Shkencëtarët zbulojnë kanionin më të madh nën Antarktidë

Pavarësisht përpjekjeve të shkencëtarëve për të zbuluar më shumë për nëntokën e pllakave akullnajore të Antarktidës me radar, madhësia dhe largësia e kontinentit ka vështirësuar ndër vite punën e tyre.

Por kjo ndryshoi këtë javë, falë një hartë të re, të quajtur “BedMachine Antarctica”, e cila bën një pasqyrim të të gjithë pllakave të tokës në kontinentin e akullt.

Kjo hartë e realizuar nga Unioni Gjeofizik Amerikan, përdor rrjedhën dhe vëllimin e akullit për të konstatuar tokën poshtë tij. Ajo ka zbuluar kanionin më të thellë në sipërfaqen e Tokës, i cili shkon deri në 3.5 kilometra nën nivelin e detit.