Ministria e Shëndetësisë kërkoi 400 mln euro shtesë për t’u përballur me koronavirusin. Kërkesa është miratuar.

“Kemi vendosur në dispozicion të situatës së emergjencës, edhe financat përkatëse dhe një fond tjetër prej 400 milionë lekësh, sipas kërkesave të bëra nga Ministria e Shëndetësisë. Është në dispozicion për të plotësuar disa nevoja të kësaj faze në sistemin shëndetësor”, tha Rama.

Kryeminstri deklaroi se të gjitha masat janë marrë në konsultim me Organizatën Botërore të Shëndetësisë, ndërsa ministrja e Shëndetësisë, Ogerta Manastirliu tha se fondi në fjalë do të përdoret kryesisht për shtimin e kapaciteteve dhe masave parandaluese dhe pajisjeve mbrojtëse për stafin mjekësor.

Kryeministri Edi Rama njoftoi pezullimin e fluturimeve drejt zonave të karantinës në Italinë e Veriut dhe kërkoi gjithashtu edhe mbylljen e shkollave, universiteteve, dëgjesave publike dhe aktiviteteve të tjera kulturore e sociale deri më datë 3 prill.

“Masat e sotme që ka ardhur momenti, gjithnjë në ndjekje të protokollit të përcaktuar nga OBSH, janë pezullimi i fluturimeve dhe lundrimeve detare deri më datë 3 prill me zonat e prekura në Itali. Mbyllja e institucioneve arsimore deri me 3 prill dhe pastaj vlerësimi në proces. Nga të gjitha statistikat e nxjerra deri më tani pjesa më pak e kërcënuar është e të rinjve, por nga ana tjetër duhet kuptuar se të rinjtë, fëmijët, të cilët për shkak të faktit që duhet të shkojnë në shkollë, apo kopsht dhe mblidhen së bashku mund ta transmetojnë virusin tek të tjerët, edhe pse tek ata vetë virusi nuk shfaqet kërcënues në rrezikshmëri për jetën. Ne besojmë që është momenti të mbyllim të gjitha institucionet arsimore dhe të kërkojmë anulimin e të gjitha grumbullimeve masive, kulturore, sportive, dëgjesave publike, deri në datën 3 prill, për ta parë dinamikën e këtij zhvillimi dhe pastaj për të vendosur për më tutje”, tha Rama gjatë mbledhjes së jashtëzakonshme të Qeverisë.

Arabia Saudite rihapi dje zonën përreth Qabës së shenjtë në Xhaminë e Madhe të Mekës, i konsideruar vendi më i shenjtë i Islamit, duke anashkaluar një sur masash të marra për të luftuar shpërthimin e koronavirusit të ri. Autoritetet Saudite këtë javë pezulluan pelegrinazhin gjatë gjithë vitit, një kohë kur besimtarët e rrethojnë shtatë herë Qabën dhe njoftuan se do të mbyllej përkohësisht zona përreth strukturës së gurit.

Presidenti Ilir meta nuk komentoi përmbajtjen e pjesëve të draftit paraprak të Komisionit të Venecias, që u bënë publike pasditen e së premtes.

Në vend të kësaj Presidenti foli parimisht duke deklaruar se nuk bëhet fjalë për një çështje të Venecias, por për një përplasje për drejtësinë.

“Nuk mendoj se kjo është një çështje e Venecias, sepse Kushtetutën e Shqipërisë e ka shkruar Komisioni i Venecias. Prej 115 ditësh kjo është një çështje e drejtësisë dhe hetimit, që të bëjë veprimet e duhura që askush të mos dalë mbi Kushtetutën dhe ligjin”, tha Presidenti.

Meta nuk komentoi raportin duke deklaruar se mbi dokument ka pasur një konfidencialitet të cilit palët duhet t’i binden. Megjithatë, copëza të draft-raportit u publikuan ditën e premte. Sipas përmbajtjes së tyre, Venecia i jep të drejtë Presidentit të Republikës në betejën e tij me mazhorancën për emërimet në Gjykatën Kushtetuese.

Po ashtu, draft-raporti vë në dyshim edhe veprimtarinë e Këshillit të Emërimeve në Drejtësi, ndërsa mazhoranca konfirmoi marrjen e një drafti paraprak, nuk rrëzoi përmbajtjen e pjesëve të publikuara, por tha se ato janë shkëputur në mënyrë selektive nga drafti si një i tërë. Në reagimin e tij, kreu i grupit parlamentar socialist, Taulant Balla nënkuptoi se drafti që duhej të ruhej konfidencial ka rrjedhur nga Presidenca.

Nuk dihet se kur kanë qenë për herë të fundit kaçurrelat në kokën e deputetit Kristaq Papa, që hyri në Parlament pas braktisjes së mandateve nga ana e Partisë Demokratike dhe Lëvizjes Socialiste për Integrim.

Por, ajo që dihet, të paktën sipas vetë fjalëve të tij, është se “fëmrat në rininë e tij (pra kur kishte kaçurrela) pinin më shumë uiski e pije të shtrenjta sesa ujë”.

Me këto fjalë deputeti i Parlamentit shqiptar u përpoq të ilustrojë respektin që duhet të kishin burrat për gratë, në fjalën e vetme që ka mbajtur ndonjëherë në seancë plenare para kamerave, e që ndodhi pikërisht gjatë të enjtes që lamë pas.

Mbetet e paqartë nëse vetë Kristaq Papa e ka kuptuar apo jo, por me këtë gjuhë që ka përdorur, më shumë sesa ka mbrojtur femrat, ai i ka ofenduar ato.

Megjithatë, Papa nuk është hera e parë që bëhet burim humori në Kuvendin e Shqipërisë. Emri i tij u lakuar pas publikimit të CV-së me përvoja pune “kombëtare, mbarëkombëtare dhe ndërkombëtare”.

Në Itali një grup këngëtarësh kanë krijuar një këngë humoristike, për koronavirusin e ri në mënyrë që të tërheqin vëmendjen e njerëzve për të anashkaluar panikun.

Lulzim Basha prezantoi përmes një video-mesazhi se përse propozimet e opozitës për reformën zgjedhore janë me rëndësi për të garantuar mirëqeverisjen, llogaridhënien dhe shtetin ligjor. Kreu i PD-së thotë se sistemi duhet të reformohet që t’i takojë popullit dhe jo vetëm partive politike.

Sipas Bashës vota e shqiptarëve ëshë zhvlerësuar për shkak të paracaktimit të rezultatit si pasojë e ndërhyrjes së krimit të organizuar në shit-blerjen e tyre. Për këtë arsye, ndryshimi i parë që ai propozon është një mekanizëm strik dhe kushtetues kontrolli të figurës së kandidaturave. Ky kontroll duhet t’i besohet një organi të pavarur.

Ndryshimi i dytë i propozuar nga Basha lidhet më shumë me vullnetin politik. Basha premton tolerancë zero për të gjithë ata që përfshihen në shitblerjen e votës. “Edi Rama i ka mbrojtur dhe promovuar, ne do t’i çojmë në burg”, tha ai.

Pika tjetër që ceku kreu i demokratëve lidhet me financimin e partive, një pikë për të cilën palët duket se kanë ndasi në Këshillin Politik. Basha vë theksin se përse nevojitet financimi 100 për qind nga buxheti i shtetit, apo mekanizmi penalizues për individët, apo kompanitë që financojnë partitë politike.

“Që ato të mos varen nga biznese dhe individë të pasur. Politikanët të varen nga njerëzit dhe të kontrollohen prej tyre. Kush financon partitë përjashtohet nga marrja e tenderave publikë pas zgjedhjeve, që të mos përfitojnë për shkak të donacioneve për partitë”, deklaroi Basha.

Identifikimi, votimi dhe numërimi elektronik është një tjetër kërkesë që sipas opozitës përforcon garancitë për zgjedhje të lira dhe të ndershme. Basha kërkon gjithashtu një sistem më të thjeshtë dhe për këtë nënkupton mbajtjen edhe të një referendumi.

“Ne duam një sistem të thjeshtë, të qartë, përfaqësues. Një sistem, që i kërkon llogari qeverisë. Vendimi për sistemin duhet t’u takojë të gjithë qytetarëve, jo vetëm partive politike”, shtoi Basha.

Që sistemi zgjedhor të sigurojë kontrollin dhe balancimin e pushteteve dhe që pushteti të mos përqëndrohet në një dorë Basha propozon edhe ngritjen e një Senati në Parlament. Kjo, sipas Bashës nuk do të lejonte imponimin e pushtetit ekzekutiv ndaj atij legjislativ.

“40 anëtarët e Senatit zgjidhen bashkë më 100 anëtarët e Parlamentit. Parlamenti me dy dhoma nuk rrit koston për qytetarët, por ndryshon mundësinë për t’u shërbyer njerëzve në mënyrë pozitive. Arroganca dhe presioni i qeverisë nuk do të funksionojnë më për një parlament të fuqizuar me dy dhoma. Qeveria duhet të kërkojë konsensus me të dy dhomat”, shtoi Basha.

Pika tjetër lidhet me qeverinë kalimtare, ose qeverinë kujdestare për zgjedhjet. Basha propozon që deri kur Shqipëria të bëhet anëtare e Bashkimit Europian, 100 ditë paara zgjedhjeve caktohe tnjë qeveri që do të menaxhojë procesin zgjedhor dhe garantojë zbatimin e ligjeve dhe votën e lirë.

Qëndrimi i kryetarit të Partisë Demokratike për reformën zgjedhore mbërrin në një kohë që Këshilli Politik, organi jashtëparlamentar i ngritur nga demokratët dhe socialistët me detyrë hartimin e reformës zgjedhore brenda 15 marsit nuk e zhvilloi mbledhjen e radhës këtë të premte. Shtyrja është kërkuar nga ana e përfaqësuesit të Partisë Demokratike, Oerd Bylykbashi.

Mbledhja e radhës është përcaktuar për ditën e hënë, kur PD pritet që të paraqesë në tryezë, propozimet e opozitës për reformimin e administratës zgjedhore. Ajo që dihet deri më tani është që socialistët kërkojnë depolitizimin e administratës, ndërsa PD është skeptike për këtë.

Ish-zv.ministrja e Asrimit Nora Malaj, akuzoi ministren Besa Shahini, për keq menaxhimin e situatës në shkollën “Janaq Kilica” në Fier. E ftuar në studion e Abc News, ajo foli edhe për drejtoreshën e zyrës vendore arsimore në qytetin e Fierit, Yllka Becin, e cila sipas Malaj nuk duhet të jetë më drejtoreshë e atij institucioni që pas ditës së djeshme.

Ambasadori Gjerman në Shqipëri, Peter Zingraf, ka shpërndarë sot një video-mesazh rreth ligjit të ri të emigrimit të fuqisë punëtore në Gjermani. Ai shpjegon se çfarë do të ndryshojë pas hyrjes në fuqi të këtij ligji më një mars dhe mundësitë për punësim në Gjermani.

Incidenti me kryeministrin Rama gjatë ceremonisë së diplomimit të studentëve të Mjekësisë

Kompania kineze e prodhimit të telefonave, TCL ka prezantuar disa modele që mund të na udhëzojnë se në çfarë drejtimi do të shkojë në të ardhmen e afërt evoluimi i telefonave inteligjentë.

Njëri prej këtyre koncepteve është edhe ai që njihet si “Tri Fold Phone” (TFP), ose shqip telefoni trefletësh. Bëhet fjalë për një model me tre ekrane në gjendje që të funksionojnë në mënyrë të pavarur nga njëri-tjetri kur janë të palosur dhe të funksionojnë si një ekran i tërë në momentin që hapen bashkë, apo vetëm dy prej tyre.

Vetë kompania është në fazë testuese të të gjithë këtyre modeleve. Ajo thotë se nuk ka ende një plan për prodhim masiv për treg, as një çmim se sa mund të kushtojë ky model dhe as ndonjë të dhënë tjetër.

“Për momentin jemi të përqëndruar tek dizajni dhe gjetja e një mekanizmi sa rezistent, aq edhe praktik për t’u përdorur nga njerëzit”, thotë kompania TCL.

Opozita parlamentare reagoi ndaj sulmeve të kryeministrit Edi Rama, i cili e akuzoi opozitën se po bëhet palë me ata që kundështojnë aktin kundër KÇK-së. Deputeti Myslim Murrizi iu drejtua kryeministrit Edi Rama duke i thënë se “dy nga ministrat e tij të brendshëm janë ortakë me ato që janë subjekte të OFL-së.

“Dy ministrat e tu të Brendshëm, kampioni yt dhe ai tjetri, janë ortakë të subjekteve të OFL-së, janë kapur në përgjime me ta. Pse nuk i shkon ajo biondja me syze në shtëpinë e tyre t’u trokasë. Pate dhe hallin e ministres së Drejtësisë se ta paska sharë krushku yt. Lëri krushqit se merren vesh vetë”, tha Murrizi.

Deputeti i opozitës, Andi Përmeti i ka lëshuar batuata thumbuese Edi Ramës, duke i thënë se “sot në seancë foli si kryeministër, pasi është xhelozuar ngaqë Basha u bashkua me Metën, duke i ikur marrëveshjes që kishte”. Nga ana tjetër, demokratja Rudina Hajdari u shpreh se krimi i organizuar ka rritje dhe se është shtuar numri i vrasjeve. “Rama është mjeshtri i bërjes së reklamave, pasi nxjerr çdo ditë zëdhënësen e OFL-së, për të mbuluar ngjarjet e rënda që ndodhin në Shqipëri”, tha Hajdari.

Ndaj këtyre qëndrimeve ka replikuar kryeministri Edi Rama. “Dëgjova një gjë këtu “që është shumë e rëndësishme se si e marrin nga njëri-tjetri”; “je i shqetësuar në fytyrë” tha ky parafolësi, “je mërzitur” tha ai tjetri “të ka marrë dashurinë tënde”... Por ti do ta kuptosh që je njësoj me të, ndaj Luli shkon lule më lule se të gjitha lulet janë njësoj. Pse të rrijë me një lule?! E kupton çfarë i bëre Lulit duke u përpjekur ta mbrosh? Por ai nuk shkon lule më lule, ai është thjesht ku rafsha mos u vrafsha e varet se ku bie. Kur bie në duar të mira siç ra tek unë, i bien të mira që nuk i kupton se i vijnë ata e i thonë të ka marrë në qafë”, theksoi Rama. Ndërsa u shpreh se opozita po luan rolin e figurantit, duke u vënë nën shërbim të Metës.

“Si mundet që një opozitë dhe të bëhet servis i Kinostudios Shqipëria e re për të mbështetur Vojo Amerikanin?! E keni parë filmin Debatiku. Ishin dy që mblidhnin figurantë që të bëhej vrasja e Colit në një skenë me pleq me plaka dhe në fund vihet ajo muzika që fitoi Coli, pavarësisht se vdiq. E keni parë filmin Debatiku, ku eshte ajo shprehja “na e vranë colin o none”. Kanë qenë dy personazhe që e braktisën nga të parët rrugën e revolucionit demokratik kur panë që revolucionin e mori në dorë kush vinte nga ana tjetër. Mblidhnin figurantë këta, e kishin mbushur rrugën që të bëhej vrasja e Colit mes pleqve e plakave. Po si mund të katandiset PD në këtë farë feje? Damiani do ulet, madje ai ka qenë ulur, ata erdhën u ulën, ne themi pse rrinë në këmbë për të bërë figurantin? Nejse...”, tha Rama. Sakaq kryeministri përjashtoi mundësinë e mbajtjes së zgjedhje të parakohshme, ndërsa sulmoi deputeten Hajdari se nuk kishte ide dhe se nuk e di se në “cilat lëndina e vila shëtit dhe e sheh dhe flet këtu për krimin e organizuar që ka lulëzuar”.

Kryeministri më pas është larguar nga seanca, por fjalimi i tij e detyroi opozitën të reagonte sërish. “Ai ikën gjithmonë. Zoti Rama, mesa duket, do t’ia falë tradhtinë dashurore Bashës, por është xheloz nga përdorimi i Bashës nga Ilir Meta. Atij i vjen keq se vetë e ka përdorur Bashën në mënyrën më të keqe të mundshme në vitin 2017, por ai harron se për këtë populli nuk do t’ia falë kurrë atyre, sepse ata janë njësoj Rama-Meta, Basha-Meta. Këta janë treshe dhe duhen larguar”, theksoi Përmeti.

PD: 10 gënjeshtrat e Ramës. Erdhe nga Aleanca e Qelbësirave

Partia Demokratike reagoi ndaj sulmeve të kryeministrit Edi Rama ndaj opozitës, duke theksuar se është bërë palë për të mbrojtur kriminelët nga anti-KÇK-ja. “Gjoja u revoltua me ata nuk mbrojnë të ashtuquajturin ligj anti-KÇK, por vetë erdhi në pushtet me Aleancën e Qelbësirave dhe të Kriminelëve. Thotë se opinioni mbështet 72% të ashtuquajturin ligj anti-KÇK, por nuk tregon se 87% nuk beson se qeveria do ta zbatojë ligjin kundër krimit. Gjoja vajtoi për vajzat e trafikuara, por bëri deputetë 2 trafikantë vajzash, Arben Ndokën, Mark Frrokun dhe kryebashkiak një përdhunues, Elvis Roshin. Bën sikur po lufton krimin e organizuar, por banda e Avdylajve është e regjistruar me Vangjush Dakon, që blejnë vota për Edi Ramën për t’i bërë surprizë 10 deputetë në Durrës”, tha PD në një reagim zyrtar.

“(Rama) Flet për të burgosur që do të vuajnë me 41 bis, por Agim Kajmaku shëtit i lirë në mes të Tiranës dhe Edi Rama vazhdon ta majmë me tendera publikë. “Vajton” për 28 kriminelë të liruar nga gjykatat, por nuk thotë se ata u liruan me firmën e drejtorëve të tij të burgut dhe kryebashkiakëve të tij garantë. Deklaroi se për herë të parë po preken të paprekshmit, por deri tani nuk është konfiskuar asnjë pasuri domethënëse e krimit të organizuar. Tha se pasuritë e politikanëve janë të kontrolluara, por nuk tha se ku i gjeti ai 2 milionë euro për të ndërtuar vilën luksoze në Surrel. Shpalli dashurinë për shqiptarët, por në 7 vjet vetëm i ka vjedhur, u ka rritur taksat dhe i ka burgosur”, thuhet në reagimin e PD-së. Më pas kryedemokrati Lulzim Basha, postoi në rrjetet sociale një video me të ish-kryebashkiakë dhe ish-deputetë socialistë (si Arben Ndoka, Mark Frroku, Elvis Roshi etj), të cilët u bënë subjekte të ligjit të Dekriminalizimit.

Prindërit e nxënësve të gjimnazit “Janaq Kilica” në qytetin e Fierit, ku një ditë më parë u helmuan 60 gjimnazistë kanë hyrë me forcë në ambientet e shkollës këtë të enjte duke penguar mësimin.

Ata kërkojnë garanci për jetën dhe shëndetin e fëmijëve të tyre, pasi edhe mëngjesin e sotëm dy gjimnazistë shfaqen probleme me frymëmarrjen si pasojë e helmimit, pasi një nxënëse u dërgua në urgjencë në gjendje të fikti.

Mbetet e paqartë nëse problemet e dy të rinjëve janë pasojë e helmimit me spraj ditën e mërkurë, apo ambientet e shkollës janë të paajrosura ende dhe me gjurmë të gazit që dyshohet se është përdorur nga dy adoleshentë me inicialet A.M. dhe A.H., që të dy 15-vjeç.

Por, drejtorja e Zyrës Arsimore të Fierit, Yllka Beci thotë se vajza në fjalë nuk kishte humbur ndjenjat për shkak të helmimit, por për një tjetër arsye. “A mund të them një gjë si nënë, si prind, si motër jashtë kamerave?! Vajza është shtatzënë”, deklaroi ajo.
Ndërkohë, ndaj dy të adoleshentëve që dyshohet se përdorën gazin helmues policia ka nisur procedimet penale. Burime të gazetës “Si” pohojnë paraprakisht se nga dëshmitë e para të dhëna prej tyre edhe në prani të psikologut 15-vjeçarët fillimisht e kanë mohuar autorësinë, ndërsa më pas e kanë pranuar duke deklaruar se gjithçka e kanë bërë me shaka dhe të pavetëdijshëm për pasojat që mund të shkaktonte spraji helmues që kanë hedhur në drejtim të bashkëmoshatarëve të tyre.

Inspektoriati Kombëtar i Mjedisit nisi në orët e para të mëngjesit të kësaj të enjte prishjen e ndërtesave në lotin 2 të Unazës së Re, në aksin që lidh “Pallatin me Shigjeta” me “Rrethrrotullimin Shqiponja”.

Fadromat e IKMT-së u shfaqën në zonë rreth orës 06:00, ndërsa më herët forca të shumta policie kishin zbarkuar, duke bllokuar qarkullimin e automjeteve në këtë aks me dendësi të lartë trafiku, si dhe për të shmangur çdo përplasje mes punonjësve të IKMT-së dhe banorëve që kundërshtojnë prishjen e ndërtesave të tyre.

Rezistenca e banorëve ishte e vakët dhe fadromat e IKMT-së nisën prishjen e objekteve rreth orës 07:00. Banorët akuzojnë autoritetet se nuk u kanë njoftuar asnjë projekt, asnjë vendim dhe asnjë letër zyrtare të vlefshme për prishjen e ndërtesave të tyre. Ata thonë se po nxirren në rrugë të madhe për t’u hapur rrugë ndërtimit të pallateve.

Këto akuza i përsëriti edhe ish-deputeti i Partisë Demokratike, Klevis Balliu, që ndodhej në krah të banorëve. Ai tha se shtëpitë e qytetarëve po prishen për t’u hapur rrugë ndërtimit të pallateve të oligarkëve. Balliu akuzoi se bashkia dhe ARRSh kanë shkelur ligjet dhe Kushtetutën e vendit dhe përsëriti se PD i qëndron marrëveshjes së nënshkruar disa muaj më parë nga Lulzim Basha me banorët e “Unazës së Re”. Marrëveshja, sipas opozitës, dy ka pikat kryesore.

“Ndëshkim për të gjithë personat e përfshirë në këtë aferë dhe dëmshpërblim deri në qindarkën e fundit dhe me çmimin e tregut të të gjitha banorëve të prekur këtu”, tha Balliu.

Prishjet po zbatohen në lotin 2 të segmentit 2.2 kilometra që fillon nga “Pallati me Shigjeta” dhe mbyllet tek “Rrethrrotullimi Shqiponja”. Në lotin 1, që fillon nga “Shqiponja” dhe përfundon tek ura e Lanës objektet janë prishur dhe ndonëse me ritme të ngadalta vazhdon puna për rikonstruksionin e këtij aksi.

Ndërkohë, në lotin 2, ku fituese e tenderit është shpallur kompania “Salillari” banorët kishin nisur prej ditësh të boshatisnin ndërtesat e përdorura për biznes dhe shtëpitë, ndonëse kundërshtonin prishjen e tyre.

Tenderi për rindërtimin e këtij aksi në të treja lotet është përllogaritur që të kushtojë në rreth 40 milionë euro, një shifër e qortuar si tejet e fryrë për 2.2 kilometra gjatësi dhe e akuzuar nga opozita si aferë korruptive. Loti 1 u fitua fillimisht nga kompania ‘DH Albania’, por pas zbulimit se kjo kompani kishte falsifikuar dokumentacionin ai u anulua dhe gara u rihap, ku fituese u shpall kompania “Salillari” bashkë me kompaninë “Bajrami N”.

Loti 2 është fituar vetëm nga kompania “Salillari”, ndërsa në lotin 3 fituese është shpallur kompania “Victoria Invest”.

Prindërit e nxënësve të gjimnazit “Janaq Kilica” në qytetin e Fierit, ku një ditë më parë u helmuan 60 gjimnazistë kanë hyrë me forcë në ambientet e shkollës këtë të enjte duke penguar mësimin.

Ata kërkojnë garanci për jetën dhe shëndetin e fëmijëve të tyre, pasi edhe mëngjesin e sotëm dy gjimnazistë shfaqen probleme me frymëmarrjen si pasojë e helmimit, pasi një nxënëse u dërgua në urgjencë për shkak të vështirësive me frymëmarrjen.

Mbetet e paqartë nëse problemet e dy të rinjëve janë pasojë e helmimit me spraj ditën e mërkurë, apo ambientet e shkollës janë të paajrosura ende dhe me gjurmë të gazit që dyshohet se është përdorur nga dy adoleshentë me inicialet A.M. dhe A.H., që të dy 15-vjeç.

Ndërkohë, ndaj dy të adoleshentëve që dyshohet se përdorën gazin helmues policia ka nisur procedimet penale. Burime të gazetës “Si” pohojnë paraprakisht se nga dëshmitë e para të dhëna prej tyre edhe në prani të psikologut 15-vjeçarët fillimisht e kanë mohuar autorësinë, ndërsa më pas e kanë pranuar duke deklaruar se gjithçka e kanë bërë me shaka dhe të pavetëdijshëm për pasojat që mund të shkaktonte spraji helmues që kanë hedhur në drejtim të bashkëmoshatarëve të tyre.

Prindërit e nxënësve të gjimnazit “Janaq Kilica” në qytetin e Fierit, ku një ditë më parë u helmuan 60 gjimnazistë kanë hyrë me forcë në ambientet e shkollës këtë të enjte duke penguar mësimin.

Ata kërkojnë garanci për jetën dhe shëndetin e fëmijëve të tyre, pasi edhe mëngjesin e sotëm dy gjimnazistë shfaqen probleme me frymëmarrjen si pasojë e helmimit, pasi një nxënëse u dërgua në urgjencë për shkak të vështirësive me frymëmarrjen.

Mbetet e paqartë nëse problemet e dy të rinjëve janë pasojë e helmimit me spraj ditën e mërkurë, apo ambientet e shkollës janë të paajrosura ende dhe me gjurmë të gazit që dyshohet se është përdorur nga dy adoleshentë me inicialet A.M. dhe A.H., që të dy 15-vjeç.

Ndërkohë, ndaj dy të adoleshentëve që dyshohet se përdorën gazin helmues policia ka nisur procedimet penale. Burime të gazetës “Si” pohojnë paraprakisht se nga dëshmitë e para të dhëna prej tyre edhe në prani të psikologut 15-vjeçarët fillimisht e kanë mohuar autorësinë, ndërsa më pas e kanë pranuar duke deklaruar se gjithçka e kanë bërë me shaka dhe të pavetëdijshëm për pasojat që mund të shkaktonte spraji helmues që kanë hedhur në drejtim të bashkëmoshatarëve të tyre.

Helmimi i 30 nxënësve në Fier, dyshohet nga spraj piper

Helmimi i nxënësve në Fier 1, 30 nxënës në spital

Helmimi i nxënësve në Fier, përfundojnë 20 nxënës në spital

Në harkun kohor të dy ditëve, Kryeministri Edi Rama zgjeroi bazën e amnistisë fiskale, nga të ardhurat e siguruara nga puna në të zezë në emigracion deri tek të ardhurat e siguruara nga biznesi i vogël dhe i madh që ka shkelur ligjin duke kryer evazion fiskal.

Të shtunë, Kryeministri deklaronte gjatë punimeve të Kongresit të Partisë Socialiste se:

“Nuk mundet më që të rrijnë të mbajnë para nëpër banka andej me 1001 vështirësi, as nuk mundet më që të torturohen për të çuar 5 mijë euro sa andej këndej, se i fillon pastrimi i parave ku i gjete e ku s’i gjete, as nuk mund të tmerrohen për të blerë një shtëpi këtu se fillon historia nga i more, e ku s’i more. Të gjithë ata që nuk i kanë paratë me drogë, me terrorizëm, prostitucion, nuk i kanë paratë me të gjitha ato krime që parashikon tek ligji special... “

Rama foli të shtunën për amnisti të përgjithshme, por vetëm të hënën në seancën plenare parlamentare përmendi edhe biznesin.

“Puna e OFL-së është ndarja me thikë e parasë së fituar nga puna, qoftë para e fituar por e padeklaruar, siç është paraja e emigrantëve që për 1001 arsye kanë bërë shumë punë në të zezë në vendet ku kanë shkuar, apo siç ëshstë paraja e shumë, për të mos thënë e të gjithë sipërmarrësve këtu në Shqipëri, për të mos thënë të gjithë, që nuk kanë deklaruar të gjitha të ardhurat e tyre, por sidoqoftë janë të ardhura nga puna. Për këto të ardhura duhet dhënë mundësia që të formalizohen duke i amnistuar”, deklaroi Rama.

Në fakt, burime të gazetës “Si” thonë se ideja e një amnistie të përgjithshme qarkullon prej vitesh në korridoret e qeverive shqiptare, por asnjëherë nuk është konkretizuar përmes një nisme finale. Në 2011 ishte Qeveria Berisha që u përpoq, por propozimi nuk siguroi mbështetjen e opozitës në atë kohë për ndryshimin e Kodit Penal, ndaj nisma mbeti në kuadrin e një faljeje fiskale, por jo amnisti. Kjo bëri që shumë biznese të mos formalizonin paratë dhe asetet e tyre nga frika e ndjekjes penale për evazion fiskal.

Për nismën aktuale, gazeta “Si” mëson se qarkullon më shumë se një draft për amnistinë fiskale, që do të realizohet përmes një takse që parashikohet të vendoset nga 3 deri në 5 për qind të vlerës së vetëdeklaruar në kuadër të kësaj amnistie.