Gazeta Si
Gazeta Si 19 May 2020
0

Up next

Kim i ngeci topin, Basha e refuzon: Ka ende një çështje të pazgjidhur
03 Jun 2020
Kim i ngeci topin, Basha e refuzon: Ka ende një çështje të pazgjidhur
Gazeta Si · 2 Shikime

Integrimi, Basha kërkon ndihmën e BE: Po bëjmë hapa pas! Zgjedhorja nuk varet nga ne

1 Shikime
In Lajme

Lulzim Basha i kërkon Bashkimit Europian që të ndërhyjë në zgjidhjen e krizës në vend dhe të orientojnë vendin drejt plotësimit të 15 kushteve për hapjen e negociatave.

Kreu i Partisë Demokratike zhvilloi këtë të martë një takim me ambasadorët e vendeve anëtare të BE-së në Tiranë, të cilëve tha se u kishte ngritur shqetësimin se qeveria “Rama” jo vetëm që nuk ka bërë asgjë për plotësimin e kushteve, por po bën hapa pas.

“Në vend që të ecej në drejtim të 15 kushteve për hapjen e negociatave, Shqipëria po bën hapa pas. Veprimet e javëve të fundit po thellojnë edhe më shumë krizën politike, por largojnë shqipërinë edhe më shumë nga europa. Kërkova ndihmën e vendeve anëtare që Shqipëria të plotësojë kushtet për integrimin, që Shqipëria të ketë mbështetjen e nevojshme politike dhe financiare”, tha kreu i PD-së para mediave në fund të takimit.

Një prej kushteve të vendosura nga BE është miratimi me konsensus dhe gjithëpërfshirës i reformës zgjedhore. Pas shembjes së godinës së Teatrit Kombëtar, PD njoftoi tërheqjen nga tryeza e përbashkët. Basha nuk përjashtoi rikthimin në këtë tryezë, të cilën e sheh si trampolinë drejt zgjedhjeve të reja të lira e të ndershme.

Por, kreu i PD-së përsëriti se opozita e ka thënë fjalën e saj përmes propozimeve të bëra në këtë Këshill dhe tashmë përgjegjësia për suksesin, apo dështimin e reformës zgjedhore bie e gjitha mbi Partinë Socialiste, të cilën e akuzoi se po e përdor këtë këshill si fasadë.

“Ne e kemi detyruese zgjidhjen e krizës përmes zgjedhjeve të lira dhe të ndershme për të çliruar vendin. Kemi treguar vullnetin tonë përmes propozimeve tona. Nga ana tjetër nuk kemi vullnet. Pala tjetër e ka përdorur si fasadë. Përgjegjësia është plotësisht e PS. Ne fasadë nuk mund të jemi!”, deklaroi ai.

Basha u shpreh se synimi i opozitës mbetet realizimi në rastin “më të parë” të zgjedhjeve të lira dhe të ndershme, duke ritheksuar se rikthimi në tryezën e reformës zgjedhore nuk varet më prej opozitës.

Kreu i PD përsëriti zotimin se opozita do të vazhdojë të mbështesë protestat e artistëve, e po ashtu mbështeti idenë e Presidentit për një hetim ndërkombëtar të shembjes së godinës së teatrit, megjithëse u shfaq skeptik kur tha se “nuk e di sa e mundur mund të jetë një gjë e tillë në të tilla kushte”.

Më shumë
0 Komente sort Sort By

Up next

Kim i ngeci topin, Basha e refuzon: Ka ende një çështje të pazgjidhur
03 Jun 2020
Kim i ngeci topin, Basha e refuzon: Ka ende një çështje të pazgjidhur
Gazeta Si · 2 Shikime