e aktivitetit ekonomik të hapur shfaqet automatikisht mesazhi nëse subjekti lejohet, ose jo të hapë qepenat në këtë periudhë. Më pas, përmes butonit “Dërgo” vërtetimi shkon po automatikisht në adresën e postës elektronike të biznesit që është regjistruar në e-Albania.

Ndërkohë, bashkë me vërtetimin u vihet në kujtesë të gjitha bizneseve që të respektojnë protokollet e sigurisë, si distanca, maskat, dorezat dhe dezinfektantët.

Videoja e një të riu në TikTok është bërë virale pasi një figurë misterioze u vu re në sfond pas tij, pavarësisht se kërcimtari pretendon se ai ishte vetëm në shtëpi. Video u postua nga përdoruesi i TikTok, Reuben, i njohur si @reubix_cube, i cili kërcente me këngën e Doja Cat, “Say So”. Në titullin e postuar krahas videos thuhej mes të tjerash: “Jam vetëm në shtëpi, kështu që mësova një valle të TikTok”.
Por përdorues të tjerë të këtij rrjeti social që panë videon ishin përqëndruar në diçka tjetër përveç lëvizjeve të tij të vallëzimit, pasi ata vunë re një figurë të errët të fshehur në sfond.

Karantinimi ka prekur edhe sportin e tenisit, por ndryshe nga shumë sporte të tjera, që nuk mund të luhen në kushtet e shtëpisë në rastin e tenisit mjaftojnë dy raketa, një top tarracat e ndërtesave.

Shembulli vjen nga Liguria e Italisë, ky dy teniste i japin jetë një ndeshjeje sureale në kushtet e izolimit.

Videoja është publikuar në faqen zyrtare të “ATP” në rrjetet sociale si një mesazh ndërgjegjësuar për rëndësinë e qëndrimit në shtëpi në këtë periudhë pandemie.

Kryeministri Edi Rama mveshi veten dhe Qeverinë që drejton me atë që e quajti sukses në frenimin e pandemisë së koronavirusit falë masave të marrë, që sipas tij, e kanë radhitur Shqipërinë mes vendeve me plagët më të lehta krahasuar me shumë vende të tjera.

Duke iu referuar parashikimeve të “ekspertëve të pavarur”, Rama tha gjatë fjalës së mbajtur në Kuvend në seancën plenare, se projeksionet shkonin deri në 18 mijë të vdekur.

“Jo projeksione tona, por projeksione të pavarur që janë publikuar në krye të herës në ekrane flisnin për mundësinë potenciale, që nëse nuk do të ishte marrë asnjë maasë dhe jeta do të kishte rrjedhur sikur asgjë të mos kishte ndodhur, ne do të kishim patur 18 mijë të vdekur, ndërsa projeksionet tona, sikur masat të mos ishin imponuar dhe respektuar nga shumica dërrmuese e shqiptarëve flisnin për 2800 të vdekur. Ky është fakti!”, deklaroi Rama.

Kryeministri kërkoi që qeveria të vlerësohet për atë që bën dhe për atë që ndaloi të ndodhë, ndërsa foli me bindje se Shqipëria e ka kaluar fazën e parë të përballjes me pandeminë.

“Nuk ka asnjë argument dhe asnjë arsye mbi baza të qëndrueshme logjike që të mund të hedhë poshtë faktin se sot Shqipëria ja ka dalë fazës së parë të përballjes me këtë armik të padukshëm”, shtoi ai.

Rama u shpreh i bindur në fitoren e dyfishtë në këtë luftë.

“Po fitojmë betejën në frontin e shëndetësië dhe do ta fitojmë betejën edhe në frontin e ekonomisë. Shqipëria nuk ka kujt t’i ketë zili. Do ta fitojmë edhe betejën në frontin e ekonomisë, natyrisht me stres. Por padiskutim do t’i fitojmë të dyja betejat”, deklaroi ai.

Kryeministri mbrojti vendimin për të karantinuar në hotele të riatdhesuarit. Ai thotë se ka ndjekur shembujt e disa vendeve, që kanë gabuar me riatdhesimin, duke i karantinuar qytetarët e tyre nëpër banesa, ndërsa nënkuptoi se falë masave të ndërmarra nga Qeveria deputetët janë ende gjallë.

“Pikërisht Singapori ishte shembulli më fantastik në valën e parë. Iu rikthye, pse? Nga riatdhesimi i 500 studentëve që i rikthyen në shtëpi. Këtu thuhet çojini të punojnë tokën, a thua se ne kemi shumë lek për t’i çuar në hotele dhe të paguajmë dy të tretat e shpenzimeve dhe të vendosim edhe personel mjekësor edhe kushte anti-Covid e me radhë. Ku ka qeveri në botë, ku ka Kryeministër në botë që ka dëshirë të bëjë këto gjëra? Por, nëse nuk do bëheshin këto gjëra, sot nuk do të ishim duke i uruar shërim të shpejtë deputetit Alimadhi, që ja uroj edhe unë dhe nuk e di sa prej jush do të mungonin sot këtu”, u shpreh Kryeministri.

Rama mbrojti ndryshimet në Kodin Penal, ku parashikohet ndëshkimi deri me 15 vite burg për personaat që shkelin karantinën me pasoja vdekjen e qytetarëve të tjerë. Si referencë, Kryeministri mori Italinë, që tha se për të njëjtën vepër i dënon deri me burgim të përjetshëm.

Sa i takon paketës financiare, Rama iu referua Francës. Ai tha se në këtë vend Qeveria jep vetëm 150 euro mbi asistencën sociale për njerëzit në nevojë, ndërsa Shqipëria ka dyfishuar asistencën.

Kryeministri Edi Rama mveshi veten dhe Qeverinë që drejton me atë që e quajti sukses në frenimin e pandemisë së koronavirusit falë masave të marrë, që sipas tij, e kanë radhitur Shqipërinë mes vendeve me plagët më të lehta krahasuar me shumë vende të tjera.

Duke iu referuar parashikimeve të “ekspertëve të pavarur”, Rama tha gjatë fjalës së mbajtur në Kuvend në seancën plenare, se projeksionet shkonin deri në 18 mijë të vdekur.

“Jo projeksione tona, por projeksione të pavarur që janë publikuar në krye të herës në ekrane flisnin për mundësinë potenciale, që nëse nuk do të ishte marrë asnjë maasë dhe jeta do të kishte rrjedhur sikur asgjë të mos kishte ndodhur, ne do të kishim patur 18 mijë të vdekur, ndërsa projeksionet tona, sikur masat të mos ishin imponuar dhe respektuar nga shumica dërrmuese e shqiptarëve flisnin për 2800 të vdekur. Ky është fakti!”, deklaroi Rama.

Kryeministri kërkoi që qeveria të vlerësohet për atë që bën dhe për atë që ndaloi të ndodhë, ndërsa foli me bindje se Shqipëria e ka kaluar fazën e parë të përballjes me pandeminë.

“Nuk ka asnjë argument dhe asnjë arsye mbi baza të qëndrueshme logjike që të mund të hedhë poshtë faktin se sot Shqipëria ja ka dalë fazës së parë të përballjes me këtë armik të padukshëm”, shtoi ai.

Rama u shpreh i bindur në fitoren e dyfishtë në këtë luftë.

“Po fitojmë betejën në frontin e shëndetësië dhe do ta fitojmë betejën edhe në frontin e ekonomisë. Shqipëria nuk ka kujt t’i ketë zili. Do ta fitojmë edhe betejën në frontin e ekonomisë, natyrisht me stres. Por padiskutim do t’i fitojmë të dyja betejat”, deklaroi ai.

Kryeministri mbrojti vendimin për të karantinuar në hotele të riatdhesuarit. Ai thotë se ka ndjekur shembujt e disa vendeve, që kanë gabuar me riatdhesimin, duke i karantinuar qytetarët e tyre nëpër banesa, ndërsa nënkuptoi se falë masave të ndërmarra nga Qeveria deputetët janë ende gjallë.

“Pikërisht Singapori ishte shembulli më fantastik në valën e parë. Iu rikthye, pse? Nga riatdhesimi i 500 studentëve që i rikthyen në shtëpi. Këtu thuhet çojini të punojnë tokën, a thua se ne kemi shumë lek për t’i çuar në hotele dhe të paguajmë dy të tretat e shpenzimeve dhe të vendosim edhe personel mjekësor edhe kushte anti-Covid e me radhë. Ku ka qeveri në botë, ku ka Kryeministër në botë që ka dëshirë të bëjë këto gjëra? Por, nëse nuk do bëheshin këto gjëra, sot nuk do të ishim duke i uruar shërim të shpejtë deputetit Alimadhi, që ja uroj edhe unë dhe nuk e di sa prej jush do të mungonin sot këtu”, u shpreh Kryeministri.

Rama mbrojti ndryshimet në Kodin Penal, ku parashikohet ndëshkimi deri me 15 vite burg për personaat që shkelin karantinën me pasoja vdekjen e qytetarëve të tjerë. Si referencë, Kryeministri mori Italinë, që tha se për të njëjtën vepër i dënon deri me burgim të përjetshëm.

Sa i takon paketës financiare, Rama iu referua Francës. Ai tha se në këtë vend Qeveria jep vetëm 150 euro mbi asistencën sociale për njerëzit në nevojë, ndërsa Shqipëria ka dyfishuar asistencën.

Italia-World Stars 6-2

Trajneri Jurgen Klopp përpiqet që të mbajë lart si fizikisht, ashtu edhe psikologjikisht lojtarët e Liverpulit, përmes organizimit të seancave stërvitore në distancë, ku të gjithë lojtarët janë nëpër shtëpitë e tyre.

Në një seancë të tillë, Klopp u kujton lojtarëve se talenti Harvey Elliot ka ditëlindjen dhe u kërkon të gjithëve që ta urojnë fillimisht në anglisht dhe më pas në të gjitha gjuhët që flitet nga lojtarët e “The Reds”.

E mes gjuhëve që fliten në “Anfield” është edhe shqipja. Xherdan Shaqiri ‘zbatoi’ urdhrin e Klopp për t’i përçuar në shqip një “Shumë urime për ty!” shokut të skuadrës, Harvey Elliot.

Izolimi për shkak të koronavirusit nuk e ka penguar ansamblin këngës labe, “Cipini”, që i është përshtatur karantinës dhe duke shkrirë tradicionale me teknologjinë vjen me një këngë kushtuar koronavirusit.

Kënga është një mesazh ndërgjegjësues drejtuar qytetarëve që të qëndrojnë në shtëpi dhe të respektojnë distancimin social, duke mos u tunduar nga pranvera që të fton për të dalë.

Anëtarët e grupi këndojnë në distancë për të sjellë “Këndojmë bashkë, por jo të braktisur”. Kënga është shpërndarë në rrjetet sociale edhe nga Kryeministri Edi Rama.

Policia aksion per Covid-19

Policia ne Shkoder