⁣Papa pritet me protestë në Athinë, prifti ortodoks: Je heretik!

Vizita e Papa Françeskut në Greqi nuk shkoi e gjitha e qetë. Kreu i kishës katolike u prit me protestën individuale të një prifti ortodoks grek.

“Papa, je heretik! Ti je një heretik”, iu drejtua prifti ortodoks grek, që më pas u largua nga policia dhe forcat e sigurisë që ndodheshin aty.

Me protesta Papa u prit edhe gjatë ndalimit në Qipro. Që prej ndarjes së madhe, të vitit 1054 dy kishat kanë qenë në përplasje me njëra-tjetrën se cila është në rrugën e drejtë dhe cila jo. Këto përplasja kanë çuar deri edhe në konflikte të armatosura përgjatë historisë 1-mijëvjeçare të ekzistencës së dy kishave.

Ndërkohë, Papa Françesku përcolli edhe në Athinë mesazhin e rrezikut që po i kanoset njerëzimit për shkak të populizmit dhe nacionalizmit.