Up next

Presidenti, ‘tjerrja’ kot e opozitës kthen bisedimet me PS në qesharake

5 Shikime· 18 May 2022
Gazeta Si
Gazeta Si
5 subscribers
0
In Other





Përfundimi i bisedimeve mes Partisë Socialiste dhe grupeve parlamentare të opozitës për kandidaturat e zgjedhjes së Presidentit të ri provuan se i gjithë debati i nisur që kur u shfaq dokumenti “Alibeaj” me kriteret e vendosura për t’u përfshirë në këtë proces ishte më shumë për protagonizëm dhe gati-gati qesharak.

“Ajo që kërkojmë ne është që në tre raundet e para, Presidentin ta propozojë opozita”, përsëriti Alibeaj në minutat e fundit të mbledhjes së zhvilluar në Kryesinë e Kuvendit përballë përfaqësuesve socialiste, Taulant Balla, Damian Gjiknuri dhe Elisa Spiropali.

“E zgjidhëm”, iu përgjigj shkurtimisht kreu i grupit parlamentar të Partisë Socialiste.

Në të vërtetë, në thelb nuk ka pasur asgjë për të zgjidhur. PS që para raundit të parë i kërkoi opozitës që të dorëzojë kandidaturat, ndërsa edhe në takimet e konferencës së kryetarëve dhe daljet publike të Ballës dhe vetë Ramës përsëriste të njëjtën gjë; opozita të paraqesë emra.

Këmbënguljen për të dorëzuar emra e përsëritën Agron Duka, Fatmir Mediu dhe Mesila Doda. Kreu i PAA-së, duke iu referuar faktit që negociatat po transmetoheshin drejtpërdrejt tha me ‘diplomaci’ se po bëheshin qesharakë, por përshkroi ‘popullorçe’ të gjithë këmbënguljen e Alibeajt përballë mazhorancës.

“Po tjerrim kot! Të mos e tjerrim kaq shumë! Ne duhet të çojmë një emër”, tha ai.

Gjithsesi, pas dakordësisë për të rënë dakord për një çështje që palët kanë qenë dakord, Alibeajt dhe grupit të deputetëve të Partisë Demokratike që ai përfaqëson i lind detyra për të propozuar emra, por tashmë jo në tre raunde, siç e kërkonte në dokument, por në dy raundet e mbetura që kërkojnë shumicë të cilësuar prej 84 votash.

Por pse ngurroi Enkelejd Alibeaj që të propozonte emra deri më tani? Balla ngriti dyshime se ai mund të mos sigurojë 20 vota nga grupi parlamentar i Partisë Demokratike për të mbështetur një kandidat.

“Dy raunde i takojnë opozitës dhe i takon asaj që të jetë bashkëpunuese. I keni 20 firmat për të propozuar kandidat në datën 22 maj, sepse e tillë është procedura kushtetuese? Opozita mund të sjellë 3 kandidatë”, tha Balla.

Më tej, kreu i grupit parlamentar socialist kujtoi kushtin e vetëm, sipas tij, që kanë socialistët; atë që kandidatura nuk duhet të ketë mbështetjen e Sali Berishës.

“Kushti ynë është që kandidat që vjen nga katrani me bojë nuk pranojmë. Për të tjerat nuk ka asnjë problem. Po patët dakordësi për një kandidat është gjë e mirë. Kështu respektojmë dhe jemi të barabartë. Dy raunde i keni ju. Raundi i katërt dhe i pestë na takon ne. Ne nuk do të propozojmë kandidatë pa e bërë ju. Shumica e cilësuar prej 84 votash ju jep ju të drejtën për të propozuar emra në dy raunde”, tha Balla.

Opozita tani ka fjalën për të gjetur një emër që mund të bindë socialistët deri në raundin e tretë, kur kërkohen 84 vota. “Raundin e katërt e ka zgjidhur Kushtetuta se si vazhdohet”, tha Balla.

Më shumë

 0 Komente sort   Sort By


Up next