⁣Voton Basha: Të tregojmë vlerat tona unike me të cilat do të përmbysim regjimin Rama-Doshi

I pari nga kandidatët ka votuar kryetari aktual, Lulzim Basha. Në deklaratën e shkurtër të dhënë për gazetarët pasi ka hedhur votën, ai u bëri thirrje anëtarëve të Partisë Demokratike që të marrin pjesë në proces.

“Të tregojmë vlerat tona unike! Vlerat e zgjedhjes së kryetarit sipas parimit një anëtar një votë. Me këto vlera e kemi nisur betejën për ndryshimin për Shqipërinë dhe për shqiptarët, me këto vlera do ta çojmë deri në fund, deri në përmbysjen e regjimit Rama-Doshi”, tha ai.