Sherr mes të rinjëve të Parlamentit Valteri e Gjoni, për pak përfundon në grushte

Halit Valteri dhe Ralf Gjoni, dy deputetët e opozitës parlamentare duket se janë përplasur me njëri-tjetrin në seancën plenare të kësaj të enjteje.

Deputetët janë filmuar nga kamerat e televizionit publik që ndodheshin në sallë teksa debatojnë nga vendi me njëri-tjetrin. Nuk dihet se çfarë kanë shkëmbyer, por nga mimika e tyre kuptohet që nuk bëhet fjalë për një diskutim fort miqësor.

Valteri shfaqet i nervozuar dhe është dashur ndërhyrja e deputetëve të tjerë të opozitës parlamentare, si Nimet Musai dhe Myslim Murrizi për të shmangur një konfrontim fizik në Parlament. Është e paqartë se çfarë e ka acaruar debatin mes tyre, në kohën që në foltoren e Kuvendit po fliste ministrja e Drejtësisë, Etilda Gjonaj.