Para nisjes në
Shqipëri bashkë me katër fëmijët e shpëtuar nga kampi Al Hol, Kryeministri Edi
Rama postoi një video të takimit me gjeneralin libanez, Abass Ibrahim, që e
vlerëson si një prej aktorëve kryesorë në lirimin e tyre.



Rama shoqërohet
në këtë takim nga Ministri i Brendshëm, Sandër Lleshaj, ndërsa thotë se në këtë
takim me ushtarakun e lartë libanez është konfirmuar vijimi i operacionit për
kthimin e fëmijëve të tjerë.



“Me Gjeneralin
Abass përpara kthimit në atdhe bashkë me fëmijët, për ta falenderuar për
ndihmën e tij të paçmueshme, si edhe për të konfirmuar sy më sy vijimin e
operacionit për kthimin e fëmijëve të tjerë”, shkruan Rama.

Gjysmë Hëna e Kuqe Siriane njoftoi se një operacion i përbashkët me autoritetet shqiptare për lirimin e fëmijëve shqiptarë të mbajtur peng në kampin famëkeq Al-Hawl të Sirisë ka përfunduar me sukses.

Operacioni i lirimit të tyre është mbikëqyrur nga Khaled Hboubati, President i Gjysmë Hënës së Kuqe Siriane. Fëmijët dhe familjarët e tjerë shqiptarë u janë nënshtruar kontrolleve mjekësore dhe më pas janë transportuar në drejtim të Damaskut.

Numri i saktë i shtetasve shqiptarë të liruar nga kampi ku po mbahen familjarët e luftëtarëve të ISIS-it mbetet i paqartë për momentin, por ka raportime se bëhet fjalë për gjysmën e tyre.

Presidenti Ilir Meta nuk e ka humbur shpresën për reflektim nga ana e shumicës parlamentare që të tërhiqet nga ndryshimet e Kodit Zgjedhor të 5 tetorit, por tha se përballë këmbënguljes së socialistëve ka shumë mundësi zgjidhjeje, përfshirë këtu edhe protestat.

“E dëgjoj dhe ndjej jehonën e protestës. Qëllimi i Presidentit nuk është të nxisë protestat, por në kushtet kur ka përpjekje për të shtypur të drejtat e qytetarëve për interes të një pakice që bllokon integrimin, zhyt vendin në borxhe kërcënuese dhe vendos mur në rrugën europiane, padyshim që Presidenti e di se çfarë mendon e kërkon populli shqiptar dhe nuk do të presë popullin t’i japë drejtim kësaj çështjeje, por në të njëjtën gjatësi vale do ta zgjidhim këtë çështje. Po ne shpresojmë tek reflektimi”, deklaroi Presidenti.

Meta tha se ndryshimet jo vetëm që janë të njëanshme, por shkelin Kushtetutën dhe standardet dhe praktikat më të mira ndërkombëtare. Presidenti njoftoi gjithashtu se në lidhje me ligjshmërinë e këtij procesi të ndërmarrë nga socialistët pasi ai kishte dekretuar datën e zgjedhjeve i është drejtuar për mendim Komisionit të Venecias.

A mund të ndryshohen në mënyrë të njëanshme rregullat themelore që rregullojnë konkurrencën zgjedhore, veccanërisht rregullat në lidhje me transformimin e votave në mandate mes konkurentëve pasi të ketë filluar procesi zgjedhor dhe vetëm 6 muaj para datës së zgjedhjeve? Sa e rëndësishme është qëndrueshmëria e legjislacionit zgjedhor dhe njohja e ligjit nga konkurrentët zgjedhorë mjaftueshëm kohë përpara zgjedhjeve për vetë cilësinë dhe besueshmërinë e procesit të zgjedhjeve?

Nëse rregullat, veccanërisht ato që kanë të bëjnë me transforimin e votave në mandate midis konkurrentëve ndryshohen në mënyrë të njëanshme dhe shumë afër datës së zgjedhjeve në mënyrë që të sigurojnë avantazh për partinë që ka paraqitur ndryshimet, a dëmtojnë, ose ndikojnë këto ndryshime parimet e qëndrueshmërisë së ligjit, sigurisë juridike dhe rregullave të barabarta të lojës së konkurrimit që janë kycce për të përmbushur angazhimet e OSBE-së për zgjedhje demokratike? A e kompromentojnë këto ndryshime procesin zgjedhor? A kompromentojnë ato stabilitetin politik nëse bëhen në kundërshtim me konsensusin e 24 janari dhe 5 qershorit të arritur nga shumica e partive politike?

A shkelet përfundimisht parimi i garancive proceduriale nëse ndryshime të tilla në ligjin zgjedhor të miratuara njëanshmërisht dhe me nxitim bëhen në mungesë të një gjykatë kushtetuese funksionale, e cila mund të kontrollojë përpuethshmërinë e tyre me Kushtetutën dhe standardet e Konventës Europiane të të Drejtave të Njeriut.
Ndërsa ndryshimet e njëanshme në Kushtetutë të Kodit Zgjedhor të 30 korrikut dhe 5 tetorit nuk ishin pjesë e rekomandimeve të hershme të OSBE/ODIHR për Shqipërinë, a është procedura urgjente një motiv i ligjshëm për të justifikuar ndyrshimet e njëanshme nga një Parlament i kontestuar që nuk plotëson kuorumin kushtetues prej 140 deputetësh? A kishte ndonjë nevojë kushtetuese sipas standardeve ndërkombëtar për t’i modifikuar ato në mënyrë të njëanshme?

A është dispozita e futur rishtasi në Kodin Zgjedhor për të drejtën e kryetarit të një partie politike për të kandiduar në 4 qarqe zgjedhore në përputhje me standardet ndërkombëtare dhe veccanërisht me parimin e mosdiskriminimit mes kandidatëve dhe votuesve?

A e pengojnë rregullat aktuale në fuqi për mbledhjen dhe shndërrimin e tyre në mandate mes konkurrentëve, veccanërisht ato në lidhje me koalicionet zgjedhore dhe formulën përkatëse për ndarjen e mandateve, futjen e listave të hapura dhe përzgjedhjen e kandidatëve nga votuesit? Në rast se legjislacioni miraton listat e hapura, ndërsa mekanizmi ekzistues i koalicioneve zgjedhore dhe formula përkatëse për ndarjen e mandateve për koalicionet mbeten ashtu sicc janë aktualisht në fuqi, a do të ishte legjislacioni përkatës shqiptar në përputhje me angazhimet e OSBE-së?

A i dëmton të drejtat e partive politike dhe elektorateve të tyre imponimi i njëanshëm i ndryshimeve në Kodin Zgjedhor në lidhje me koalicionet zgjedhore për të kandiduar me një listë unike?

Duke pasur në konsideratë situatën, cila do të ishte një zgjidhje e pranueshme për të garantuar një proces zgjedhor me standarde europiane për zgjedhje demokratike dhe të dakordësuara nga të gjitha aktorët kryesorë politikë dhe subjektet zgjedhore në mënyrë që të shmanget një krizë tjetër zgjedhore dhe politike.

⁣“M’u lag nga shiu dhe e hodha!”, “E kam në xhep se isha duke pirë cigare!”. “S’kam! Tani do ta blej te farmacia e parë që do gjej!”, “Më ra në shesh e u bë pis”, “Sa dola nga lokali, tani po e vendos”,… e deri tek “Nuk dua ta vendos”. Këto janë justifikimet më të shpeshta që kanë nxjerrë qytetarët kur janë përballur me patrullat e Policisë së Shtetit dhe policive bashkiake për çështjen e maskave.

Gazeta “Si” mëson se kur po mbushen thuajse 10 ditë nga hyrja në fuqi e vendimit që detyron mbajtjen e maskave në çdo ambient, me përjashtim të bareve dhe restoranteve, janë vendosur rreth 4 mijë gjoba në të gjithë vendin.

Por, burime të Gazetës “Si” thonë se për një pjesë të mirë të gjobave të vendosura nga komunikimi me Operatorin e Shpërndarjes së Energjisë Elektrike po hasin vështirësi në gjetjen e kontratave të energjisë elektrike për t’u faturuar 3 mijë, apo 5 mijë lekshin e gjobës së marrë.

“Kjo për faktin se personat në fjalë nuk e kanë një të tillë. Janë persona madhorë dhe me zotësi të plotë juridike, me banim të deklaruar tek prindërit, vëllai, apo motra, apo ndonjë i afërm tjetër. Pra, ata vetë nuk kanë kontratë me OSHEE, por kanë familjarët e tyre”, thonë burimet.

Gjobat vendosen mbi bazën e certifikatës familjare, që do të thotë se personat e gjobitur, edhe nëse nuk janë kryefamiljarë, por figurojnë pjesë në certifikatën e trungut familjar gjoba vendoset në matësin e familjes. Po në rastet kur personat e gjobitur figurojnë të ndarë me familjarët e tyre në certifikatë dhe pa kontratë me OSHEE?

“Në të tilla raste marrja e gjobës përmes OSHEE është e pamundur. Janë duke u diskutuar mundësitë e marrjes së tyre në rrugë të tjera”, thonë burimet e gazetës “Si”, por pa sqaruar më shumë mbi këto “rrugë të tjera” pasi siç thonë janë ende në diskutim dhe konsultim, sidomos me zyrat juridike të Policisë së Shtetit.

Juristët e Policisë së Shtetit për momentin kanë përjashtuar mundësinë e delegimit të gjobës për këtë kaategori tek familjarët, apo të afërmit e tjerë, duke arsyetuar se përbën shkelje deri edhe të Kushtetutës.

“S’mund të gjobisim babain për faj të djalit. Juridikisht kjo bie ndesh me ligjin përsa kohë janë të ndarë në certifikatat familjare. Bie ndesh edhe me Kushtetutën, që e përcakton se përgjegjësia është individuale”, thonë burimet.

“Halli” me interpretimin e ligjit dhe “keqinterpretimi” qytetar me policitë bashkiake

Policia e Shtetit dhe policitë bashkiake janë vënë në “hall të madh” me interpretimin e aktit normativ që detyron mbajtjen e maskave në publik.

“Mjafton të dalësh nëpër rrugët e Tiranës dhe 80 për qind, për të mos thënë më shumë, e njerëzve e mbajnë maskën varur në qafë, ose në dorë. Patrullat policore janë vënë në dilemë të gjobisin, apo të mos gjobisin në të tilla raste”, thonë burimet e Gazetës “Si”.

Mes dy rrugëve, policët e patrullave kanë gjetur një të mesme.

“Në shumicën e rasteve pasi u merret emri e mbiemri qytetarëve që kapen në shkelje të aktit normativ u jepet një këshillim. Por sa më shumë shtohen rastet me infektime të reja, aq më shumë shtohet presioni i drejtuesve të Policisë së Shtetit për të vendosur gjoba”, deklarojnë burimet e gazetës “Si”.

Problematika tjetër lidhet me “keqinterpretimin”, apo “mosinformimin” e qytetarëve për parashikimet e aktiti normativ, që të drejtën e gjobës ja jep edhe policive bashkiake. Kompetencat e kësaj të fundit ndryshojnë nga Bashkia e Tiranës me bashkitë e tjera. Policia bashkiake e kryeqytetit ka kompetenca më të zgjeruara, por sërish ato mbeten administrative.

“Pra, policia bashkiake nuk mund të arrestojë, ndalojë, apo shoqërojë njeri. Ajo vetëm gjobit. Ka pasur raste kur qytetarët e ndaluar për mosmbajtje maske nga ana e policisë bashkiake e kanë shpërfillur atë, kanë rezistuar. Në përpjekje për të zbatuar parashikimet e aktit ligjor, policia bashkiake ka kërkuar ndihmën e Policisë së Shtetit”, thonë burimet.

Në këtë pjesë burimet thonë se kjo ka shtuar punën e patrullave të policisë së shtetit.

“Policitë bashkiake kanë kërkuar ndihmë në shumë raste. Në një pjesë të mirë të tyre qytetarët janë shoqëruar nëpër komisariate dhe detyrën e gjobitjes së tyre për mosmbajtje maske e kanë bërë punonjësit e Policisë së Shtetit. Por, kjo ka shtuar ngarkesën e patrullave”, vijojnë burimet.

Situata bëhet më problematike në Tiranë, ku Policia e Shtetit është e angazhuar edhe tek menaxhimi i trafikut, që me punimet në “Rrethrrotullimin Shqiponja” bëhet një detyrë edhe më shumë sfiduese.

“Për këtë arsye, drejtori (i policisë së Tiranës, Rebani Jaupaj) ka kërkuar ndihmën e Policisë Bashkiake për menaxhimin e trafikut”, sqarojnë burimet e gazetës “Si”.

“Presioni” për të vendosur gjoba

Burimet e Gazetës “Si” thonë se Policia e Shtetit është urdhëruar, të paktën gojarisht, që gjobat të aplikohen vetëm në rastet kur haset në rezistencë dhe refuzim nga qytetari për të mbajtur maskën.

“Në rastet e tjera detyra e patrullave ka qenë kryesisht ndërgjegjësuese dhe këshilluese”, thonë burimet.

Megjithatë, ka akuza se në terren po aplikohen masivisht gjobat, sidomos në 3-4 ditët e fundit, kur edhe numri i rasteve të reja me Covid-19 është rritur ndjeshëm.

“Direktivat për patrullat nuk kanë ndryshuar. Ato janë të njëjta që nga fillimi. Mund të ketë ndodhur që në fillim policia është treguar më tolerante ndaj shkelësve për t’u lënë kohë qytetarëve që të mësohen me realitetin e ri; atë që maska është me detyrim”, shpjegon një tjetër burim i gazetës “Si”, duke mohuar çdo akuzë se uniformat blu në terren janë nën presion për të vendosur gjoba.

⁣Presidenti Donald Trump votoi të shtunën në shtetin e
Floridas, ndërsa rivali i tij demokrat ishte në Pensilvania në një aktivitet
fushate.

Presidenti Trump ndryshoi vitin e kaluar regjistrimin nga
Nju Jorku në Florida, duke e bërë banesën e tij verore në Florida adresën e tij
kryesore gjë që bën të mundur që ai tani të votojë në Florida.

Presidenti Ilir Meta thotë se është informuar nga mediat dhe njoftimet zyrtare publike greke në lidhje me dakordësinë e gjetur mes qeverive të dy vendeve për të dërguar në Gjykatën e Hagës çështjen e detit.

Ai deklaroi se Kryeministri Edi Rama nuk është konsultuar me të para se të ndërmerrte një vendim të tillë.

“Nuk është konsultuar me mua, po duhet të jetë konsultuar me ndonjë President tjetër vërdallë. Falenderoj mediat greke dhe autoritetet greke për informacionin që e kanë bërë publik”, u shpreh ai.

Në lidhje me dërgimin e kësaj çështjeje në Hagë ka folur më herët edhe kreu i PD-së, Lulzim Basha. Ai e mirëpret si një rrugë zgjidhjeje, por tha se Edi Rama nuk ka legjitimitetin që ta dërgojë këtë çështje, duke kërkuar që procesi të vijojë pas zgjedhjeve të 25 prillit.

Ndërkohë, Ksenofon Krisafi, profesor i së drejtës ndërkombëtare dhe ish-anëtar i grupit negociator shqiptar në bisedimet me Greqinë për çështjen e detit ka deklaruar se edhe për Hagën kërkohet plotfuqishmëria e Metës, pasi sipas tij, nuk bëhet fjalë për një marrëveshje mes dy qeverive, por për një marrëveshje shtetërore.

Presidenti Ilir Meta ka kthyer për rishqyrtim në Kuvend ndryshimet e Kodit Zgjedhor, të miratuara nga mazhoranca në seancën e 5 tetorit, me arsyetimin se shkelin Kushtetutën dhe bien ndesh me rekomandimet e Këshillit Europian të 25 marsit të këtij viti.

Presidenti thotë gjithashtu se i është drejtuar edhe Komisionit të Venecias për një opinion mbi këto ndryshime.

“Këto ndryshime të shpejta, të padialoguara dhe të padakordësuara, vetëm pak muaj para datës së zgjedhjeve, cenojnë jo një, por disa parime dhe të drejta kushtetuese, ashtu si dhe standardet, angazhimet dhe praktikën e mirë zgjedhore europiane; në mungesë të Gjykatës Kushtetuese funksionale; dhe në respektim të kërkesës zyrtare që më është paraqitur nga Kryetari i Opozitës së Bashkuar për marrjen e një opinioni pranë Komisionit të Venecias, si President i Republikës, në datën 21 tetor 2020, i jam drejtuar me një kërkesë urgjente Komisionit Europian për Demokraci përmes Ligjit (Komisionit të Venecias) për një opinion të specializuar dhe objektiv mbi këtë proces”, thuhet në arsyetimin e Presidencës.

Presidenti vëren se:

Këto ndryshime të rregullave zgjedhore, cenojnë parimet domokratike ndërkombëtare të realizimit të një procesit zgjedhor përmes zgjedhjeve të lira e të ndershme;
Ndryshimet në Kodin Zgjedhor janë realizuar në mënyrë të njëanshme, pa konsensus gjithëpërfshirës dhe bien ndesh me frymën kushteve të vendosura nga Këshilli Europian në datë 25 Mars 2020 dhe plotësimin e 15-kushteve përpara zhvillimit të konferencës së parë ndërqeveritare;
Ndryshimet e njëanshme në Kodin Zgjedhor dëmtojnë rëndë klimën e bashkëpunimit midis forcave politike në vend, duke zeruar praktikisht besimin reciprok midis tyre;
Këto ndryshime të njëanshme në Kodin Zgjedhor janë në kundërshtim flagrant me parimet dhe standardet evropiane të vendosura nga Komisioni i Venecias në Kodin e Praktikave të Mira për Çështjet Zgjedhore, si udhërrëfyesi i vetëm për vendet e Këshillit të Europës për mbajtjen e zgjedhjeve demokratike, të lira e të ndershme;
Ndryshimet e njëanshme të Kodit Zgjedhor krijojnë një pozitë të pabarabartë, diskriminuese, duke rënë ndesh si me Kushtetutën dhe Konventën Europiane të të Drejtave të Njeriut;
Ndryshimet e njëanshme në Kodin Zgjedhor të datës 5 Tetor, për shkak të pozitave diskriminuese që ato përmbajnë krijojnë një terren shumë polarizues në vend. Kjo pozitë rëndohet edhe më shumë para faktit që në mungesë të Gjykatës Kushtetuese, çdo kundërshtim i këtyre dispozitave lidhur me antikushtetutshmërinë e tyre nuk mund të marrë së shpejti një përgjigje përfundimtare;
Ndryshimet e njëanshme cenojnë kushtet e vendosura nga Bashkimi Europian, çka do të përkthehet me një tjetër vendim negativ për Shqipërinë, duke cenuar drejtpërdrejt ecurinë e procesit të integrimit europian të vendit.
Meta e vlerëson kthimin për rishqyrtim në Kuvend jo si sfidë, por si ftesë për reflektim drejtuar mazhorancës, ndërsa vonesën e dekretit të rikthimit e ka argumentuar me faktin se arsyetimet janë shkencore dhe në të janë përfshirë edhe ekspertë të huaj.

“Presidenti e ka motivuar në mënyrë të qartë, është bërë një punim shkencor nga ekspertët e Presidentit dhe ekspertë ndërkombëtarë që kanë bashkëpunuar për të gjitha standardet që shkel ky ndryshim i njëanshëm i Kodit. Shpresoj që ata të lexojnë të thellohen dhe reflektojnë. Presidenti është në një gjatësi vale me popullin shqiptar”, deklaroi Meta nga qyteti i Korçës, fill pasi në faqen zyrtare të Presidencës u publikua dekreti që kthen Kodin Zgjedhor edhe njëherë në Kuvend.

Prej 10 vitesh kryetari i PD-së, Lulzim Basha ka mbajtur një qëndrim për “Detin”; se çështja duhet të shkojë në Gjykatën Ndërkombëtare të Hagës. E theksoi këtë fakt edhe në takimin që ai zhvilloi me ministrin e Jashtëm të Greqisë, Nikos Dendias. E përforcoi një ditë më pas edhe Genc Pollo në një intervistë televizive duke thënë madje se Shqipëria kishte humbur plot 7 vite kohë.

Por në konferencën e përditshme për shtyp, Basha ka surprizuar jo pak me një deklaratë të beftë të tij i pyetur nëse Shqipëria shkon në kushte të barabarta apo në disfavor në Hagë në raport me Greqinë.

“Prej 10 vitesh pas vendimit të Gjykatës Kushtetuese, pikëpamja ime ka qenë që duhet trajtuar nga organet e drejtësisë ndërkombëtare.

Urgjentisht duhet faza paraprake se duhet punë shumë e madhe.

Për fat ky nuk është moment i përshtatshëm. 6 Muaj para zgjedhjeve kjo qeveri nuk ka as legjitimitetin, as shkallën e përgatitjes, madje nisur nga deklarimet publike të kryeministrit kjo përbën rrezik për interesat kombëtare nëse i lihet në dorë sepse është një punë përgatitore shumë voluminoze.

Ndaj ajo që kam bërë të qartë është se nga njëra anë jemi konsekuentë në atë që kemi thënë prej 10 vitesh se kjo çështje duhet të trajtohet nga Gjykata Ndërkombëtare e Drejtësisë, por nga ana tjetër duhet që ky hap të ndërmerret nga një qeveri legjitime e dalë nga zgjedhjet legjitime dhe demokratike.

Procesi i përgatitjes para këtij hapi është një proces jashtëzakonisht voluminoz në të cilën pa diskutim pala shqiptare dhe një qeveri legjitime duhet dhe do të mbrojë interesat e vendit dhe interesat kombëtare në çdo aspekt…”, tha Basha

Vetëm një ditë pas vizitës së ministrit grek në Tiranë, ish-kryetari i PD-së, Sali Berisha do të shprehej ndër radhë në faqen e tij Facebook për dërgimin e çështjes së kufirit detar midis dy vendeve në gjykatën ndërkombëtare.

“…Për këtë vendim Edvin Kristaq Zografi nuk guxoi të shqipërojë qoftë edhe një fjalë kundër. Ai nuk guxoi së paku të shprehej publikisht se ne jemi në një proces dhe ky është një ndryshim i rregullave brenda këtij procesi dhe se Shqipëria nuk mund të pranojë…”, shkruante Berisha.

⁣Kryeministri Edi Rama thotë se Shqipëria ka dashur të çojë në Gjykatën e Hagës çështjen e detit me Greqinë që gjatë bisedimeve me Qeverinë “Tsipras”, por se ka qenë Athina në atë kohë kundër kësaj ideje.

“Më në fund, pala greke ra dakord me ne, se me qeverinë e mëparshme nuk kishim rënë dakord, në duart e një gjykatë që i ka të gjitha ekspertizën që të japë drejtësi të drejtë për këtë problem”, deklaroi Kryeministri këtë të martë gjatë një konference për shtyp.

Rama e cilëson një zgjedhje ideale adresimin e kësaj përplasjeje në një gjykatë ndërkombëtare dhe premton se Shqipëria do të përgatitet siç e kërkon procedura për të marrë një marrëveshje të drejtë.

“Një zgjidhje ideale, që në bazë të protokolleve dhe do të përgatitemi sic e kërkon procedura për të arritur në një zgjidhje të drejtë”, u shpreh ai.

Rama hodhi poshtë pretendimet se për Shqipërinë kjo çështje nuk ekziston dhe se është sponsorizuar dhe hapur nga Greqia.

"Çështjen e detit e ka hapur Shqipëria dhe jo Greqia, për këtë të fundit ka qenë e mbyllur për marrëveshjen e bërë me Saliun, Lulin dhe Ilir Metën, nuk ka pasur asnjë pretendim më shumë sesa aq sa mori nga ajo marrëveshje. Atë e hapa unë me PS kur ishim në opozitë dhe aleatë, në Gjykatën kushtetuese ka shkuar PS, 9-0 Gjykata e rrëzoi me kërkesë si paditës të PS dhe çështja është rihapur falë këmbënguljes, durimit dhe vullnetit tonë në komunikimin me palën tjetër”, u shpreh ai.

Kryeministri ndan bindjen se sot Greqia ka vullnetin më të mirë për të gjetur një zgjidhje.

⁣Dendias nga ana e tij tha se minoriteti grek në Shqipëri dhe shqiptarët që jetojnë dhe punojnë në Greqi duhet të shërbejnë si ura lidhëse për të forcuar edhe më tej bashkëpunimin mes dy vendeve. Në diskutime është përfshirë edhe çështja e pensioneve, ku Rama deklaroi se palët po përpiqen që të gjejnë një zgjidhje.

Ndërkohë, nga Tirana, Nikos Dendias shënjestroi Ankaranë. Ai tha se Greqia ka kërkuar nga BE tërheqjen nga unioni doganor me Turqinë dhe vendosjen e një embargoje armësh.

"Turqia po shkel kriteret themelore të BE, nga ana politike dhe ekonomike dhe i kemi kërkuar BE që duhet të shqyrtohet marrja e masave. Kam vendosur këtë çështje me keqardhje që Komisioni të vërejë të gjitha shkeljet deri në tërheqjen nga Unionit Doganor. Kam theksuar nevojën që të ndalohet eksporti i materialeve ushtarake përkundrejt Turqisë, sepse këto materiale përdoren për veprime që destabilizojnë rajonin tonë”, tha ai.

Kjo deklaratë e tij u mirëprit me një “faleminderit” të thënë në greqisht dhe turqisht nga ana e Kryeministrit shqiptar, Edi Rama, si për të treguar se për Shqipërinë si Greqia, ashtu edhe Turqia janë partnerë strategjikë.

⁣Shqipëria dhe Greqia do t’u drejtohen gjykatave ndërkombëtare për të zgjidhur çështjen e kufirit detar.

Kjo është dakordësia e arritur mes dy vendeve e njoftuar këtë të martë nga Kryeministri Edi Rama gjatë konferencës së përbashkët me ministrin e Jashtëm grek, Nikos Dendias.

“Kemi rënë dakord që këtë çështje ta trajtojmë në instancat ndërkombëtare. Së bashku, Shqipëria dhe Greqia do t’i drejtohen drejtësisë ndërkombëtare për të vendosur pikat mbi I në bazë të ekspertizës dhe të drejtës ndërkombëtare të detit”, njoftoi Kryeministri Edi Rama.

Nikos Dendias e konfirmoi këtë.

“Marrëveshja për t’iu drejtuar Hagës mbështetet në vullnetin e dy vendeve për zgjidhjen e të gjitha mosmarrëveshjeve”, u shpreh ai.

Kryediplomati grek tha gjithashtu se është rënë dakord që dy vende të rishikojnë marrëveshjen e ’96-ës, njohur si traktati i miqësisë mes dy vendeve dhe u zotua se do t’i jepet zgjidhje edhe çështjes së ligjit të luftës.

“Ramë dakord që të rishikojmë marrëveshjen e ’96 dhe ramë dakord që kjo marrëveshje ka nevojë për thellim dhe të bëjmë një marrëveshje të re. Tani kemi referuar çështjen e ligjit të luftës, është anakronizëm, edhe këtë do ta zgjidhim së bashku”, tha Dendias.

Kryeministri Edi Rama kërkoi nga Greqia që të trajtojë shqiptarët që jetojnë atje, ashtu sikundër trajton Shqipëria minoritetin grek.

“Nuk është një çështje e Greqisë çështja e të drejtave të minoriteti grek në Shqipëri, është edhe e jona gjithashtu. Nëse duam standarde dhe të drejta për minoritetin nuk e bëjmë se do Greqia, por është në nderin e Shqipërisë, por e njëjta gjë vlen edhe për shqiptarët që jetojnë në Greqi”, tha ai.

⁣Shqipëria dhe Greqia do t’u drejtohen gjykatave ndërkombëtare për të zgjidhur çështjen e kufirit detar.

Kjo është dakordësia e arritur mes dy vendeve e njoftuar këtë të martë nga Kryeministri Edi Rama gjatë konferencës së përbashkët me ministrin e Jashtëm grek, Nikos Dendias.

“Kemi rënë dakord që këtë çështje ta trajtojmë në instancat ndërkombëtare. Së bashku, Shqipëria dhe Greqia do t’i drejtohen drejtësisë ndërkombëtare për të vendosur pikat mbi I në bazë të ekspertizës dhe të drejtës ndërkombëtare të detit”, njoftoi Kryeministri Edi Rama.

Nikos Dendias e konfirmoi këtë.

“Marrëveshja për t’iu drejtuar Hagës mbështetet në vullnetin e dy vendeve për zgjidhjen e të gjitha mosmarrëveshjeve”, u shpreh ai.

Kryediplomati grek tha gjithashtu se është rënë dakord që dy vende të rishikojnë marrëveshjen e ’96-ës, njohur si traktati i miqësisë mes dy vendeve dhe u zotua se do t’i jepet zgjidhje edhe çështjes së ligjit të luftës.

“Ramë dakord që të rishikojmë marrëveshjen e ’96 dhe ramë dakord që kjo marrëveshje ka nevojë për thellim dhe të bëjmë një marrëveshje të re. Tani kemi referuar çështjen e ligjit të luftës, është anakronizëm, edhe këtë do ta zgjidhim së bashku”, tha Dendias.

Kryeministri Edi Rama kërkoi nga Greqia që të trajtojë shqiptarët që jetojnë atje, ashtu sikundër trajton Shqipëria minoritetin grek.

“Nuk është një çështje e Greqisë çështja e të drejtave të minoriteti grek në Shqipëri, është edhe e jona gjithashtu. Nëse duam standarde dhe të drejta për minoritetin nuk e bëjmë se do Greqia, por është në nderin e Shqipërisë, por e njëjta gjë vlen edhe për shqiptarët që jetojnë në Greqi”, tha ai.

Deputeti socialist, Adnor Shameti ka sfiduar urdhrin e Gramoz Ruçit, që të ndërpresin pjesëmarrjen nga makina gjatë mbledhjeve online të Komisioneve parlamentare.

Shameti mori pjesë ditën e hënë në mbledhjet online të Komisionit të Ligjeve dhe të Komisionit për Punët e Jashtme dhe në të dyja rastet jashtë ambienteve që në urdhrin e Ruçit konsiderohen si “joserioze”.

Fillimisht, deputeti Adnor Shameti shfaqet në mbledhjen e Komisionit të Ligjeve në natyrë dhe pas tij ka palma, ndërsa pak më vonë, në mbledhjen e Komisionit për Punët e Jashtme shfaqet nga makina, megjithëse ndryshe nga rastet në të shkuarën, automjeti është i ndaluar.

“Jeni në sytë e publikut, siç jeni ju dhe unë “online”, janë “online” edhe ato për publikun dhe nuk është serioze që, ndërkohë që zhvillohet mbledhja e Komisionit, deputeti, meqë ia lejon elektronika, të flasë nga makina”, ka deklaruar Ruçi në kërkesën drejtuar kryetarëve të Komisioneve që të mos tolerojnë të tilla “shfaqje”.

Mbetet për t’u parë se si mund të interpretohet shfaqja e Shametit me palma pas shpine, apo në automjet me makinën ndaluar, a do të konsiderohet “serioze”, apo “joserioze”.

Deputeti socialist, Adnor Shameti ka sfiduar urdhrin e Gramoz Ruçit, që të ndërpresin pjesëmarrjen nga makina gjatë mbledhjeve online të Komisioneve parlamentare.

Shameti mori pjesë ditën e hënë në mbledhjet online të Komisionit të Ligjeve dhe të Komisionit për Punët e Jashtme dhe në të dyja rastet jashtë ambienteve që në urdhrin e Ruçit konsiderohen si “joserioze”.

Fillimisht, deputeti Adnor Shameti shfaqet në mbledhjen e Komisionit të Ligjeve në natyrë dhe pas tij ka palma, ndërsa pak më vonë, në mbledhjen e Komisionit për Punët e Jashtme shfaqet nga makina, megjithëse ndryshe nga rastet në të shkuarën, automjeti është i ndaluar.

“Jeni në sytë e publikut, siç jeni ju dhe unë “online”, janë “online” edhe ato për publikun dhe nuk është serioze që, ndërkohë që zhvillohet mbledhja e Komisionit, deputeti, meqë ia lejon elektronika, të flasë nga makina”, ka deklaruar Ruçi në kërkesën drejtuar kryetarëve të Komisioneve që të mos tolerojnë të tilla “shfaqje”.

Mbetet për t’u parë se si mund të interpretohet shfaqja e Shametit me palma pas shpine, apo në automjet me makinën ndaluar, a do të konsiderohet “serioze”, apo “joserioze”.

⁣Shqiponja (thuajse) e bllokuar, policia: Përdorni rrugën e Ndroqit dhe të Elbasanit për të hyrë në Tiranë

Kompania që po realizon punimet në rrethrrotullimin e “Shqiponjës”, pjesë e lotit të parë të Unazës së Re nga ky rrethrrotullim deri tek Pallati me Shigjeta thotë se punimet kanë hyrë në fazën e tre të tyre.

Në këtë fazë, sipas kompanisë në fjalë do të lipset zhvendosja e trafikut të automjeteve që hyjnë nga Durrësi për në Tiranë. Inxhinierët e kompanisë sqaruan në prani të ministres së Infrastrukturës, Belinda Balluku se ndërhyrjet e reja do të kushtëzojnë edhe lëvizjet e mjeteve. Ata thanë se makina që vijnë me drejtim nga Durrësi në Tiranë do të detyrohet që të orientohen në drejtim të “Astirit”.

Për të shmangur kaosin në trafik në këtë pjesë, drejtori i Policisë së Tiranës, Rebani Jaupaj u këshilloi qytetarëve që të përdorin hyrje alternative për në Tiranë, përfshirë rrugën e Elbasanit, ose rrugën e vjetër të Durrësit, atë nga Ndroqi.

“Të gjejnë rrugë alternative për të hyrë në Tiranë, sidomos nga rruga e elbasanit, duhet të kemi rrugën e Plepave të funksionojë dhe rruga e Elbasanit për mjetet e jugut. Drejtuesit e mjeteve të gjejnë rrugët alternative”, tha ai.

Policia deklaroi se do të shtojë forcat dhe se në bashkëpunim me policinë bashkiake do të sigurohen që të mbajnë hapur vazhdimisht një korsi për emergjencat e rretheve.

Punimet në këtë pjesë të Unazës së Re i përkasin lotit 1, ndërkohë që për lotin 3, Inspektoriati Kombëtar i Mbrojtjes së Territorit njoftoi këtë të hënë se do të nisë nga e marta prishjen e dhjetë objekteve që preken nga ky projekt.

⁣Kostumi i Njeriut të Hekurt (Iron Man) nuk është më realitet vetëm në skenarët e filmave të Marvel

Flota Mbretërore në Britaninë e Madhe publikoi një video nga testimet e suksesshme të kostumeve të ngjashme, ku trupat speciale u katapultuan nga varkat e tyre të vogla “tek varka objekt mësymjeje”. Për një kostum të ngjashëm, që mund të arrijë një shpejtësi më të lartë se 320 kilometra në orë thuhet se po punon edhe Komanda e Operacioneve Speciale e ushtrisë së Shteteve të Bashkuara të Amerikës.

Presidenti Ilir Meta iu rikthye toneve të ashpra në konferencën e thirrur para gazetarëve këtë të hënë

“Jam ushtari i parë i Republikës. Armiqtë e Shqipërisë do ta marrin përgjigjen atje ku nuk u shkon mendja! Boll futën duart e tyre të zeza këtu, për të na bërë gazi i botës”, tha Presidenti.

Punonjësit e parkut Kruger në Afrikën e Jugut vrasin ende mendjen sesi përfundoi një gome makine në qafën e një gjirafe.

Megjithatë, ata ndërhynë për ta çliruar kafshën nga “varësja torturuese”, duke ja hequr asaj pasi përdorën më parë qetësues.

Goma rreth qafës kishte lënë shenja plage të mëdha mbi qafën e gjirafës, duke sugjeruar se ajo endej prej kohësh me të në qafë nëpër park. Rejnxhërsat e parkut thanë se nëse nuk do të ndërhyhej, gjirafa rrezikonte që të humbte jetën për shkak të gjakderdhjes së shkaktuar nga plaga.

⁣Kryeministri Edi Rama shfrytëzoi forumin ekonomik “Europa Park” në Mynih të Gjermanisë për të përçuar një mesazh drejtuar Bashkimit Europian.

“Nuk ka krim shqiptar, krimi i organizuar është ndërkombëtar. Si është e mundur që të dhënat për kriminalitetin janë të shkëputura? Në Holandë shqiptarët tashmë janë bërë gjëja më e keqe. Një gazetë me titull të madh se një bandë shqiptarësh ishte shkatërruar. 9 ishin arrestuar, 3 holandezë, një belg, dy nga Polonia, dikush nga Maroku dhe në të ishin dy shqiptarë 65-vjeçarë që ruanin magazinat ku kultivohej droga, por për politikën ishte mirë që ta paraqiste si bandë shqiptare”, tha Rama.

Kryeministri kërkoi nisjen sa më parë të negociatave.
“Ne jemi të verbuar nga dashuria për Europën dhe ajo na thotë se do të martohet me ne, por si mund të martohemi kur Europa nuk na flet?! Negociatat janë gjëja më e rëndësishme për vendet tona. Anëtarësimi do të vijë për pasojë të tyre. T’u privosh vendeve këtë instrument është pa kuptim”, u shpreh ai.

Sa i takon pjesës ekonomike, Rama ftoi investitorët gjermanë që të investojnë në Shqipëri, duke u premtuar se vendi ka një legjislacion mjaft joshës, krah të lirë pune dhe pozicion strategjik gjeografik.

“Ne mendojmë se kemi një legjislacion mjaft të favorshëm dhe jemi të mirëpozicionuar sa u takon burimeve natyrore. Jemi i vetmi vend në rajon që furnizohet plotësisht me energji të pastër, në të njëjtën kohë jemi pjesë e një hapësire ku kalon gazsjellësi TAP. Jemi një vend mjaft i mirë për të gjithë ata që duan të zhvillojnë prodhimin për shkak të kostos së punës, që është mjaft konkurruese. Jemi të bindur që ofrojmë një mjedis joshës për kompanitë që duan të investojnë”, u shpreh ai.