Presidenti Ilir Meta fajin për refuzimin e Bashkimit Europian për të hapur negociatat e anëtarësimit me Shqipërinë e sheh në Tiranë. Kreu i shtetit i referohet qëndrimit të Holandës për të mbështetur këtë deklaratë, ndërsa nuk flet me bindje nëse realizimi i zgjedhjeve vendore më 13 tetor do të prodhonte një rezultat tjetër.

“Holanda ka 3 vjet që na paralajmëron për çështjet që kanë të bëjnë me kriminalitetin dhe lidhjet e grupeve të krimit të organizuar shqiptar dhe azilantët dhe këto janë probleme të ngritura nga policia holandeze, por ne kemi bërë sikur nuk janë kaq serioze”, deklaroi Presidenti Meta në një intervistë për News24 dhënë këtë të diel.

Presidenti foli për një fushatë “demonizuese” ndaj Francës dhe Holandës, dy vendet më të zëshme që refuzuan hapjen e negociatave për Shqipërinë. Për Qeverinë, vendimmarrja e Francës është e pabazuar dhe një prej pikave të forta ku mazhoranca mbrohet për të argumentuar se refuzimi nuk lidhej me reformat në Shqipëri janë raportet e Komisionit Europian. Presidenti i zhvlerësoi këto raporte. Ai tha se Komisioni Europian për herë të tretë ka rekomanduar hapjen e negociatave, por shpesh është akuzuar se më shumë se teknik, raportet e tij kanë qenë politike.

“Ajo që ka ndodhur praktikisht dhe që Franca, por edhe vende te tjera e kanë bërë evidente e që ka një bazë reale, është që Komisioni Europian, nga një komision teknik shpesh është shfaqur si një komision politik.Ndërsa vendet anëtare nga vendimet politike që do të duhet të merrnin bazuar mbi raportet teknike, janë bërë më teknike, pra nuk i marrin të mirëqena raportet e Komisionit Europian, por thellohen në ecurinë e reformave, nga letrat në terrenin konkret, në rezultatet e tyre. Duke qenë se nuk u korrespondojnë këto suksese në shumë raste që raporton Komisioni Europian, vendosin kushte, pasi është në të drejtën e tyre, tërësisht legjitime, që një vend anëtar të mbajë qëndrime të bazuara në fakte dhe standarde”, u shpreh Presidenti.


Meta fton klasën politike që të gjejë problemet tek vetja, Maqedoninë e Veriut e sheh si “viktimë të rrethanave” brenda BE-së, ndërsa shton me bindje se nëse do të ishte respektuar dekreti i tij për zgjedhjet vendore më 13 tetor do të zbuste qëndrimin e europianëve.

Kam kërkuar në mënyrë të vazhdueshme nga të dyja palët, në mënyrë të veçantë nga qeveria, për të reflektuar, me qëllim në radhë të parë organizimin e zgjedhjeve gjithëpërfshirëse më 13 tetor, por edhe për çështje të tjera që do të përmirësonin shanset e Shqipërisë për të marrë një dritë jeshile më 18 tetor. Kam qenë kaq i qartë për këtë çështje, aq sa në rast se nuk do të ndodhte kjo që ndodhi, premtova dhe një dekoratë, apo jo!

Presidenti komentoi edhe hetimin nga ana e mazhorancës përmes Komisionit Parlamentar të ngritur në Kuvend. Meta këmbëngul se nuk ka bërë asnjë shkelje të Kushtetutës dhe se kjo thuhet edhe në raportin përfundimtar të Komisionit të Venecias. Meta akuzon përfaqësues të mazhorancës për rrjedhjen në media të draft-opinionit të Venecias, në të cilin flitej për tejkalim kompetence nga ana e Presidentit.

“Nuk ka shkelje të mëdha, apo të vogla. Nuk ka asnjë shkelje të Kushtetutës. Në materialin që rrodhi në media nga mazhoranca flitej për tejkalim kompetencash të Kushtetutës, term që nuk e njeh Kushtetuta”, tha ai.

Një tjetër temë ishte edhe reforma në drejtësi. Meta i qëndron bindjes se reforma është deformuar nga vullneti i shprehur në 2016 nga e gjithë klasa politike. Duke nënkuptuar pritshmëritë që ka për përmirësimin e ekonomisë dhe lirive të tjera të njeriut në vend, Meta vendosi disa kushte për të thënë një fjalë të mirë për këtë reformë.

“Fjalën e mirë do ta them kur Banka Botërore të përmirësojë pozitën e Shqipërisë në nivel botëror përsa i takon klimës të të bërit biznes, kur Transparency International të përmirësojë në mënyrë të ndjeshme renditjen e Shqipërisë dhe kur Reporterët pa Kufij ta përmirësojnë atë. Këta janë indikatorët e vërtetë të reformës në drejtësi”, u shpreh Presidenti.

Procedohen penalisht tre shtetas per aktivitetin e paligjshem te lojerave te fatit

Arrestohen 5 shtetas per kalim te paligjshem te kufirit

Mediat daneze i kanë kushtuar rëndësi emigrimit ilegal të shqiptarëve drejt Britanisë së Madhe. "Shqiptarët tentojnë të ikin ilegalisht drejt Britanisë, duke “thyer sigurinë” e portit Esbjerg të Danimarkës", shkruhet në shkrimin e “Dr.dk".

Ambasada e Shteteve të Bashkuara të Amerikës ka bërë një paralajmërim të fortë për të gjithë politikanët dhe zyrtarët, që janë të përfshirë në korrupsion.

Ambasada thekson se është e përkushtuar në luftën kundër korrupsionit dhe respektimin e sundimit të ligjit në mbarë botën, dhe veçanërisht në Tiranë, ambasada njofton se plot 100 zyrtarë, 14 prej të cilëve shqiptarë, janë shpallur “non grata” dhe nuk lejon të shkelin më kurrë në Amerikë.
Nëpërmjet një videoje në “Facebook”, ambasada e SHBA jep disa nga rastet e zyrtarëve shqiptarë, të cilat janë bërë publikë edhe më parë si persona të padëshiruar nga Amerika, siç janë ish-kryeprokurori Adriatik Llalla, ish-kreu i Bashkisë së Durrësit, Vangjush Dako, dhe deputeti Tomi Doshi.

“Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, ne do të shpjegojmë përcaktimet publike për korrupsion madhor sipas Nenit 7031(c) të legjislacionit të Shteteve të Bashkuara. Kur Shtetet e Bashkuara mësojnë se një zyrtar qeveritar i huaj është përfshirë në korrupsion madhor, Sekretari i Shtetit ka autoritetin të shpallë individët dhe anëtarët e familjes së tij/saj të afërt si të skualifikuar përgjithmonë për të hyrë në Shtetet e Bashkuara”, thuhet në njoftimin e ambasadës.

Ermonela Jaho, sopranoja me famë botërore, rikthehet në tiranë për të dhënë një koncert në kuadër të kauzës “Fjongoja Rozë”. Këtë herë këngëtarja rikthehet për, të dhënë një mesazh të fortë për gratë shqiptare. Lajmi është bërë i ditur nga vetë sopranoja kohë më parë, në një deklaratë për mediat shqiptare, por edhe më anë të një video-mesazhi që ajo ka bërë ditët e fundit për të sensibilizuar gratë shqiptare. Ajo shprehet se beson që në një të ardhme shumë të afërt, do të kemi një botë pa kancer gjiri. Sipas saj, avancimit të teknologjisë dhe mjekësisë duhet t’i shtohet edhe ndërgjegjësimi i vetë grave. Janë pikërisht ato që duhet të kryejnë kontrollet sa më parë.
“Në tetor zërit tuaj të fuqishëm dhe të bukur do t’i bashkoj dhe zërit tim, ju premtoj,” thotë Jaho në video mesazh.

Delet zëvendësuan makinat në “Ditën pa trafik” në Madrid të Spanjës. Të dielën e 20 tetorit, tufat e bagëtive kaluan përmes kryeqytetit spanjoll për të respektuar traditën duke ndjekur rrugën e vjetër të migrimit të bagëtive nga veriu në jug.

Në kohët moderne, parakalimi nisi në vitin 1994, por ai daton qindra vite më parë dhe është e njëjta rrugë që barinjtë kanë përdorur ndër shekuj për të zhvendosur në dimër tufat e bagëtive nga veriu me stinë të ashpër, në jugun me stinë më të butë.

Shekuj më parë, rruga kalonte përmes një fshati të vogël, që nuk dallohej nga zonat e tjera të vendit. Por sot, ky fshat është shndërruar në kryeqytet dhe rruga e përshkron mespërmes qëndrën historike të këtij kryeqyteti.

Në fillim të viteve 1400, kur Madridi po merrte trajtat e një qendre me peshë në Europë, barinjtë nuk u lejuan që të kalonin përmes. Kjo shkaktoi revoltën e tyre, që çoi në zgjidhjen e problemit përmes marrëveshjes së nënshkruar në vitin 1418 me Këshillin e qytetit. Në këmbim të përdorimit të rrugës, barinjtë paguanin 50 maravidis, monedha mesjetare e Spanjës, për 1 mijë dele. Kjo shifër paguhet ende sot, por në formë simbolike.

Këtë vit, rruga u përshkua nga 2 mijë kokë dele, ndërsa parada u ndoq nga mijëra qytetarë kuriozë, që dolën në rrugë me aparate fotografike dhe telefonë.

Kryeministri Edi Rama takon komisionieren në detyrë për Politikën e Jashtme, Federica Mogherini. Prej dy ditësh kreu i qeverisë ndodhet në Bruksel duke lobuar përpara marrjes së një vendimi final të liderëve të BE-së.

Kryeministri Edi Rama është nisur në drejtim të Brukselit për të lobuar për hapjen e negociatave. Ai do të marrë pjesë së bashku me Zoran Zaev në një tryezë të kryeministrave të majtë europianë si përpjekje për të marrë “Po”-në e negociatave.

“Po nisem për në Bruksel së bashku me Kryeministrin Zaev për të takuar Kryeministrat e qeverive socialiste dhe progresiste të Bashkimit Europian, në një format të krijuar enkas nga Partia Socialiste Europiane në funkson të nevojës që kemi sot për të pasur sa më shumë aleatë në tryezën e mbrëmjes së pasnesërme”, njoftoi Rama përmes një video-mesazhi të shpërndarë në rrjetet sociale.

Në të njëjtin mesazh, Kryeministri thotë se ka mbështetjen e Kancelares Angela Merkel, por nuk shprehet as pesimist dhe as optimist se negociatat do të hapen. Ai përsëriti bindjen e tij se Shqipëria meriton hapjen e negociatave dhe se Franca mendon ndryshe për arsye që lidhen me të ardhmen e BE-së.

“Kancelarja Merkel dhe Gjermani po përpiqen intensivisht që të ketë një “Po” për të dyja vendet, ndërkohë që qëndrimi i Presidentit Macron dhe i Francës nuk përkon, të paktën për momentin, me atë të Gjermanisë dhe të shumicës dërrmuese të vendeve anëtare. Nuk jam as pesimist dhe as optimist për këtë proces, por me realizëm gjykoj se po bëhet maksimumi për të bërë “Po”-në e merituar”, thotë Rama.

Nga Erion Dervina - “Saint James Palace”, vendi ku 106 vjet më parë Konferenca e Paqes në Londër vendosi për fatet e shqiptarëve në Ballkan, është vetëm 700-800 metra larg sallës së Parlamentit të Mbretërisë së Bashkuar, ku në një nga sallat pritëse Vullnet Silaj dhe grupi i tij po këndojnë në shumëzërësh ngjarjet që u bluan në Konferencë.

Vullneti, në përditshmërinë e tij polic, babai i një shoqes sime dhe burrë shumë interesant në bisedat për folklorin e Jugut, së bashku me të birin shoqëroi verën e kaluar nëpër Labëri Dan Shutt-in, një regjisor anglo-gjerman, i cili punoi për dokumentarin "Washed by the moon".

Kur më treguan për titullin e këtij dokumentari shumë të mirë, që falë Reas- të bijës së Vullnetit, kam patur mundësinë ta shoh që në "inkubator", u mahnita. "Washed by the moon...". Nga vjen si titull, do të pyesni ju?

“Saint James Palace”, vendi ku 106 vjet më parë Konferenca e Paqes në Londër vendosi për fatet e shqiptarëve në Ballkan, është vetëm 700-800 metra larg sallës së Parlamentit të Mbretërisë së Bashkuar, ku në një nga sallat pritëse Vullnet Silaj dhe grupi i tij po këndojnë në shumëzërësh ngjarjet që u bluan në Konferencë.

Vullneti, në përditshmërinë e tij polic, babai i një shoqes sime dhe burrë shumë interesant në bisedat për folklorin e Jugut, së bashku me të birin shoqëroi verën e kaluar nëpër Labëri Dan Shutt-in, një regjisor anglo-gjerman, i cili punoi për dokumentarin "Washed by the moon".

Kur më treguan për titullin e këtij dokumentari shumë të mirë, që falë Reas- të bijës së Vullnetit, kam patur mundësinë ta shoh që në "inkubator", u mahnita. "Washed by the moon...". Nga vjen si titull, do të pyesni ju?

Nga strofa e bukur e këngës labe:

"Labëri, e larë në hënë,
eshtrat sa majë e rrënjë,
malet`ë gushë më gush`,
jashtë borë e brenda prush."

Për Vullnetin, grupin e tij, ison labe dhe dokumentarin "Washed by the moon" punoi një artikull të mirë Hannah Zafiropulos, që u publikua në Calvert Journal, një ndër sitet më interesante e më të lexuara ndër perëndimorë, që duan të njihen me Ballkanin dhe Europën Lindore.

Trajneri i Kombëtares iu drejtua lojtarëve në dhomën e zhveshjes në përfundim të fitores 4-0 ndaj Moldavisë në transfertë.

Pritshmëritë e Kryeministrit Edi Rama që Bashkimi Europian do të hapë negociatat e anëtarësimit për Shqipërinë më 18 tetor janë të ulta, por jo të zbehta plotësisht. Përmes një video-mesazhi të publikuar në rrjetet sociale, Rama “fajësoi” presidentin francez, Emmanuel Macron për këtë.

“Franca dhe 2-3 vendet nuk kanë dalë ende në një pozicion zyrtar, ndaj nuk përjashtohet që më 18 tetor të ketë një tjetër vendim. Por, Presidenti i Francës ka një vizion dhe qasje publikisht të shpallur që prej ditës së parë të zgjedhjes së tij. Ai nuk është i gatshëm të shtyjë integrimin dhe zgjerimin e BE pa reformuar unionin. Qasja është e shpërputhur nga qasja tradicionale që karakterizon frontin e Po-së”, tha Rama.

Kryeministri thotë se ky qëndrim francez nuk duhet nënkuptuar si qasje kundër Shqipërisë, por si pasojë e përplasjeve të brendshme të BE-së mbi prioritetet që duhet të ketë.

“Nuk është qasje kundër Shqipërisë, megjithëse asgjë nuk përjashtohet deri në minutën e fundit. Fjala e fundit nuk është thënë ende. Përpjekjet deri në mbledhjen e Këshillit synojnë që të përputhin qëndrimet e të dyja anëve në pritje të bisedimeve të Gjermanisë dhe Francës”, vijoi ai.

Rama i cilësoi spekulime lajmet që e lidhin qëndrimin e Francës, Holandës dhe Danimarkës me progresin që ka bërë Shqipëria.

“Unë nuk e di sot se si do të përfundojë kjo odise më 18 tetor, por di që e para, përtej spekulimeve dhe broçkullave, vendimmarrja nuk ka lidhje me çfarë kemi bërë, apo nuk kemi bërë ne në vendin tonë. Vendimmarrja ka lidhje thelbësore me çfarë duan, apo nuk duan të bëjnë anëtarët e BE mes vetes dhe me sa do të arrijnë mes tyre që të dakordësohen se cilado qoftë reforma brenda BE ajo nuk duhet të pengojë negociatat”, shtoi ai.

Së dyti, Rama është i bindur se Shqipëria jo vetëm që ka realizuar detyrat e vendosura nga BE, por ka shkuaër përtej dhe kjo, sipas Kryeministrit shprehet qartë në rekomandimin pa kushte të Komisionit për hapjen e negociatave.

Rama akuzoi Partinë Demokratike se loboi në Bundestag për të bllokuar hapjen e negociatave.

“Kemi kapërcyer pengesën e lartë në Bundestag, edhe si pasojë e planit politik të opozitës për të bllokuar negociatat. Bundestagu i tha po Shqipërisë dhe sot Gjermania është avokati ynë i madh në këtë proces shumë të ndërlikuar”, vijoi ai.

Kryeministri mbyll mesazhin e tij duke thënë se pavarësisht përfundimit nga kjo mbledhje e Këshillit Europian, ai dhe qeveria e tij do të vazhdojë punën, sipas tij, për Shqipërinë, shqiptarët dhe gjeneratat e tjera.

Ministri i Jashtëm holandez, Steff Blok hyri në mbledhjen e Këshillit të Ministrave të Jashtëm të Bashkimit Europian me bindjen e qeverisë që përfaqëson se Shqipëria duhet ndarë nga Maqedonia e Veriut sa i takon çështjes së hapjes së negociatave.

“Holanda i qëndron mendimit se çdo vend duhet të gjykohet mbi meritat vetjake. Si Shqipëria, ashtu edhe Maqedonia e Veriut kanë bërë shumë përpjekje. Sa i takon Maqedonisë së Veriut ne mendojmë se ka një ligj të rëndësishëm që duhet të adoptohet, që është ligji për pavarësinë e prokurorisë dhe mendojmë që sapo të miratohet negociatat duhet të hapen. Për Shqipërinë, mendojmë se duhet ende të tregojë më shumë progres”, deklaroi kryediplomati holandez.

Negociatat kanë dalë në plan të tretë sa i takon agjendës së Këshillit të Ministrave të Jashtëm të BE-së, pas Brexit dhe ndërhyrjes turke në Siri.

Policia nisi ditën e premte arrestimet e protestuesve të Unazës së Re, duke argumentuar se kishin hyrë në fuqi ndryshimet në Kodin Penal, që sipas uniformave blu kanë ashpërsuar dënimet për bllokimin e rrugëve.

Policia nisi ditën e premte arrestimet e protestuesve të Unazës së Re, duke argumentuar se kishin hyrë në fuqi ndryshimet në Kodin Penal, që sipas uniformave blu kanë ashpërsuar dënimet për bllokimin e rrugëve.

Policia nisi ditën e premte arrestimet e protestuesve të Unazës së Re, duke argumentuar se kishin hyrë në fuqi ndryshimet në Kodin Penal, që sipas uniformave blu kanë ashpërsuar dënimet për bllokimin e rrugëve.

Pas humbjes me Turqine, KOmbetarja Kuqezi stervitet ne Moldavi

Jo të gjithë qytetarët e pranishëm në Maratonën e Tiranës ishin aty për të marrë pjesë në garë, apo për të ndjekur nga afër këtë garë.

Një grup personash shpalosën në sheshin Skënderbej një banderolë ironizuese në anglisht. “Running for Free Ëater. Tirana ëithout Ëater”, që e përkthyer në shqip do të thotë “Vrapojmë për ujë të lirë. Tirana pa ujë!”.

Banderola u shoqërua me korin e vazhdueshëm “Duam ujë” gjatë kohës që në skenë u ngjit kryebashkiaku i Tiranës, Erion Veliaj.

Gjatë muajve të verës dhe në shtator një pjesë e madhe e qytetit të Tiranës ka patur mungesa të konsiderueshme të furnizimit me ujë, madje në disa lagje banorët kanë denoncuar përmes rrjeteve sociale se uji në rubinet u ka munguar deri në një javë.

Bashkia justifikoi kufizimet e ujit me një defekt të ndodhur në rezervuarin e Bovillës.

Rendi i ditës në një parlament mund të sinjalizojë fare mirë se çfarë problematikash shqetësojnë një shoqëri. Në Shqipëri, si shembull, Parlamenti diskuton për PPP-të, reformën zgjedhore, shkarkimin e Presidentit, apo kodin penal, që tregojnë nivelin ende primitiv të demokracisë shqiptare.

Po në një shoqëri si ajo daneze, çfarë diskutohet? Parlamenti vendas u mblodh në fillim të këtij muaji i shqetësuar për fatin e katër elefantëve të blerë nga Qeveria disa vite më parë.

Elefantët Lara, Ramboline, Jenny dhe Djunga kanë qenë pjesë e një cirku. Por tani kafshët kanë dalë në pension dhe autoritetet vendase thanë se kanë pranuar aplikimet për t’i sistemuar kafshët në një azil.

Rastin e katër elefantëve, kryeministrja Mette Frederiksen e solli si shembull në Parlament për të mbrojtur një projektligj që ndalon përdorimin e të gjitha kafshëve për qëllime argëtimi, siç është cirku. Gjatë fjalës së saj ajo lakoi me radhë emrat e elefantëve dhe pavarësisht seriozitetit që i karakterizon danezët për të tilla çështje, të qeshurat në sallë nuk munguan.

Në të njëjtin parlament diskutohet dhe vendoset edhe për çështjen e negociatave për Shqipërinë dhe Danimarka bën pjesë në listën e vendeve skeptike, së bashku me Holandën dhe Francën.

Në bazë të dekretit të nxjerrë prej Ilir Metës, kjo e diel duhet të ishte një ditë zgjedhjesh. Por, përplasja me mazhorancën, që përfundoi deri në Komisionin e Venecias e transformoi këtë ditë nga ditë votimesh, në ditë sportive.

Presidenti Ilir Meta postoi nga Gjiri i Lalëzit një video ku shfaqet i zbathur në rërë dhe me fanelën e Sëlltik duke treguar aftësitë në zhonglimin e një topi futbolli.

Zhonglimi mbërrin pas dy ditë pasi Komisioni i Venecias miratoi gjetjet e ekspertëve të tij në lidhje me vendimin e Presidentit për anulimin e 30 qershorit. Në raport, Venecia gjen tejkalim kompetencash, por thotë se ky tejkalim nuk justifikon shkarkimin e Presidentit.

Gjithsesi, raporti u lexua ndryshe nga mazhoranca dhe ndryshe nga Presidenca. E para tha se raporti legjitimonte nismën për shkarkimin e Ilir Metës, ndërsa Presidenca këmbëngul se raporti legjitimoi vendimet e Presidentit.