Një ngjarje e rëndë është shmangur në orët e pasdites falë ndërhyrjes së një efektivi të Policisë së Shtetit në momentin kur një shtetas me automjetin Volkswaggen u përpoq të godiste një tjetër qytetar.

Gazeta Si mëson se sherri ka lindur për motive të dobta, ku pas ofendimeve me fjalë, personi i arrestuar tashmë nga policia hipën në automjetin e tij tip Volkswaggen dhe pasi kthehet kundërvajtje godet automjetin e personit me të cilin debatoi.

Përplasja shkaktoi kaos për minuta me radhë në Bulevardin “Migjeni” në Tiranë, ku pas ndërhyrjes së efektivit civil të Policisë së Shtetit është bërë i mundur zhbllokimi i rrugës dhe normalizimi i situatës.

Në tetor të 2018-ës, pothuajse 3 vite më parë, Kryeministri Edi Rama premtonte përfundimin e Aeroportit të Kukësit, duke publikuar projektin 3D të tij.

Fillimisht tërmeti dhe më pas pandemia kushtëzuan përqëndrimin e Qeverisë tek ky projekt, që u shty për t’u përfunduar këtë të diel, kur në pistën e Aeroportit Ndërkombëtar të Kukësit, “Zayed – Flatrat e Veriut” u ul avioni i parë.

Ai ishte avioni i Air Albania dhe sipas Kryeministrit Rama, pasagjerët e parë të tij ishin emigrantë shqiptarë në Londër, pikërisht ata që kreu i Qeverisë tha se kishin tallur më shumë përmes rrjeteve sociale projektin 3D ku ishte publikuar. Rama ironizoi me këtë pjesë.

“Unë jam real dhe aeroporti është real. Ma kanë lexuar librin e shtëpisë me pasion, sa herë që flisja për aeroportin e Kukësit. Njëri quhej Edi Rama dhe ishte PD-në, ishte real edhe ai. Gjatë e kishte Eduard, por e thërrisnin Edi Rama. Ishte edhe një tjetër që i thashë si e hëngre këtë rrenë. Më tha ta shohim deri në fund a e mban dot llafin. Tjetri që fola ishte demokrat e tha e mbajte llafin. I treti më tha se a ka vend për patronazhist te PS se nuk kthehem më. Sot një ditë e veçantë për shqiptarinë”, deklaroi Rama.

Për shkak të teknikaliteteve dhe burokracive deri në licencimin si aeroport ndërkombëtar, avioni i ulur këtë të diel në Kukës u ngrit nga Rinasi. Avioni i "Air Albania" u nis nga Londra ku mori emigrantë shqiptarë në Britaninë e Madhe, më pas është ndalur fillimisht në Rinas ku kanë marrë Kryeministrin Edi Rama dhe fluturimi ka vijuar drejt Kukësit.

Gjatë fjalës së tij Rama ka shpjeguar edhe pse aeroporti mban emrin “Zayed – Flatrat e Veriut”, duke kujtuar faktin se në Kukës qëndruan shqiptarët e dëbuar nga regjimi kriminal serb i kohës. Emri "Zayed" është në nderim të emrit të familjes së princit të kurorës së Emirateve të Bashkuara, i cili gjatë kohës së luftës në Kosovë, është përkujdesur për të sjellë ndihma të konsiderueshme.

Destinacionet e para të fluturimeve në Aeroportin e Kukësit do të jenë me disa qytete të Zvicrës, Gjermanisë dhe Italisë. Ministrja e Infrastrukturës, Belinda Balluku tha se ky aeroport do të sjellë një nxitje të ekonomisë dhe punësimit për të gjithë rajonin e veriut.

Gjendja e rënduar prej më shumë se 30 vitesh në Bulqizë ka zgjuar interesin e një minatori, i cili kandidon për zgjedhjet parlamentare në Shqipëri.

Elton Debreshi u pushua nga puna në minierën private ku punonte, pasi së bashku me minatorë të tjerë krijuan një sindikatë të re minatorësh. Pas një viti ai e sheh kandidimin dhe futjen në Parlamentin shqiptar si të vetmen mënyrë për t’i dhënë zë statusit të minatorit.

Presidenti Ilir Meta ironizoi ftesën e Edi Ramës drejtuar Lulzim Bashës për bashkëpunim pas 25 prillit.

“Ftesa e Ramës është shumëë e sinqertë si gjithmonë! Siç ishte e 17 majit dhe siç janë të gjitha ftesat e tij”, tha Presidenti.

Meta sfidoi si Ramën, ashtu edhe Bashën që ta provojnë “koalicionin e madh”, por ta bëjnë këtë para zgjedhjeve. Sipas Presidentit, nëse bëhen bashkë humbjen e kanë të sigurtë.

“Ka moral dhe ka legjitimitet që ta shpallin që tani koalicionin, jo pas zgjedhjeve. Ta shpallin që tani koalicioni, PD, PS edhe LSI. Le të bëhen të trija bashkë, por të jenë të sigurt që do t’i mundë Boikeni (Abazi i Vetëvendosjes) i vetëm”, tha Meta.

Presidenti tha se kishte shkatërruar një plan për manipulimin e zgjedhjeve në Vlorë dhe njoftoi se në këtë qytet do të udhëtojë sërish të premten dhe po ashtu edhe ditën e zgjedhjeve do të jetë po atje. Ramës iu referua si “numri 8”.

“Nuk e di se ça bën numri 8 në Vlorë. Kishte një skenar për të marrë 9 mandate pa ndeshje fare. Ky skenar është djegur tani dhe kemi informuar për këtë edhe opozitën. Çunat problematikë nuk kanë vend në Vlorë. Nesër jam në Vlorë prap dhe pasdite jam në televizorin 6+1, mqs ka të dhëna damiani që shkoj fshehtas në Vlorë”, tha Presidenti.

Meta doli para gazetarëve për të denoncuar nbjë përpjekje, sipas tij, për të manipuluar zgjedhjet e 25 prillit përmes pajisjes me mjete identifikimit të personave të dyshimtë.

“Për mbrojtjen e zgjedhjeve të 25 Prillit i jam drejtuar zyrtarisht institucioneve të drejtësisë për të hetuar për një skandal të radhës që ka marrë përmasa ndërkombëtare duke përfshirë edhe Shqipërisë. Jam vënë në dijeni të disa fakteve ku rezulton se në disa bashki të qarkut të Korçës, disa shtetas të përfshirë në veprimtari kriminale janë pajisur me pasaporta të personave të tjerë pa probleme me ligjin", tha ai.

Kryeministri Edi Rama thotë se me refuzimin për të bashkëpunuar pas 25 prillit, Lulzim Basha provoi se ai nuk është udhëheqës i opozitës, por udhëndjekës i rrugës së Sali Berishës dhe Ilir Metës.

“Më pyeti ai gazetari nëse do të bashkëpunoja me Lulzim Bashën. Padiskutim, por me një kusht që duhet të ndahet nga Saliu dhe nga Iliri dhe Lulzim Basha përgjigjet dhe përgjigja e tij është thjesht dhe vetëm pohimi i faktit që ai nuk është një lider, një udhëheqës! Ai është udhëndjekës i Saliut dhe Ilirit”, tha Rama.

Kryesocialisti foli gjatë një takimi elektoral në Kamëz. Ai tha se Bashës i mungon guximi për të shkuaër përtej ndasive të 3 dekadave demokraci.

“Unë për Shqipërinë dhe shqiptarët jam i gatshëm të shkoj përtej të gjitha dasive të 30 viteve, por që ta bësh këtë duhet të jesh lider dhe duhet të kesh forcën e karakterit dhe vizionin e të ardhmes, duhet që të jetosh së brendshmi me aspiratat e njerëzve, që ta bësh këtë duhet të rrish pa gjumë kur njerëzit janë pa çati”, u shpreh ai.

Rama ftoi qytetarët e Kamzës që të votojnë Partinë Socialiste për të vijuar me investimet, që sipas tij, janë kryer, kanë nisur dhe do të vijojnë në mandatin e tretë.

⁣Si plotësohet në mënyrën e duhur fleta e votimit

Mes investimeve të planifikuara për vepra madhore në infrastrukturë dhe energji dhe investimeve të huaja vjetore në vend, Kryeministri Edi Rama thotë se nëse e merr mandatin e tretë, Qeveria do të ketë të paktën 10 miliardë euro për të investuar.

Nga takimi që pati me qytetarët e Peshkopisë, Rama renditi një sërë projektesh në energji dhe infrastrukturë. Si fillim u ndal te Hidrocentrali i Skavicës, ndërtimin e të cilit Qeveria ja ka besuar kompanisë amerikane Bechtel. Kryeministri premtoi se të gjithë ata që preken nga realizimi i kësaj vepre madhore do të kompensohen në masë 100 për qind.

Skavica, tha Rama, së bashku me TEC-in e Vlorës dhe dy parqet e energjisë diellore në Karavasta dhe Durrës, e të fituara nga kompania franceze Voltalia do të mundësojnë që Shqipëria të mos importojë asnjë cent energji elektrike, por vetëm ta eksportojë atë.

Sa për infrastrukturën, Rama përmendi Rrugën Milot-Fier, Tunelin e Llogarasë, ByPass-in e Tiranës, atë të Elbasanit, rrugën Muriqan-Milot e të tjera. Në të total, vlera e këtyre investimeve në energji dhe infrastrukturë shkon në rreth 6.7 miliardë euro, ndërsa duke përllogaritur se në vend hyjnë rreth 1 mld euro investime të huaja në vit, Rama thotë se për 4 vitet e ardhshme do të jenë të paktën 10 mld euro.

Kryeministri Edi Rama hoqi një paralele mes firmave piramidale të mesviteve ’90 dhe programit qeverisës të Partisë Demokratike.

Krahasimi u hoq gjatë një takimi elektoral që kryesocialisti zhvilloi në qytetin e Peshkopisë.

“Një farë Rrapush Xhaferri bridhte rrugëve të Shqipërisë me autokolona me makina, bori, me britma dhe ndalonte nëpër rrugë ku e prisnin me këngë e valle. U thoshte unë erdha ta bëj jetën fushë me lule...më jep një e të jap dy”, tha Rama.

Kryeministri njohu vështirësitë me të cilën përballet qytetarët shqiptarë, por tha se rruga e nisur nga qeveria e tij është e vetmja mundësi. Ai kërkoi mandatin e tretë duke renditur mes investimeve Rrugën e Arbrit, ndërsa premtoi se do të vazhdojë të nxisë agro-turizmin dhe biznesin e vogël.

Kryesocialisti Edi Rama u kërkon qytetarëve që të lënë menjanë ndasitë e tifozllëkun dhe të votojnë për Shqipërinë më 25 prill, që sipas tij, vetëm Partia Socialiste mund ta bëjë.

“Kjo që po bëj unë nuk është politikë, por thjesht dhe vetëm thirrja për t’i lënë mënjanë ndasitë, për t’i lënë mënjanë tifozllëkun dhe përçarjen dhe për të menduar si ta bëjmë Shqipërinë shtëpinë ku fëmijët të mos jenë krenarë vetëm për historinë, për bukuritë e natyrës, për traditën familjare, për mikpritjen, për nënën dhe për babën, po të jenë krenarë për kushtet e shtëpisë”, deklaroi kryesocialisti gjatë fjalës së mbajtur në një takim elektoral në Përrenjas.

Alternativën përballë, Rama e sheh si kërcënim, jo personalisht për të, por për të gjithë qytetarët. Ai ftoi biznesin e vogël që sipas tij, të mos gënjehet me premtimin për taksën e sheshtë.

“Thonë që do të rikthejnë taksën e sheshtë. Atëherë unë u them sipërmarrësve të vegjël, si ka mundësi, taksën e keni sot zero, TVSH-në e keni sot zero, doni taksën e sheshtë 9%? Për çfarë? Jeni demokratë, nuk po ju them të bëheni socialistë, po ju them që në 25 prill të mendoni si shqiptarë, si familjarë, si njerëz që interesin e vendit dhe interesin e tyre e bëjnë bashkë dhe nuk bien pre e interesave të politikës të njërit apo tjetrit”, tha ai.

Rama u ndal edhe në Librazhd, ku kërkoi votëbesimin për mandatin e tretë si e vetmja rrugë për Shqipërinë.

Kryeministri Edi Rama premtoi mbështetje financiare dhe amnisti fiskale për të ardhurat për të gjithë emigrantët që vendosin të rikthehen në Shqipëri për të investuar në agro-turizëm.

“Në planin tonë të veprimit kemi vendosur që gjatë mandatit të tretë do t’i japim 5 mijë euro grant çdo emigranti që do të vijë në Shqipëri për të rindërtuar shtëpinë e gjyshërve, të babaës dhe do t’i japim mundësinë çdo emigranti që do të investojë te këto shtëpi, mundësinë e sjelljes së parave në bankat e Shqipërisë pa i kërkuar llogari nga asgjë tjetër, përveçse ato të mos jenë para të krimit”, deklaroi Rama.

Kreu i Qeverisë foli këtë të hënë nga qyteti i Belshit, ku ai kërkoi votën për të mbajtur këto premtime.

Komuniteti Mysliman i Shqipërisë ka njoftuar të gjithë besimtarët myslimanë se Muaji i Madhëruar i Ramazanit fillon ditën e nesërme, e martë, më 13 prill 2021.

Ky është viti i dytë radhazi që besimtarët myslimanë nga e gjithë bota përgatiten për këtë muaj të shenjtë në kushtet e diktuara nga Covid 19.

Përmes një mesazhi për të gjithë besimtarët, kryetari KMSH-së, Bujar Spahiu, uron një agjërim të lehtë, me shpresën se do të jetë muaji i faljes, mirëkuptimit, dashurisë dhe paqes.

“Të dashur qytetarë, motra e vëllezër, nesër, më 13 prill, është dita e parë e muajit të bekuar të Ramazanit. Me rastin e fillimit të muajit të Ramazanit, ju përcjellë urimet më të sinqerta që ky Ramazan të jetë muaji i mëshirimit të ndërsjellë me njëri-tjetrin, muaji i faljes dhe mirëkuptimi, muaji i ngritjes morale dhe shpirtërore, për përballimin me sukses të sfidave në të cilat ndodhemi dhe ato që na presin. Ju ftojmë të jemi më solidare me familjet në nevojë, t’i shtrijmë dorën njëri-tjetrit në punë të mbarë”, - thotë Spahiu.

Kreu i KMSH-së, uron që ky muaj, “të jetë i faljes, mirëkuptimit, dashurisë, unitetit dhe paqes. Duke ju uruar muajin e Ramazanit më lejoni t’ju dëshiroj një agjërim të lehtë, pranim të lutjeve tuaja, shëndet të mirë, lumturi e prosperitet për ju dhe familjet tuaja”, - thotë ai.

⁣fluturuar
(Foto-Video)

Me valixhe në duar, të moshuar, nëna shtatzënë dhe
me fëmijë të vegjël, të gjithë në pritje të një njoftimi për të mësuar nëse do
të udhëtojnë ose jo.

Ministrja e Infrastrukturës dhe Transportit, Belinda Balluku njoftoi se aeroporti i Rinasit ka nisur funksionimin, ndonëse për momentin i kufizuar vetëm për fluturimet që konsiderohen thelbësore.

“Pra, rinisin fluturimet humanitare, shëndetësore, fluturimet shtetëore, diplomatike dhe ato ushtarake”, tha Balluku.

Fluturimet civile, pra ato të transportit të qytetarëve dhe të mallrave, Balluku tha se po punohet që të hapen sa më shpejt që të jetë e mundur. Ajo nuk përjashtoi që kjo të ndodhë brenda ditës së enjte, por rikthimin në normalitet e vlerësoi si të sigurtë mëngjesin e ditës së premte.

“Fluturimet komerciale do të fillojnë nga nesër në mëngjes”, tha Balluku.

Edi Rama foli për forca të errta të së shkuarës që po sfidojnë Kryeministrin dhe shtetin, por i paralajmëroi këto forca se i kanë bërë llogaritë gabim.

Kreu i Qeverisë foli nga Përmeti, ku ndoqi nga afër procesin e vaksinimit të të moshuarve. Këtu ai ceku krizën e shpërthyer në Aeroportin e Rinasit, ku kontrollorët kanë firmosur kolektivisht deklaratën e paaftësisë për punë, duke refuzuar që të punojnë pa iu plotësuar kërkesat për pagën.

“Nuk ka shans që forca të verbra të së shkuarës, që duan me çdo kusht të marrin peng të ardhmen të na ndalin në këtë proces (vaksinimin). I kanë bërë llogaritë gabim dhe kanë marrë përsipër të sfidojnë Kryeministrin”, tha Rama.

Kryeministri dhe ministrja e Infrastrukturës, Belinda Balluku kanë deklaruar se pas protestës së kontrollorëve qëndron politike, duke drejtuar gishtin nga Presidenti Ilir Meta dhe ish-Kryeministri Sali Berisha.

Sipas Qeverisë, qëllimi politik i kësaj proteste është të ndalet procesi i vaksinimit, duke qenë se mbrëmjen e së mërkurës ishte parashikuar mbërritja e një sasie tjetër vaksinash, por që u anulua për shkak të protestës së kontrollorëe të Rinasit.

Kontrollorët e aviacionit ushtarak mund të marrin nën kontroll Aeroportin e Rinasit, duke zëvendësuar kështu kontrollorët civilë të AlbControl, që prej paradites së kësaj të mërkure refuzojnë të punojnë, duke kërkuar rikthimin e pagave në nivelin e pandemisë.

Gazeta Si mëson se Qeveria nuk përjashton masën drastike të vendosjes së ekspertëve ushtarakë në kontrollin e aviacionit civil.

Lëvizja mund të diktohet edhe nga fakti që këtë fundjavë mbërrijnë në vendin tonë fluturime me mjete logjistike ushtarake në kuadër të stërvitjes së NATO-s, Defender-Europe 21, ku do të marrin pjesë më shumë se 3 mijë trupa nga vendet anëtare të Aleancës.

Lajmin e marrjes nën kontroll të godinës nga ushtria e dha edhe ministrja e Infrastrukturës dhe Transportit, Belinda Balluku.

“Nga ky moment për shkak të angazhimeve ndërkombëtare të Shqipërisë dhe duke qenë se kontrollorët e trafikut ajror kanë vendosur të mos bëjnë detyrën dhe të ofrojnë shërbimin e tyre, për këtë arsye një ndërtesë e sigurisë së lartë nuk mund të qëndrojë në duart e personave që kanë vendosur dhe deklaruar paaftësi përmes një greve të paligjshme, këta persona nuk mund të qëndrojnë më në këtë detyrë. Nga ky moment, ndërtesa do të merret nën mbikëqyrje nga Forcat e Armatosura”, tha Balluku.

Ministrja foli për një minorancë të kontrollorëve që po përdoren politikisht, me qëllim bllokimin e ardhjes së vaksinave të radhës në vend.

“Disa masha të politikës që kanë hyrë në trafikun ajror. Ju 5 mashat e politikës, se nuk jeni më shumë, e kthyet AlbControl në një dyqan lagjeje! E turpëruat, e bëtë dyqan me tra e me qepen dhe nuk i vutë asnjë tabelë se kur ktheheni dhe kur ikni. Ju të tjerët që nuk jeni masha të politikës, ju lutem që të ktheheni në detyrë.

Mjetet e Policisë Ushtarake janë shfaqur përgjatë perimetrit të aeroportit.

“Aeroporti i Rinasit Nënë Tereza është objekt strategjik me rëndësi të veçantë për sigurinë kombëtare. Strukturat tona të Forcave të Armatosura, si pjesë integrale e aeroportit kanë rritur vigjilencën për të garantuar ruajtjen e perimetrit të sigurisë së aeroportit, veçanërisht pas bojkotimit të punës nga kontrollorët e kompanisë së aviacionit civil Albcontrol”, thotë ministri i Mbrojtjes, Niko Peleshi.

⁣Will.i.am,
themelues i grupit muzikor Black Eyed Peas, po nxjerr në treg një “maskë
inteligjente” unike me një çmim prej 299 dollarësh. E quajtur Xupermask, ajo ka
kufje të integruara për anulimin e zhurmave, një portë karikimi, aftësi
Bluetooth dhe drita LED në pjesën e përparme.

Pasi Kolegji Zgjedhor i vuri kapak odisesë e debatit mbi modelin e fletës së votimit, duke vendosur numrat në vend të emrave të kandidatëve, sfida tashmë mbetet informimi masiv i qytetarëve mbi mënyrën e votimit dhe rastet kur fleta e tyre konsiderohet e pavlefshme.

Për të sqaruar këto detaje teknike thelbësore për një proces zgjedhor, këtë të hënë Komisioneri Ilirjan Celibashi doli në një konferencë për shtyp. Si fillim, kreu i KQZ-së tha se para se t’i drejtohen një qendrë votimi, qytetarët duhet të kenë të qartë dhe fiksojnë mirë numrin e partisë, apo koalicionit të preferuar dhe numrin e kandidatit të preferuar të kësaj partie, apo koalicioni.

“Në çdo qendër votimi do të vendosim postera për të treguar se çfarë numri ka çdo kandidat i çdo partie. Nëse ndonjë nga votuesit do të ngatërrohet për numrin e kandidatit, mund ta konsultojë edhe njëherë informacionin me fletëpalosjen te dhoma e fshehtë”, tha Celibashi.

Duke marrë me radhë të gjitha kombinimet e mundshme Komisioneri sqaroi se kur një fletë votimi vlerësohet e vlefshme dhe kur e pavlefshme.

“Një votues mund të zgjedhë partinë, ose koalicionin dhe një kandidat të kësaj partie. Nuk mund të zgjedhin dy kandidatë. Nuk mund të zgjedhë një parti dhe një koalicion dhe një kandidat të një partie, apo koalicioni tjetër. Në çdo rast kandidati duhet të jetë brenda kësaj partie. Njëkohësisht një votues mund të votojë vetëm partinë dhe asnjë nga kandidatët që ajo ka propozuar. Fleta është e vlefshme edhe nëse zgjedh vetëm një kandidat dhe nëse nuk ke zgjedhur partinë, apo koalicionin. Kjo fletë numërohet si votë për kandidatin, por edhe për partinë apo koalicionin që i përket. Nuk mund të zgjedhësh dy kandidatë, apo dy parti”, sqaroi ai.

Për të sqaruar edhe më tej, KQZ do të ndërmarrë një fushatë informimi masiv të qytetarëve mbi të gjitha detajet teknike të procesit zgjedhor. Celibashi tha se ky program informimi do të përçohet te të gjithë qytetarët.

Në lidhje me afatet dhe kostot e prodhimit të fletëve të votimit, pas alarmit të ngritur nga kompania sllovene e kontraktuar për printimin e tyre, Ilirjan Celibashi tha se me modelin e thjeshtuar me numra të miratuar nga Kolegji procesi nuk rrezikohet dhe as shkakton shpenzime shtesë.

“Nëse ne do të vonoheshim edhe më, kostot do të ishin më të mëdha, sepse do të paguhej më shumë për transportin, sepse do të ishim në kushtet e emergjencës. Por, me modelin e miratuar kemi të gjithë mirëkuptimin e kompanisë së fletës së votimit, që edhe pse ne jemi shumë vonë pasi do të duhej të kishim dorëzuar modelin e fletës që më 26 mars, ata brenda të njëjtave termave financiarë do të përmbushin detyrimet e tyre për të printuar dhe transportuar fletët e votimit pa asnjë kosto shtesë”, tha Celibashi.

KQZ ka kontraktuar kompaninë sllovene Cetis për printimin e 3.6 mln fletëve të votimit. Përmes një letre dërguar KQZ-së në fillim të këtij muaji, kjo kompani ngriti shqetësimin se vonesat e mëtejshme dhe vështirësia e modelit të fletëve rrezikonin mospërmbushjen e dorëzimit të tyre brenda afateve.

Pasi Kolegji Zgjedhor i vuri kapak odisesë e debatit mbi modelin e fletës së votimit, duke vendosur numrat në vend të emrave të kandidatëve, sfida tashmë mbetet informimi masiv i qytetarëve mbi mënyrën e votimit dhe rastet kur fleta e tyre konsiderohet e pavlefshme.

Për të sqaruar këto detaje teknike thelbësore për një proces zgjedhor, këtë të hënë Komisioneri Ilirjan Celibashi doli në një konferencë për shtyp. Si fillim, kreu i KQZ-së tha se para se t’i drejtohen një qendrë votimi, qytetarët duhet të kenë të qartë dhe fiksojnë mirë numrin e partisë, apo koalicionit të preferuar dhe numrin e kandidatit të preferuar të kësaj partie, apo koalicioni.

“Në çdo qendër votimi do të vendosim postera për të treguar se çfarë numri ka çdo kandidat i çdo partie. Nëse ndonjë nga votuesit do të ngatërrohet për numrin e kandidatit, mund ta konsultojë edhe njëherë informacionin me fletëpalosjen te dhoma e fshehtë”, tha Celibashi.

Duke marrë me radhë të gjitha kombinimet e mundshme Komisioneri sqaroi se kur një fletë votimi vlerësohet e vlefshme dhe kur e pavlefshme.

“Një votues mund të zgjedhë partinë, ose koalicionin dhe një kandidat të kësaj partie. Nuk mund të zgjedhin dy kandidatë. Nuk mund të zgjedhë një parti dhe një koalicion dhe një kandidat të një partie, apo koalicioni tjetër. Në çdo rast kandidati duhet të jetë brenda kësaj partie. Njëkohësisht një votues mund të votojë vetëm partinë dhe asnjë nga kandidatët që ajo ka propozuar. Fleta është e vlefshme edhe nëse zgjedh vetëm një kandidat dhe nëse nuk ke zgjedhur partinë, apo koalicionin. Kjo fletë numërohet si votë për kandidatin, por edhe për partinë apo koalicionin që i përket. Nuk mund të zgjedhësh dy kandidatë, apo dy parti”, sqaroi ai.

Për të sqaruar edhe më tej, KQZ do të ndërmarrë një fushatë informimi masiv të qytetarëve mbi të gjitha detajet teknike të procesit zgjedhor. Celibashi tha se ky program informimi do të përçohet te të gjithë qytetarët.

Në lidhje me afatet dhe kostot e prodhimit të fletëve të votimit, pas alarmit të ngritur nga kompania sllovene e kontraktuar për printimin e tyre, Ilirjan Celibashi tha se me modelin e thjeshtuar me numra të miratuar nga Kolegji procesi nuk rrezikohet dhe as shkakton shpenzime shtesë.

“Nëse ne do të vonoheshim edhe më, kostot do të ishin më të mëdha, sepse do të paguhej më shumë për transportin, sepse do të ishim në kushtet e emergjencës. Por, me modelin e miratuar kemi të gjithë mirëkuptimin e kompanisë së fletës së votimit, që edhe pse ne jemi shumë vonë pasi do të duhej të kishim dorëzuar modelin e fletës që më 26 mars, ata brenda të njëjtave termave financiarë do të përmbushin detyrimet e tyre për të printuar dhe transportuar fletët e votimit pa asnjë kosto shtesë”, tha Celibashi.

KQZ ka kontraktuar kompaninë sllovene Cetis për printimin e 3.6 mln fletëve të votimit. Përmes një letre dërguar KQZ-së në fillim të këtij muaji, kjo kompani ngriti shqetësimin se vonesat e mëtejshme dhe vështirësia e modelit të fletëve rrezikonin mospërmbushjen e dorëzimit të tyre brenda afateve.

⁣Mesha e së Premtes së Mirë
në një kishë polake në Londër u mbyll nga policia për shkelje të rregullave antiCovid,
ndërsa besintarët e mbledhur u kërcënuan gjoba deri në 200 paundë, nëse nuk
linin menjëherë kishën.

Oficerët e policisë mbyllën
ceremoninë fetare në Balham High Street, në jug të Londrës, rreth orës 17.00 të
së premtes, ndërsa pamjet që bënë xhiron e rrjetit tregojnë një oficer t'u
thotë besimtarëve se tubimi ishte “i paligjshëm” dhe se ata duhet të shkonin në
shtëpi.

Komisioni i Ankesave dhe Sanksioneve i dha të drejtë Partisë Socialiste dhe i kërkon Komisionerit të Zgjedhjeve, Ilirjan Celibashi që të miratojë fletën e votimit me numra në vend të emrave të kandidatëve.

KAS u mblodh këtë të shtunë për të shqyrtuar tre ankesat e dorëzuara nga Partia Socialiste, Partia Demokratike dhe Bindja Demokratike. Të trija kërkesat lidheshin me vërejtjet që këto parti kishin për modelin e fletës së votimit të miratuar nga Komisioneri i Zgjedhjeve.

Partia Socialiste kërkonte rrëzimin e plotë të vendimit të Celibashit dhe detyrimin e tij që të miratojë fletën e votimit me numra në vend të asaj me emra.

Përfaqësuesi i PS-së tha se fleta me numra ishte më e thjeshtë për votuesit dhe vetë administratën zgjedhore në procesin e menaxhimit të zgjedhjeve dhe më me pak kosto. Ai tha gjithashtu se fleta me emra shkelte parimin e barazisë, pasi ajo nuk ishte e njëjtë për të gjithë votuesit në 12 qarqet e vendit.

PD nga ana tjetër mbështeste fletën e votimit me emra, por kërkoi nga KAS që të rrëzonte pozicionimin horizontal (landscape) të saj dhe në vend të tij të miratonte pozicionin vertikal (portrait).

Bindja Demokratike kishte ankimuar logon me anë të së cilës ishte paraqitur në fletën e votimit, që sipas kësaj force nuk ishte logoja e rishikuar e paraqitur prej kësaj partie në datë 1 prill.

Kundër këtyre vendimeve të KAS, partitë politike që nuk janë dakord mund të apelojnë në Kolegjin Zgjedhor brenda 5 ditëve.