Shembet Teatri Kombëtar, 20 të shoqëruar në polici. Basha: Sot marrim vendime politike

Teatri Kombëtar nisi të shembet në orët e para të ditës së sotme.

Rreth orës 04:30, fadromat e Inspektoratit të Mbrojtjes së Territorit nisën rrafshimin e të dyja godinave, Tetarit Eksperimental dhe atij Kombëtar. Grupi i artistëve të Teatrit Kombëtar së bashku me disa politikanë janë shoqëruar në komisariat, ndërsa në vendin e ngjarjes ndodhen forca të shumta policie. Mes tyre janë Robert Budina, Neritan Liçaj dhe të tjerë. Prane teatrit janë forca të shumta policie, por edhe qytetarë.